Via Tokyo

營業中

休息中

老老實實，原本想去氷屋，但太多人就轉陣到Via Tokyo。睇相以為宇治抹茶蒙布朗杯系類似綿綿冰嗰種，系我誤會左。佢既口感有D似一絲絲既薯蓉，然後系抹茶味，入邊可以揀一款味既雪糕，融入去D一絲絲一齊食，但感覺都唔系太夾。相反，三色雪糕窩夫幾有驚喜。其實佢都只係普通既軟雪糕加3粒小丸子同紅豆，但系佢既黑芝麻、牛奶同埋抹茶雪糕都好濃味。我自己最欣賞佢既黑芝麻同埋牛奶，好好味👍🏻👍🏻👍🏻

今日放工鬆一鬆，去左想食好耐嘅甜品人氣店，除咗抹茶之外，仲有焙茶可以揀，當然兩樣都要晒啦☺️#宇冶抹茶軟雪糕雪糕抹茶味香濃，香滑微甘既雪糕上面仲有甜甜紅豆蓉同團子🍡伴碟，帶點小清新🥰最驚喜係下面仲有脆米！整體口感層次豐富👍🏻#焙茶芝士蛋糕芝士蛋糕係半熟style，外firm內creamy，加上焙茶甘味上比抹茶少，味道上無咁濃烈，反而令整體不會太滯，而且香味更突出😌#焙茶拿鐵始終覺得熱飲同甜品最夾，焙茶口味本身較溫和，飲落好舒服而且帶烘烤嘅香氣，加入濃厚既奶泡同牛奶，大滿足☺️#viatokyo #hkfood #銅鑼灣美食 #美食日記 #香港必食 #香港美食攻略 #香港打卡 #性價比高 #香港旅遊攻略 #香港抹茶 #香港抹茶甜品 #香港焙茶 #香港焙茶甜品

因為被社交平台post 燒著咗，衝去Via Tokyo 試新嘢 😍翻新過後的Via Tokyo 經重新擺設過，座位多咗小小，格局好似和以前差不多。小店推出幾款秋季限定，分別以抹茶和栗子當主角。🍨栗子莎織杯 是我今天的選擇它採用了香味突出的日本栗子，細蘑成幼細如線的莎織蓋滿杯子的頂部，但嫌莎織略為碎，好容易跌晒出嚟，莎織下是我選擇的抹茶味雪糕，抹茶又香又滑，比一般雪糕黏口，感覺好實在，吃到最底部還有脆粒、覆盆子醬和一啲煙煙韌韌嘅東西，感覺是Happy ending 💚整體ok +貴左啲囉+店員目無表情😐

呢篇唔係一篇食評，其實係2篇加埋。因為本身去完一次想寫，點知寫之前又去多左一次。所以唔好問點解一條友食咁多野，因為唔係一次過食嘅！抹茶軟雪糕配黃豆粉＋白玉＋紅豆($63)就咁睇一個軟雪糕$63好似有D貴，但係試過你就知值得！呢間野嘅所有抹茶甜品都係超高水準，而且係實而不華。唔會搞好多花巧野，成個樣就係你去日本D老店會見到嘅外觀。就係抹茶軟雪糕，灑上黃豆粉，旁邊有白玉同紅豆。只係整齊放好，但雪糕極滑而綿密，唔係食空氣。抹茶香濃，呢間野做得抹茶專家，對抹茶粉要求甚高。以我所知佢地個茶粉不時會同唔同日本葉品牌合作，即係話你喺呢度食到飲到嘅味，係其他地方難以食到。只係呢樣野，就立即令我覺得價回票價。宇治抹茶蒙布朗杯 ($89)呢個係秋天限定，我相信好快冇。頂級宇治抹茶混合徳島栗子，我3年前疫情前的12月就去左一次徳島，仲食到水尾的徳島栗子。外層呢個栗子MIX抹茶的栗子泥超級驚喜，徳島栗子的甜平衡了宇治抹茶的甘，宇治抹茶和清左栗子的甜膩，入面仲有抹茶軟雪糕同埋士多啤梨蛋糕底。口感相當豐富！有心思，有誠意！抹茶卷($40)又係實而不華之作，我覺講過，佢用嘅宇治抹茶味道有別其他地方。所以食佢地嘅野係

