X2劉住您

營業中

休息中

葵芳嘅 X2劉住您人氣極旺，門口長期都有人企喺度食。單睇住店員手不停口地準備外賣單，就知佢哋生意有幾好。今次試咗幾款熱賣嘅小食，整體味道唔錯，性價比算高。 🔸櫻花蝦卜卜蜆扇貝蝦湯拉麵呢碗拉麵嘅湯底帶有鮮甜嘅海鮮味，櫻花蝦增添咗層次感，同時有卜卜蜆同扇貝嘅鮮味撐場。麵條吸收湯底之後依然彈牙，唔會過腍。整體嚟講係一碗誠意滿滿、鮮味十足嘅海鮮湯拉麵，以呢個價錢嚟講，算係幾抵食。 🔸1985玉子燒加芝士 玉子燒本身做得幾厚身，口感嫩滑，帶微微甜味。加咗芝士之後，奶香味更加突出，入口帶絲絲拉扯感，幾邪惡。雖然價錢比普通玉子燒貴少少，但芝士控絕對會覺得值得。 🔸惹味爆炒雞腎細 雞腎炒得夠香口，火喉啱啱好，唔會太韌，保留到少少爽口嘅口感。調味方面偏濃，惹味十足，帶有少少辛辣感，非常適合作為下酒小食。不過如果平時食得比較清淡，可能會覺得略嫌重口味。

葵廣真係一個食貨天堂，每次嚟都會發現啲唔同嘅驚喜，今次就俾我搵到呢間「X2劉住你」。佢主打牡蠣蝦湯，上到嚟個湯底香氣真係霸氣十足，聞住都已經肚餓！✅ 蝦兵蟹將蝦湯米粉（$78）呢碗真係必試！一上枱就已經聞到濃郁嘅蝦香，紅橙色嘅湯底好吸引，睇落就知係用大量蝦頭慢慢熬出嚟嘅。飲咗第一啖，個湯濃到不得了，蝦嘅甘香味即刻喺口腔爆開，鹹香得嚟仲有少少甜味，好有層次。米粉吸晒啲湯汁，每一啖都好滋味，唔會覺得乾或者腍晒。而且入面啲蝦肉真係夠新鮮，肉質彈牙，咬落仲有少少鮮甜，成碗嘢係又香又滑，必點！✅海之幸牡蠣蝦湯拉麵（$78）除咗蝦湯本身嘅濃郁，仲加埋牡蠣，令到個湯底多咗一層鮮甜感，但又唔會覺得太膩。湯色帶少少金黃，入口係即刻感受到海鮮嘅濃香，尤其係牡蠣嗰陣獨特鮮味，好鮮甜但唔會過頭。拉麵嘅口感係偏硬身嗰種，夠煙韌，掛湯效果一流！碗入面啲牡蠣鮮得嚟好滑嫩，配埋啲蝦肉一齊食，真係好滿足✅廣島蠔蜆肉櫻花蝦蝦湯（$60）個湯底蝦味依然濃郁，仲有蜆肉同櫻花蝦加持，令到個湯香氣更複雜啲。蜆肉好鮮甜，仲帶少少海水嗰種鹹香，櫻花蝦則係增添咗少少脆口嘅感覺，好有層次！✅玉子燒（$38）講真，呢個玉子燒係意外驚喜！一

**食評**： 今日喺葵涌廣場試咗一間叫「x2 劉住你」嘅餐廳，點咗佢哋嘅招牌菜——大蠔客蝦湯拉麵。呢碗拉麵主打四隻日本廣島蠔，蠔嘅尺寸偏大，而且非常多汁，入口鮮甜，蠔味十足，絕對係呢碗麵嘅亮點！湯底方面，雖然有鮮味，但個人覺得可以再濃郁啲，尤其係蝦湯嘅味道可以更加突出。湯入面有少量蔬菜，增加咗口感同層次，但整體湯底嘅濃郁度略嫌不足，如果可以再濃厚啲，相信會更加完美。至於拉麵嘅麵質，屬於一般水準，唔算特別彈牙或有驚喜，但都算係合格。值得一讚嘅係，整碗麵係即場烹調，熱辣辣上枱，食落感覺新鮮。**總結**： 整體嚟講，呢碗大蠔客蝦湯拉麵嘅蠔係最大賣點，鮮甜多汁，絕對值得一試。湯底同麵質雖然未算頂級，但整體水準都算唔錯，適合鍾意蠔嘅朋友。

