永順沙嗲牛肉專門店

營業中

休息中

今日終於帶仔仔黎呢間成日都排晒長龍既出色沙嗲牛麵店。雖然排長龍，不過都唔算等太耐，大約20-25分鐘左右就入得。叫左一碗招牌沙嗲牛加太陽蛋一丁比小朋友，自己就叫左招牌沙嗲牛加煎豬扒一丁同熱奶茶。沙嗲牛超濃郁，難怪成日排晒隊，真係大推!!! 煎豬扒都好好味，唔會太乾身仲啖啖肉，仔仔平時唔多食豬扒都食好多。最後，熱奶茶好香滑，好好飲! 

沙嗲醬濃郁香滑，花生與椰香比例恰到好處，微辣帶甜，頗有南洋風味。肉質軟嫩但醃製稍重，略搶原味。麵條彈牙有嚼勁，建議上桌後盡快拌勻享用，才能體驗最佳風味。豬扒厚切1公分，煎得外脆但肉質偏乾，凍奶茶茶香合格，但奶味稍淡，加價配餐的性價比一般。整體而言，這家的沙嗲醬確實出色，手工炒製的濃郁風味值得一試，但套餐價在元朗區屬中上價位份量對食量較大的客人可能稍嫌不足。若路過元朗不妨來試試這濃烈派的沙嗲滋味但專程遠道而來或許期待會過高建議避開午市高峰或轉出前一丁，麵條更吸汁，風味更濃郁。

我心目中嘅全港Top 3沙嗲牛之一 (長洲陳通記、荔枝角好好運、朗屏永順)。我上一次幫親已經係舊鋪時代。最近係朗屏附近返工，特意來永順食沙嗲牛，睇下佢有冇跌Watt。我點了沙爹牛上海麵、炸豬扒、凍檸茶。沙嗲牛上海麵：整個湯底都係沙嗲而且有花生粒，入口少甜微辣，食落口啖啖濃郁沙嗲味。牛肉肉質鮮嫩。炸豬扒：夠juicy嫩滑，層粉漿唔會太厚。凍檸茶：竟然有五大塊厚切檸檬，而且茶底唔苦唔澀，茶色清澈 (唔似得某連鎖餐廳嘅“冷壓檸檬茶")。最後我想講，職員服務好好，等我地全部坐低先遞上餐牌，而且對食客嘅問題都有問必答。整體表現依然一流，希望永順繼續努力。其實香港飲食業只要自強，做好食物服務環境一定有本地客欣賞 (好多有名氣有歷史嘅餐廳都有一副唔憂做嘅心態，所以食物和服務質素都跌Watt)。

元朗出曬名嘅永順食店 終於比我試到啦😋今次叫左餐肉沙嗲牛肉蟹王麵同煎豬扒沙嗲牛肉麵湯底好濃郁而且又唔會好鹹 仲帶小小辣 花生味都好突出 牛肉嘅肉質好嫩滑 鐘意沙嗲牛嘅你一定唔可以錯過😻配上蟹王麵都幾特別 麵質都好掛湯👍🏻煎豬扒就見到幾乎枱枱都有叫 食落肉質好鬆化又juicy! 份量都好大份 建議可以叫一份 兩個人share~

今天打卡了永順沙嗲牛肉專門店（元朗店）✨，就在元朗安寧路2號冠煌樓地下F號舖。招牌沙爹牛肉麵超绝👍，沙爹味浓郁。炸豬扒外酥里嫩，咬起来超香。搭配一杯熱奶茶，惬意~排队大概十分钟，还是很值得哒😎。如果夠幸運門口還可以泊車👍🏻#元朗美食 #永順沙嗲牛肉專門店 #招牌沙爹牛肉麵 #炸豬扒 #熱奶茶

日期：2025年3月30日（星期日）時間：下午4時排隊時長：10分鐘環境與服務週日下午四點的永順，門外依然可見十餘人排隊，但人流消化速度極快，僅十分鐘便順利入座。店內裝修後以簡潔明亮的風格為主，白色地磚與鏡面設計擴大了空間感。座位雖略顯緊湊，但桌面整潔，加上年輕店員高效穿梭，整體氛圍充滿活力。炒牛肉雪菜沙嗲汁福麵（$43）永順的沙嗲汁向來是招牌，這次搭配雪菜與炒牛肉的組合更顯層次。沙嗲汁濃郁帶微甜，花生香氣與香料平衡得宜，完美裹住彈牙的福麵。雪菜的鹹香與沙嗲的甜辣碰撞出驚喜，牛肉片切得厚薄適中，嫩而不柴，鑊氣十足醬汁重口。 炸豬扒（追加$16）單點的炸豬扒絕對是亮點！外層酥脆如薯片，咬下時「咔嚓」聲清晰可聞，內裡肉質保持鬆軟多汁，醃料鹹香入味且不油膩。隨餐附上泰式辣醬，酸甜微辣更添風味。份量足，兩人分食亦足夠。 熱奶茶（跟餐價$7）奶茶茶香濃郁而不澀，奶滑順喉，放2包糖甜度適中，與沙嗲的厚重口感形成完美平衡。玻璃杯身保溫效果佳，即使放涼後仍保持溫熱。 整體體驗永順的菜品看似簡單，卻將茶餐廳的經典元素發揮到極致。沙嗲汁的獨門配方、炸豬扒的火候掌控，以及奶茶的絲滑口感，均體現出老字號的功力

