影片
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
有關獎賞計劃
優惠
今日跟朋友來這間酒店食半自助晚餐～今期做緊南歐風味火腿半自助餐～酒店環境舒適，座位闊落，岩曬與家人或好友相聚，坐得舒服。半自助餐食物款式絕不馬虎～有多款海鮮類，如螺、貝、蝦、青口，任食！仲要好鮮甜，海鮮好爽口，非常唔錯。沙律吧、款式都不少的。仲有湯、麵包等等。當然少不了主角風乾火腿及一些雜錦凍肉啦，款式唔少，仲要好好味的，我最愛吃風乾火腿配蜜瓜，咸咸甜甜的口感，蜜瓜又甜又多汁，火腿又夠味，好好味，忍唔住都食左幾碟蜜瓜配火腿。仲有烤薯波、蟹餅呢類香口小食。自助區食物款式又美味又吸引，主食都選擇眾多，因應自己心目中既口味來揀主菜，非常不錯。點了一客烤波士頓龍蝦配香檳忌廉汁及芝士，賣相相當豐盛，原隻開邊大龍蝦，上面仲鋪滿了滿滿的芝士及忌廉汁，又香又惹味。龍蝦啖啖肉又爽口又彈牙，超美味。而且個醬汁好好味，既香濃又唔會過膩，非常之出色。另一客點了烤草飼羊架配迷迭香濃汁，四件的美味羊架，七成熟恰到好處，肉質岩岩好，又嫩又啖啖肉，非常唔錯，而且醬汁好好味，非常出色及美味的羊架。仲配有一些清新時蔬，正。食了主菜，當然可以繼續品嘗自助區的食物，甜品都相當出色，有木糠布甸、芒果布甸、士多啤梨蛋糕、朱古力蛋糕、番薯糖水等等，又多選擇。甜品細細件，可以試到唔同款式，正。食飽飽仲可以慢慢嘆住野飲一邊傾下計，正。酒店在UG層仲有個花園可以坐下傾下計，十分寫意的地方。
繼續閱讀
店名：The Platter (悦品酒店‧荃灣)地址：青山公路 - 葵涌段443號悦品酒店‧荃灣LG樓情人節後想同另一半繼續慶祝，諗起屋企附近有一間酒店嘅自助餐一直想試，佢就係荃灣悅品嘅The Platter，酒店有提供穿梭巴士服務，可以係葵芳乘搭，不過我地識行😂😂，拍下拖做下運動係葵興行上去講番個自助餐，今期自助餐叫鵝肝•花膠臻選自助晚餐，主打鵝肝•花膠🤤🤤，而家諗番起個鵝肝多士都想食番件，The Platter 位於酒店LG樓層，可以係酒店大堂落一層樓梯就到非常方便Buffet選擇眾多，有多款海鮮（麵包蟹，鱈場蟹腳，青口，蝦，螺），還有即開生蠔，生蠔好食，creamy得黎重海水味，size中等（Ps.個人都食左幾隻），麵包蟹多膏，食到我好滿足🤗🤗食完海鮮，緊係去番自助餐主題，鵝肝同花膠😁，鵝肝會係用多士手法呈獻，由廚師即場製作，每次煎約10件左右，記住想食就要排隊啦，因為真係好受歡迎，一出就好快俾人拎晒；鵝肝外皮煎到香脆，配上多士及少量生果及醬汁，配搭上黎，非常好食。另花膠會同鵝掌配搭，二者好軟諗，次次一拎出黎就好快俾人橫掃一空。隨上述數款食品外，也有芝士焗波士頓龍蝦（半隻），紐西蘭肉眼扒，羊架，黑椒龍蝦鉗等，其他熱食也不錯；還有日本刺身（個人認為阿根廷紅蝦必試,其次為三文魚），天婦羅爐端燒，沙律芝士，生果等；最後環節當然是甜品，超過10款榚點及數款雪糕（個人最喜愛係榴槤慕士蛋糕，但係佢只係出咗一輪😭😭），佢仲可以喺門口整格仔餅（附教學）同埋朱古力噴泉,啱晒大人同小朋友或者情侶一齊製作。食完自助餐，還可以到樓上嘅Grazzi Garden(綠庭園）開放時間（0800-2300），有少量位置及鞦韆椅，可以係到賞月打卡放空，如果有小朋友更加可以黎放下電😁😁
繼續閱讀
