影片
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
影片
相片
+128
喺香港食壽喜燒，通常都偏貴，好多人會選擇去到日本先食，不過最近聽同事講中環有間食壽喜燒好出名嘅餐廳，午市套餐好抵食🤑呢間位於雪廠街嘅壽喜燒店，聽聞晚市好難book，午市就容易啲，可以去試吓😛Lunch set有幾個價位，自己動手燒就由2百幾蚊起，有師傅幫手燒嘅話就貴一倍，不過目測肉會靚啲。我哋揀咗自己燒，但係服務都幾好，姐姐都會不時過嚟幫手🥳Lunch Set 🥩Mini Sukiyaki 牛 $280牛肉色澤好靚，大大片，未食已經覺得好吸引😍醬汁鹹甜度剛好，夾埋肉味濃嘅牛肉味道唔錯👍🏻肉偏瘦，食落去冇咁肥膩，不過就冇咗嗰種充滿油脂嘅邪惡感覺，比較適合鍾意食冇咁肥嘅人。配菜有豆腐、芋絲、冬菇等，索滿醬汁幾正🤩🥓Mini Shabushabu 豚 $180唔食牛嘅朋友都可以揀豚肉版，shabu嘅湯底係昆布湯，湯頭清淡，突出豚肉嘅豬味😙🍱Sukiyaki Rice Bowl $190唔想慢慢烚，仲可以揀預先煮好嘅sukiyaki bowl，方便唔想郁手嘅懶人🤪不過生熟度就冇得自己控制，比較熟，同埋調味偏重手，都係自己燒好啲🤣🥗沙律、味噌汁、飯、雪糕沙律係麻醬菠菜，清新爽口。味噌湯就有啲中藥味怪怪地🤣最後仲有雪糕作結，好豐富，可以揀抹茶或士多啤梨味，抹茶味勁香濃醇厚😋推介指數（10分為滿分）：8分
繼續閱讀
一直都想試呢間，但之前真係太難預約，而家提早2星期電話已冇問題！環境坐得幾舒服，有師傅專門席上烹調，大家坐係到等食即可。小插曲：電話預約時己表明係生日，問有冇咩特別安排，但對方已不耐煩HEA住回應冇呢D野。但當天見到另一枱客人甜品上黎時有特別唔同＋有即影即有Service，真係覺得特別尷尬，超失望，我仲要係預早打電話問！！！🥩Lunch Set $600 💫8/10日本有三大和牛，分別係神戶牛、松阪牛、近江牛，今次食嘅就係來自滋賀縣嘅A4近江牛，都係黑毛和牛嘅一種。套餐包含前菜、牛、蔬菜、湯、飯、甜品。牛方面有西冷、肩兩種肉，西冷一望就見到油花細緻好靚。師傳灑上砂糖輕煎塊牛，有少少焦香再落醬油，第一啖食落個油脂感爆發，超軟嫩，但又食到和牛甘甜。點埋蘭王蛋漿，口感就會再Smooth絲滑D，牛味就相對淡D。中間會煮唔同種類，例如冬菇、白菜、豆腐、麵筋，特別D係蒟蒻麵同埋有個類似芹菜。全部食材黎自日本，最鍾意個洋蔥食落好清爽、清甜冇渣，冇一般嘅辛辣味，加上用個醬汁煮埋超好食。接落黎就係肩部位，明顯食落個油脂感冇咁重，口感重D，相對上冇咁膩，配飯一流。我地再另外額外加左$100要一份牛舌(4片)，肉味濃，煎到幾香，咬落軟腍帶D爽口有彈性！最後會整多個滑蛋牛肉蓋飯，個飯幾煙韌分明，滑蛋都好香熟度剛好，好食但未去到超驚艷。🌟總結：呢個價，食物錢質素唔錯，除左小插曲扣分之外，其他都正正常常。
繼續閱讀
我們在「すき焼 森」享用了他們的sukiyaki牛肉餐，味道真的非常美味。牛肉在餐桌上被迅速煮熟，讓我們可以即刻享用，連洋蔥的切法也非常精緻，讓人感到非常愉快。Sukiyaki Mori 提供的sukiyaki牛肉菜式品質優良，口感鮮美，給人留下深刻印象。他們對牛肉的處理技巧讓肉質保持鮮嫩，搭配獨特的調味料，味道十分迷人。整體而言，用餐體驗讓人滿意。從美味的sukiyaki牛肉到精心製作的配菜，每一道菜都展現了他們的用心和專業。享受這樣美味的日式料理，讓我們感到十分開心和滿足。如果你想要品嚐正宗的sukiyaki牛肉，我強烈推薦「すき焼 森」。
