TOSS 蘇媽.蘇媽

營業中

休息中

自從擁有左自己嘅廚房之後，都比較少出街食飯。今次係第二次幫襯蘇媽，嘢食嚟講，絕對係keep得到個水準，細雜錦啲料好足，啲肉多到食唔晒，佢個湯底就同正宗嘅肉骨茶有少少分別，迎合返香港人口味，味道偏甜，藥材味就冇咁重。特製辣椒板麵非常之香口，同埋啲配料都唔少對得住個價錢！檳城白咖喱油麵感覺上就有啲Hea，我返屋企睇相先發現，原來餐牌上面係有寫明有蝦，但係一隻蝦都搵唔到😂 整體味道都係合格，不過令人最覺得驚訝嘅係…呢間餐廳唔係快餐店，佢竟然喺我坐低咗，俾埋QR code 先話我知入座計得1小時食飯，真係Omg 冇下次！