TOSS 蘇媽.蘇媽

營業中

休息中

等女朋友放工撐枱腳🥰天氣涼返想飲肉骨茶就諗起之前食過既蘇媽蘇媽😊餐廳光猛坐位間隔舒適☺️餐點款式多..有肉骨茶、喇沙面、老鼠粉、串燒、勒死你阿媽等等…細雜錦肉骨茶配油炸鬼好鍾意藥材味重啲嘅肉骨茶🤤飲一啖即時暖入心☺️配料有豬骨、豬肚、枝竹、冬菇、五花腩及油炸鬼🤩濃郁藥膳湯頭飲落清爽不膩口😍讓人胃口大開😬福建炒蝦麵大大碟既蝦麵炆炒至入味加入爽口大蝦🍤彈牙魷魚🦑蛋花及香脆豬油渣粒😋食落麵質較淋身😀配料新鮮幾好味☺️美祿暴龍🦖呢杯凍美祿上面放咗我最鍾意嘅雲呢拿雪糕🍦味道較甜😬恐龍下蛋🦖以白咖啡沖開後上面有雲呢拿雪糕😬呢杯小小甜咖啡味濃郁😍

今晚一行同人慶祝生日，特登選擇呢間餐廳嚟慶祝。冇試過去一間餐廳由未開始食已經嬲爆爆離開。1.沒有雪櫃雪蛋糕-訂枱時，曾經問過有冇切餅費餐廳說沒有，只可以喺餐廳影相，但係唔可以食。今晚拎蛋糕去試，佢竟然同我講冇雪櫃雪蛋糕，太可笑，一間咁大間餐廳竟然冇雪櫃雪，要我放個蛋糕喺度個半鐘，直至我離開餐廳。2. 1小時限制-我坐低嘅時候服務員同我講得1小時用餐時間，點解訂枱時冇人同我講過，咁多人食飯，要趕頭趕命咁食。3.沒有酒牌-當我點餐嘅時候先發現到原來沒有啤酒供應，但可笑地餐牌上係有顯示有啤酒供應，咁我哋就問服務員點解冇啤酒賣係咪賣晒？佢竟然同我講佢哋冇酒牌！咁點解餐牌要寫出嚟有呢？4.服務員態度差-我知道得一個鐘頭時間嘅限制，佢哋上菜好快好似趕客走咁，上晒所有菜之後水又冇碗又冇你叫人點樣食？我第一次出去食飯食到咁嬲要係OpenRice 留意見 我希望餐廳可以真正改善一下🙏🏻

自從擁有左自己嘅廚房之後，都比較少出街食飯。今次係第二次幫襯蘇媽，嘢食嚟講，絕對係keep得到個水準，細雜錦啲料好足，啲肉多到食唔晒，佢個湯底就同正宗嘅肉骨茶有少少分別，迎合返香港人口味，味道偏甜，藥材味就冇咁重。特製辣椒板麵非常之香口，同埋啲配料都唔少對得住個價錢！檳城白咖喱油麵感覺上就有啲Hea，我返屋企睇相先發現，原來餐牌上面係有寫明有蝦，但係一隻蝦都搵唔到😂 整體味道都係合格，不過令人最覺得驚訝嘅係…呢間餐廳唔係快餐店，佢竟然喺我坐低咗，俾埋QR code 先話我知入座計得1小時食飯，真係Omg 冇下次！

今晚食呢間深水埗發跡 開到嚟大商場嘅馬來小店同朋友一人叫左一杯馬來餐廳必點美祿朋友叫左杯美祿暴龍 即係美祿加雪糕我就叫左杯 美祿恐龍 即係美祿加大量美祿粉同美祿波波 唔溝埋面頭果啲美祿粉都已經超濃郁 而面頭嘅美祿粉仲要一啲都唔菇寒 正椰香咖哩叻沙湯底濃郁，餸有豆卜魷魚魚蛋，參參麵底，新竹米粉索埋啲湯一齊食 絕配細雜錦配油炸鬼本身想叫肉骨茶 不過貪心想食埋其他餸 呢個細雜錦啱哂乜都想食嘅人 因為佢一煲入邊除左招牌一字骨之外 仲有埋冬菇 豬手 排骨 豬肚 佢仲配左一碟脆卜卜嘅油炸鬼 索埋個湯 又係一絕 佢個湯仲要清而不膩👍🏼