葵廣多野食就係人都知, 係2樓呢間人氣海鮮蝦湯麵店, 就連美食新聞報導都去食就知好野啦, 最多人鍾意一定係佢哋蝦湯底, 今日我同老公特登去食呀! 唔好睇佢舖仔細細, 粉麵主要都以海鮮為主, 每碗拉麵的湯底是由大量新鮮阿根廷紅蝦大蝦頭熬製而成, 每一口都能感受到濃郁嘅大蝦嘅鮮甜特別強勁, 真係性價比超高。1985玉子燒 - $38 (加芝士+$5)現場即整嘅玉子燒, 食落熱辣辣, 捲咗好多層, 蛋香味濃超嫩滑, 咬落去係超鬆軟綿綿好滑身, 另外只要加$5就可以有埋芝士, 我又點會唔加呀?! 芝士有拉絲嘅感覺, 又有咸香味, 玉子燒面仲加有沙律醬, 燒汁, 木魚碎, 紫菜碎同大量蟹籽, 口感層次都更加豐富。蝦兵蟹將蝦湯烏冬 - $78將三大隻阿根廷紅蝦掛喺碗邊, 再加三隻蟹鉗, 打卡一流。一嚟就先飲幾啖湯先, 真係一啖唔夠, 真係超鮮甜; 阿根廷紅蝦爽口彈牙, 蟹鉗鮮美; 烏冬吸收晒濃蝦湯的味, 食完唔會口渴; 配料加埋櫻花蝦, 仲有啲蟹肉, 令到口感更加豐富。蝦籽醬爆炒卜卜蜆 - $60蜆肉沾滿香濃嘅香蒜, 蝦籽醬汁, 蜆肉份量夠多, 而且超新鮮, 洗得好乾淨冇沙, 炒得好有鑊氣;

呢間嘅濃蝦湯麵真係好香，光聞就知道好濃郁！🦐最強蝦湯烏冬最強果然名不虛傳！湯一入口，就感受到濃濃的鮮蝦味，裡面有五隻大大隻的蝦，蝦肉彈牙。🦐蝦蟹蠔蝦湯拉麵呢個係NO.1必食推介，除了有必備的蝦之外，仲有飽滿的蠔同埋鮮美的蟹鉗，湯底更係濃得無話可說。🦐海之幸扇貝蝦湯米粉每碗蝦都超大隻，又彈牙，米粉吸收晒湯底的精華，味道一流。🦐蝦子醬爆炒卜卜蜆呢個真係要强力推薦，呢個菜色真係超大兜，冇沙，蝦子醬炒得勁惹味，每一隻卜卜蜆都超級入味。本來想試下 鵝肝鰻魚炒飯，但可惜今日買唔到，期待下一次再嚟幫襯！

📍 X2劉住您 (葵芳)葵芳葵富路7-11號葵涌廣場2樓2018號舖Overall: 😋😋😋😋.8/5 👉🏼蝦頭蝦肉製最強蝦湯牡蠣拉麵💰78呢個拉麵可以話係蝦湯嘅巔峰之作！蝦嘅鮮味同牡蠣嘅滑膩結合得天衣無縫，湯底濃郁得嚟唔油膩，拉麵更係吸滿湯汁，每一口都有驚喜，真係食過返尋味！👉🏼蝦蝦霸霸日式蝦湯泡飯💰80呢碗蝦蟹日式蝦湯泡飯，簡直係極品！蝦湯香濃，米飯吸咗湯汁之後，味道更加突出。蟹鉗肉質鮮嫩，與蝦湯嘅配合令整碗飯更加豐富，食完之後心情都變得好好！👉🏼火辣辣芝士奄列撈麵💰40火辣辣芝士奄列撈麵真係好正！面條口感滑溜，芝士溶得恰到好處，味道濃郁又香濃。辣味唔會太過，啱啱好，食完之後仲有一陣陣香氣留喺口腔，真係令人回味無窮。👉🏼蜆蜆蝦蝦冬陰功烏冬💰60蜆蜆蝦蝦冬陰功烏冬都唔可以錯過！湯底酸酸辣辣，十分開胃，搭配新鮮嘅蜆同蝦，口感非常豐富。烏冬吸咗湯汁，食落特別有味，仲可以感受到海鮮嘅鮮味，令人一口接一口回頭: ysss，無論係味道、口感都令人驚喜，好足料好好味呀✨🍤🦪🐚

