Pulau

餐廳：Pulau地點：中環街市菜式：新加坡菜餐牌：兩點有茶餐。茶餐有9款飯粉麵作為主食，另外仲有多款輕食。價錢基本上係$80樓下。可以加錢要通菜或者汽水。去收銀落完單自己搵位坐。新加坡白胡椒肉骨茶配雞油香飯及油條 $72新加坡白胡椒肉骨茶好大碗，入面有排骨3件，豬肚4片，同原隻蒜。排骨都有唔少肉食，算淋。豬肚好爽口。蒜好淋。個湯白胡椒味非常重，少少辣喉嚨。另配豉油，辣椒，蒜蓉比你自己調味。雞油香飯大大碗，味道口感都唔錯。油條另上，少少脆。豬頸肉喇沙摻摻 $68 摻摻係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有5片豬頸肉，好脆口有肉味又唔肥。其他配料有吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。海南雞喇沙摻摻 $62六件海南雞超嫩滑，雞有雞味，好味又健康。馬拉盞通菜 加$32加配馬拉盞通菜用紙兜上，份量都唔少。有莖有葉，葉嫩莖脆，馬拉盞份量剛好，好夠味。總括而言，主食超抵食，我自己特別鍾意喇沙摻摻。…查看更多

想食東南亞風味，見到蒲羅好多選擇就試下。海南雞喇沙掺掺海南雞雞肉鮮嫩好滑，湯底味道豐富搭配香濃的椰漿和香料，喇沙的辛辣和香味岩岩好，令人一啖接一啖。馬拉盞通菜可以跟餐加配馬拉盞通菜，新鮮的通菜搭配馬拉盞醬汁，帶有微微的辣味和香氣，有層次感。馬拉盞的獨特風味與通菜搭配得恰到好處，十分開胃。檳城蝦麵檳城蝦麵係經典的馬來西亞街頭美食，湯底以蝦殼熬製，味道鮮美，令蝦的鮮味與濃郁的湯底配合十足，麵的口感彈牙，再加上一些豆卜、雞蛋和菜，菜色香味俱全。咸蛋黄單骨雞翼小食揀左新加坡出名的咸蛋黄系列，雞翼外層炸得酥脆，裹上咸蛋黃醬，味道濃郁。這道菜的口感和風味都令人有驚喜。…查看更多

蒲羅主打新加坡菜式，中午食飯時間唸食咩，唸來唸去，結果再次嚟到中環街市food court 集中地，走來光顧呢間，皆因佢個喇沙真係好食😋🔸豬頸肉喇沙 摻摻呢度個喇沙湯底好正，我超鍾意❤️。超愛吃嘅豆卜，吸收晒湯底嘅精髓份量十足，好滿足🥰🔸馬拉戔通菜🔸胡椒豬肉串好食 豬肉好爽口 啖啖肉🔸娘惹菜燻鴨配香油飯煙鴨胸好肥味， 香油飯口感偏乾提一提，午巿嚟食都要預早小小，因為都有唔少人食架，證明有品質保證👍…查看更多

收工又同同事去中環街市食飯因為好耐冇食星馬菜叫返嗰喇沙俾自己滿足一下😎🌟豬頸肉喇沙摻摻碗喇沙真係超級正🤤湯底超級濃厚啲香料打碎晒融入晒個湯底度每一啖湯都層次豐富豬頸肉份量多🐷油麵同米粉都好掛汁鍾意食喇沙嘅一定要食！🤩🤩🤩🌟新加坡白胡椒肉骨茶同事叫嘅肉骨茶白胡椒味比較重藥材味唔會太濃啱晒我呢啲好驚藥材味濃到苦嘅人排骨都炆到好腍😍有比較少有嘅豬肚仲有油炸鬼索晒啲湯湯超多，飲到我哋飽晒勁滿足🫶🏻而且仲好有馬拉傳統有醬油膏辣椒同蒜蓉可以自己調味🌟馬拉盞通菜估唔到food court都食到咁有鑊氣嘅馬拉盞通菜🥬🌟串燒拼盤拼盤有雞大蝦同魷魚鬚雞燒得好嫩滑🐔仲有好香香茅味大蝦同魷魚鬚，調味鹹鹹香香，非常惹味…查看更多

放工之後有事做，要快食個晚餐，通常都會去中環街市，選擇多同埋又多位。今次嚟食馬拉菜。⭐️馬來燒雞配雞油香飯及蟲草花雞湯燒雞外皮煎到好脆，但肉質鮮嫩好入味，點埋個辣醬食，正。已經切好一舊舊方便食。仲有雞油香飯食，飯粒粒分明，透出濃郁嘅雞香味。隔離仲有配菜-青瓜、花生、小魚干。而蟲草花雞湯幾清下不膩，可以補一補下。⭐️馬拉盞通菜$32加配了碟菜。馬拉盞嘅調味好足，鹹香鹹香的，唔錯。⭐️可樂$10加配。…查看更多

