影片
以上資料只供參考, 請與餐廳確認詳情
相關文章
「工作可以慢慢做，糕點必須馬上吃」！？ (◍•ᴗ•◍)近日到訪呢間勁hit 嘅糕點Cafe，網上見到呢度嘅裝修好有港式情懷，仲要係一間社企，所以特登嚟到北角幫襯，果然餐廳入面嘅裝修好有特色，打卡效果都唔錯，原來呢度唔係淨係有糕點，仲有飯食㗎！呢個季節仲係士多啤梨🍓嘅天下，介紹一下呢個讓味蕾戀愛嘅春日限定！🍓🤍草莓冰糖葫蘆糖不甩 $68呢個甜品賣相好可愛，每一粒士多啤梨好大粒，士多啤梨本身酸酸甜甜，外面包裹住冰糖，外層冰糖入口酥脆，糖不甩仲加咗花生碎同士多啤梨碎，喜歡士多啤梨嘅朋友一定鍾意呢個別出心裁嘅甜品！🍓🍵草莓冰糖葫蘆奶蓋冷泡茉莉（凍）$50冷泡茉莉好清香啊，本身無糖，上面擁有一層豐富嘅奶泡同，加咗一粒可愛嘅士多啤梨冰糖葫蘆，令到呢個飲品好睇又好食！🍱懷舊糕點九宮格拼盤 $98呢個九宮格每枱必點，入面嘅糕點令我勾起小時候嘅回憶，每一款都充滿港式情懷，其中我最鐘意🖤菲林卷(芝麻卷)煙煙韌韌，芝麻味香濃，仲有細細支嘅芝麻汁可以添加，味道不錯！🤍清明仔 （茶粿）：一個充滿甜蜜味道嘅甜品，入面有黃番薯、紫薯同大量紅豆蓉，仲有細支椰汁可以添加，口感煙煙韌韌都幾特別！💚最好食：開心果糯米糍，裏面充滿開心果碎碎，甜度啱啱好，口感煙靭，風味濃郁！另外仲有大菜糕、叮叮糖、砵仔糕、芝麻糯米糍、香脆花生糖.....全部水準都唔錯，食完令人感到非常甜蜜！🤎🐔慢煮袐製沙薑雞飯 $88（前菜和甜品🍧）大大件嘅雞脾🍗肉質嫩滑，沙薑汁味道濃郁，仲可以混合蔥油一齊食，米飯🍚加咗紅米增加口感，甜品仲包埋砵仔糕，感覺好豐富！✨所有出品都用心制作，餐點即叫即刻，製作需時，所以要耐心等候哦！
繼續閱讀
早幾日同朋友係北角搵地方食Lunch，行行下見到呢間舖嘅裝修幾懷舊，大家都覺得幾正就決定揀呢間！入面以香港本地特色嘅懷舊設計，好似時光倒流去返兒時咁，除咗環境之外，佢地連餐桌餐具等等都仿照以前嘅，好有特色好懷舊！我地就點咗❣️❤️梅菜扣肉刈包創新製作將家常食材梅菜扣肉加入蒸好嘅刈包，啖啖都滲有梅菜扣肉嘅獨特香味，仲估唔到係咁大份，啱晒我哋午餐💕🩷糕點九宮格拼盤將本地特色糕點還原，有白糖糕、西米糕、芝麻卷、噹噹糖、砵仔糕、薑糖、3款味道嘅糯米糍（原味、芝麻味、開心果味）集合為一體，一次過品嘗唔同特色，我就最欣賞白糖糕同糯米糍，入口個刻兒時回憶返晒嚟！🧡砵仔糕我哋都係砵仔糕嘅愛好者，想找到好吃而正宗唔多，呢間做到還原兒時味道，一於點多兩件同家人分享！@timetogold.np#刈包 #台式刈包 #手撕雞 #手撕雞刈包 #沙嗲牛肉 #沙嗲牛肉刈包 #梅菜扣肉 #梅菜扣肉刈包 #玫瑰花茶 #荔枝茶 #糕點時光 #TimeToGold #hkcafe #社企 #香港社企 #北角美食 #錦屏街 #北角 #NorthPoint #香港美食
繼續閱讀
