The Platter (悦品酒店‧荃灣)

營業中

休息中

🧧去左朋友到拜年，佢地心血來潮話想食自助餐，近近地去左附近一間酒店✨今次主題係 鵝肝·花膠臻選自助晚餐一個價錢，可以任食鵝肝、花膠，仲有生蠔😍食物選擇唔多，但Refill速度快，同會有少部份變化🔸鵝肝入ロ油脂味重，加埋薄脆既多工，正🤤🔸生蠔🦪即開，唔算好大隻，但味道鮮甜帶海水味🔸刺身有6款 ：三文魚、吞拿魚、鯛魚、紅蝦、馬刀貝同墨魚🦑特別推介紅蝦，鮮甜又大隻🔸海鮮凍海鮮有5款：長腳蟹腳、🦀麵包蟹、🦐海蝦、翡翠螺同青口，整體都好新鮮🔸芝士龍蝦🦞龍蝦得芝士焗，唔算太大隻，大部分都有膏，肉質爽彈🔸天婦羅有金菇、南瓜同四季豆，略嫌炸粉有少少厚🔸燒和牛西冷/羊架和牛肉質軟腍，肉味唔算濃，🐐羊架略嫌有少少過熟🔸甜品自家製點品，🍫朱古力噴泉，仲有得自製窩夫

今次去咗Hotel COZi酒店內的The Platter食半自助，葵芳新都會有穿梭巴士直達，夠晒方便🚌，不過記得留意時間表，大約半小時一班。The Platter地方又大又有大圓枱，一家大細黎都啱，今次主題係龍蝦X松露，可惜龍蝦賣晒，只好先試黑松露🍄。烤美國安格斯牛肉眼扒🥩配黑松露燒汁，五成熟煎到外皮微焦，肉汁鎖得好實，肉質又軟淋。烤草飼羊架配迷迭香濃汁，羊架肥瘦適中，配埋必試薄荷汁🌿，真係即刻加晒分。自助吧有各式沙律、凍海鮮、炸物同甜品等，凍海鮮我最鍾意翡翠螺同蝦🦐，好鮮甜。窩夫脆卜卜，可以自己加料，甜品每件細細件，岩晒我試晒所有，最愛芒果布甸芒果味超濃，雜錦曲奇原味鬆化🍪。酒店UG層有個靚靚Grazzi Garden戶外花園可以打卡，可惜天雨關係今次關咗門☔️。

悅品酒店提供免費穿梭巴士係葵芳地鐵站🚉來回接送；即使係葵興地鐵站行上去都只係十分鐘，好方便。The platter西餐廳🍴環境寬闊，獨立卡座好舒服😌。平日原來都幾多人食，午餐性價比都幾高。［自助吧］［主打］中/西湯、沙律🥗、小食、雪糕杯、格仔餅🧇、水果🍉。［頭盤］個人喜歡吃芝士🧀，依到提供幾款芝士，加埋餅/乾青瓜條好夾。天氣熱，食涼涼地既冷麵一流。［主菜］烤加拿大肉眼牛扒🥩配法式芥末汁肉眼牛扒用左法式芥末汁即時提鮮，味道香濃。肉眼好大塊，味道好juicy又嫩口，好少筋位好容易就切晒成塊，好好味🤤。香煎盲鰽魚👍外皮香脆，魚肉嫩滑。醬汁好creamy。

超抵食半自助餐, 雖然地理環境就在工廠區內, 但也相當就腳, 在地鐵站前往只需10分鐘.。半自助形式分開2part, 前菜, 沙律, 甜品為自助, 主菜可揀一款, 種類都多可揀, 有魚,羊,豬鞍,天使麵。 我揀了"原隻新鮮波士頓龍蝦米多", 男朋友揀了 " 烤美國安格斯牛肉配黑松露燒汁"。先講講前菜, 火腿拼盆及鮮菜/什果沙津也有, 最為特別是有"泰式酸辣豬頸肉粉絲沙津", 相當之開胃, 我食左2次😂, 另外也有凍蝦,大螺肉及凍青口提供, 而且都有定時補給👍🏾湯類有2款提供, 中式-馬蹄紅羅白湯, 西式-磨菇湯, 這款是用上磨菇肉碎上, 相當奶香。主菜到了🥰龍蝦真的原隻上, 但是龍蝦肉已拆出來再以白汁炒香, 再加芝士焗上,啖啖肉, 最後我自己拆開腳來食...啖啖實肉, 代表新鮮呀.另一份主菜"牛扒"可能我叫左7成熟, 肉質有點過熟, 不過也有豐富牛😘主菜後我們再次出去自助餐區食甜品, 有生果,見到職員即時切好新鮮, 也有waffles 同埋雪糕(本地品牌).備註:🔺星期一,二仲有65折, 抵抵抵!👍🏾🔺上一層仲有個星空花園, 可食完同食之前來 chill 下.

