順。越南牛肉粉

餐廳：順。越南牛肉粉地點：中環街市菜式：越南菜餐牌：下午茶餐牌簡單，有湯粉（河/檬），撈檬同小食。加$10可配汽水。去counter落order比錢之後等食物出。隔離就有位坐。順。生牛肉牛肉丸湯河 $62順。生牛肉牛肉丸湯河個湯好清，唔似有落味精，味道唔會太濃。生牛肉四片，口感味道都唔錯，真係嫩又唔肥，高質。牛丸3粒，雖然較細粒，不過彈牙多汁。伴有洋蔥圈，蔥條，芽菜，蔥花，一件白蘿蔔同脆脆。另上一細片青檸同辣椒粒等你自己調味。河粉係幼身，好淋滑。會安雞絲扎肉撈檬 $58會安雞絲扎肉撈檬就有扎肉四片，口感彈牙當中有粒粒爽口好似軟骨粒，味道都唔錯；雞肉條唔少，好健康無脂肪。檬粉幼身，配有酸咪咪紅白蘿蔔絲，生菜，青瓜絲，薄荷葉，好清爽，夏天食正。魚露另上。自家手工牛肉丸湯 $56牛肉丸一客10粒，伴有白蘿蔔一塊，最後灑上蔥花。個湯都係好清，份量一大碗，飲唔晒。蓮藕蝦餅 $48蓮藕蝦餅一客四件，蓮藕味濃，唔算太油膩，配有酸咪咪紅白蘿蔔絲，生菜，薄荷葉解膩。加$10可配汽水。跟埋飲管。食物保持一貫水準，中上環返工人仕可一試。…查看更多

中環街市變身中環市集，順理成章吸引了中環上班一族放工後在市集內happy hour，除了有很多年青人的創業小品牌外，G/F更有頗多不同的美食和酒精性飲料和啤酒。近日天氣濕熱, 所以放工後跟同事去了市集內的越南美食食返碗正宗越南河粉兼鬆一鬆口氣。首先點了蕃茄蟹膏蟹肉蝦丸扎肉湯檬/$88.-蕃茄蟹肉湯檬是一道香港常見的湯檬粉。湯底通常以番茄熬煮，帶有番茄的酸甜滋味，但這碗蕃茄檬粉搭配蟹膏、蟹肉、蝦丸、扎肉等配料，風味獨特，深受歡迎。 另外的傳統順化湯檬$82.-（冰凍汽水+$10.-）係越南河粉嘅一種，起源自順化，湯底會落蝦醬、香茅同辣椒。把牛肉這道菜將酸、甜、鮮、辣，以及檸檬草的味道融合在一起。牛腩先醃製後和牛骨湯一起燜燉，使得牛肉完全鬆化。其肉湯通常由牛骨、發酵蝦醬、香茅、乾紅辣椒製成。配料有牛肉、牛丸、扎肉和扎蹄，食用時也常一起加入薄荷葉、豆芽、檸檬、切碎的蕹菜等。另外點了至愛的香茅鷄翼（4件/$52）香茅雞翼是一道以香茅配料的雞翼調味，通常會將香茅、蒜蓉、紅蔥頭等材料與雞翼一同醃製，然後煎、焗或炸至金黃香脆。而且香茅雞翼加返罐冰凍汽水，真係正到不得了。…查看更多

今日收工諗住喺中環街市度快快脆脆食啲嘢，天氣咁凍，第一樣諗到要食嘅就係越南湯粉，鍾意呢間嘅份量剛剛好，而且小食好味道！今日要咗兩碗生牛肉河粉，鍾意呢度嘅生牛肉真係生嘅，不會好似出邊foodcourt嗰啲咁樣，分明就已經係熟晒。而且呢度河粉嘅質地都好好，湯底亦唔會覺得有太多味精！蘿蔔亦都好大嚿好清甜，完全冇渣！我最鍾意連湯都飲埋，所以喔冇味精真係好重要！小食就要左蓮藕蝦餅同炸春卷，兩個都炸得好酥脆，春卷裡面肉同菜比例剛剛好，蓮藕蝦餅口感都好豐富，用埋醬汁一齊食真係好yummy！以foodcourt來講，呢到坐得舒服，而且環境有品味…查看更多

放假與好友逛翻新左中環街市，環境新簇乾淨企理，有特色商店、手信店、食店。我們點左蕃茄蟹膏蟹肉蝦丸扎肉湯檬$72 ：蕃茄酸酸甜甜，蟹膏&蟹肉鮮甜美味，配蝦丸、扎肉，材料豐富，檬粉爽滑可口，湯底惹味。順.生牛肉.牛丸湯河粉$62 ：薄切生牛肉片浸泡滾熱湯，牛肉肉質很嫩滑，牛丸肉味香濃又爽口彈牙，湯底是用牛骨餚製成味道清甜，配蝦皮、蔥、蒜，我飲哂D湯好味。蓮藕蝦餅$48（四塊）：很爽口煎得香脆，味道不錯。自家手工牛丸湯$56 ：有十粒牛丸，牛肉味香濃爽口又彈牙。…查看更多

今日放左工黎到中環行街，行到累就去醫肚，今次我地想食越南野，就黎到呢道試下啦。首先我地叫左個順化香茅豬扒，呢個$78蚊超級大塊，份量十足。而且非常香脆可口，口感一流。必點之選。主食方面就點左傳統順化湯檬，餸菜肉類種類繁多，一次過滿足幾種口味。湯底非常香濃。粉底份量都好多。值得一試。之後叫多個撈檬～春卷蓮藕蝦餅，呢款靈魂所在於個醬汁，酸酸辣辣更加野味。蓮藕蝦餅炸到金黃，外脆內軟，我個人十分喜愛。唔知你地又喜唔喜歡呢？…查看更多