The Salfee Bar

營業中

休息中

位於尖沙咀的 The Salfee Bar，是一間結合Salad Bar和Coffee Shop的新慨念餐廳。店舖設於大型日式雜貨店谷辰Guu San的裡面，吸引不少經過的遊人，坐下來好好嘆一杯高質咖啡呀~ 室外的花園草地設計，加上大大片落地玻璃窗，令人感覺光猛舒適。店內走開放式的廚房格局，感覺開揚，沒有壓逼感。餐廳由兩位法國藍帶廚師主理，設計出9款健康美味沙律，沙律每日由店員新鮮炮製，風格多樣化，例如有南美西瓜生菜沙律、越式羽衣甘籃糙米沙律、和風蕎麥麵沙律、松露香草醬車輪粉沙律等等，菜系非常豐富。除了沙律，也有提供一些輕食，大食的朋友不用怕不夠飽啦。 自選沙律 $68(兩款) 9款沙律可以自行配搭，1款$58，2款$68，3款$78。貪心的我，想先試試兩款口味。 韓式牛肉椰菜花碎沙律。充滿韓國風味的沙律，加入辣泡菜的元素，又辣又嗆，刺激味蕾，很不錯呢!越式羽衣甘籃糙米沙律。相對上較為清新，當中更有加入提子乾，令沙律甜甜的，更加美味。 牛角包 $19 & 朱古力酥 $22 雙重朱古力曲奇 $25 & 花生曲奇 $20 店員相當細心，會預先詢問客人，餐點用不用翻熱。不過因為我拍照拍太久，

尖沙咀最新地標谷辰，除左有日本超市出售多款俱備特色嘅日本食品，仲有小量餐廳及位置可供客人休息充電。 環境好似去左旅行咁💛輕食的人們有福了~~辰谷有間The Salfee，除左有啡茶讓食客歇一歇, 仲有多款沙律選擇, 而且仲有墨西哥卷!沙律有多至九款，可做單點/雙併/三式沙律，自己鐘意點併都得。如果想飽肚感強啲嘅有通粉沙律，仲要有三款咁多！心大心細嘅我緊係食三式啦🤪 無咁寡啦吖嘛！餐廳仲會不時轉菜式，層出不窮到menu都轉唔切，要睇實物為準我揀左各有千秋嘅三式沙律>韓式牛肉椰菜花碎沙律>西蘭花雞胸芥末沙律>香辣雞肉長通粉律而朋友揀左吞拿魚墨西哥卷當然唔少得一杯咖啡去完善一個美好嘅Brunch> Ginger latte 味道勁薑 女仕們不能錯過> Dirty 唔係度度有嘅Dirty 見到有真係要試試濃厚嘅奶香加上濃烈嘅咖啡香味一撞🤯

有時早餐食得太飽，晏就都會揀啲輕盈啲、Fresh啲嘅輕食，行過尖沙咀發現原來有間健康食品超市都幾大間，仲有啲輕食店𠻹！呢間 The SALFEE BAR 主打沙律、三文治同手調咖啡同飲品，啱晒我嘅需要！太多選擇花多眼亂，但一個人又唔可以食咁多，都係揀返可以食到唔同口感嘅個三拼沙律！為咗唔好太快餓，我都揀多少少澱粉類嘅，balance返！三拼沙律組合分別係！！！④ 希臘式吞拿魚沙律⑤ 飛魚籽果仁蘋果薯仔沙律⑥ 番薯球藜麥鷹嘴豆沙律其寶真係好難揀邊樣最好食！ ④ 除咗有我鍾意食嘅牛油果同車厘茄，連平時唔太肯食嘅圓椒同洋蔥喺mix埋一齊之後，覺得好夾，好fresh！⑤ 飛魚籽果仁蘋果薯仔沙律平時都會揀嘅蘋果，加埋果仁好香口！少少蔥花同西芹食落唔會太青，加埋香甜嘅蛋黃醬，真係大滿足呀！⑥ 番薯球藜麥鷹嘴豆沙律個人覺得呢個要Mix埋小小其他嘅一齊食，因為口感實在太豐富！個番薯球滑得嚟好香，藜麥&鷹嘴豆嘅配搭仲好似食飯咁，好滿足㗎！對於平時唔係好食菜嘅豬太郎， The SALFEE BAR 豐富而又colorful嘅沙律盒就唔會令我抗拒！紅棗Cold Brew 你又試過未？呢度仲有紫蘇同原味畀你揀