中環街市呢間主打南洋風味的小店，招牌娘惹茶薰鴨（$68）絕對係驚喜之選！鴨肉用茶葉煙燻過，上桌時打開木盒瞬間飄出陣陣燻香，儀式感十足。鴨皮帶微微焦香，肉質軟嫩唔柴，配上獨特娘惹醬汁——甜中帶辣，仲有淡淡香茅同檸檬葉香氣，風味層次豐富，好有東南亞特色！ 份量都算足，足夠兩個人share試味，以中環地段來講性價比超高。配菜仲有清爽青瓜同酸甜蘿蔔，解膩又開胃。唯一小缺點係飯要另外加，但整體絕對值得一試，尤其鍾意南洋風味嘅朋友！ **推介指數：★★★★☆** **必試：** 茶薰鴨（記得趁熱食！） **貼士：** 午市套餐更抵，可以搭埋喇沙或椰香飯～…查看更多

今晚在中環和朋友聚會，我們選擇了Pulau餐廳，以下是我對幾道菜的詳細食評。牛油果核桃青蘋果沙律沙律的口感非常清新，牛油果的滑嫩與脆脆的青蘋果形成了完美的對比。核桃的香脆增加了層次感，整體的味道清爽可口，特別適合夏天享用。沙律醬的酸度剛好，不會壓過食材的自然風味。斑蘭咖吔多士斑蘭的香氣濃郁，搭配上焦香的吐司，多士外脆內軟，口感非常好，甜度適中。街頭雞肉串燒雞肉串燒的調味恰到好處，肉質鮮嫩多汁，外層有輕微的焦香，增添了煙燻味。搭配的醬汁也相當美味，增添了風味的層次感。新加坡大蝦喇沙摻摻湯底濃郁，香辣適中，蝦子新鮮且彈牙，令整道菜品更加豐富。加入的米粉吸收了湯汁的精華，口感滑順。…查看更多

喺中環街市嘅food court入面，又搵到另一間主打新加坡同馬來西亞菜!新加坡大蝦喇沙摻摻（$78 + $10雪碧）。呢碗喇沙湯底濃郁，有層次。大蝦有2隻，分開咗兩半，彈牙。麵條係粗黃麵同米粉嘅mix，吸晒湯汁，食落好滿足。仲有魚蛋，魚片，點綴得啱，增加口感。成碗整體偏大碗。配埋杯冰凍雪碧，飲完好爽！豬頸肉喇沙摻慘（$78 + $10雪碧）。同大蝦喇沙比，湯底中一樣，但豬頸肉真是一個驚喜！肉片切得薄，入口嫩滑又唔會太肥，吸收咗湯底嘅精華，食落好juicy。麵條同配料同大蝦款差唔多，質素穩定。小食方面，叫咗斑蘭咖吔多士（$28）。呢個多士烤到好脆，塗咗厚厚一層咖吔同斑蘭醬，甜度適中，椰香同斑蘭嘅清香好夾。份量ok，兩個人share啱啱好，當甜品或者小食都得。最後試咗新加坡鹹蛋黄魚皮（$56）。魚皮炸得超脆，鹹蛋黃醬汁鹹香濃郁，食到停唔落口！不過份量都算幾多。總括嚟講，呢間唔錯，下次可以再食過！…查看更多

### 食評：海南雞喇沙油麵今次我嚟到一間新開的餐廳，試咗佢哋嘅招牌——海南雞喇沙油麵。當我第一眼見到呢碗麵，感覺就已經好吸引，喇沙湯底恰到好處，令我忍不住想即刻品嚐。#### 味道喇沙味道濃郁，而且唔會太辣，適合大部分人嘅口味。海南雞肉煮得相當入味，肉質嫩滑，配上喇沙醬汁，真係好好味！另外，碗入面仲有一隻完美的溏心蛋，蛋黃流心，味道更加提升。配菜方面，青豆同埋香茅增添咗清新感，平衡咗整碗麵嘅味道。#### 份量份量方面，對我嚟講算係相當足夠，吃完之後都有飽足感，價錢 $76 偏貴#### 環境自助food court餐廳形式### 總結總括來講，呢碗海南雞喇沙油麵值得一試，但人多嘅時候可能要等一陣！…查看更多

蒲羅 PULAU中環皇后大道中93號中環街市地下G19經開中環，老友想食新加坡菜，帶咗我去蒲羅，坐底 Chill 吓先。😽馬來燒雞配雞油香飯及蟲草花雞湯燒雞外層香脆，烹調得恰到好處，雞肉新鮮，肉汁豐富，配料有青瓜、車厘茄、雞蛋、銀魚和花生，雞湯油飯鹹度適中，好味道！😋新加坡白胡椒肉骨茶配雞油香飯香濃的白胡椒湯底，辣度適中，肉骨口感煙韌，肉汁豐富，豬肚爽口彈牙，蒜頭肉口感鬆軟，油飯煙韌入味，推薦！😍馬拉盞通菜通菜炒得夠勻循，少辣剛剛好，吸收了醬汁的精華，爽口惹味！😸燒魷魚鬚魷魚鬚口感煙韌，爽口彈牙，鹹度適中，加秘製辣醬，好惹味！😋蒲羅 環境舒適，食材新鮮，肉骨油飯魷魚正，店員服務態度好，回頭率高。😎🤘🏻…查看更多

