The Platter (悦品酒店‧荃灣)

營業中

休息中

今次去咗Hotel COZi酒店內的The Platter食半自助，葵芳新都會有穿梭巴士直達，夠晒方便🚌，不過記得留意時間表，大約半小時一班。The Platter地方又大又有大圓枱，一家大細黎都啱，今次主題係龍蝦X松露，可惜龍蝦賣晒，只好先試黑松露🍄。烤美國安格斯牛肉眼扒🥩配黑松露燒汁，五成熟煎到外皮微焦，肉汁鎖得好實，肉質又軟淋。烤草飼羊架配迷迭香濃汁，羊架肥瘦適中，配埋必試薄荷汁🌿，真係即刻加晒分。自助吧有各式沙律、凍海鮮、炸物同甜品等，凍海鮮我最鍾意翡翠螺同蝦🦐，好鮮甜。窩夫脆卜卜，可以自己加料，甜品每件細細件，岩晒我試晒所有，最愛芒果布甸芒果味超濃，雜錦曲奇原味鬆化🍪。酒店UG層有個靚靚Grazzi Garden戶外花園可以打卡，可惜天雨關係今次關咗門☔️。