其實小妹唔只係食肉獸，間中都可以Green一下的，最緊要夠蛋白質。已經第三次來谷辰買沙律回家做外賣，左邊呢款韓式牛肉泡菜豆腐椰菜花好正👍，簡直係為左呢款沙律專登來幫襯，豐富蛋白質仲有益生菌增加腸道健康，不過怕辣就唔好試呢款沙律了；右邊呢款藜麥鷹嘴豆配蕃薯，又係一流Superfood；中間的蓮藕薯粉小妹第一次試覺得都幾得意；店員還會細心用青瓜分隔唔同沙律。今日貪心D就$78三款，如果細食就$68兩款啦😽

在尖沙咀的一角，開了一間主打健康的沙律和咖啡店，座位分散在不同角落，既有小量戶外座位，也有室內望街景的座位。抹茶拿鐵(雙拼沙律+$30)，心型拉花為這杯加分，以瓦杯盛着的抹茶，在光線充足的窗邊下打卡特別好看。拉花好看，拿鐵的味道比拉花更勝一籌。呷一口抹茶，奶的柔滑和非常濃郁的抹茶味在口中徘徊，即使放涼了也能嚐到抹茶的香甜。抹茶拿鐵喝得多，三草拿鐵(雙拼沙律+$30)還是第一次見。根據餐牌上的介紹，三草拿鐵「採用了澳洲有機大麥草、紫花苜薈草和小麥草，加上低升糖的龍舌蘭糖漿和燕麥奶而成」。拿鐵有淡淡的青草香。但一如餐牌上所說，喝下無青草味，反而有點像淡味抹茶混合其它植物的味道。味道與抹茶不相伯仲。牛角包($19)一如其它食評所說，值得推介。牛角包非常鬆脆，而且吃下去有牛油香。伴一杯拿鐵或咖啡吃都非常適合。這一系列的沙律很受人歡迎。雙拼沙律($68)，韓式牛肉椰菜花碎沙律，一開始吃不會覺得太辣，辣味在後半段慢慢出來。沙律內有肥牛片、泡菜、花椰菜、豆腐、青蔥、紫蘇葉和韓式辣汁。看到很多人點這份，也許不只因為泡菜色為主色的沙律特別吸引人的眼球，還因其豐富肉味的牛肉片和泡菜為沙律重心，令人垂涎欲滴

最近哩間咁和風🇯🇵嘅cafe亦係我經常會到訪的佢哋嘅沙律好多款而且都好好味、咖啡又唔錯！今次我哋坐outdoor 一樣舒服.🔸三拼沙律 x2▪️韓式牛肉椰菜花、香辣雞肉長通粉、飛魚子果仁蘋果薯仔👨🏻愛辣，所以揀左2款辛辣口味嘅沙律，韓式個款加咗啲辣醬同泡菜，少少辣辣地都以惹味，牛肉都幾濃味。香辣雞肉長通粉個味似是拉差醬嘅味，幾香口，長通粉夠彈牙。.▪️蓮藕粉絲、飛魚子果仁蘋果薯仔、希臘式吞拿魚沙律我叫返我最鍾意嘅蓮藕粉絲，食落係和風嘅醋漬，帶有麻油香！食落酸酸甜甜、好開胃。粗身嘅韓國粉絲亦都入哂味，好食。希臘式吞拿魚沙律有蕃茄仔、牛油果水、牛芝士，材料豐富，以乳酪做沙律，好健康！.🔸Dirty 、 Latte咖啡香濃、夠厚身，奶夠滑，水準不錯。