今日黎左荃灣悦品酒店既The Platter食平日晚市半自助餐~性價比真係超值, 平時係西餐廳$3XX只食到一個主菜, 但呢道除左主菜外仲可以係自助區任飲任食!!! 自助區有海鮮, 沙律吧, 炸物, 湯,  飲品 & 甜品~ 非常豐富!!!!而且餐廳環境都幾大, 每張枱好闊落, 坐得好舒適 真心大推主食平均都係3百蚊到~~ 好抵食呀!!!沙律吧有沙律菜, 水果大蝦沙律, 火腿, 芝士等等~海鮮就有大蝦, 翡翠螺, 蜆, 青口~~炸物就有黑松露薯條 & 麥樂雞~~湯就分別係中湯(雪耳南北杏甘筍豬骨湯) & 西湯(南瓜忌廉湯)~兩款湯係都必飲丫, 超濃郁勁好味!!!飲品有熱有凍~例如橙汁, 咖啡奶茶.....主食點左烤美國安格斯牛肉眼扒黑松露燒汁 $318選左5成熟, 肉眼扒煎到外皮微微焦香, 完全鎖住肉汁~牛味香濃, 肉質鮮嫩軟腍香草比目魚柳伴黑松露配海膽松露忌廉汁 $288好少食到煎得咁好味既比目魚柳, 比目魚柳外層煎到超脆得黎肉質又唔會乾配埋海膽松露忌廉汁, 味道更豐富!!甜品款式多樣~有蛋糕, 布甸, 菓子, 慕絲.....仲有3款水果添, 包括西瓜, 哈密瓜 & 菠蘿~~仲有唔同

呢間酒店最近推出海王盛宴自助晚餐，只限星期六、日及公眾假期18:00-21:30，環境大，座位闊落，空間感十足，適合一家大細聚餐。招牌菜為白酒牛油忌廉煮波士頓龍蝦，每人每次限取一份，即叫即煮，醬汁濃郁，啖啖肉，相比之下個人更喜歡星加坡胡椒蟹，鹹鹹香香，Encore咗好多次，好在會不斷Refill，唔怕要爭。熱盆不定時更換，今日有爐端燒、天婦羅、彩椒翡翠炒龍躉球、蝦仁荷葉飯、清蒸海上鮮、避風塘炒瀨尿蝦、避風塘炒蜆、蔥油雞、辣酒煮花螺、法式海龍王湯、蟲草花杞子煲雞、燒原條穀飼肉眼扒、燒羊鞍。沙津有泰式海鮮、粟米火腿、炸蛋、煙鴨胸、雜錦凍肉、芝士拼盤，影響深刻嘅有香草扒雜菜同紫薯蘋果，新鮮又入味。食完呢啲已經飽咗半，係時候到凍盤，即開活生蠔、冰鎮海鮮、雜錦刺身，大力推介鱈場蟹腳，唔會死鹹，味道鮮甜，又冇黐殼，回本之選。飲品選擇正常發揮，咖啡茶、奶，汽水、果汁，甜點有多款西餅蛋糕、新鮮生果、朱古力噴泉、Haagen Dazs 雪糕等，仲可以自己DIY窩夫，無論係大人或小朋友都玩得好開心，滿足嘅一餐😬

上個星期同朋友去咗葵涌一間酒店食半自助餐晚餐 見酒店最近推出龍蝦x松露半自助晚餐吸引咗😍平日星期一至五晚市最平只需$259起 食完飯仲出咗去戶外露台傾偈好chill 仲有個大月亮可以打卡🌙環境很舒服主食點左波士頓龍蝦🦞$408濃厚芝士 配上以切好龍蝦 很爽口 肉質新鮮 另外，也點左一口烤美國安格斯肉眼🐮配以黑松露醬汁$318七成熟 肉質鮮嫩多汁冷盤方面布多款海鮮 有蝦 青口 蜆肉 螺肉等等甜品有大菜糕仲係酒店主題嘅企鵝造型 真係好可愛🐧吸引唔少大人小孩選擇仲有大人細路至愛嘅窩夫🧇雪糕都有好多款芒果 曲奇妙脆 抹茶 豆腐⋯⋯全部來自本地自家品牌 ［Cocoberry ice cream] 大家一定要去試試悦品酒店：荃邊 The Platter電話：3891 1928地址：香港葵涌青山公路葵涌段 443 號悦品酒店-荃灣地下低層

