Via Tokyo

營業中

休息中

啱啱喺銅鑼灣睇完戲，又未到食晚飯嘅時間。之前食過Via Tokyo覺得佢出品唔錯，見佢裝修完所以決定去幫襯吓😋 叫左兩杯宇治抹茶+宇治焙茶雪糕 (白玉$55，黃豆粉$62) 。抹茶味好濃，可能因為加左北海道牛奶，雪糕質感好軟滑 🍦 個人覺得抹茶雪糕都係加紅豆泥最正最好食 😂 反而焙茶味真係食唔到，而且我發現裝修之後價錢多咗唔少。啲員工用雪糕機嘅技術亦都冇以前咁好，嚟到個雪糕又肥又矮咁⋯⋯味道係好嘅，但價錢同外貌真係有待改進 😅

裝修完，第一次幫襯週末下午時間，竟然直入唔使等位，隔離的mammy 雞蛋仔條龍反而勁長，早知群眾的眼睛是雪亮的，果然，果然中伏1- 食物選擇少左，份量亦少左2- 服務唔係好掂，全部來倒老細米的

食正餐之前想食甜野，於是揀左Via Tokyo🍦，貪佢份量唔會太多，都驚食濟左食唔落晚餐😂鋪頭岩岩裝修完，坐得闊落左，餐牌翻新左，價錢都提高左！當日去到既時候，店員告知無牛乳雪糕供應，亦無再賣左icremeria既雪糕，得返宇治抹茶同宇治焙茶口味，不過坐落左都照食，建議可以係門口話俾客人聽！🍨蕨餅宇治抹茶雪糕加白玉紅豆抹茶雪糕由北海道3.6牛乳加宇治抹茶粉🍵整成，質感好滑溜，茶味濃而不澀，有種醇厚回甘既感覺，甜度適中。蕨餅就正常發揮，煙煙韌韌再灑上大量綠茶粉，白玉甜甜地軟綿綿，同微苦既雪糕一齊食好夾！食幾多次都唔會厭！🤭📍Via Tokyo銅鑼灣禮頓道106-126號禮信大廈地下1A-1B號舖

叫咗一個大set 幾杯熱茶唔問唔會話你聽可以Refill Refill 咗一次就同你講唔可以refill ，同埋會只會refill 一半比你🤣🤣🤣茶壺四個有三個是壞的，要手動拉起啲茶先落到去，茶味道全部都苦澀講真間舖咁細，唔可以refill 咁多次係明，不過就咁放碟玄米茶葉喺度又唔同客人講、壞咗茶壺點用都要客人自己研究，要人哋問先教，就有啲問題lor🤣🤣🤣🤣甜品中規中矩，冇特別好特別差不過蕨餅一大pat, 食落好唔方便🥲

我以前係佢忠實fans，每次去銅鑼灣都會食一杯。自從裝修完後，綠茶雪糕（細杯左，價錢貴咗，味道淡）綠茶芝士蛋糕冇味。寧願去sweet cha cha 食都冇咁嬲。我希望佢可以改善下。唔好因為賺錢而趕客走。我希望見到依篇評論而作出改善

好耐都冇嚟呢一間位於喺銅鑼灣嘅主要食綠茶雪糕嘅餐廳，呢一間餐廳都已經開咗好多年，簡直係安嘅其中一個童年回憶，今日同朋友喺銅鑼灣呢一邊食完晚飯之後就過去食甜品，價錢同埋個餐牌同以前都冇乜好大嘅分別都係同以前差唔多！比較出色嘅，都係佢嘅綠茶雪糕，我就叫咗兩溝，有焙茶同埋綠茶嘅味道，焙茶就會比較甘香，而綠茶就會比較有甜口嘅感覺，兩樣都非常好食！而且非常軟身口感都幾好，反而蛋糕我就覺得不過不失冇乜特別！下次會再試吓佢嘅雪糕！

一段時間冇黎via tokyo (2個月度？)今次同朋友係希雲街食完early dinner入去食番個甜品👍🏻係外面已經見到啲枱唔同左全部變左矮枱我覺得好好仲好坐餐廳入面冷氣超大雖然外面天氣好熱 但都可以環保少少🤏唔洗開咁大同朋友一起食左個三色雪糕窩夫Yummy😋（menu好似都轉左樣 內容好似差唔多）

Via Tokyo 既抹茶雪糕成日聽人講好味，但係我一路都未試過，今次終於有機會去食！抹茶同焙茶味既雪糕都好出色！絕對值得 再來！ 見到佢仲有套餐，下次可以試下！個抹茶味雪糕好好味，唔係果種好甜既雪糕，抹茶味真係好濃而且係有回甘既！雪糕質感好creamy好濃抹茶味，完全唔係食空氣果種感覺！沙冰比起雪糕奶味重啲，夏天食真係夠曬清涼而脆米白玉焙茶抹茶雪糕有三種唔同既質感，雪糕 creamy配上脆脆既脆米，食落唔會覺得革調，再加埋煙韧既白玉，真係超正～因為抹茶同焙茶味我都取捨唔到所以就揀左mix既口味。抹茶味真係好濃好香杏 焙茶味都一様好濃！真係好似仲濃味過飲緊真既茶咁。好正好鍾意，茶控絕對要黎試！

