永順沙嗲牛肉專門店

營業中

休息中

作為元朗名物嘅永順，成日都排長龍，今日有朋友由港島區嚟元朗，當然要帶佢一試！我哋叫左沙嗲牛肉蛋蟹皇麵、煎豬扒、炸豬扒，仲有凍檸茶同凍齋啡。食物味道有信心保證， 我個人認為沙嗲牛肉真係出色，沙嗲醬香濃，肉質嫩滑，食落去唔會油膩，真係夠味！而煎豬扒就更加唔使講，外脆內嫩，唔會硬，咬落去好有嚼勁，配上少少醬汁，味道更加提升！下次我想試下佢哋嘅開心果西多士，聽講都幾好食，期待！不過，去嘅時候要小心，如果架車泊路邊，真係好易被抄牌，記得留意埋呢個細節，唔好俾麻煩影響心情！總體嚟講，永順嘅食物味道不錯，樓面姐姐服務都幾好，座位雖然密，但好有茶餐廳風味！

其實平時對沙爹牛麵麻麻哋，但因為同朋友食佢又鍾意食沙嗲牛麵，所以就試吓嚟到元朗試吓呢間永順。咁啱因為要去大樹下還神，所以一早嚟食咗個早餐先。但其實一朝早八點幾鐘已經需要排隊，只係等咗10分鐘到唔使排太耐。一早嚟到其實已經爆曬場，今次就選擇咗沙嗲牛麵，另外就配咗炸豬扒豬。沙嗲牛麵，份量非常，而且沙嗲湯底非常濃郁，唔會太咸，鍾意沙嗲牛嘅，你一定唔可以錯過。另外炸豬扒，肉質好鬆化，而且大大份，可以點一份。

自從永順裝修咗之後好耐都冇再去過食，因為假日實在太多人排隊成日滿座，今日難得平日放假，一於扚起心肝去食個靚早餐。我今次一個人去食比較容易攞位並不需要等，叫咗每次都必點嘅沙嗲牛麵同埋凍奶茶，另外加咗塊炸豬扒。佢個沙嗲牛湯底依舊一樣咁濃郁，我忍唔住飲多咗幾啖湯，雖然我都知道係好邪惡。凍奶茶樣都係咁好飲，甜度適中好啱我口味。個炸豬扒上嚟嗰陣都夠熱，本身佢個調味比較偏淡，所以我點埋辣椒醬食。都係一餐滿足嘅早餐🤓

想食呢間沙嗲牛已經一段時間，之前嚟過一次，見到條隊好長又肚餓就走咗，今日見有啲時間就決定排下平日大概12點幾嚟到，兩個人等咗15分鐘左右，可能附近啲人都趕住食完返工😅值得一提嘅喺呢度分咗鮮牛肉（可以加沙嗲汁），沙嗲牛同埋炒牛肉👅鮮牛肉煎豬扒通粉加沙嗲汁，熱鴛鴦牛肉好嫩滑👍沙嗲汁濃郁帶微微花生香，撈均之後成個通粉都好夠味😋雖然濃郁但食完都不至於太口渴通粉口感彈牙煎豬扒都好出色，煎得夠香肉質夠腍唔乾鴛鴦個底幾香（見到對面有對情侶一個人叫咗沙嗲牛，如圖，一個叫咗炒牛肉，兩款個樣都好吸引🤩 仲濃郁過我哋嘅鮮牛加沙嗲汁😂 下次一定要試吓！）👅鮮牛油西多士啱啱炸起熱辣辣👍 唔油膩裏面有花生醬但唔算多，我同朋友都覺得可以加多啲會再香啲😁整體都係出色😋 會再嚟試下沙嗲牛同炒牛肉😎

這家人氣沙爹牛，未到九時，已經客滿。沙爹牛煎旦麵沙爹牛煎旦麵真可口，沙爹汁味道濃厚又惹味，而且有少少花生味，味道層次豐富，牛肉片口感柔軟又入味，正！沙爹牛芝士三文治這沙爹牛芝士三文治超正！麵包烘得脆，沙爹牛惹味又juicy, 啖啖肉，肉質柔潤，加上流心芝士，味道好夾，正！奶茶口感順滑，有茶味又不澀口，幾ok.