繼續閱讀
小妹在日本吃過 Sukiyaki（鋤焼き）之後，只吃 Shabu-shabu，個人喜好，因為吃肉怕「甜」，日本人鋤焼き多下糖，尤其是很傳統的鋤焼料理店，看著女將下糖不留手，小妹有點怕。就是不先撒糖下鍋的做法，例如『人形町 今半』，其實醬汁已經混了糖，甜度還是一樣高的。反觀香港的 Sukiyaki，似乎遷就客人口味，調味稍為克己，例如香港『日山』都沒有傳統的濃甜。【 『すき焼 森』】自從佐瀨先生離開香港，『佐瀨』先生的名字仍然掛在雪廠街樂成行『鮨 佐瀬』和『鮨 佐瀬 はなれ』店前一段時間，及後終於有所改動。小妹係佐瀨先生 big fan，由卑利街吃到樂成行 😬。首先本來『鮨 佐瀬 はなれ』先改為『天婦羅 鈴木』（有興趣請參考小妹 2023 年 7 月 5 日食評【 又見『花揚』，好的開始 】 😎☝🏽 推下自己啲食評先），之後鈴木さん搬家與『山下』作鄰，那裡變成『鮨 純司』。而今天午餐的『すき焼 森』這家店本來就是『鮨 佐瀬』（『鮨 佐瀬 はなれ』隔籬的店）。內裏裝修沒有變動，都是淺木色鮨屋氛圍。據聞在歌賦街『すきやき 森』是人氣店，小妹在香港少吃，孤陋寡聞。【 お任せ 】是日小小午餐「お任せ」。【 侍酒 】食物之前，談一下這裡對侍酒的態度。知道之前 『鮨 佐瀬』對餐前酒侍酒有改進之處，梅酒 soda 用碎冰不是冰塊，今天喝茶算了，果然看見旁邊客人叫的 High Ball 都是用碎冰 🙄。日本料理侍酒非同兒戲，要改善的。然後進入正題。【 前菜 】白舞茸，日本清麗高湯之味，似乎是好的開始。****【 茶碗蒸し 】入秋菇菌季節，這個茶碗蒸雖然不算驚艷，唯蛋幼滑，調味適中，完全吃到材料（各式菌類）之原味，感受到有誠意之作。****【 鋤焼き 】今天吃近江牛的西冷（ロース）和裡脊肉（ヒレ？）並追加了牛舌（牛タン）。小妹半個京都人，得知是近江牛欣喜萬分呢。***********第一片，大蔥配 ロース（西冷/sirloin） ，看板前下糖量，可知他相當克制，一吃，果然，似乎調味稍欠。看看你的口味，如果你想吃正宗鋤焼き，這裡的調味，拌以蛋漿後，會覺得不夠濃甜。而且板前讓肉在鍋中較久，肉不過生，這亦是小妹喜歡的。傳統鋤焼是讓肉幾近全熟，肉鋤焼き做得很生，反而是非鋤焼專門店做「鋤焼式」（Sukiyaki style）菜式才會出現。話需說回頭，這位板前（師傅）做的鋤焼き偏熟的。至於飯量，可以自由選擇多少。就是不想多吃澱粉，還是要些米飯襯托牛肉才好味啊。****現在日本料理新風，樣樣皆可生吃，不但牛肉、雞肉做刺身，連內臟都生吃，豬肉變成 medium ，似乎沒有汲取之前吃生肝臟出事的可鑒前車。對於生肉，小妹雖然敢吃，但不以為然，除了魚類刺身，食物，尤其肉類，還是要經過點熱力，有點火候才好吃的。以 ユッケ（Yukke）為例，對應西方的 Steak Tartare，後者以剁碎牛柳（filet）做，因為牛柳肉瘦，沒太多脂肪。日本吃 Yukke（這個其實是韓文來的，漢字是「肉膾」），很多料理屋，尤其焼肉店都會以 Yukke 作為前菜。日本 Yukke 用和牛，脂肪量相當多，小妹完全覺得吃生肥肉並非享受 😨。說遠了。肉食之後，吃點【 野菜、豆腐 】沒有那麼甜的醬汁，反而令蔬菜的味道吃得出來，沒有因為醬汁而犧牲了野菜之香。****然後是第二片 Sirloin，這次伴隨牛肉的乃水菜啦。****跟住下來是追加的【 牛タン（牛舌） 】啦，玉蔥（洋蔥），很甜美，牛舌肉味沒有埋沒醬汁中。