朋友轉咗去沙田返工，所有近來都會多去沙田搵食😋。知道蘇媽蘇媽喺沙田新地市開咗分店，沙田店感覺較寬落，仲有卡位俾你坐👍🏻，最鍾意係佢張彩色馬賽克枱🤩，望住食連食慾都大增！·♡ 招牌肉骨茶 - 一字骨 HKD$178肉骨茶係藥材味偏重嗰款🍖，重藥材香但又帶點甘甜。材料一大煲refill到好多碗🥣，有齊一字骨、豆卜、冬菇等，一字骨肉質十分軟腍，輕輕咬開已經骨肉分離😚，仲要吸收哂湯頭精華，好好食!·♡ 辣死你嗎配烤雞髀 HKD$86雞髀🍗好大隻！大過我隻手🖐🏻，雞髀烤得乾身，但內裡又唔會好乾柴；椰漿飯嘅綠色確係幾吸睛💚，有淡淡的椰漿及班蘭味；配搭嘅參巴醬先係重點，辣度完全唔係辣死你嗎🌶️，係微辣但好香，用嚟配飯或雞髀都冇得輸😋！·♡ 馬來西亞拉茶(凍) HKD$35♡ 怡保白咖啡(凍) HKD$35可以叫少甜或走甜，白咖啡叫咗走甜，反而可以嘗得到佢嘅真正甘苦味道。·📍TOSS 蘇媽.蘇媽沙田沙田正街18號新城市廣場一期1樓107號舖

今日天氣好凍， 再加上周圍好有聖誕氣氛， lunch time 想出去行下街， 買下聖誕禮物送俾朋友， 順便食埋野.天氣一凍就想食d 熱+ 辣野， 經過見到d 間接餐廳， 啱晒我胃口， 睇到個menu 有羊腩煲， 諗都唔使諗， 即叫🤣🤣， 其實個肉骨茶都唔錯， －樣咁想食， 唯有過幾日再嚟多次啦辣野襯可樂係絕配， 雖然好想叫杯熱飲， 但最後都係選擇可樂－上枱賣相好靚， 擺盤有心機， 中間個飯食落啖啖香濃班蘭味， 周圍放咗幾款不同既小食， 分別有炸魚仔， 青瓜， 花生同蝦片， 個羊腩淋身入味， 微辣， 食完好暖身， 份量都唔少， 好滿足🥳

TOSS 蘇媽.蘇媽行過見到沙田開左蘇媽蘇媽😍一直都想試肉骨茶又未試過，今次就去試下😍💛招牌肉骨茶 細雜錦配油炸鬼 $168一上枱好香濃藥材味道入面有好多豬肉、紀子、腐竹、豆卜等等豬肉大大舊（圖5）都好入味，有附上豉油、蒜、辣椒豆卜同腐竹好吸味😍 湯都好正，天氣咁凍感覺飲完會暖啲💛甲必丹咖哩炸魚柳 $86份量好多，有兩塊炸魚柳、兩塊薄餅同埋咖哩咖哩偏辣🌶️🌶️🌶️🌶️但都幾惹味，點薄餅食真係一流炸魚都幾香口😍💛美祿暴龍 $48美祿味勁濃郁😍 配上美祿粉同雪糕感覺好邪惡但又好自然咁飲哂杯野💛椰汁班蘭冰 $48班蘭味好濃郁😍 跟住配埋類似西米既野好有咬口😋價錢：$357（二人）⭐️⭐️⭐️評分：8.5/10⭐️⭐️⭐️📍TOSS 蘇媽.蘇媽 (沙田)沙田沙田正街18號新城市廣場一期1樓107號舖

這間位於沙田的人氣馬來西亞餐廳一直都想嘗試，難得今日我同友人都有空，所以齊齊出動，試試此餐廳水準推介：細雜錦肉骨茶可以說係呢間店的招牌菜，肉骨茶採用大骨肉，藥材熬煮而成，加上其他配料：枝竹，雞腳，豬肚，豆卜等等材料，所熬煮的濃湯口味十足，滋補養顏，一字骨吸收濃湯的精彩，咬口十足，肉質鮮嫩，配上油炸鬼一起食，令人食指大動椰香咖喱叻沙非常足料，份量多，有魷魚圈，蝦仁，豆卜，魚肉卷等等，叻沙味濃，少辣但十分惹味，搭配各樣材料一齊食，好食到停唔到口怡保雞絲湯河粉先來一啖雞湯，鮮甜清香，配料有蝦，魚片，雞絲等等，味道都唔錯，想食清淡的朋友可以嘗試下椰香卷甜品來講算唔錯，陣陣椰香味，又不會太甜，味道做到剛剛好，可以一試

平日放假又係時候出沙田食個lunch，新城市廣場嘅蘇媽有三個唔同價錢嘅午市精選，有$79至$129 ，仲可以加錢配特飲，每一款都好有馬來西亞特色🌟怡保雞絲湯河粉 $79雞絲份量好多，肉質結實唔會太鬆散，仲有兩舊魚蛋，個湯好鮮甜，河粉都好滑🌟招牌砂煲老鼠粉 $129原個砂煲上菜熱辣辣，老鼠粉色水好夠，豉油味好香，當然唔少得魚仔、蒜粒、花生同生雞蛋，撈埋一齊食好香口🌟特飲 $11三色拉茶好滑好香甜美祿暴龍有大大球雪糕透心涼