Poseidon Seafood Feast Dinner Buffet🦞🍽🥳..上個週末有時間～又發掘左荃灣一間酒店內的Buffet🍽，今期主題係【海王盛宴自助晚餐】 以龍蝦海鮮做主題，@6pm - 9:30pm 價錢 成人$588 p.p. 估唔到有驚喜❤️！餐廳環境舒適又寧靜，就算二人都會安排坐卡位，有空間感 坐得舒服而且整體感覺乾淨整潔。主角之一波士頓龍蝦🦞，每次Order👨🏻‍🍳 廚師即叫即煮亦會有專人送到枱上～保持新鮮熱辣辣～用牛油忌廉白酒醬汁烹調，肉質鮮甜彈牙，仲可以無限點選呢！ 而其他熱盤海鮮有：避風塘炒瀨尿蝦、黑胡椒肉蟹、炒蜆、蒸龍躉、彩椒炒龍躉球、海蝦荷葉飯！同樣出色啊😍凍盤方面，當然唔少得刺身 & 冰鎮海鮮：即開生蠔🦪、麵包蟹🦀、大蝦🦐、翡翠螺🐚、青口等。仲有原條穀飼肉眼扒 & 羊架，估唔到肉質都有驚喜😳，而湯品推薦：蟲草花花膠烏雞藥材湯、海龍王湯 (龍蝦忌廉湯🧡），前暫好濃郁又滋補，花膠有厚度且有咬口，呢個質素我很滿意！最後甜品區，除咗有蛋糕及Haagen-Dazs雪糕外，自助區仲可以自己整窩夫 & 朱古力噴泉🍫酒店仲有戶外露天草地，夜晚燈飾會更靚，好值得打卡啊！

The Platter「海之誘惑」全自助午餐主打新鮮海鮮，性價比高，餐廳空間寬敞，裝潢現代，適合親子或朋友聚餐，近期人均約$348😍海鮮選擇豐富，新鮮度高，包括蝦🦐、青口、蟹腳🦀 、避風塘炒濑尿蝦等等，特別推薦蒜蓉粉絲蒸帶子，補給速度快熟食如燒牛肉、日式天婦羅、烤鱈魚、香煎牛排、日式小食等, 甜品區表現不俗，口味多元，甜品精緻，日式紅豆和果子、Haagen Dazs雪糕去到刺身區🍣，會有專人即切三文魚、吞拿魚等刺身，新鮮又方便員工態度親切，收碟迅速，主動補充食物，整體服務流暢😊荃灣店設有UG Grazzi garden戶外花園🏝，綠意盎然，增添用餐情調💞🎇The Platter🎈青山公路 - 葵涌段443號悦品酒店‧荃灣LG樓

🍗油封鴨腿俾足2大隻！份量好足！鴨皮脆得嚟帶蜜糖光澤，最厚肉嘅部位都醃得入味🐟盲鰽魚配蘆筍魚本身煎得唔錯，金黃魚皮脆口，魚肉滑溜帶牛油香，但問題出喺配菜！蘆筍幼到似牙籤📏，煮得過淋完全冇咬口，同預期嘅爽脆感差好遠😅🥩牛扒雖然薄身，但火候控都叫岩岩好，切開肉汁大爆發💦！自助區雖然唔算大，🧀芝士拼盤有4款配提子乾同餅乾，沙律菜新鮮🥗，紫薯薯菜沙律香甜綿密，中西湯都有—🎃南瓜忌廉湯濃郁綿滑同暖胃花生豬展湯🥜。🍰甜品 士多啤梨卷蛋酸甜平衡，芒果布甸duang-duang口感💛，窩夫外脆內軟，朱古力慕絲蛋糕濃🍫！熱食區嘅薯寶同春卷脆卜卜，綠豆沙有少少陳皮香，生果區有哈密瓜🍈同西瓜🍉～