對我嚟講，個沙嗲牛肉醬汁好鹹，可能因為落得太多醬汁，牛肉 ok gei個豬扒唔熱，同埋我嗰塊好肥 🥲反而第一次嚟食嘅時候, 唔知道佢沙嗲牛肉出名，叫咗鹹牛肉抄蛋米粉仲好味

星期日瞓醒覺，同大寶貝去咗元朗永順食沙嗲牛肉麵，真係一個充滿地道風味嘅早餐體驗！永順雖然係一間街坊小店，但食物質素絕對唔輸蝕。我哋叫咗招牌沙嗲牛肉麵，沙嗲醬濃郁得嚟又唔會太鹹，帶少少花生香氣，牛肉片切得薄身，煮得剛剛好，嫩滑唔韌，麵條彈牙有咬口，吸滿沙嗲汁，每一啖都好滿足。另外，我哋仲加咗份炸雞翼，外皮炸得金黃酥脆，內裡肉質依然juicy，配埋沙嗲汁一齊食，味道更加豐富。飲品方面，凍奶茶茶味香濃，奶滑唔澀，完美襯托成個早餐。雖然餐廳環境比較簡單，但勝在乾淨企理，而且價錢親民，性價比超高。服務方面，啲姐姐雖然好忙，但態度依然友善，上菜速度好快，完全唔使等。總括嚟講，永順嘅沙嗲牛肉麵同炸雞翼絕對係元朗嘅隱世美食，鍾意地道風味嘅朋友一定要嚟試吓！

好耐冇入元朗😛今次跟住沙嗲關注組搵食😙嚟到新裝修後嘅沙嗲老店😆週末下午4點嚟到，遠遠已經見到人龍😨估唔到呢個鐘數都咁多人食，仲要人龍keep住都有😅不過大家都好合作，食得快走得快，所以等咗大概3個字就可以入座🥰🧀芝士流心蛋炒牛肉三文治 ($33) (烘底+$3) 食三文治一定要烘底😆熱辣辣又香脆嘅麵包夾炒牛肉本身已經加哂分，再夾住熱熔芝士同流心蛋，真係睇到都流口水🤤麵包索哂啲蛋汁，咬落去蛋香爆發🤩半溶嘅芝士配合牛肉，口感豐富👍🏻呢個三文治叫人驚喜😌真係必叫😍🥘炒牛肉沙嗲出前一丁 ($34) 學咗個進階叫法😎自選麵唔係揀沙嗲牛肉，而係揀炒牛肉再加沙嗲汁😌炒牛肉比沙嗲牛多咗份焦香，肉質更有𡁻勁😋沙嗲汁果然唔錯，有花生香又唔會死咸👍🏻呢個叫法真係要bookmark低🤫🍖炸豬扒拼雞翼 ($30) 🍹凍檸水 ($17)

最近我到訪了位於元朗的永順沙嗲牛肉專門店，這家店以其獨特的沙嗲牛肉而聞名。當日，我點了一碗沙嗲牛肉、回鍋肉的通粉以及一份開心果西多士，這頓餐點令人印象深刻。沙嗲牛肉首先，沙嗲牛肉的味道非常濃郁，牛肉切片厚實，經過適當的醃製，肉質鮮嫩，搭配上香濃的沙嗲醬，讓人一試成主顧。湯底則是微辣，搭配通粉，讓整碗麵條吸滿了湯汁，口感滑順，十分過癮。回鍋肉的通粉接下來是回鍋肉的通粉，這道菜的選擇令人驚喜。回鍋肉的味道香辣可口，肉質多汁，與通粉的搭配非常合適。通粉吸納了肉汁，吃起來特別有滋味，是一個很好的選擇。開心果西多士最後，開心果西多士作為甜品，讓整餐畫上完美的句號。西多士外脆內軟，再加上香濃的開心果醬，甜而不膩，讓人意猶未盡。總結整體來說，永順沙嗲牛肉專門店的食物質素相當高，每道菜都有其獨特的風味，特別是沙嗲牛肉，值得一試。環境簡潔舒適，非常適合與朋友聚餐或家人共享美好時光。下次再來元朗時，我一定會再次光顧！

