影片
開飯介紹
裝潢獨特且融合日式元素，其日式鐵板燒採用新鮮高質食材，廚師發辦設有不同價位，豐儉由人，是約會及與好友聚餐慶祝之選。
繼續閱讀
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
有關餐廳
有關獎賞計劃
新開張嘅隱世鐵板燒店，但原來都有唔少人一早book定檯，原因可能係想坐到鐵板廚師前面邊欣賞邊食，所以建議都可以早少少訂位餐廳環境高級，服務周到，坐係到可以正面體驗到廚師嘅煮食之餘仲可以邊食邊交流下，對於食鐵板呢一種交流都幾唔錯。鐵板餐由平到貴都有，每個餐都會有唔同嘅海鮮同料理前菜：酸薑片、中華沙律、醃醬蒜頭飲品叫左清酒同汽水：醉樂無極大吟釀、蜜瓜味日本汽水食住前菜等嘢食再飲住呢支清酒都比較容易入口，淡淡嘅香味後勁帶住少辛香入門廚師發板套餐（五道菜）$588 ×2沙律: 黑魚籽配上煙三文魚沙律菜，醬汁有柚子醋同意大利黑醋海鮮: 帶子/鮮鮑魚醬汁用左蝦頭膏整成，非常濃郁。帶子搭配黑魚籽同意大利小黃瓜食落好清新。鮑魚搭配餐廳自家蒜蓉醬，鮑魚新鮮口感夠爽。鐵板燒: 澳洲牛柳粒5成熟度嘅牛柳粒，表面煎香，肉質夠嫩，配上炸蒜同wasabi，味道夠香鐵板燒: 美國安格斯牛肉薄燒卷燒肉卷入面包住香蔥炸蒜，煎香嘅表面入面依然嫩滑，牛香又帶住蔥香味，一樣好食海鮮炒飯蛋炒飯加上松露、鮮蝦、魚籽同海膽，一碗好高質素嘅炒飯食起上黎好鮮香，松露好香，魚籽同大蝦夠爽，另外海膽亦都好鮮甜甜品:柚子雪葩配紅豆爆珠幾特別嘅爆珠，咬開後會後紅豆蓉係入面。雪葩有好香嘅柚子味，少少酸
繼續閱讀
出糧食好野系列，今次食鐵板燒。📍中環 龍亭鐵板燒有五至十個道菜揀價錢由💰588到1888，我同朋友揀咗入門廚師發板套餐（五道菜）人均💰588就有海鮮🦞鐵板燒omakase❗️❗️開放場廚房仲可以即場睇住大廚為你整鐵板燒，係視覺，嗅覺，味覺多重享受。🥢前菜：炸蒜，中華沙律，薑片🥢招牌沙律係黑松露三文魚沙律，黑松露提升左三文魚既層次，三文魚新鮮冇筋。🥢南非孔雀鮑魚x特大虎蝦大量蒜同鮑魚一齊燒，蒜🧄滲入鮑魚每一個部位，好香仲有一種清甜。大蝦啖啖肉。🥢搭配黑松露牛油🧈煮北海道帶子，牛油鎖實帶子水份，燒完冇縮水，濃濃既黑松露大廚燒緊我已經流晒口水🤤。食用豆疊花泡泡🫧帶黎一陣清新，精緻嘅擺盤係視覺味覺既享受。🥢牛油香燒澳洲牛柳粒，呢個牛柳粒好厚實，牛油逼出牛既油脂，令牛肉更香口。牛油就咁點鹽就好好味，如果想有層次啲可以搭配炸蒜或者係蘿蔔。🥢日本去骨宮崎雞髀雞髀肉係成隻雞最滑既部位，食極都唔厭，大廚👩🍳燒完递比我仲出煙，雞皮煎到金黃色好似薯片咁脆，雞肉仲好嫩滑。大廚調配左兩隻醬一個係辣醬，一個係美乃滋，比我地有一雞兩味，我個人比較喜歡辣味。🥢三文魚子大蝦黑松露海膽醬炒飯。每次食鐵板燒去到炒飯都差唔多，但是一定會試吓個炒飯，呢個睇得出大廚功架。大廚話呢個炒飯係參考左煲仔飯有小小煲仔飯焦香，味道方面偏重，海膽醬係由三種海膽調配出嚟，澳洲，日本馬糞，珀斯。大廚炒完飯最後加埋大蝦同三文魚子，我已經急不及待啦。🥢最後一道係特濃紫薯雪糕，濃濃既紫薯，雪糕質地好綿滑。🍸月桂冠梅酒💰168🍹靜岡蜜瓜汁💰38總結：樓上鐵板燒位置安靜舒適，適合慶祝生日，鐵板燒菜式精緻係視覺同味道嘅享受。📍 龍亭 (中環)中環蘭桂坊15-16號協興大廈5樓2人總數💰1520人均💰760#hkfoodieblogger #hkblogger#hkrestaurants#hongkong🇭🇰 #hongkongfood #hongkonglocalfood #hongkongtravel #hongkonginstagram #香港探店 #香港探店分享 #香港探店 #鐵板燒 #廚師發辦 #蘭桂芳美食 #中環
繼續閱讀