中環返工的，大概都知道Palau。food court 人氣挺旺的一間新加坡菜！ 唔好以為人龍長，就代表出菜慢，我大概等左5-6分鐘就拎到，非常快手！佢地仲會定期出一些新菜式/ 改餐牌的～ 好耐冇食過正宗嘅喇沙～例牌點招牌新加坡大蝦喇沙摻摻，再加一碟馬拉盞通菜、及小食手打櫻花蝦餅～• 招牌新加坡大蝦喇沙摻摻喇沙湯頭超濃郁，味道香氣撲鼻，先飲一啖湯，椰香同辣度都好均勻，摻摻係油麵加米粉咁解，各有唔同口感，但係每一啖麵或米粉都好掛湯。蝦肉爽口扎實，配料仲有超入味豆腐卜、魚蛋、魚片條、芽菜同半隻雞蛋！份量好足，辣辣地好開胃！馬拉盞通菜惹味，份量都多，夠2人分享蝦餅中規中矩，口痕可以一試😁…查看更多

好友約我去位於中環皇后大道中93號中環街市地下G19號舖的<蒲羅>食下午茶餐，food court 型式經營，先購票後取餐，自己找空位坐。我哋點咗：🥢巴東牛肉班蘭椰漿飯配蟲草雞湯 $68 + 馬拉盞通菜 $32牛肉炆得軟腍入味，牛味香濃，送飯一流，拌點有花生、魚 乾及半隻溏心蛋，蟲草雞湯好味又好飲。🥢檳城蝦麵 $68+馬拉盞通菜 $32蝦麵賣相繽紛，配料豐富又好味，有豆卜、開邊蝦肉、溏心蛋、芽菜...等。馬拉盞通菜青青綠綠，好味又好食。🥢手打櫻花蝦餅 $48：蝦餅煎得香脆可口，食到蝦肉粒添，好味。…查看更多

中環收工食晚飯，來中環街市可以選擇多多，氣氛氛圍也十分好。今次試下新加坡🇸🇬餐廳——蒲羅Pulau 快餐形式為主，霸定位，再點左兩個餐：娘惹茶燻鴨配雞油香飯及蟲草花雞湯 $92新加坡🇸🇬白胡椒肉骨茶配雞油香飯 $92兩個餐都跟汽水，賣相好好，蒲羅應該有專門店，所以菜式味道有標準有水準，味道絕對有保證。燻鴨大大塊，味道超香，白胡椒肉骨茶的🧄更是健康令人有驚喜，成個食曬🤭斑斕咖央多士$28 最後必食多士，當埋甜品，最鍾意中間牛油，肥都照食，好好味😋…查看更多

中環街市活化後多左好多野行，又可以打下卡，呢晚就同老公嚟中環city walk下，之後行到攰，就去中環街市攞野食。 自己搵位坐地面一行入去就見到呢間Pulau，食星馬菜嘅，有9款主食，主打掺掺麵。嗌左兩set《新加坡大蝦喇沙掺掺 $78》有豆腐卜、開邊蝦、豬腩肉片同埋半隻蛋～香味濃郁，微微嘅辣，最特色係摻摻有油麵同米粉，雙重口感又掛湯。 《新加坡白胡椒肉骨茶（豬排骨，豬肚）配 雞油香飯及油條 $82》湯好重胡椒味，又唔會辣喉，油條可以浸湯又或者蘸黑醬油都好味；油飯有淡淡油香，唔會好乾，撈啲蝦醬油都好食。《串燒拼盤（雞肉.大蝦.魷魚鬚） $78》有沙嗲醬好惹味，魷魚鬚有啲韌，蝦同雞肉都入味。…查看更多

放工同女同事去食少少嘢先返屋企，去咗中環街市個food court。嗌咗一碗麵、一個小食同一個沙律share食。呢度冇特定嘅座位，只要喺範圍內都可以坐低。呢排天氣涼涼哋坐出邊應該幾舒服。每個主食可以加$32通菜及加$10罐汽水。呢晚海南雞掺掺同通菜都賣晒，所以改咗食蝦麵同沙律。《 檳城蝦麵 $78 》呢個麵係湯底味道濃郁，蝦味及椰香味濃，加埋有啲炸蒜片更提香；呢個麵係「掺掺」，所以有米粉溝油麵；米粉會比較多 更吸收湯底精華。 《 手打樱花蝦餅 $48 》有4塊，幾有蝦甜，蘸埋甜酸醬更加惹味～ 《 牛油果核桃青蘋果沙律 $68 》呢個有驚喜。青蘋果絲好爽甜，仲有牛油果同核桃，配上芒果汁好香甜開胃！+$10/罐雪碧（第二罐 正價$12）…查看更多