途經尖沙咀sogo附近， 在中間道發現有間新開的中型健康食品超市。入去逛逛，果然有很多新發現，其中有間叫Salfee Bar輕食小店，主打沙律三文治同手調飲品，環境好Chill，嘆咗一個豐富午餐。三拼沙律沙律類有十幾款令人花多眼亂，有三或兩拼選擇，我選了三拼，選了番薯球藜麥鹰嘴豆沙律， 番薯球甜甜的， 混埋啲藜麥食唔覺得寡。而且口感好豐富。越式羽衣甘藍糙米沙律，越式甜酸沙律汁好醒胃，羽衣甘藍係superfood 好有益，配上煙煙靭靭的有機短糙米， 提子乾毛豆。 飛魚子果仁蘋果薯仔沙律，蘋果感覺好清新， 中和返兩款穀物類沙律。其實份量都算多有飽肚感。跟餐加20蚊就有藜麥味噌南瓜湯，真係真材實料，值回票價。 有濃濃的南瓜加上藜麥打磨而成，口感幼滑。吞拿魚蛋沙律墨西哥卷餡料方面當然有吞拿魚同蛋沙律仲有新鮮的沙律菜，材料豐富。 墨西哥捲皮烘得脆脆的， 入口時還有點微熱， 非常好味。沙律餐還可以加30蚊就能配上手調飲品， 我揀咗朱古力， 味道偏淡但賣相一流， 拉花拉得好靚。

呢間主打健康輕食沙律🥗成個感覺好chill好適合假日嚟飲杯咖啡有9款沙律選擇，款式都幾多連咖啡☕️既種類都唔少，Cold Brew都有3款,仲有Hand Whisked Latte, 排毒咖啡梳打！岩哂鍾意新鮮感既我「希臘式吞拿魚沙律 vs 芥末雞肉西蘭花沙律」吞拿魚沙律主要以紫椰菜為主！而雞肉用左慢煮方法，所以即使係雞胸肉，都完全唔鞋而且dressing都唔會太多，所以非常健康「韓式牛肉椰菜花碎沙律 vs 希臘式吞拿魚沙律」Highly recommend 韓式椰菜花沙律泡菜味包裹住所有椰菜花碎辣辣地特別好食！「Regular Cold Brew」咖啡味超級突出，完全無酸味相信brew既時間好足夠，所以味道特別香「靜岡焙茶拿鐵」茶香夠濃，有少少炭香味，加左手打奶，口感好細滑

尖東日式大型超市谷晨GUU SAN🛒 除左售賣各式各樣日式精品生活雜貨，裡面仲有間同成間輕食咖啡店☕ - The Salfee Bar💖將Salad Bar同Coffee Shop Mix埋一齊🤝 售賣自家烘焙咖啡外最吸引嘅係每日都會有9款不同配搭沙律🥗供應，食得有營健康😚 店外有少量露天位置可以chill一chill😻·🥗自選三款沙律 HKD$78*****************************🐟希臘式吞拿魚沙律🍎飛魚籽果仁蘋果薯仔沙律🌿越式羽衣甘藍糙米沙律·三款當中Annie最鍾意😻羽衣甘藍糙米嗰款！輕食概念添幾分飽肚😏 糙米絕對可以頂下肚，糙米粒粒分明🍚 好有嚼勁。 Superfood羽衣甘藍🌿超級健康，用嚟做沙律真係perfect而飛魚籽果仁🍎蘋果🥔薯仔沙律係平日最common沙律既味道，多左飛魚籽喺入面，令口感更加豐富😋 希臘式吞拿魚🐟沙律食落好開胃，裡面仲有好多吞拿魚碎添~·🥖PAIN AU CHOCOLAT  HKD$22店員會幫你整返熱個包包♨️ 口感類似牛角包🥐既質地，入面既🍫朱古力醬唔算好多，自己食哂成個都無咁邪惡。·🍵宇治抹茶拿鐵  HKD$42宇治抹茶現