試試葵廣人氣極濃厚海鮮蝦湯麵 可以自由選擇唔同湯底麵底但最多人鍾意一定係佢哋蝦湯底⭐️最強蝦湯拉麵$59呢個價錢竟然有五隻蝦 相當足料表面仲有櫻花蝦 湯底橙色極濃郁蝦香味無論選擇拉麵 定米粉 都可以吸晒湯底精華 好惹味.如果鍾意豪華海鮮嘅朋友 可以叫⭐️海鮮大雜燴冬陰功$78 稻庭烏冬佢哋冬陰功湯底都好開胃 配稻庭烏冬都唔錯對比蝦湯絕對唔輸蝕 兩款湯底都超正海鮮份量勁多 鋪滿成碗麵 有齊海蝦 青口 蜆 蠔特別一提 佢哋啲蠔真係好飽滿肥美佢哋仲有⭐️蝦子醬爆炒卜卜蜆$60.真係好適合鍾意蝦湯嘅朋友‼️你哋有試過未呢？.#hkfunfoodrecord窮遊香港#hkfunfoodrecord_葵芳.#X2劉住您 (葵芳)地址：葵芳葵富路7-11號葵涌廣場2樓2018號舖.#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #葵興美食 #香港美食 #葵興必食 #葵芳美食 #葵廣美食 #葵芳必食 #葵涌廣場 #

早幾日去葵涌廣場食野，去揾啲街頭美食試下，我就經過一間叫劉住你間店鋪，位於葵涌葵涌廣場2樓呢間店鋪主打食蝦，夠蛋白質。我就試左蠔肉蜆肉櫻花蝦湯拉面，味道好正，拉面唔會太硬，配左好濃味的蝦湯，真係值得一試

呢間店主打食蝦，用蝦做出不同的菜式。蝦兵蟹將蝦湯米粉將蝦掛喺碗邊，打卡一流~爽口彈牙，蟹鉗鮮美，米粉吸收晒蝦同蟹嘅精華好入味。啲湯都飲得，當午餐都夠飽蝦籽醬爆炒卜卜蜆蜆肉沾滿香濃嘅醬汁，蜆肉份量夠多，唔會只得殼，每個殼入面都有肉，讚！另外還有炒大蝦嘅version，今次啲蝦一早沽清，下次要早啲嚟試下大蝦先😗廣島蠔蜆肉櫻花蝦蝦湯佢哋嘅蝦湯係signature，飲得出落足料，係濃縮咗櫻花蝦嘅精華熬製 …唔會死鹹又好飲。廣島蠔大隻肥美，連埋啲湯一齊食，令到隻蠔更juicy~

葵涌廣場出名係掃街聖地，今期試下最近人氣爆登蝦湯麵小店，X2劉住您推出自家香濃蝦湯麵，配上多款時令海鮮，款式配搭選擇夠多。別Order左蝦兵蟹將蝦湯米粉、蝦子醬爆炒卜卜蜆、口爆冷麵🥰🦐蝦兵蟹將蝦湯米粉🍜$78蝦湯味濃郁之餘仲有啖啖鮮蝦味，食完唔會口渴，蟹鉗、大蝦圍住個碗邊，擺盤都有心思，松葉蟹蟹鉗脹卜卜，保持到鮮味，大蝦蝦肉爽彈紮實，吸盡蝦湯，配料加埋櫻花蝦令到口感更加豐富，米粉仲可轉拉麵或稻庭烏冬，唔錯唔錯！📣蝦子醬爆炒卜卜蜆$60依兜卜卜蜆十分強烈推介，清洗得乾淨沒有沙，色香味俱全，炒得好有鑊氣，好出色過大排檔果d，蝦子醬爆香非常惹味，每一粒卜卜蜆都均勻沾上醬汁，一粒接一粒咁啪晒成兜！🉐留住您必食口爆冷麵$30蟹籽非常多，蟹籽多到每一啖都品嘗到！難怪改個咁既名，冷麵配搭有青瓜絲，撈麵個汁好好味！⏰營業時間12-9，逢星期一休息，大家要留意啦！

🌸北海道松葉蟹三兄弟蝦湯拉麵 $70🌟🌟🌟🌟🌟脹卜卜松葉蟹蟹鉗，蝦湯非常濃郁，帶點煙靭的拉麵，湯汁能掛在拉麵上，還有啖啖肉的松葉蟹蟹肉，口感味蕾，非常豐富。🌸蝦子醬爆炒卜卜蜆 $60🌟🌟🌟🌟🌟大大兜卜卜蜆，炒得好有鑊氣，蝦子醬爆香非常惹味，每一隻卜卜蜆都脹卜卜非常入味，而且沒有沙。🌸哈哈哈蝦籽味冷麵 $45🌟🌟🌟🌟🌟係超巨型的蝦，蝦頭滿滿蝦膏，蝦肉非常結實，冷麵配搭有青瓜絲，拌入蝦籽醬非常惹味。🌸蝦兵蟹將蝦湯米粉$78🌟🌟🌟🌟🌟蝦湯非常濃郁，大大隻蝦肉質非常鮮嫩，蟹鉗也啖啖肉，爽口米粉索晒湯汁非常好味。