沙爹牛肉麵加炸豬扒，兩客聲稱一丁麵要加$2，另一客福麵沙牛基本上係沙爹汁加鮮牛，牛肉一掂湯即刻「脫光」，普通灰色熟牛肉，並非一齊煮成，冇沙爹入味牛肉幾靚，嚿嚿幾滑沙爹汁唔會太甜，冇特別香，普通聲稱一丁，完全唔覺，份量一碗正常、一碗多個加底。似乎係烚定係筲箕隨手拿出，並非一個個made to order炸豬扒一面脆一面濕，皮肉分離，偏紅，血色好，揀全熟至敢食招牌蛋、芝士、牛肉三文治。牛肉炸嘅，旦少到唔多覺，有外冷內熔化片裝芝士。ok，唔難食，亦唔特別餐牌有挑戰性，令人費煞思量服務員友善，地方太迫，比佢撞撞左兩次，包括膊頭被批踭整體普通，係附近試吓冇所謂，為佢哋特登入元朗就不值

我願稱之為沙嗲牛麵的𝐍𝐨.𝟏！雖然完美感受到價錢收到通脹節節上升(記得幾年前$𝟒𝟎就夠…）不然依然無阻本人來吃！———✤ 招牌爆炒牛肉麵套餐｜$𝟓𝟎 𝐇𝐊𝐃這款套餐估計新新加的(以前沒有喔!)套餐這款麵裡面已經有𝟐條雪菜～不需要另外再加！爆炒過的牛肉別有一番焦香風情，味道口感更佳，不過湯頭會相對比較淡一丟丟～✤ 自選兩餸麵餐｜$𝟒𝟑 𝐇𝐊𝐃選擇了沙嗲牛肉(+$𝟏𝟑)+炸豬扒(+$𝟕)，埋單$𝟔𝟑🥶沙嗲牛肉配料令湯底倍！加！濃！郁！花生味超特出！炸豬排也是必𝐨𝐫𝐝𝐞𝐫 𝐢𝐭𝐞𝐦，口感𝐣𝐮𝐢𝐜𝐲鬆化，份量也很足！

沙嗲牛肉麵係污嘴狗早餐最常嗌嘅嘢～一於去試吓沙嗲牛肉專門店有咩咁特別先🤨去到店舖已經見到長長人龍（相信咩時間去都要排隊）～但等位都算快，只係等咗半個鐘左右！環境唔係好舒適（要搭枱）～但勝在性價比同食物味道搭救🤩污嘴狗會形容為平時食唔到嘅沙嗲牛肉麵，都好值得一食再食💓𝑭𝑶𝑶𝑫𝑺1〉自選麵 - 沙嗲牛肉＋牛餐肉＋福麵  $37（大推薦🌟）價錢嚟講唔貴，但係個沙嗲醬味道同平時食嘅真係有分別！沙嗲醬完全融入哂落個湯，味道濃郁，帶有少少香辣，花生醬味唔重～而且有福麵選擇，都比較少有～麵條吸哂沙嗲醬嘅濃味！好好食！2〉自選麵 - 沙嗲牛肉＋雞翼＋蟹王麵  $48 （大推薦🌟）可以揀蟹王麵幾特別～大家都值得一試，同平時嘅麵質唔同，配沙嗲牛肉食更加吸到個湯嘅香濃！雞翼麵唔錯，炸得好香口！3〉芝士流心炸豬扒三文治 $32（烘底）真・芝士流心幾乎可以拉絲～芝士份量唔孤寒！炸豬扒好味好香，同埋都幾大塊！不過如果下次食可以當餸叫炸豬扒，唔洗另外叫三文治都得-𝑫𝑹𝑰𝑵𝑲4〉凍奶茶$18 （推薦🌟）茶味好濃，帶出茶香，少甜就剛剛好～唔苦澀，又夠滑！-環境．7/10服務．8.5/10人均．$50-80污嘴狗覓食指數

今天中午約了住在元朗的舊同事相聚，順便去吃經典的永順沙嗲牛肉。店門外長長的人龍證明食店的沙嗲牛肉很吸引，等了二十多分鐘終於可以入店點餐。店內座位多，但枱與枱之間空間較窄。到店前預先看了餐牌，心裡已決定了點沙嗲炒牛肉銀絲米粉和開心果西多士。😋沙嗲炒牛肉銀絲米粉整碗麵覆蓋著滿滿的沙嗲汁，牛肉和米粉份量多。牛肉鮮嫩又沒有根，容易入口。牛肉經炒過後，邊位有少許焦香特別好吃。果然選取炒牛肉是明智之選。開心果西多士店員送上的開心果西多士如店外張貼的海報一樣，西多士上有煉奶和很多開心果碎，增加口感。餡料是開心果醬，味道濃郁。這款邪惡的甜點不可獨食，與他人分享最適合，吃多了有點甜膩。

聽D同事勁讚不得不黎試下排左一五分鐘到入位D員工都幾好細心講D分別同咩配搭好真係好味嘅但如果炒牛肉整體感覺仲咸咗少少炸豬扒都好食如果行過唔洗排隊都會食下年會轉新menu 期待