睇完早場走過對面的 H Zentre，聽聞有間日式超市，原來隨了售賣食物外，還有兩間食店，又係試吓新嘢嘅時候了。呢間cafe 賣的是沙律，麵包類輕食，最啱我呢啲食唔多又為食鬼。三款自選沙律五色食源，呢盒沙律有齊曬各式各樣的原素，清新味美，健康有營。是日餐湯是藜麥味噌南瓜湯，質感濃稠，有甜美的味道，又有味噌的鹹味，夠特別。咖啡不可不試，買了杯Dirty，店員建議快飲免影響口感。底層是凍的奶，注入espresso，瞬間混為一體，味道溫和，咖啡味濃。其實一點都唔「dirty」㗎！

今日星期六，睡醒即刻想美食！記得有日行過尖沙咀一間高級日本雜貨店裏面有間店賣健康沙律及咖啡，食完可以購物，原來店名叫 The Salfee Bar，窗邊有吧椅可以坐，舖頭尾段有角落有流水池，有位坐，望住流水食午餐個景唔錯。沙律款式很多，全部有營高纖，每款有特別作用，例如防老、低膽固醇、多維他命或高纖維等，健康得來亦豐富，而且看起來顏色多多，又齊整，見樣吸引，味道唔會差。食法沙律配咖啡，現在試業優惠，$68雙拼，$78三拼，加$25普通咖啡。我們試足五款。蟹肉合桃蘋果薯仔沙律＋番薯球藜麥鷹嘴豆沙律白色醬蓋住了，估唔到是蘋果還是薯仔，似尋寶幾好玩，蘋果、薯仔都爽口，鍾意混合了花生，好感更加好。番薯球甜甜糯，食得幾飽肚。韓式牛肉椰菜花碎沙律＋西蘭花雞胸芥末沙律＋越式羽衣甘藍糙米沙律韓式牛肉辣辣地最好味，我是食肉獸都是有肉的最好食；雞胸慢煮所以唔嚡；羽衣甘藍粗粗地口感，纖維實在豐富，有半隻蛋，鍾意有提子，你都大增。黑咖啡及 Dirty 各一杯。

新世代著重健康，對食有要求！有人為咗健康而選擇食得健康啲，我嘅單向思維主要是為咗減肥最近去咗TST Sogo後面嘅商場仔嘅其中一間餐廳, 室外有少量位, 我男友最鐘意, 唔怕比人抄牌嘛The Salfee Bar 主力賣不同款式嘅沙律, 單是沙律已有十款選擇, 超正!沙律種類不是只係蔬菜咁簡單, 好多都係健康有營養的食材,藜麥, 羽衣金藍, 糙米, 椰菜花, 雞胸等等除沙律外, 都有麵包, wrap等輕食仲有咖啡添雖然係輕食, 但選擇都好足夠!同男友一開眼未食野之下, 就點了以下幾款食物:吞拿魚蛋沙律墨西哥卷 ;3拼沙律, + $20換藜麥味噌南瓜湯 , 再 + $25 換了杯Dirty ;焙茶拿鐵連食肉獸男友都話夠飽, 所以男士不擔心3拼沙律中間的間隔是用了青瓜片來分隔, 好正!而且沙律也裝得滿滿的, 我見職員好細心咁不停加到滿沙律分別是:香辣雞肉長通粉西蘭花雞胸芥末希臘式吞拿魚呢3款我最喜歡是長通粉, 不是其餘的不好, 而是長通粉有點辣, 嗜辣者必試的男友就比較喜歡有肉 (相信大家都估到) 雞肉是很嫩滑, 是慢煮出來的口感沙律新鮮, 絕對無出水情況, 剛來的時候有些已售罄, 幸好也