每次要排隊排10至20分鐘，絕對可以接受，都冇所謂啊，排隊移動速度好快！今次order 沙嗲牛肉米線+奶茶紅豆冰，成碗麵好鹹湯面湯底都好濃，可能配米線差少少，有分別，福麵應該係最傳統最優秀的！今次係第一次去呢間食沙嗲牛肉，整碗麵好鹹，主角是出色的牛肉，好薄有紋理好入味好腍好美觀，今次跟個凍奶茶紅豆冰，個人很喜歡飲奶茶紅豆冰，因為很匹配很夾的！ 值得一提，整體員工很窩心，有禮貌，雖然地方很迫、坐得非常唔舒服， 食物配搭有水準，值得再來幫襯啊

作為元朗名物嘅永順，成日都排長龍，今日有朋友由港島區嚟元朗，當然要帶佢一試！我哋叫左沙嗲牛肉蛋蟹皇麵、煎豬扒、炸豬扒，仲有凍檸茶同凍齋啡。食物味道有信心保證， 我個人認為沙嗲牛肉真係出色，沙嗲醬香濃，肉質嫩滑，食落去唔會油膩，真係夠味！而煎豬扒就更加唔使講，外脆內嫩，唔會硬，咬落去好有嚼勁，配上少少醬汁，味道更加提升！下次我想試下佢哋嘅開心果西多士，聽講都幾好食，期待！不過，去嘅時候要小心，如果架車泊路邊，真係好易被抄牌，記得留意埋呢個細節，唔好俾麻煩影響心情！總體嚟講，永順嘅食物味道不錯，樓面姐姐服務都幾好，座位雖然密，但好有茶餐廳風味！

其實平時對沙爹牛麵麻麻哋，但因為同朋友食佢又鍾意食沙嗲牛麵，所以就試吓嚟到元朗試吓呢間永順。咁啱因為要去大樹下還神，所以一早嚟食咗個早餐先。但其實一朝早八點幾鐘已經需要排隊，只係等咗10分鐘到唔使排太耐。一早嚟到其實已經爆曬場，今次就選擇咗沙嗲牛麵，另外就配咗炸豬扒豬。沙嗲牛麵，份量非常，而且沙嗲湯底非常濃郁，唔會太咸，鍾意沙嗲牛嘅，你一定唔可以錯過。另外炸豬扒，肉質好鬆化，而且大大份，可以點一份。

自從永順裝修咗之後好耐都冇再去過食，因為假日實在太多人排隊成日滿座，今日難得平日放假，一於扚起心肝去食個靚早餐。我今次一個人去食比較容易攞位並不需要等，叫咗每次都必點嘅沙嗲牛麵同埋凍奶茶，另外加咗塊炸豬扒。佢個沙嗲牛湯底依舊一樣咁濃郁，我忍唔住飲多咗幾啖湯，雖然我都知道係好邪惡。凍奶茶樣都係咁好飲，甜度適中好啱我口味。個炸豬扒上嚟嗰陣都夠熱，本身佢個調味比較偏淡，所以我點埋辣椒醬食。都係一餐滿足嘅早餐🤓

想食呢間沙嗲牛已經一段時間，之前嚟過一次，見到條隊好長又肚餓就走咗，今日見有啲時間就決定排下平日大概12點幾嚟到，兩個人等咗15分鐘左右，可能附近啲人都趕住食完返工😅值得一提嘅喺呢度分咗鮮牛肉（可以加沙嗲汁），沙嗲牛同埋炒牛肉👅鮮牛肉煎豬扒通粉加沙嗲汁，熱鴛鴦牛肉好嫩滑👍沙嗲汁濃郁帶微微花生香，撈均之後成個通粉都好夠味😋雖然濃郁但食完都不至於太口渴通粉口感彈牙煎豬扒都好出色，煎得夠香肉質夠腍唔乾鴛鴦個底幾香（見到對面有對情侶一個人叫咗沙嗲牛，如圖，一個叫咗炒牛肉，兩款個樣都好吸引🤩 仲濃郁過我哋嘅鮮牛加沙嗲汁😂 下次一定要試吓！）👅鮮牛油西多士啱啱炸起熱辣辣👍 唔油膩裏面有花生醬但唔算多，我同朋友都覺得可以加多啲會再香啲😁整體都係出色😋 會再嚟試下沙嗲牛同炒牛肉😎