好耐之前食過一次龍亭，以食鐵板燒嚟講，佢都算係幾經濟實惠！今次就同👦🏻去到中環再encore，叫咗高級廚師發辦套餐（十一品）呢個Set！提提大家，餐廳真係幾full（講緊👦🏻👧🏻係Weekday 6點入座，都full到坐唔到吧枱睇廚師即席烹調🥲，要食就真係早啲預約！）🌟招牌沙律用上煙三文魚包裹著本地元朗種植嘅沙律菜，面層再放上少量格陵蘭魚子。煙三文魚夠肥美，配埋清爽嘅沙律菜已經覺得好味。再加埋充滿咸鮮嘅魚子，味道昇華十倍🤣！裝飾嘅仲有燈籠果，酸酸甜甜幾Refreshing！🌟前菜兩款（漬物）漬物有酸薑同昆布海帶三文魚鼻軟骨。酸薑都算係比較Common出面都食到（但佢唔算太酸，連平時唔鍾意食酸薑嘅👧🏻都覺得可以接受）。而昆布海帶三文魚鼻軟骨呢個真係第一次食，口感非常爽，係滿滿嘅骨膠原！🌟魚子醬蘭王溫泉蛋蘭王溫泉蛋蛋白滑捋捋，蛋黃呈橙黃色非常流心。同樣用上鹹鹹地嘅魚子醬會簡單嘅食材，將食物變到唔簡單！🌟刺身一品（鯛魚刺身/時令魚子醬生蠔）每人可選一款刺身，鯛魚刺身現淡紅及銀白色，魚身飽滿多肉，食落甜美無比，鮮味十足；而時令魚子醬生蠔用左魚子醬提鮮，蠔肉飽滿，食落海水味濃，值得推介！🌟鐵板海鮮兩品👦🏻就叫咗慢煮鮑魚+ 白鰻，而👧🏻就叫咗慢煮鮑魚+ 東星斑（冇揀日本元貝+ 虎蝦）。最吸睛一定係碟旁嘅藍色泡沫🫧，原來係蝶豆花味泡沫，大少少鹹味，可以為海鮮提鮮。另外仲有蝦頭膏醬，超足料精華😍。講返主角海鮮，鮑魚相當軟腍，配上蒜蓉醬都幾匹配。至於白鰻魚質感爽口，中間有少量幼骨，多咀嚼就可以直接吞下。而東星斑魚皮煎到香脆，肉質結實。🌟鐵板料理鐵板料理可以每人四選一，而👦🏻👧🏻就揀咗澳洲牛柳粒同美國安格斯牛肉薄燒卷。牛柳粒真係即食睇住廚師用原塊牛柳再切粒，揀煮到5成熟口感岩岩好。牛肉薄燒卷配埋炸蒜食亦係不錯嘅選擇。除咗兩款牛肉，大家仲可以揀宮城厚切黑豚扒/宮崎雞腿。🌟菊花豆腐白麵豉湯食到一半，飲下麵鼓湯！豆腐切成菊花🌼形狀幾賞心悅目。🌟黑松露海鮮炒飯平時食鐵板燒都會好期待食炒飯手，呢到嘅炒飯仲要加咗大量黑松露醬，飯粒分明又加入大量蔥花、三文魚子，夠曬惹味！🌟時日甜品是日甜品係柚子雪葩配上自家製紅豆爆珠，柚子雪葩似係雪糕+ 雪葩混合體，係有奶嘅成份。而紅豆爆珠口感幾得意，有啲啫喱包住原粒紅豆🫘。
繼續閱讀
🦖中環新開幕 日式鐵板料理✨去蘭桂坊唔係淨係飲酒～搵到間新開鐵板燒，開放式廚房即場睇住大廚為你燒～係視覺、味覺多重享受叫咗一個11品套餐，價錢688一人✨前菜三文魚唇酸酸地好開胃挪威三文魚牛油果他他就幾順滑✨沙律煙三文魚包住沙律菜，搭配意大利黑醋，加龍珠果同車厘仔，口感豐富用料新鮮✨魚子醬蘭王溫泉蛋普通溫泉蛋～加左魚子醬同白松露，更加奢華✨鯛魚刺身捲到玫瑰花形狀好靚🌹鯛魚切得薄身，帶油香✨鐵板海鮮兩品套餐有五種海鮮可選，我地選左帶子、鮑魚、虎蝦～海鮮煎至金黃，外焦內嫩，鮮味多汁冇過多嘅調味，食到海鮮原味✨澳洲牛柳粒/美國安格斯薄燒牛卷牛柳五成熟，燒得恰到好處！好多肉汁搭新鮮Wasabi薄燒牛卷略嫌普通，捲着香蔥有黑胡椒香味✨菊花豆腐白麵豉湯有驚喜豆腐絲切到絲咁幼，豬骨湯濃郁香氣✨黑松露海鮮炒飯炒飯粒粒分明、炒得乾身！裡面加左蘭王蛋、海膽醬、黑松露，再加上鮮蝦同三文魚子✨爆珠紅豆柚子雪葩清新脆口，估唔到有啲同紅豆可以咁夾
繼續閱讀
龍亭 (中環)地點📍 中環蘭桂坊15-16號協興大廈5樓同仔仔慶祝，想試下新野未試過係香港食鐵板燒，見呢間咁多好評價錢又可接受 就決定試下🤤🤤---------------高級廚師發辦套餐💲688---------------刺身一品（時令生蠔）覺得值得一讚嘅係，佢有提供檸檬👍生蠔肥美新鮮---------------鐵板海鮮兩品（虎蝦+元貝）食材新鮮，元貝係刺身級👍👍虎蝦唔會煎得太老，夠曬彈牙龍蝦汁都好出色👍成隻龍蝦嘅精華都喺晒個汁度---------------鐵板料理（美國安格斯牛肉薄燒卷）牛肉嫩口，配蔥花同炸蒜唔會太過油膩👍---------------菊花豆腐麵豉湯入面最驚喜嘅係有個花膠煮得勁淋身👍好飲！---------------黑松露海鮮炒飯鐵板炒飯，炒到粒粒分明黑松露香氣濃郁---------------柚子雪芭配紅豆爆珠紅豆爆珠係佢哋自家製嘅分子料理勁有咬口👍夠新穎---------------
繼續閱讀