抹茶香但唔夠濃，丸子幾煙韌，整體一般desu🙏・・・・・・・・・・・・・・・・・・・・🍵 7號黃豆粉 配宇治抹茶雪糕 HK$59 ・味道：宇治抹茶雪糕茶香重，但唔夠濃，只有一陣香味。黃豆粉都有啲孤寒-3-底下有啲黑糖水加埋紅豆夾埋雪糕都幾好食，冇想像中咁甜。・口感：丸子煙韌不過冇味XD，雪糕算滑的～🍨 三色雪糕窩夫 HK$75・味道：宇治抹茶雪糕同上，香但唔濃。黑芝麻雪糕冇驚喜，重黑芝麻味，夠濃夠香👍。個牛乳味真係kick喇，0奶0甜味，唔知食緊乜🤡・口感：窩夫一定浸淋晒嘅喇，黑芝麻雪糕濃到食到輕微顆粒感，jeng。🍹焙茶水果茶 大 HK$38・味道：erm⋯⋯有焙茶香嘅普通水果茶味，一般啦～・口感：正常～・・・・・・・・・・・・・・・・・・・・🤰性價比：中～🤰9衝度：可試～🤰結論：幾年前同幾年後食都係冇乜進步，keep住一般XD・・・・・・・・・・・・・・・・・・・・

抹茶控🍵🍦有抹茶嘅地方就會有我嘅地方🐖，喺銅鑼灣行到攰攰地就上網搜尋下有邊度有甜品食，點知原來附近就有抹茶嘅甜品，吃完之後感覺幸福滿滿的，大滿足😋😋一定要再嚟過呢😛

食完榮記粉麵好想食甜野清一清味蕾上次食完氷屋既士多啤梨冰🍧今次一條友食呢間就岩哂見到門口有芝麻味～正合我心意😍最後揀左3色雪糕窩夫3色有原味、抹茶同芝麻味一次過滿足3種口味😎雪糕吱係窩夫上面仲有3粒丸子🍡同1粒甜栗子🌰仲有少少紅豆蓉🫘丸子口感煙煙韌韌 配合甜甜紅豆蓉最好不過分量作為comfort food好適合第一次上枱時吱錯左焙茶味之後再重新比個芝麻味我所以無意食左一啖焙茶味～都好食😋食到差唔多最後要用手拎起窩夫先咬到最後食唔哂個窩夫～太飽飽嚕

Via Tokyo的抹茶雪糕&焙茶雪糕如果你係個抹茶控嘅話，Via Tokyo 絕對係一個唔可以錯過嘅地方！佢哋嘅抹茶雪糕真係好濃郁，食落去又滑又滑嘅，味道唔會太甜又有淡淡嘅苦味，非常好食。而焙茶雪糕就相對甜啲，但都好濃郁，有一種獨特嘅焙茶香氣，食落去唔會太膩。雪糕會融化得比較快，但唔會太軟，配上香脆嘅杏仁脆片真係好好食。除咗雪糕，佢哋嘅甜品同飲品都好正，例如抹茶奶酪、抹茶雪條、抹茶拿鐵等等。如果你鍾意呢啲日本甜品，一定唔可以錯過呢間店。佢哋嘅環境都好日式，裝修得好有心思，好適合同朋友一齊去嘆下午茶。店員都好友善，好有禮貌，服務都好好。整體上黎講，Via Tokyo 絕對係一個好正嘅日式甜品店，值得一試。

原本想食附近好出名間冰屋，點知5點半店休，就食左呢間甜品店，濃濃的宇治抺茶！① 蒴餅 - 宇治抺茶 $59招牌甜品，雪糕份量幾多，唔會太甜，幾有質感。雖則平日抺茶紅豆呢個配搭好夾，但今次我覺得個抺茶雪糕配抺茶粉仲正，配紅豆好似有啲甜。蒴餅煙韌，加埋粒栗子，成件事好豐富。.② 宇治抺茶半熟焦香芝士蛋糕 $48唔會覺得好膩，面層焦香，中間少少流心，半熟蛋糕軟熟，加埋少少綠茶粉忌廉味道層次更豐富。③ 抺茶拿鐵 $40拉花無餐牌咁花巧，不過真係好好飲，香濃抺茶味，醇滑口感.落單果陣見到有套餐叫，不過我揀款蛋糕同飲品都要額外加錢，當我仲計緊散叫定套餐抵啲，店員就話套餐個份量少啲，所以我幾樣都係散叫。

我想食甜品，男朋友帶我嚟呢一間。之前都食過兩次，但主要都係試抹茶雪糕，一直想試吓佢嘅抹茶卷，果然冇令我失望。cream好滑,蛋糕好軟，又唔乾身。叫佢個套餐仲有熱茶，仲可以叫職員refill,佢仲會比兩隻杯你同人share，好貼心。我揀咗焙茶，好計到雪糕同蛋糕嘅膩。因為另外男朋友仲叫咗個焙茶芭菲，上面係滿滿嘅芝士，所以配茶一流。

食完媽咪雞蛋仔諗住食埋個雪糕🍦不過咁多人等位我梗係懶得等😝外賣叫咗個抹茶雪糕填補翻我食唔到沙冰嘅心❤️🦥宇治抹茶雪糕$39選咗杯裝雪糕，方便同朋友Share食，如果選筒裝平$2🤑呢個雪糕抹茶味夠灑香濃，奶味都好足，甜度我覺得雪糕嚟講幾啱我胃口，香港嘅抹茶雪糕都唔會太苦🍵而且雪糕係有小小口感，唔係入口即溶個款，呢樣嘢反而我同朋友都好中意😍食完雪糕即刻開心翻灑😊不過可惜係好想試吓佢啲抹茶套餐，要襯閒日人少啲再食過😤🌲🌲🌲🌲🌲🌲🌲🌲🌼懶好食指數：4.8/5🌼懶住去指數：4.8/5🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤Via Tokyo (銅鑼灣)銅鑼灣禮頓道106-126號禮信大廈地下1A-1B號舖