****【 裡脊肉 】應該是 ヒレ 吧？手法一貫，微甜、這一片稍熟，所以可以說不夠滑，小妹則認為可以接受，口感尚佳。 ****【 白滝焼き】 白滝（しらたき）是蒟蒻麵條呢，取其如粉絲一樣絲絲如白色瀑布一樣。這裡是「乾炒」的。乾炒之後白滝變成「棕滝」啦 😆。炒麵畢竟是吸收了醬汁，是略為濃味的，不過因為鹹度恰好，未有過度刺激味蕾，口感也相當彈沒有太軟，如像吃炒粉絲。****第二片【 裡脊肉 】配菜是三葉（みつば），像 parsley 般的蔬菜（英文就是 Japanese parsley 呢），這道菜果然是高潮所在。三葉芬芳十分襯托牛肉鋤焼き。****最後還有那個【 ふわたまご飯 —— 滑蛋牛肉蓋飯 ｜香物 ｜味噌汁 】，蓋飯誠然美味，調味，滑蛋濕潤度都剛好，加上小蔥芳香，再喝一啖熱騰騰的味噌汁，吃罷叫人十分舒泰。反而上次到『人形町 今半』，吃到最尾，那過濃的醬汁令飯有點膩了啦。********【 咖啡 ｜ 甜品 】咖啡其實不差。冰淇淋則普通一點，聊勝於無，有頭盤也有甜點才算有始有終呢。******【 總結 】今天的鋤焼，可以總括為板前手藝純熟，肉較熟，減甜並且味道不鹹。肉的生熟度和味道俱為小妹所喜愛。相比香港『日山』，單單論肉料理，『日山』是做得比較滑一點的（因為稍為 rare）。不過整體用餐經驗而言（那次去『日山』，沒有 tableside serving，而且刺身很後才上，不按次序，那是茶餐廳服務級數），『すき焼 森』稍勝。在日本吃 Sukiyaki，無論關東關西風味，小妹都覺得太濃太鹹太甜 —— 不錯太鹹也太甜，即係話，糖多醬油也多。所以小妹現在去『今半』也好『瀬里奈』也好，很多時候都會去 『岡半』，都是吃 Shabu-shabu 的。這裡沒有那個問題，但出現另外一個問題是缺少 Sukiyaki 應該有的 kick，似乎就不夠 Sukiyaki 了。好與不好，個人口味。至於服務，板前料理過程步伐不徐不疾，小妹吃飯甚慢，板前就著我的節奏，上菜沒有過急，十分恰當，而且服務周到，會問客人吃每片牛肉之飯量，甚為貼心，。而服務上唯一要批評的，是一位男服務員收碟太快，剛吃完前菜，不出一秒就過來把碟收走，要知道日本料理，需時回味，客人要點時間，靜思一刻，憶念方才美味，如馬靭交響曲，最後樂章完結，全場要靜默，讓腦海中餘音漸逝，無需急於拍掌（不少人搶著拍掌不過炫耀自己對樂曲的熟悉而已🙄）。太快收碟，打斷了料理一氣呵成之美呢。還有，餐前酒如 High Ball、梅酒梭打希望店方改用冰魂而非冰粒，免得酒太快稀釋。其他都令小妹吃得開懷。**
繼續閱讀
今次叫左兩個牛set🤤（1） 一開始有頭盤酸酸甜甜幾開胃（2）櫻花蝦茶碗蒸蛋味十分濃烈（3） 近江牛 肉眼肉眼係咁多個部位最肥嘅一塊，咬落去係咁多塊最嫩滑嘅一塊，食落去係油脂最重，肉味比較淡少少，因為煮既時候師傅加左糖，令到牛肉多少少甜味。同時間餐廳會上一碗飯，白飯係可以任添。第二款牛係西冷相對肉眼來講無咁多脂肪，咬落去係比較實淨一啲、牛肉味出過第一款。近江牛 上牛肩胛相對上有咬口d，但食落都入口即溶，同埋牛味重過之前幾塊，如果覺得太油可以浸一浸蛋清一清牛既油膩感。最尾重有個滑蛋牛肉飯🥰十分滿足💫追加 牛舌 +100有四塊四塊都係比較薄身，容易入口，重加左蔥花令到好香💫追加海膽🥰🥰 +200海膽好鮮甜🤤🤤另外有一set 野菜食完每款牛之後師傅都會煮一款野菜去解一解油膩感最後最後因為生日關係甜品有蠟燭🕯️+店員會幫客人影相再加印張相出嚟🥰
繼續閱讀