今期Buffet有轉左新主題海王盛宴🌊用海鮮做主題✨熱食盤有避風塘炒瀨尿蝦、黑胡椒肉蟹、炒蜆、彩椒炒龍躉球！仲有刺身及冰鎮海鮮，包括即開生蠔🦪麵包蟹🦀大蝦🦐翡翠螺🐚青口等等😍仲有每人枱面都有一個牌號，放出去俾廚師煮，有專人送上忌廉牛油白酒煮波士頓龍蝦🦞多肉彈牙，其實原來唔係每人一隻咁簡單，之後繼續可以拎🤣但係當然我哋要留返個肚繼續食其他嘢！仲有烤豬肋骨、原條穀飼肉眼扒、蟲草花花膠雞湯、海龍王湯、天婦羅串燒沙津，每樣夾少少可以食勻晒👍🏻最後大家一定要攞甜品啦，除咗有蛋糕及Haagen-Dazs雪糕之外，自助區可以自己整窩夫🧇及有小朋友最愛朱古力噴泉⛲️呢度環境好舒適，就算二人都係會坐卡位，空間感好大坐得好舒服😌另外仲有戶外草地位置，夜晚燈飾會更靚，好值得打卡啊！

Tang’s Group 旗下酒店Cozi 啱啱推介龍蝦松露 半自助晚餐 啱晒嚟緊復活節去食主菜入邊除咗原隻波士頓龍蝦之外，仲有羊架，黑松露海鮮燴意大利飯、安格斯牛扒等等除咗主菜之外，出邊仲有好多精選嘅食物，由沙律去到甜品一應俱全我就比較鍾意食佢嗰個龍蝦鮮果沙律！松露醬薯條香脆可口餐廳做咗好多特色嘅優惠，嚟緊復活節真係可以帶一間幾口嚟食CP值真係好高除此之外，酒店UG 層有個空中花園，亦都有個打卡好地方，亦都可以帶毛孩一齊玩嘅地方！好少酒店會做到咁

最近去左葵涌悅品酒店的The Platter食海鮮自助午餐，餐廳環境夠大，座位闊落，人多一齊黎聚餐都坐得舒服。眾多海鮮料理入面，我特別喜歡酥皮焗三文魚，外皮鬆脆，三文魚肉質嫩滑，三文魚味亦很香濃。我也食左好多籠仔海鮮飯，裡面的海鮮好足料，可以做到每啖飯都有幾種海鮮一齊食。另外，扇貝和瀨尿蝦都深受大家歡迎。刺身方面，有刺身小檔位，行埋去就會有專人幫你切魚生。有三文魚、吞拿魚刺身等選擇，我覺得都新鮮。除了有魚生和熱盤海鮮，也有冷盤海鮮，有蟹腳、青口、蝦和螺，有很不錯。最後食埋甜品和雪糕就完美啦，雪糕我都食左好幾款，益力多口味和港式奶茶味夠地道。食飽飽後上去UG/f Grazzi Garden 戶外花園散步，呢度有好大空間俾大家休息，有小朋友既話仲可以俾佢地喺度跑跑跳跳放電！下次我要再黎食埋鵝肝花膠自助晚餐～

復活節時難得放假帶家人去左位於葵興悅品酒店 the platter食自助海鮮自助晚餐我係沖住蟹腳，鵝肝，花膠而黎鵝肝師傅即叫即煎鵝肝拍少少粉保持外脆肉軟再加牛油一齊煎散發出香氣令我等緊既時間流晒口水配埋脆卜卜多士一定要食生蠔蠔身比較白淨師傅沖得好乾淨帶少少鮮味蠔比較細隻龍蝦加左少少芝士龍蝦開邊蝦肉結實呢幾樣稱得上代表作肉眼牛肉乾左少少最好加黑椒汁或蒜蓉汁濕濕地羊架喜出望外羊架多汁外皮脆身配薄荷醬簡直絕配蒸魚魚肉嫰滑豉油唔會太咸椒鹽瀨尿蝦有埋炸蒜夠晒大排檔feel炒蜆有穫氣肉質厚身入晒味爐端燒有彩椒，粟米等等炭火香意大利蔬菜湯非常香濃牛奶布甸香濃牛奶配上玫瑰花京都抹茶卷香濃抹茶蛋糕鬆軟食完飯再去平台睇夜景同星星

今晚去左呢間酒店位於屏麗徑附近既酒店入面晚餐既半自助餐，半自助餐環境都幾闊落同大，而且酒店提供仲免費shuttle bus 坐由葵芳入去酒店既地方只需10分鐘車程就到，位置都好方便，入面UG 層仲有個戶外花園打卡位都好靚嫁。龍蝦松露半自助餐包括有自選一款主菜，我地揀左一份芝士焗龍蝦，龍蝦貌相好靚，原條上既波士頓龍蝦配芝士焗醬汁，仲幫我地起埋肉，龍蝦肉彈牙。半自助餐食物款式選擇多，有沙律吧，芝士拼盤，蛋糕，dessert麵包等等。仲有自助飲品咖啡機，奶茶，檸茶，果汁等等自助飲品區。