過完年要返工慘慘豬, 為左延續過年既美好感覺約朋友出黎拜年食飯吹水係不二之選, 今次我地揀左係葵興附近既HOTEL COZi 既The Platter食Semi Buffet半自助晚餐, 咁就可以盡情咁享受美食啦!D間酒店可以選擇係葵興站行過去, 或者係葵芳站搭穿梭巴士過去, 我地就係葵興行過去, 其實都係十分鐘左右, 位置都算方便, 而餐廳入面既環境都幾舒服, 整齊得黎空間感足, 好岩我地傾計烤波士頓龍蝦-$408D隻龍蝦好新鮮, 輕輕用叉一拉, 成條龍蝦肉已經拉出, 一啖放落口, 滿足感滿分, 而且味道鮮甜彈牙, 上面既芝士惹味但又唔會搶走龍蝦既鮮甜味, D個龍蝦處理得好出色烤美國安格斯肉眼-$308 友人唔鐘意食太生, 所以我地叫左七成熟, 我地都覺得D個熟度唔錯, 唔會靭, 而且牛味好足, 都幾大塊, 係一流既靚牛排而自助餐區都唔錯, 有各式沙律, 有凍海鮮如翡翠螺, 蝦, 小龍蝦, 蜆,有中西式湯, 今晚係雞腳湯同西蘭花忌廉湯, 好多款唔同既蛋糕同雪糕, 而我最鐘意係翡翠螺, 好鮮甜, 又唔會靭, 另外仲有蜜瓜夾HAMS, 以及自製既窩夫雪糕, 真心又多選擇又好味道。其他仲有朱古力蛋糕, 芝士蛋糕, 細細件, 啱晒我鐘意每樣都試少少!總結D間The Platter既主菜同埋自助吧都唔錯, 環境又岩傾計, 今次擇D間餐廳食我地都好滿意
繼續閱讀
聖誕假期想同老公一齊去食酒店buffet🍽️，想搵間近屋企嘅酒店同要食物唔錯嘅buffet，即刻就諗起荃灣嘅悅品酒店，而且仲有免費泊車🚙，真係好方便呀！呢期嘅主打係鵝肝添，係老公至愛😍！Buffet非常多野食，仲有多款海鮮，最正係有即開生蠔🦪！生蠔非常新鮮，有海水味同好creamy，老公食左唔止一打！鱈場蟹腳size唔細，而且好鮮甜🦀，啲肉係一梳梳仲彈牙。白蝦都係必食，新鮮彈牙仲要有膏！食完凍海鮮就見到廚師煎緊鵝肝，緊係即刻去排隊啦🤩！廚師每次煎10件到，排3-4分鐘就拎到。鵝肝仲煎到個面非常香脆，而且好juicy，一啲都唔乾，配上甜醋醬同脆口嘅多士真係一流！老公一個人就食左3件😆！最估唔到係有焗芝士波士頓龍蝦🦞！波士頓龍蝦焗完仲好juicy，同非常彈牙，配上香濃嘅芝士🧀，又係必食返本之選👍🏻！肉類方面，燒紐西蘭西冷牛扒🐮同燒羊鞍🐑又係非常唔錯，好juicy同有肉味！熱盤仲有好多，必食返本雲腿花膠鵝掌扒翡翠同星洲黑椒龍蝦鉗！其他熱盤都好唔錯，仲要有天婦羅同爐端燒，款式真係非常多！之後又係時間食啲刺身，刺身有7款咁多！最正係阿根廷赤蝦🦐同三文魚🐟！阿根廷赤蝦超大隻，個頭超多膏，非常甘香！而蝦身大大隻同好彈牙，超級新鮮！而三文魚大大塊有油份，好鮮甜肥美！再食返個蝦仁荷葉飯🍚同燉蟲草花鲍魚螺片湯🥣暖返個胃就開始食甜品🍧！呢到甜品仲好好玩，有得自己整窩夫🧇！仲有個教學係到，包無失手。老公整嘅果份窩夫夠脆同有蛋香，整完之後仲可以自己加醬，我地仲加左個Häagen Dazs雪糕🍨去窩夫到。📍The Platter葵涌青山公路 - 葵涌段443號悦品酒店‧荃灣LG樓
繼續閱讀
趁住聖誕前🎄🎅🏻同朋友去「The Platter」食海之誘惑全自助午餐(2位)🍽️.刺身🌊有吞拿魚、鯛魚、三文魚🐠馬刀貝、墨魚🦑刺身新鮮😋旁邊仲有漬物同中華沙律🫚.凍海鮮❄️有麵包蟹🦀蝦🦐青口、翡翠螺🐚麵包蟹同翡翠螺非常大隻😍蝦肉爽彈😆加上海鮮汁或檸檬汁更加提鮮🍋.冷盤🥢有鮮紅菜頭蘋果沙律🍏蜜瓜柚子魷魚沙律🍈泰式鳳爪沙律🇹🇭🐓粟米火腿雜椒沙律🫑香草扒雜菜🌿🍆雜錦凍肉🥓🍖煙鴨胸🦆芝士拼盤🧀🥕🥒健怡沙律吧🥗🫒🍅🫘蕎麥冷麵🍜款式新穎又開胃😛.湯品🥣有花生黑豆煲豬骨湯🥜🦴西蘭花忌廉湯🥦旁邊有多款餐包提供🍞🥯🧈花生黑豆煲豬骨湯入口清甜滋潤而且唔油膩😌.熱盤🥘燒原條肉眼🥩酥皮焗三文魚🐟辣酒煮花螺🌶️金銀蒜蒸扇貝🧄海鮮炒長通粉🔥紅酒燴牛肉🍷🐄避風塘炒賴尿蝦🍤美式芝士焗魚柳🫕咕嚕雞🐔🧅福建炒飯🍚清炒時蔬🥬炸雞寶🍗薯寶🥔BBQ Station🍢咕嚕雞醬汁調得酸甜適中👍🏻但肉眼燒得太乾🥺花螺同賴尿蝦亦比較細隻🥲.甜品🍮有朱古力噴泉🍫棉花糖☁️自製窩夫🧇Haagen Dazs雪糕🍨雲呢拿忌廉泡芙🍩明月冰卷、薑餅、芒果布甸🥭歌劇院蛋糕🍰蛋花大菜糕、京都綠茶卷🇯🇵草莓慕斯杯🍓CocoBerrry雪糕🍦水果🍎🍉.飲品🥤有汽水、啤酒🍺橙汁🍊紅茶🍵中國茶🫖Detox Water🍋咖啡☕️雜果賓治等🍹紅茶可自行加檸檬或鮮奶整檸檬茶或奶茶☺️
繼續閱讀