這間馬來西亞之前在旺角人氣很旺，現在依經開了幾間分店，沙田這間平日來食晚飯，好快人山人海，還要排隊等位，相當有人氣，限時60分鐘，正常上菜也很快，所以時間都充足😝💠皇帝骨肉骨茶 $208肉骨茶的湯汁濃郁醇厚，有藥膳的味道，肉質酥爛，味道帶有濃郁的草藥香氣和微咸的口味. 材料除了有肉，還有冬菇、腐皮.材料都吸滿湯汁，好好食😋💠四大天王$98有豆角 秋葵茄子臭豆，豆角有嚼勁，茄子香軟有鮮美，秋葵的口感柔嫩多汁.💠椰汁班蘭冰 $48有絲絲甜味和淡淡的椰香，冰涼爽口😝💠桔仔薄荷梳打 $48酸甜口感和薄荷的清涼，有一種清新的口感和香味.有微酸，非常解渴👏🏻👍🏻

📍 TOSS蘇媽.蘇媽呢間人氣馬拉菜餐廳應該唔少人食過，環境舒適，座位寬敞😌可以試到唔少馬來西亞既菜式！🥘椰香咖喱豬頸肉叻沙 $89豬頸肉好爽口，雖然係薄切但有好多塊😆大概有6塊～湯底幾出色，椰香味濃！而咖哩幾香，帶有少少辣味🤏麵分別有油麵同米粉，吸收曬啲湯汁😚豆卜亦都好索汁😋🐑辣死你嗎配仁當羊腩 $129羊腩既份量多，食到底都仲有🤩羊腩連皮帶骨，肉質都軟腍，羊羶味適中！另外，斑蘭飯呈翠綠嘅顏色，食落重椰香味🥥🦖 美祿暴龍 $48鋪滿美祿粉同美祿脆脆粒，甜度十足！仲配咗一球雪糕，好邪惡😈🦕恐龍下蛋 $48選用白咖啡同美祿既組合而成；白咖啡香濃，奶味重！呢杯有驚喜😋⭐️好味指數：8/10📍 TOSS 蘇媽.蘇媽 (沙田)沙田沙田正街18號新城市廣場一期1樓107號舖#沙田 #蘇媽蘇媽 #馬東西亞 #馬拉菜 #叻沙 #美祿暴龍 #TOSS

呢日行過新城市廣場見到呢間食馬來西亞菜有下午茶套餐都算抵食咁啱又有位於是就入去試試啦因為帶住小朋友關係所以沒有點辣嘅食物簡簡單單叫左個雞絲湯河粉再加蜜糖雞翼+拉茶雞絲湯河粉就真係好普通清清地蜜糖雞翼就好香口同夠入味👍拉茶～我次次食馬來西亞菜都會必叫今次亦都唔例外⋯⋯正宗拉茶又滑又香～推介👍👍始終味道同口感與一般奶茶好大分別！

招牌肉骨茶🥘細雜錦配油炸鬼冇理由唔食呀⋯⋯有排骨、豬手、豬肚等，仲有豆腐卜同支竹吸晒肉骨茶d湯好好味🤤湯底又濃又夠藥材味，飲晒成煲呀⋯⋯怡保雞絲湯河粉🍲個湯底估佢唔到咁好味，仲有蝦、魚片韭菜、雞絲、芽菜，呢碗粉好有驚喜。椰香咖央多士🍞好喜歡咖央個種甜，加埋牛油一啖咬落去正到呢。美祿暴龍🥤睇賣相都知勁啦⋯⋯加左雪糕好飲呢…開心😍虎咬獅🥤其實係美祿加白咖啡，咖啡味好出，不過加埋美祿就好易入口喇。

今日去沙田做嘢諗緊食咩好，經過新城市廣場先發現原來有間蘇媽蘇媽，呢間係我之前一直想試嘅馬來西亞菜，今日終於有機會食到😋 餐廳環境地方寬敞，乾淨企理，裝修充滿馬來西亞風情。🥢細雜錦（2人份）-配油炸鬼肉骨茶味回甘，非常濃味，而且份量十足，有腩肉，豬手，枝竹，配埋脆卜卜嘅炸兩，浸肉骨茶食超好味🤩🥢椰香咖喱叻沙非常足料，而且份量多，有魷魚圈、蝦仁、螄蚶、魚肉卷仲有豆角、豆卜、芽菜，湯底椰香味濃，惹味又帶有少少辣😋🍹 椰汁班蘭冰好香既班蘭味，而且又唔會好甜，好清新嘅感覺☕️白咖啡白咖啡好香濃，好重奶味，但係又唔會太甜👍

位於新城市廣場的「蘇媽蘇媽」，是一處能夠帶你品味馬來西亞風情的美食勝地。試過他們的招牌「棒棒骨」，即是正宗的肉骨茶。湯底濃郁，湯料入味，配上嫩滑的肉骨，每一口都是香濃的享受。「高佬麵」搭配香脆的炸雞球，是另一道不可錯過的招牌。麵條呈碎上炒公仔麵風格，帶有獨特的口感，搭配多汁的炸雞球，美味十足。除了美食，「蘇媽蘇媽」的飲品也相當吸引。食完配上烏龍茶，有清新解渴感覺，而「桔仔話梅水」則充滿了懷舊的味道，酸甜開胃。這裡不僅讓你品嚐到地道的馬來西亞美食，更能感受到濃厚的馬來風情。