宇治抹茶卷+蕨餅+培茶味軟雪糕配日式煎茶 $118身為抹茶控嘅我點可以唔去呢間餐廳試吓呀☺️食第一啖宇治抹茶卷覺得茶味好香濃，入口回甘😋蕨餅整得好煙靭好彈牙，而且，培茶味同抹茶味軟雪糕夠哂濃郁，食啖雪糕再飲啖煎茶簡直係perfect match呀😋

-🦄 ᴠɪᴀ ᴛᴏᴋʏᴏ @viatokyocafe ・🍃 夏日的蔥綠雪花飄飄…・⚡️ 真白簌簌飄落 霧松綠影相映照❄️ 晶凝蹁躚飛旋 玲瓏剔透律彌漫・✿－✿－✿－✿－✿－✿－✿－✿－✿－✿－✿・🎄【 𝓜𝔂 𝓧𝓶𝓪𝓼 𝓟𝓾𝓭𝓭𝓲𝓷. 】・首訪這人気抹茶甜品店 吸引我的並非抹雪糕卻是那動彈透嫩的布甸 抹控可能改頭換面嚕・💚 ᴜᴊɪ ᴍᴀᴛᴄʜᴀ ᴘᴜᴅᴅɪɴɢ ʜᴋᴅ68⚡️ ʀᴀᴛɪɴɢ🌕🌕🌕🌗🌑・既是抹茶控又是布甸控 神奇力量把它倆結合我會說它是個好吃的甸 感覺整體重於平衡性布甸質感偏向厚重紮實 有一定重量並非輕盈不是滑捋捋的日系布甸 也不會入口即溶化開卻做到順滑順喉之口感 且是極致綿密又細膩味道上大約分為三層次 各自都在互相配合著抹茶布甸重於甘香微甜 抹茶茶韻大於牛奶韻蛋香甜中規中矩不突出 整體味道偏甘幽清爽焦糖苦甜卻給我少驚喜 有一下被苦澀到很爽可惜焦糖醬份量不太多 只有薄薄的一層調和雪糕香甜而甜度比較高 像是蜂蜜雲呢拿雪糕雪糕上淋滿鬱綠抹茶醬 其甜度比雪糕是稍低抹茶醬由甘甜甘香主導 茶甘卻被雪糕遮蓋著個人欲抹茶甘澀能增強 才會平衡整體的甜味不過茶甘澀展現得較慢 屬尾韻於喉嚨中展現單純

一心諗住食甜品 本身想去第二間，但係full左無位，心思思想食甜品，所以就入咗呢間 Via Tokyo。有時想食嘢都冇乜原因，自己一個靜靜地，其實純粹單純獎勵吓自己見到綠茶雪糕，其實幾吸引，但想坐耐少少，於是乎揀咗set 3（$105）因為見佢有蛋捲又有雪糕同茶，自己一個食唔到，每樣細細份過吓癮茶可以refill 米味濃，唔錯雪糕冇綠茶味有少少失望蛋捲都冇綠茶味，而且口感較實…有少少嘥quota嘅感覺總括來講，試一次就夠..

門口有冇寫明最低消費？我哋四個大人兩個小朋友比張四人枱到落單時候嗰個侍應黑口黑面唔知得罪佢乜嘢。可能佢啱啱趕住就來收工掛，諗住問佢攞個盒將個蛋糕收錢冇所謂侍應十問九唔應。嘢食又唔係話好突出。

呢排抹茶癮比咖啡癮還要大。。。🤣🤣🤣所以就特地去轉 Via Tokyo 食個抹茶 Tea！😁😁😁Via Tokyo都唔係第一次食。。。次次都係食抹茶雪糕。。。新地咁。。。飯後甜品嘅好選擇！今日特地去食個 Tea！我叫咗個凍嘅 Matcha Latte & Matcha cheese cake！兩者都有濃濃嘅抹茶味。。。而且又不太甜。。。完全合晒本人心水！😋😋😋食完後完全有令人滿足嘅感覺！簡直就係正！抹茶控真的不能錯過。。。😁😁😁