今日終於有機會嚟葵廣2樓試蝦湯麵分別叫咗最強蝦湯拉麵，北海道松葉蟹三兄弟蝦湯烏冬，留住你必食口爆冷麵同1985玉子燒+芝士最強蝦湯拉麵平時出去食拉麵最多得2-3隻蝦，呢到好大方，俾足5大隻蝦，一啲都唔孤寒而且價錢仲好實惠食麵之前飲咗一啖湯好似比蝦圍住咗咁，好鮮甜嘅蝦味，好好飲北海道松葉蟹三兄弟蝦湯話係季節推介，原本係米線但我轉左做烏冬起初諗左陣點樣三兄弟，原來有蟹鉗蟹柳同埋蟹肉呢個湯底無最強鮮蝦咁濃味，但反而突出到主角“松葉蟹”烏冬掛起湯底既汁，每一啖有齊蝦蟹味，好滿足！留住你必食口爆冷麵蟹籽多到每一啖都食到蟹籽粒！真係無改錯名，每一啖都口爆😂😂😂配料落得好大方，同個麵1:1咁濟 1985玉子燒+芝士一開始以為芝士就咁鋪喺面原來係擺喺中間做餡面頭都落咗蟹籽增加口感中間芝士份量做到拉絲效果玉子燒整得啱啱好，唔會太老如果作為晚餐，呢個價錢絕對係抵食又飽又滿足😌😌😌😍

同事介紹葵涌廣場二樓掃街位置，有間人氣爆登出名香濃蝦湯麵的小店，店舖名叫「X2劉住你」，推出自家製香濃蝦湯麵，配上多款時令海鮮，扇貝燒蠔、蜆青口等，除咗蝦湯底仲有冬陰功湯味多款小食，燒蠔、炸燒賣、玉子燒、冷麵炸魚蛋雞腎，總有一款啱心水。炸燒賣(HKD 20): 外皮的酥脆和內餡的鮮美，口感層次分明。外皮變得金黃酥脆，內餡是魚肉，鮮嫩多汁，再加上蜜糖芥末醬和蜜糖粉，外皮的酥脆與內餡的柔軟形成鮮明對比，咬一口時，先是感受到外皮的香脆，接著是內餡的鮮嫩和汁水，最後是調味的甜。蒜味牛油煎焗生蠔🦪：(HKD 59):生蠔的鮮甜，蒜香的濃郁和牛油的醇厚，口感豐富且層次分明。生蠔本身帶有海洋的鮮味和自然的甜味，經過煎焗後，肉質更加嫩滑，汁水被鎖住，咬下去時能感受到濃郁的鮮味，用牛油煎香，香氣會在口中停留，停吾到口。蝦醬蟹將湯米粉（HKD 78): 呷一啖香濃蝦湯，味道鮮甜濃郁，用上蝦頭和蝦殼經過熬煮後，釋放出濃郁的蝦味和天然的甜味，湯底非常鮮美。湯中加入爽彈大虎蝦數隻，仲有肉質紮實已脫殼的蟹鉗，方便食用，加埋櫻花蝦吊味，增加口感的層次感。湯頭的鮮味會在口中停留，米粉吸收湯底精華，好味。櫻花蝦卜卜蜆扇

我去葵廣掃街通常係食小食，二樓個角位有好多野食，呢間個名玩食字無乜感覺，但望到啲相片餐牌又幾吸引，咁啱店前張枱有位可以立食就響度開餐。① 冬蔭公炒腸粉 $30個冬蔭公味幾香濃，加埋椰菜絲，蘿蔔絲炒，微微酸辣幾開胃，食到後期覺得有啲油但我幾鍾意呢個炒腸粉。② 蝦子醬爆炒卜卜蜆 $60炒蜆幾大份，幾大隻，炒得入味，食得滋味，唔錯。③ 櫻花蝦海老軍團蝦湯拉麵 $59賣相幾吸引，五隻大蝦掛邊，肉身爽口。蝦湯湯底非常香濃，好飲，飲完唔覺口渴，應該無加味精，推！呢個價錢響葵廣唔算話好抵食，但論性價比絕對高，香港應該無咩地方收呢個價錢做得到呢個質素。係爭在食用環境唔夠舒適，如果無埋張枱真係搞唔掂，又蜆殼又蝦殼都幾狼狽。

約咗朋友去葵涌廣場行街，突然見到呢間濃🦐湯麵，D蝦🦐好新鮮同埋好彈牙😋😋仲有抄蜆，雖然D蜆有點少，不過好夠鑊氣，同埋上面加左D樱花🦐仔，好特別配搭，下次再x2劉住你。