影片
港鐵朗屏站 F 出口, 步行約6分鐘, 泰利街入口
繼續閱讀
電話號碼
24747074
營業時間
今日營業
06:30 - 17:30
星期一至日
06:30 - 17:30
以上資料只供參考, 請與餐廳確認詳情
影片
相片
芝士流心蛋炒牛肉三文治
芝士流心蛋炒牛肉三文治
炸豬扒
+152
+15
食家推介
特登嚟元朗試吓傳說中都好味出名嘅沙嗲牛肉麵。午餐時間約排了15-20分鐘隊。「沙嗲牛肉蟹王麵 」湯底：佢嘅沙嗲醬係花生醬加沙茶醬，又帶點甜味，唔辣。唔算係最濃稠嘅質地，但係味道都夠濃郁。牛肉：係傳統茶餐廳嗰種牛肉嘅質感，但係整得都嫩滑，唔會有梳打粉味。通常我食茶餐廳沙嗲牛肉麵都唔會想食嗰啲牛肉，但係呢間餐廳嘅牛肉，係會食晒嘅。麵條：蟹黃麵要加+$4。似係唸唸地嘅公仔麵嘅質地。其實唔明點解要叫蟹王麵？都冇蟹黃嘅味道。不過anyway，同個沙嗲牛肉麵都夾嘅。整體係好味。🤔「沙嗲牛肉福麵」我覺得福面冇蟹王麵咁夾。因為福麵本身有味，加埋個湯底都幾鹹吓。下次可能都係就咁要出前一丁算啦。🤔「炸豬扒」見好多枱都點咗炸豬扒，心諗係咪需要試㗎？食後覺得冇咩特別，唔係話特別出色。我個人覺得唔使特別試。另外佢啲豬扒呈現粉紅色，硬係令我覺得唔知佢炸得熟未？「芝士流心蛋炒牛肉三文治」呢個三文治好好味。食唔到芝士嘅味道，不過都唔緊要。佢嘅流心蛋滑滑地夾埋炒牛肉，整體又入味，又有嫩滑嘅口感，再配以脆脆嘅烘底麵包，整體係滿意好味！呢間對比九龍城嘅方榮記，或者係牛頭角嘅榮記沙嗲牛肉麵，味道係更加接近平時茶餐廳早餐嗰種味道嘅提升版。而方榮記嘅沙嗲牛麵，就似係火鍋濃縮咗一碗精華嘅麵，兩者嘅味道同牛肉嘅口感都好唔同。環境： ★★☆☆☆食物： ★★★★☆推介指數： ★★★★★
繼續閱讀
今日去左元朗覓食，平時見到好多人排隊，唔知係咪因為落雨所以人龍不見了🌧️🌧️，所以諗都冇諗就即刻入左去。沙嗲牛肉雪菜肉絲福面，沙嗲味重，個人覺得味道似沙茶醬，湯底係濃，食到最尾，味道相對重口味。另一碗係沙嗲牛肉雞扒蟹王麵，蟹王面相對福麵較淋，令麵更掛汁。仲叫了火腿奄列，雞蛋🍳煎到好香口，包住大量火腿，味道正常，沒有特別。味道：3/5賣相 ：3/5環境：4/5（店內有廁所提供🚽)服務：4/5★® 價位- $：4/5
繼續閱讀
📍永順沙嗲牛肉專門店永順係其中一間係元朗非常出名食沙嗲牛麵既餐廳🐮緊係要試試啦‼️😋🍜沙嗲牛肉福麵 （$29）呢間餐廳既沙嗲牛肉味好濃👍🏻牛肉係用鮮牛肉沙嗲醬有好濃既花生香味再加埋公仔麵一齊食索曬d沙嗲汁‼️正‼️‼️🐷炸豬扒 （麵餐加$15）永順除左沙牛麵出名第二樣一定係炸豬扒💯豬扒新鮮炸起好香脆🔥醃肉醃得好入味😋🍞咸牛肉蛋治+烘底 （$23）咸牛肉蛋治同平時茶記食既味道一樣中規中矩✅🍞西多士 （$17）西多士熱辣辣好香口🔥加埋牛油糖漿食真係無得輸🤤🤤🤤🍹奶茶紅豆冰 （$20）見到咁特別有奶茶紅豆冰就試下奶茶味正常但茶味可以再濃d就更好👍🏻紅豆唔係好冧知種仲食到一粒粒有咬口🫘整體來講永順既沙牛麵的確幾出色💯值得一試👍🏻
繼續閱讀
呢間嘢開咗好耐，但自從裝修之後都冇乜點食，今次嚟到門口見到有車位就即刻衝入去食，喺門口等咗一陣間位就走入去搭枱，咁我就叫咗個炒牛肉麵加沙嗲汁，再加咗份雞扒，今個餐嚟到啦，食落去汁係冇之前咁濃，但係都好食嘅，牛肉好香口，意外驚喜係雞扒裏面煎得好脆好好食，入邊好嫩口，咁總括嚟講都比之前進步咗，同埋環境都好咗，樓面嘅態度同之前都一樣幾好，價錢都比較親民，值得推介大家一試，下次會食返沙嗲牛肉，因為睇到人哋食係比較濃。
繼續閱讀
三點幾嚟到 等咗15分鐘就有位裝修後嘅永順 第一次嚟望落係光猛同乾淨咗 但啲枱一樣係咁逼 無舒服咗😂除咗麵 原來仲有飯食沙嗲牛肉麵 $29 🍜蟹王麵 +$4令人掛住嘅沙嗲湯底🥹沙嗲湯底偏杰身 味道真係好香好濃郁 帶少少辣 好惹味就咁飲都好飲🥰初嚐蟹王麵 麵質又真係幾彈牙 但唔知點解 好似有陣味咁🫣下次應該會揀返出前一丁同埋……個麵真係好細個🥲好似食幾啖就無晒咁 下次會加嗌加底咸牛蛋治 $21(烘底 +$3)麵包烘得好香好脆 味道就正常茶餐廳質素啦😬如果層蛋再厚啲 就更加好嚕點一點個沙嗲湯 都唔錯價格都算實惠
繼續閱讀