難食放假就揸車遠征元朗，試吓朋友推介既沙嗲牛麵☺️一去到門口已經排哂隊，不過好快大概等咗15分鐘左右就已經入咗去坐啦🤩😋豬扒沙嗲牛肉麵& 😋雞翼沙嗲牛肉米線個沙嗲的確係好出色夠哂味又濃郁，而且配合埋嫩滑既牛肉，個牛肉都煮到入哂沙爹嗲味👍🏻正👍🏻值得一讚嘅係佢個面係爽硬既唔會淋☺️岩哂我🤗另外，豬扒夠晒大塊仲要新鮮即炸夠晒熱辣辣☺️唔會好多炸粉之餘個豬扒都好夠嫩😊朋友就左試左米線做到米淋岩哂口味😊，最後就係個雞翼，雖然得兩隻真係唔係好夠喉🥲但係都欣賞佢個雞翼都係新鮮即炸熱辣辣又夠味😊舔舔脷指數👉🏻6.5😋/10😋滿分 一試無妨😋

幫襯咗好多年，由以前一間細舖頭，做到而家有聲有色，次次去都要排隊🥺比起之前，而家多咗好多嘢食，又有飯又有好特別嘅西多士，食完一排之後，好快又想再去食過😝芝士流心蛋煎豬扒三文治（烘底）睇相都知吸引，豬扒入味，配搭流心蛋同芝士咬落去真係好好味，蛋汁仲會流晒出嚟😋⭐️⭐️⭐️⭐️⭐️（5/5⭐️）開心果西多士一上枱，同牆上相片一模一樣，西多鋪滿開心果碎，加上厚厚的煉奶和牛油，內層夾着開心果醬，充滿邪惡感，開心果迷首選👍🏻⭐️⭐️⭐️⭐️⭐️（5/5⭐️）奶茶☕️茶味濃郁，奶味順滑，好飲👍🏻⭐️⭐️⭐️⭐️⭐️（5/5⭐️）

難得要入元朗處理一啲事務，當然想試埋元朗區內嘅一啲特色餐廳。知道有一間專門食沙嗲牛肉嘅港式冰室，就決定要挑戰一次。到店嘅時間係星期六下午兩三點，店外已經排有一條人龍，大約有五台客人在排隊等位，而目測食客當中有不少是慕名而來的遊客。由於有太多食客光顧，所以餐廳都係以搭枱作為安排，所以我哋嘅等候時間都唔係太耐，大約20分鐘到就可以入座。嚟到沙嗲牛肉專門店，當然要試吓佢嘅沙嗲牛肉同窿邊煎蛋，另外見到佢嘅炸豬扒亦出名，所以亦都跟咗一份。喺牆壁上面亦見到有期間限定嘅開心果流心西多士，所以作為開心果控嘅我哋亦叫咗一份。呢度嘅沙嗲湯底係偏鹹嘅，由於我唔鍾意甜甜嘅沙嗲，所以亦都符合我嘅口味，炸豬扒亦炸得香口，而西多士上面亦都有好多開心果碎，亦都冇出現最怕嘅人工開心果味。但係佢嘅粉面係冇套餐餐飲，以冰室嚟講價錢就略嫌有啲貴，另外搭枱安排雖然可以令入座速度快啲，但係就唔可以坐得太舒適。

今日入元朗，行山前醫肚，見永順裝修完，感覺乾淨光鮮左，連冷氣都涼快左，我地除左食沙牛麵，今期新出開心果西多，好吸引都係必食。開心果西多士好足料好正，勁多開心果碎係面，增加咬口。餡料係滿滿的開心果醬，味道濃郁，甜而不膩，西多炸得香口，加煉奶好香甜。炒牛肉炒蛋米炒 炒蛋夠嫩滑又大塊，炒牛肉加左沙嗲汁，好濃好香，米粉掛哂汁超正，牛肉又香又厚切。沙嗲牛肉蟹皇麵牛肉特別嫩，沙嗲湯底香濃，蟹皇麵 麵質爽滑。炸豬排，好厚切大塊，炸到超香脆，肉嫩酥香多汁。炸雞翼香口，雞皮脆卜卜，唔乾。

沙嗲牛肉麵關注組大推本身唔係好好嘅我哋都忍唔住嚟試吓😂星期日有好多人排隊排到出晒去等咗大概半個鐘🥲～沙嗲牛肉麵+榨菜 7/10佢有濃濃嘅沙嗲醬配埋牛肉都煮得好腍🤤沙嗲醬係幾唔錯嘅😋不過換埋個湯底就淡咗好多🥲冇咁濃烈沙嗲味榨菜方面有啲太鹹😅有少少冚蓋咗沙嗲醬如果一齊食😓加咗蟹黃麵不過個人覺得唔係好食得出同出前一丁有咩分別😂大家可以唔使嘥錢流心芝士雞蛋三文治7/10入邊夾咗芝士同雞蛋嘅三文治🥪雞蛋方面做到流心嘅效果配埋芝士都好夾不過個人認為就比較普通🙂‍↕️只係普通𤆤左嘅多士加埋留心蛋同芝士嘅三文治😅排咁耐會有少少失望😓不過其實味道係可以嘅🥹