劉興記生煎包專門店

元朗劉興記 暖胃小確幸先叫一籠蟹黃生煎包，等嘅時候聞到陣陣焦香，心都暖晒。生煎包一上枱，個底金黃酥脆，咬開嗰下「咔嚓」一聲，蟹黃汁順住嘴角流，肉餡鮮甜彈牙，4隻份量夠晒飽肚。跟住叫嘅雞湯小雲吞，湯底清鮮，雲吞皮薄餡靚，12粒食落滿足。本來想叫熱飲，後尾貪凍叫咗可樂，配埋雞絲酸辣湯就啱晒——湯底夠酸夠辣，雞絲滑嫩，細碗份量啱啱好，唔會太滯。150元食到咁有水準嘅生煎包同湯品，真係抵到冇朋友。店員態度親切，雖然人多但上餸夠快，下次經元朗一定再嚟幫襯。…查看更多

最近試咗劉興記，真係要大叫一句：點解我咁遲先發現佢⁉️👨‍🍳 生煎包全人手製作，皮薄底脆，一咬落去直接爆汁！唔係誇張，係真·爆汁⚠️記得小心燙口！蟹黃版本更加邪惡，鮮香濃郁，兩隻$38，值得！🥤 凍豆漿係誠意之作，唔甜但豆味超濃，飲落去有種「原汁原味」嘅感動，唔係坊間嗰啲糖水豆漿可以比！🍜 套餐方面：- S2 招牌炸豬排 + 湯麵 + 生煎包 + 凍豆漿 = $54，炸豬排厚身唔乾，外脆內嫩，好有驚喜！- 招牌炸雞扒套餐都係$54，雞扒香口多汁，配湯麵啱晒打邊爐前墊肚！📍總結：劉興記係一間有心有力嘅小店，無論係生煎包定豆漿都感受到佢哋嘅堅持。下次去記得預多啲肚位，唔試晒真係會後悔！…查看更多

第一次到這間店舖食有驚喜，本人麻麻地食生煎包，但這店真心好食皮薄多汁，煎到好香脆，我哋還叫左瀨尿蝦生煎，個汁好鮮甜好味.另外豬扒撈麵，豬扒好食，撈麵好香蔥油，唔錯！唔錯！有點失望就是酸辣湯，好少料，亦冇豬紅絲，冬菇絲也少.好開心豆漿任飲.可以再去😋😋。…查看更多

🐔麻醬手撕雞粉皮粉皮又滑又薄，配埋手撕雞肉嘅嫩滑口感 🤤 加埋濃郁嘅麻醬，食落口勁滿足🥰⭐️招牌生煎包生煎包底部煎得金黃香脆，咬開有滿滿嘅肉汁🤤有啲湯汁滲出嚟，好juicy呀！食時小心啲，熱辣辣噴汁！🍜 招牌擔擔麵花生醬好香。加埋嗰啲酸酸辣辣嘅湯汁，真係好惹味，麵條彈牙有嚼勁，食完淨係想再叫多碗！🤤🍗 生炸雞扒外皮炸到脆卜卜，仲係熱辣辣嗰種✨ 裏面嘅雞肉超嫩滑，多汁得嚟完全唔油膩 🤩只要叫夠$60或者係套餐，就可以堂食任飲豆漿😍📍劉興記生煎包專門店元朗俊賢坊18號權益大樓地下15號舖…查看更多

點了瀬尿蝦生煎包，原味生煎包，蟹粉小籠包，原味小籠包，酸辣湯，生煎包是有汁但外皮好硬，小籠包個頂又係好硬，豆漿話無限添飲真係多謝哂，豆漿粉溝嘅奉勸大家真係唔好添飲！元素表呢啲嘢真係大家心裏有數，買外賣又執漏俾我，大佬呀…！叫我返去拎真係費事睬你！大家買外賣記得當面check 清楚喇…查看更多