「糕點時光 Time To Gold」是一間致力保存傳統糕點文化的獲獎社會企業，提供糕點銷售及寄賣、技能培訓、體驗工作坊及資訊分享等服務，希望在提供服務的同時，促進婦女及長者就業👍👍傳統糕點予人「老土」、「廉價」的印象。「糕點時光」為懷舊糕點加入新元素、新形象，研發創新口味，同時午餐還有健康美味嘅食物和飲品，最新仲推出咗最愛嘅刈包，而且我好喜歡佢哋門口設有座位，非常有懷舊風味，可以一邊品嚐美食，一邊望住條街，慢活一下🫶▪️沙嗲牛肉刈包 $ 68刈包以點心蒸籠上枱，型格又有風味，沙嗲牛肉就是港人最愛嘅傳統風味，牛肉超香沙嗲味，而且肉質軟腍又入味，配料有酸菜更加滋味，刈包煙靭又軟熟，包住沙嗲牛肉超美味👍▪️川味口水雞刈包 $ 62這個帶點香辣的口水雞口味，雞絲嫩滑又惹味，配上酸菜、紅洋蔥和青瓜，和熱辣辣既刈包味道超夾，午餐夠晒飽肚▪️海鹽芝士奶蓋茉莉飄香 $ 48這個茉莉香茶沒有糖分，就帶一點清香啱晒我，面頭放上味道香濃的海鹽芝士奶蓋，充滿鹽香，配搭茉莉茶清新又美味
繼續閱讀
北角最近新開一間外形橙色好打卡able嘅cafe📸一直bookmark好想試吓，今次終於嚟拜訪，原來係主打傳統糕點社企 - 糕點時光嘅主題cafe！佢哋一直為基層長者同金齡婦女提供工作機會，同時傳承製作多款傳統糕點嘅手藝，好有心🥰Cafe環境好懷舊，室內外都好啱打卡，室外位置仲係pet friendly添🐶呢度有售多款傳統糕點小食，好似菲林卷、飛機欖、DIY糖蔥餅等，另外亦有淮山麵、碗仔翅等鹹點。趁住開心果熱潮，而家仲推出期間限定嘅開心果祭💚開心果控一定要快啲嚟試吓😎期間限定大熱開心果祭🎉🍡開心果脆脆糖不甩 $68見到店員即場整，糯米團幾煙韌有咬口，花生碎換上開心果碎好正🥳重點係搭配嘅開心果沾醬，勁香濃，烘焙味好香😋🍡爆餡開心果糯米糍 $13糯米糍同樣煙韌，唔會黏牙，厚度剛好👍🏻𥚃面嘅開心果碎好爆餡，幾香口，完全唔甜😽🍵濃香開心果牛乳 $48開心果味好天然好香，都係開心果控必試item😆推介指數（10分為滿分）：8分
繼續閱讀
呢排忙住學野進修，溫書考試📚，好需要食下甜點輕鬆下🥰😍美食真係好療癒。香港首間糕點Cafe✨️糕點時光🍽🍴我之前趁女女上學自己一個人來過，今次覺得好食帶女女來食。欣賞呢間社企愛心小店支援婦女及長者就業，售賣港式甜點，店內滿滿既港式情懷🩷😍熱開心果拿鐵上次來食lunch set，叫了跟餐熱茶，今次可以話為呢杯飲品而來。真係好值得，濃郁的開心味，開心果醬圍住杯杯內形成漂亮圖形🥰加上有開心果碎，層次豐富，有誠意🥰。開心果糯米糍🍓草莓冰糖葫蘆奶蓋冷泡茉莉(凍)春天來了，必點當造香甜草莓飲品，女女大讚草莓味道鮮甜😍我試咗茶底覺得好清新。🍊玩味剝皮橘子包(兩件)見到真係開心晒，好得意可愛，仲好似真既橘子剝皮，童真翻曬來。足料蘿蔔糕：除咗甜的糕點，呢度都有鹹點，我地另仲加咗溏心蛋，健康。🥚即蒸黃糖砵仔糕(兩件)細細個，一人食一個剛好。精緻懷舊大菜糕最後食可以解膩，因為熱情果味酸咪咪。地址: 北角錦屏街26號幸福大樓地下D1號舖
繼續閱讀