呢間雪糕舖都開咗好耐人流冇以前咁強勁但係都唔弱依然好多人幫襯佢啲雪糕係做得唔錯嘅我耐唔耐都嚟食綠茶真係做得幾出色味道唔錯其他限定嘢到做得幾好呢期嚟到發現一個問題🤪佢哋以往嘅雪糕係好凍最近兩次過嚟發現都有少少溶理論上冇理由一上枱就溶希望佢哋盡快改善呢個問題

飯後緊係食甜品啦😆，經過見到仲有位就入去試吓，點左三色雪糕，綠茶帶甘味係正常，𦹷茶味好香有小小烏龍茶feel, 牛奶雪糕重奶味，有兒時回憶，嘩好多紅豆好呀，重點係唔會過甜，唔係死甜，好好味🤤，下次再食過👍🏻

以前坐巴士經過見到via Tokyo, 被店外貼有綠茶雪糕的海報吸引，於是某日得閒就去試吓食雪糕，之前去是未裝修前，有高枱高櫈，今次是裝修後去，沒有高枱高櫈了，轉了正常高度枱櫈比以前坐得舒服。我哋叫咗以下兩款雪糕系列：🍦蕨餅+綠茶&焙茶軟雪糕$63🍦白玉+北海道牛乳軟雪糕$50焙茶雪糕及綠茶雪糕又滑又夠凍，有🍵綠茶味的蕨餅軟淋淋，🍵綠茶味雪糕令☕️焙茶味雪糕減弱，最好先吃培茶雪糕那部分，雪糕混合紅荳蓉一定冇得輸，好好味的配搭。😋🍦🫘朋友食的北海道牛乳軟雪糕+白玉，雪糕好滑，白玉粉團軟硬適中😋餐廳內旁邊位置有茶及紙杯，顧客可自助取茶飲用。

想入店舖入邊問一下有冇位安排，點知比店內講廣東話嘅女店員（貌似分店負責人/經理）用手態指住門口，當下唔明意思，當然企喺門口等待安排，但係店員再用呼喝嘅語氣揚聲 吩咐我哋喺門外等。唔知以為自己等緊澳牛🤷🏻‍♀️其實佢都係收緊錢姐，聽唔到咪講一聲稍等一陣囉，唔需要用呼喝語氣態度。

早前3月，跟靚女朋友到銅鑼灣維園睇完花卉展覽將近兩小時後，她開始肚餓，並提議食甜品，她看 Google map 帶我走去一間多年來的人氣店，原來就是熟悉店名的 <Via Tokyo>！不過，我一直都無去過，依然屹立不倒！有其實力所在，曾榮獲 Openrice 得獎熱店！估唔到，星期六下午仍然要排隊等位，等約15分鐘便可入座！果然是人氣店！Menu每位最低消費 $30白玉抹茶軟雪糕 $52白玉似是無餡的湯丸， 口感煙韌，白色原味及綠色綠茶味各兩粒，綠茶味入口帶有甘澀；兩者全靠雪糕的甜美提升口味！抹茶軟雪糕口感軟滑，甘中帶甜！完全啱心水及個人口味！十分滿意呢！多謝她的推介！第二次幫襯，要補影 Menu，又要點杯抹茶熱飲及選擇其他甜品！ 之後又想再幫襯，怎料裝修無開！抹茶半熟焦香芝士蛋糕 $58表面有吸引的焦香， 半熟芝士蛋糕看起來挺身，入口軟滑 Creamy 而甘香，濃郁甘味少甜！Hot Matcha Latte (small) $40先嚐飲品後，才食芝士蛋糕！溫熱香滑順喉！ 甘中帶甜！相對甜度稍為高過芝士蛋糕！

啱啱喺銅鑼灣睇完戲，又未到食晚飯嘅時間。之前食過Via Tokyo覺得佢出品唔錯，見佢裝修完所以決定去幫襯吓😋 叫左兩杯宇治抹茶+宇治焙茶雪糕 (白玉$55，黃豆粉$62) 。抹茶味好濃，可能因為加左北海道牛奶，雪糕質感好軟滑 🍦 個人覺得抹茶雪糕都係加紅豆泥最正最好食 😂 反而焙茶味真係食唔到，而且我發現裝修之後價錢多咗唔少。啲員工用雪糕機嘅技術亦都冇以前咁好，嚟到個雪糕又肥又矮咁⋯⋯味道係好嘅，但價錢同外貌真係有待改進 😅