影片
港鐵炮台山站 A 出口, 步行約5分鐘
繼續閱讀
電話號碼
28897799
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
同朋友🙆🏼♀️嚟咗呢間台灣菜餐廳開飯🤣$118「泡菜豚肉豆腐鍋 Kimchi Hot Pot with Pork & Bean Curd」：材料包括 泡菜、白豚肉、沙白、豆腐、鵪鶉蛋、娃娃菜、芝心魚腐、蕃茄、香菇、青豆角、金菇、韭菜、榨菜、炸彈枝竹、鳴門卷，材料都相當豐富🤩；叫咗小辣，不過都幾辣，非常惹味😋，仲包主食，咁我哋要咗薯粉🤩$66「薑蔥慢煮豬軟骨飯」：豬軟骨煮得相當軟熟，有大量新鮮薑蔥，配豬軟骨撈飯食，出奇地好味😋$28「滷肉A菜」：A菜新鮮又幾爽脆😋，加有滷肉喺菜面，滷肉半肥瘦，好食🤩$42「古早花雕雞卷」：雞肉卷成圓柱體形狀然後切成一片片，雞肉肉質軟熟，啖啖肉，有淡淡嘅花雕香味😋$26「淡水滷肉刈包」：「刈包」亦都叫做「割包」，係臺灣出名小食，常見係將發酵咗嘅麵餅蒸熟後，中間夾入炕肉、酸菜同埋其他餡料造成🤩；呢度就加咗滷肉同埋酸菜做餡料，包皮煙靭，開胃又好食😋跟餐加 $8「冷泡台南高山綠茶」：完全唔甜，夠清新😋跟餐加 $12「仙草珍珠奶茶」：叫咗少甜少冰，真係唔係好甜，奶茶夠滑，仙草都滑，珍珠就煙煙韌韌🤩
繼續閱讀
放工輕輕鬆鬆唔想煮飯, 順便搭車落去炮台山 買點手工用品 ，再到友邦廣場揾食，這裏真是美食集中地， 環境也比銅鑼灣舒適寧靜。 選擇了這間 人氣旺盛的台灣餐廳。花蓮小食拼盤(鹽酥雞 牛肚 豬大腸 花雕雞卷 鹵蛋 台灣香腸 地瓜酥 炸魚塊 麻辣鴨血)餐牌上九宮格的賣相深深吸引， 最適合我們這些為食兵團， 每款也可以試一點。 咁多款裏面最鍾意花雕雞卷， 雞肉彈牙嫩身， 酒味香濃 又不會搶喉。 炸物也是熱熱的， 炸魚塊好脆口 ，鹽酥雞鹹香十足。台式香濃沙茶鍋 +粉絲(牛肉片 米血糕 沙白 牛肉丸 花枝丸 並門卷 炸支竹 粟米 金菇 冬菇 娃娃菜 青豆角 蕃茄 韭菜 粉絲)這幾天突然轉凍，差不多每枱都點火鍋， 熱呼呼的很溫暖， 沙茶味道很香， 而且 材料很多款式， 最重要是最後 加入粉絲， 收了香濃的沙茶味 惹味非常。慢煮豬軟骨麻辣拌麵超乎想像的份量， 豬軟骨有三大件， 真的非常大件， 面質很彈牙爽口， 很有嚼勁， 配上麻辣醬汁， 香香濃濃的。
繼續閱讀
雖然依家可以去旅行，但我都好耐冇去過台灣，其實一路都好鍾意食台灣野，所以今次就約fd黎食下🇹🇼佢地出名好多經典台灣美食花蓮小食拼盤（$88）個拼盤有齊曬鹽酥雞，牛肚,豬大腸,雞卷,滷蛋,香腸,地瓜酥,脆魚塊,麻辣鴨血，有選擇困難症既話，呢個拼盤就岩曬，所有小食都有最少兩件以上，整體都好好食，其中我覺得比較驚喜嘅係鹽酥雞同雞卷，鹽酥雞熱辣辣，炸得好鬆脆，雞卷有醉雞味道，仲要有兩大舊，作為小食咁岩曬，牛肚同豬大腸都非常入味 $88 黎講，真係好抵食，已經食曬佢咁多個招牌小食，推介大家都要叫呢個拼盤👍🏻主食就叫左兩個薑蔥滷蜜汁排骨飯（$62）排骨大大塊，加埋薑蔥嚟送飯就一流，連啲酸菜都好好食🍚川味牛三寶手工麵（$85）牛筋，牛肚，腱心，一次過滿足晒三個願望，每一件都好淋好入味，川味少少辣，加埋手工麵唔覺唔覺已經食曬成碗🍜淡水滷肉刈包（$22）滷肉已經切細左，加埋酸菜芫茜配合得好好，仲要好細心咁有埋手套同濕紙巾，要加分!🥰珍珠奶茶 加配（+$12）黎到台式餐廳一定要試下珍珠奶茶，叫咗少甜，都真係唔會太甜，珍珠彈牙，好飲🧋鮮奶芋泥手工芋圓 加配（+$16）佢有大大粒芋泥係杯飲野入邊，加上粒粒芋圓，口感一流，都係叫左少甜，但甜度啱啱好👌🏻呢餐台式晚餐真係好滿足，佢哋仲有好多手工拌麵同小鍋/臭臭鍋，下次黎開試下先😆
繼續閱讀
同朋友仔約咗喺砲台山放工食飯。見到有一間台灣嘢都見到幾多人食就走咗入去試下。間餐廳名叫遇見花蓮，估唔到呢間台灣嘢有得食一個迷你嘅湊湊煲。咁得意就叫咗一個試下。同埋叫咗個小食拼盤。黎到之後估唔到個小食拼盤咁鬼多嘢。有九樣野食，分別係唐心蛋，鴨血，鹵水豬肚，豬大腸，炸魚餅，醉雞件，香腸，炸雞粒同埋炸地瓜。一個人食呢個拼盤應該食唔曬🙈🤣🤣今次係我第一次食呢個台式臭臭煲，原來嗰啲臭味係嚟自於個臭豆腐。非常類似香港港式嘅臭豆腐。如果食唔到嘅人千祈唔好叫😜我自己就鍾意食臭豆腐。個湯甜甜地，入面啲料有豬肉，蘑菇，豬紅，蕃茄，鵪鶉蛋等等。兩個人食真係飽到上心口。好味道😆
繼續閱讀
平日好少經過炮台山後街今日行過見到一間價格親民餐廳主打台灣菜當然要試一試臭臭鍋係首選真係掛住果陣臭味一上檯～臭味撲鼻而來臭味來源估計係臭豆腐麻辣火鍋般非常頂癮一人份量剛剛好！朋友話想食鹽酥雞除左叫左個飯仲叫左一份芝士蛋烤雞治同我share味道不錯呢！味道絕對對得住個價錢
繼續閱讀