永順沙嗲牛肉專門店

無去一排原來永順裝修左新裝修乾淨左好多 坐都坐得舒服左但排隊人龍依然都係咁多 中午食飯時間等左30分鐘先入到去食 味道都係無變 沙嗲牛花生味重 麵可以揀出前一丁或者蟹王麵 蟹王麵食落唔係太大分別 下次可以揀番出前一丁就算 牛肉都算肉質軟嫩但都幾咸下 另外都加左份雞翼 正正常常 不過不失啦 飲品叫左凍奶茶 茶味都算濃 都收貨啦 入開來元朗既話可以一試 但專登入來食就覺得有機會會失望啦 沙嗲牛來講價值都算偏貴 推薦指數 7/10 …查看更多

星期四下午2:00去到，諗住避開午飯時間，點知去到都要排12個人。今日有時間，所以點都要食到😆. 兩個人叫咗一碗沙嗲牛肉麵要蟹王麵加煎豬扒，一件芝士流心鹹牛肉三文治烘底，紅豆冰及凍檸茶，總共$124。沙嗲牛肉麵真係好味，平時食嘅都會係沙嗲牛撈落啲麵度會淡晒味。但係呢度唔會，就算撈勻咗，不論湯或牛肉都一樣咁濃郁。個煎豬扒就普通啲，因為第一次去唔知道原來有分煎同炸豬扒，當店員問要咩豬扒嗰時，就口快快話要煎豬扒，雖然煎豬扒都OK，但係望到隔離食炸豬扒好似好好味咁，下次一定要試。芝士流心鹹牛肉三文治都好好味，而家諗返起都好想食。最想講嘅係呢間店嘅店員真係好有禮貌，唔好話喺元朗，就算其他地方都比較少見🥰呢間真心會推介👍🏻…查看更多

聽講呢間係元朗名物未到午餐時間已經見到入面滿哂座基本上一兩個人食係一定要搭枱空間唔係好大 有時會有啲碰撞 要禮讓一下芝士流心蛋鹹牛肉三文治呢個三文治真係好癲好邪惡就咁望一眼都有好想食既感覺打開塊包見到入面既餡係鋪滿晒完全唔hea塊包+2蚊烘底好香口一啖咬落去有種食料多過食包既感覺芝士同流心蛋都係半溶狀態不過食到最後覺得鹹牛肉多到有啲鹹爆炒牛肉公仔麵呢個牛肉同普通沙嗲牛麵既牛肉有小小分別好明顯係見到有輕輕煎or炒過無左平時滑lut lut既感覺湯底就係好濃既沙嗲味 好杰每條麵都比沙嗲醬包裹住 非常入口不過整體黎講都係比較偏鹹左少少Overall係真係幾好食 值得一試…查看更多

永順沙嗲牛肉專門店位於元朗，係間好受歡迎嘅老字號茶餐廳🎉。去過元朗一定唔可以錯過佢哋嘅招牌沙嗲牛肉蟹王麵，湯底濃郁香濃，牛肉嫩滑入味，真係一試難忘🥢炸豬扒厚身香脆，係懷舊味道，食完好爽口😋。另外，一杯奶茶更添懷舊地道風味，甜度同茶味調配得剛剛好🧋。裝修後嘅環境乾淨明亮，舒服寬敞，不過人氣依然超旺，經常要排隊20至30人，街道都泊滿車，顯示人氣有多高🚗。服務方面快速，落單後約十分鐘左右就上菜，食物熱辣新鮮，非常滿意。總括嚟講，永順係元朗地區食沙嗲牛肉麵嘅必到好店，價錢合理，質素高，絕對值得推薦！👍…查看更多

第一次食，真係麻麻，沙爹湯底味道似敏華冰廳加濃版，勁咸，牛肉同炸豬扒真係好一般，凍奶茶又一般， 唔知點解咁多人食, 相都冇影，冇下次， 消費$67元，如果收出面正常餐廳價錢我都未必 再幫襯，…查看更多