二十道

一開始聽餐廳名以為只有二十道菜，原來真正指食物二十項元素，首先五味（醬油、鹽、酒、味醂同醋）、然後五色（白、茶、赤、藍、黑），跟住五法（刺身、煮物、燒物、炸物、漬物），最後五度（溫度、熱度、濃度、態度、深度）。20度，二十道就可以創造出無窮無盡嘅美味菜式。餐廳用左吧台式設計，客人可以近距離觀看部份料理過程，令人彷如置身福岡屋台。前菜叫左海帶尖同芥茉螺肉，芥苿螺肉幾爽脆，滲透芥茉辣味好過癮。海帶尖一樣好爽脆，非常開胃。- 燒牛舌老闆話燒牛舌係餐廳best seller，外皮燒到微焦，肉質顏色粉嫩，入口香甜，而且煙韌多汁，非常出色！牛舌下面舖左洋蔥，洋蔥辛辣味好少，生食都好味，而且可以解膩。- 魷魚一夜干雪酒拉麵拉麵既配料同一般拉麵好唔同，餐廳換上青瓜黃瓜，有一種煥然一新既感覺。主角魷魚好大份，燒得恰到好處，肉質仍然煙韌而唔鞋口，鹹香味十足。我加左$30就有飲品同赤蝦剌身😍，赤蝦好大隻，肉質彈牙，味道鮮甜無比。湯底都非常特別，充滿蜆肉鮮味，而且加咗酒粕，令湯底散發淡淡酒香。- 牛舌拉麵餐廳推出左一項萬聖節限定菜式，6:30pm後限定供應，就係原條牛舌拉麵。湯底一樣係雪酒湯底。老闆切成一片片之前仲俾我哋玩一玩😂，一條軟條牛舌可以切成十幾片，肉質非常軟稔😍 。整體而言，每道菜式都好出色，拉麵有驚喜呀，性價比高。今晚食咗好多牛舌，無論牛舌拉麵定牛舌心都好出色，職員服務質素都好好👍🏻…查看更多

喺公司附近好細間的日本餐廳，都係因為約左朋友喺google map搵餐廳。舖頭細細的，只有bar seats約8張，不過都好坐。有兩位男士招呼。我們都叫左88元午餐，有拉麵或飯，小食及飲品，都幾扺食。我叫左牛舌拉麵，個賣相幾靚，湯底好鮮甜，不太濃味，牛舌入味，伴菜有用牛油炒過，很用心。小吃我選了炸日本蠔，蠔不太大，不過都炸得剛剛好。最驚喜係有一小樽浸左日本干魚仔的白醋，好有魚鮮味。午餐整體感覺好好，可以回頭。…查看更多

穿过北角喧闹的街市，转进一条安静的小巷，「二十道」就这样安静地待在角落。店面不大，几张木桌，暖黄的灯光，像日剧里才会出现的深夜食堂。前菜：芥末螺片螺片爽脆，带着淡淡的芥末香，不呛，只轻轻提了个神。小食：熔岩虾球咬开酥脆的外壳，咸蛋黄流心缓缓涌出，咸香浓郁，却意外地不腻。虾肉弹牙，和流心的绵密形成有趣的对比。记得趁热吃。西班牙豚肉鸡汤拉面汤底是鸡骨的醇厚与清甜，喝得出口熬的功夫。西班牙豚肉叉烧肥瘦匀称，经过低温慢煮，入口柔软得恰到好处。中太面吸附着汤汁，每一口都踏实满足。特别款：雪酒拉面清酒汤底清澈，带着淡淡的米香和酒香，温和不烈。原只鱿鱼一夜干，经过风干和炙烤，香气集中，咀嚼时海洋的鲜甜慢慢释放。适合喜欢清淡、又想尝点特别的人。…查看更多

叫左佢話招牌嘅牛舌井，旁邊上左2檯唔同人嘅拉面order，先出到個飯。。。仲要我一食完（唔計等左10幾分鐘）就叫我地埋單，成餐仲趕過食Mcdonald 。 $136嘅飯，得到嘅是一隻带子無啦啦由bar檯伸出來，用手接來食，碟都冇隻，好彩冇唔少心跌啲料落檯。個井其實是一串牛舌串燒加一個白飯，一串幾粒肉嘅分量我唔comment, 重點是連個飯都好像食緊假日本米咁，我真是吞得好累。。。 可能80幾蚊食面嘅朋友價性比高啦，我唔會再試。出面等檯20分鐘，等15分鐘出餐，再用15至20分鐘硬食假米質量嘅飯再俾人趕交檯，仲要一頭油煙味出返來。趕人交檯埋單時，多謝都冇句，要扮日本小餐館又冇日本質素。 我唔知點解咁多好評。136加一嘅價錢，是有選擇嘅。…查看更多

北角的小型拉麵店，想不到這麽有驚喜。店面真的好少，只有吧枱，大概可以坐10人吧。不過正正因為小，當晚見到好幾個客人都是熟客，一進門老闆已經好熟落的招呼。✴️王室之食事 $168非常豐富的一個套餐，包含了沙律／前菜／麵食／魚生丼／串燒／甜品。我敢說，食量少的兩個人也夠吃。🦑前菜：應該是榮螺洋蔥漬物，酸甜爽脆，相當開胃。🥗沙律：用了日本水菜加意大利青瓜，拌了日本醋，好清爽。🍜拉麵：淨豬骨湯拉麵，拉麵彈牙，簡單加上幾片木魚絲／秋葵粒，但味道一點不單調。🍱熟成白生魚生丼比外面迷你魚生飯大碗，好多款新鮮刺身角切，我印象中好像包括帆立貝／油甘魚／劍魚腩／章紅魚，可能有錯，但每款都好鮮甜，米飯又好綿。🍢串燒2本：雞腿肉串／免治雞肉串咸香惹味，雞腿肉結實爽口，免治雞肉嫩滑。🌸甜品：櫻花和菓子口感軟糯，不過味道一般。✴️西班牙白豚肉（雞濃湯拉麵）$78西班牙豚肉非常有咬口，口感及味道都比較像牛肉，所以在普通豚骨拉麵的基底之下，提升了層次。還加了意大利青瓜／蘆筍／車厘茄做點綴。✴️溶岩蝦球 $28非常令人驚喜的小食，咬開溶岩是流沙咸蛋黃，外面脆，內裏咸香綿滑。總結，雖然店面細細，但好處是可以跟客人有良好互動，服務都零舍貼心。原本以為只有拉麵，想不到連一般居酒屋的料理都可以吃得到。一人餐的王室食事性價比好高，一個人基本吃不完。…查看更多