呢間The SALFEE BAR位於尖沙咀中間道係一間日式cafe，店舖環境裝修都係開放式，望落感覺都算唔錯🤔，有D位置打吓咭嘆吓咖啡相當之唔錯!.雙拼沙律可以選擇兩款沙律，我選擇咗呢款香辣雞肉長通粉沙律+越式羽衣甘藍糙米，呢兩款沙律賣相都唔錯🤔!雞肉長通粉食入口感都幾好🤔軟硬適中，雞肉味道帶有小小辣咬落雞肉都唔覺得韌，去嘅醬汁撈埋落D長通粉到令到味道都好好味😋!.越式羽衣甘藍糙米好特別嘅味道🤔😋，帶有小小酸嘅味道🤔，去嘅糙米飯食落口咬落去都好有口感軟硬適中，味道都算幾好，一盒可以食到兩款選擇都算唔錯!.原味牛角包，朱古力牛角包呢兩款牛角包係店舖每一日新鮮出爐，去嘅牛角包夠哂鬆軟，外脆內軟食入口感覺軟綿綿😙，咬落都好有層次嘅口感🤔，尤其是去嘅朱古力餡料，味道又唔會好甜，加埋去嘅牛角包食恰恰好🤔😋!.洛神花檸檬汽水賣相都好靚😍，望住充滿汽泡都好吸引，飲入口感覺到酸酸甜甜嘅味道，味道都好特別🤔，又唔會好甜味道恰恰好😋!.宇治抹茶拿鐵好靚吸引嘅拉花😮😍，飲入口飲到甘苦嘅味道，再加埋D鮮奶甜甜哋🤔😋，味道十分之配合!

之前聽過日本新超市谷晨、一直未有機會來、今日經過尖東順道過來逛逛、日本商品選擇真的蠻多、不過價錢也不便宜。旁邊有間沙律咖啡店、大部份坐位都是向街外的bar 枱、感覺幾chill。另一邊是神社設計的coffee corner, 有流水相伴、甚是寫意。叫了杯Dirty，牛奶與凍咖啡混合真的好好喝啊！沙律有好多款、可自由配搭、感覺健康輕盈！選了這三拼沙律 $78， 賣相幾靚、左面是韓式牛肉椰菜花沙律、牛肉片加左韓式少少辣好惹味！中間是西蘭花雞胸芥苿沙律、雞肉嫩滑味道不錯。旁邊是香辣雞肉長通粉沙律～加$20有南瓜湯、比我想像中超足料、南瓜湯質地濃稠、吃出以新鮮南瓜打成蓉、加入本菇、洋蔥等、口感豐富！見到有幾款pastries, 叫左牛角包試下、牛油味好香、暖暖地好鬆化、絕對有驚喜！還有這款抺茶cáñele, 外層較脆硬、但內裡沒有預期中軟熟、還是喜歡crossiant 多點！

難得疫情冇咁嚴重終於抽時間出去鬧市度行一行呢間位於生活百貨嘅Cafe之前經過一直想試成日都幻想喺附近返工一定會買杯咖啡上去嘆個靚早餐雖然個counter唔係好大 但四周圍有足夠嘅餐枱提供俾 喺唔同小店買食物嘅顧客咖啡種類很多 最吸引眼球的是加咗唔同元素嘅cold brew 店員好詳細解釋每種味道嘅特性😝今次就係想起食晚餐之前嚟一個輕盈下午茶所以就揀左三拼沙律兩個人share!☺️芸芸眾生我哋睇中呢三款去寵幸個人最鍾意雞胸芥末沙律 甜甜嘅芥末醬同雞肉係絕配🤤佢仲加咗我至愛嘅牛油果同杏仁片 食落去有食零食嘅新鮮感再加健康嘅飽肚感😁😁其實個人覺得呢款沙律嘅配搭好適合想食得輕盈嘅都市人而又可以唔使承受單調嘅口感🤩另外見到個南瓜湯係有味噌湯底 覺得非常特別 果然冇後悔叫到呢個南瓜湯佢面頭加上咗你以為係蕃茄粉實際上係日本嘅七味粉 將南瓜嘅鮮味釣曬出嚟！嘢飲當然唔少得我近排迷上嘅cold brew!由於另外兩隻味係我個人唔太喜歡嘅 所以我都揀返左原味！個啡底偏酸 有少許果味 整體清新朋友叫嘅係手調培茶latte! 茶味夠又唔會太濃太澀🤩🤩🤩最尾嚟張大合照，食完飽飽就可以繼續長征啦🤣🤣