影片
以上資料只供參考, 請與餐廳確認詳情
餐廳：Pulau地點：中環街市菜式：新加坡菜餐牌：兩點有茶餐。茶餐有9款飯粉麵作為主食，另外仲有多款輕食。價錢基本上係$80樓下。可以加錢要通菜或者汽水。去收銀落完單自己搵位坐，唔洗等好耐就有野食。豬頸肉喇沙摻摻 $68 摻摻係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有4片豬頸肉，好脆口有肉味又唔肥。其他配料有吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。巴東牛肉班蘭椰漿飯配蟲草花雞湯 $68 巴東牛肉有七舊左右，質感都幾好，牛味唔錯。個汁味道濃厚，好惹味，辣辣地。班蘭椰漿飯真係綠色，未食先吸引眼球。聞落椰香十足，又帶微微班蘭味。食落粒粒分明，煙煙韌韌，撈埋個汁好惹味。配有半隻糖心蛋，花生米，脆魚乾，又香口又有多重口感。伴有青瓜同車厘茄可減膩。個蟲草花雞湯好清，下底真係有蟲草花，面頭有少少蔥花。馬來燒雞配雞油香飯及蟲草花雞湯 $65馬來燒雞一大塊開五件，方便易食，整得皮脆肉嫩，啖啖肉。雞油香飯好大兜，味道口感都唔錯。同巴東牛肉班蘭椰漿飯一樣伴有半隻糖心蛋，花生米，脆魚乾，青瓜同車厘茄。馬拉盞通菜 加$32加配馬拉盞通菜用紙兜上，份量都唔少。有莖有葉，葉嫩莖脆，馬拉盞份量剛好，好夠味。總括而言，主食超抵食，小食質素都唔錯。
繼續閱讀
巴東牛肉配班蘭椰漿飯牛肉軟爛，香料入味十足。配的小菜清爽解膩。巴東牛肉飯來說，量也算是很足。班蘭椰漿飯顏色鮮艷，綠綠的，令食慾大增。另+$32 就有一份馬拉盞炒通菜正常的炒通菜，香口惹味～娘惹茶燻鴨配雞油香飯及蟲草花雞湯之前都沒留意到有娘惹茶燻鴨這美食真的要多出去 了解不同地方的當地美食 難得有新的 怎麼不一試！！喜歡燻鴨好香 油脂和煙靭鴨肉配合真的好贊 就算不是喜吃肉的人 也會喜歡蟲草花雞湯足料 有埋雞肉吃就更好🤣這家店就是正常的味道，在中環街市正門一入的第一間就是。勝在便捷，是和朋友或一人食好去處。
繼續閱讀
第二次到訪中環街市食新加坡嘢經開中環，同朋友想食新加坡野食去左蒲羅 Pulau，同上次一樣咁好食😋可以同朋友一餐快靚正嘅dinner😍✨海南雞喇沙$76海南雞好滑，湯底好香濃，有豆卜同半隻糖心蛋😍✨參峇醬燒豬頸肉 $82豬頸肉好juicy，唔會過乾，同埋真係醃得好入味🤤✨鹹蛋黃魚皮魚皮十分之香脆～加埋鹹蛋黃好香，一口接一口，食唔停✨班蘭咖吔多士 $28麵包好香班蘭味，加埋牛油，真係好邪惡，不過好好食😚
繼續閱讀
星期六晚途經中環街市，見個場無咩食客，大把吉枱，所以幫襯。手機落單，使用送餐服務，第一張單無問題。進食中途想加單，所以繼續手機落單，希望享用送餐服務，誰不知職員在處理第二張單時唔願做，唔肯送餐，我自己去柜枱取餐，職員仲要老土，態度惡劣，豪無服務可言。今時今日，怪不得星期六晚個場都靜到死。再去中環街市都唔會幫襯依間。
繼續閱讀
馬來燒雞配雞油香飯及蟲草花雞湯(75hkd) 燒雞扒好香，四邊煎到微微焦脆，雞扒厚切啖啖肉，和油飯絕配，仲有雞湯潤下喉，不錯海南雞喇沙麵(76hkd) 份量好足，可以自由選擇要摻摻定要淨麵，麵質軟腍吸湯，湯底好重椰奶味，中和咗個辣度，海南雞無骨，適合懶人～馬拉盞通菜 (+32hkd) 跟餐價幾抵食，通菜炒得惹味又不會過咸，仲保留到通菜的脆口新加坡鹹蛋黃單骨雞翼(56hkd)大推雞翼，絕對必點，鹹蛋黃做到鹹香又有少少甜味，而不是死咸或者只有沙沙的口感，仲係單骨好貼心，會想追食👍🏻#foodiblum東南亞
繼續閱讀