The Place

在這裡和家人吃下午茶自助餐，以下午茶來說食物種類算多款式，甜品也有很多選擇。而也有多款凍飲以自助形式供應，服務也很好。不過最美中不足的就是欠了一杯餐後熱飲，一問之下才知道原來不包熱餐飲(可向他們索取熱水)。印象中這些年來沒有遇過不包餐茶的自助餐了，不論是午餐、下午茶或晚餐。完滿的自助餐就是最尾吃些甜品，吃件蛋糕，加杯熱紅茶或咖啡，那才算完美。另外一般較年長的人都習慣熱飲。現在有很多酒店都有自助熱飲供應，其實只是简單放些茶包，檸檬和熱水機就可滿足食客，又不會讓服務員姐姐哥哥增添工作。而我個人覺得酒店這樣做實在有点(小家) cheapskate的感覺。

很久之前食過此酒店的週末下午茶自助餐感覺唔錯，見電訊公司儲埋嘅積分可以換餐券，一心唸住食餐好既，點知換來人生第一篇食評...仲係負評，真係忍唔住，於6月17日晚市自助餐，主題希臘風情，環境其實不錯，可惜食物選擇少到.....我和家人都唔食生蠔，自己主打蟹腳係可以的，屋企人唔食生嘢，主打熟食...主菜羊架是最好的，牛扒肥到不得了(半件係肥膏），餘下就係炒飯，湯麵，咖哩之類，薯仔自己煮自己，清炒西蘭花（加d配菜好嗎，我唔係係屋企食住家飯呢⋯⋯超平凡）沙律配菜選擇都少，粟米都冇粒，以前係新城市廣場返工，午市去Mr steak 個沙律吧都好過佢，連基本沙樂美腸都冇一片，最後唯有食個蛋片湯麵填肚，以後都唔會再去原本冇唸住要寫食評，所以相片欠奉

因為想食自助餐，又唔想太貴，所以揀咗食宵夜自助餐。因為聽朋友講過，朗號酒店嘅宵夜自助餐都有生蠔食，所以就係OpenRice度訂位。估唔到宵夜自助餐都要排長龍，不過好快就有得入座。食品款式唔算多，不過有好多生蠔，但凍海鮮都只係得生蠔，刺身亦都只有三款。其他食物同一般自助餐差唔多，有幾款蠔嘅食物。最值得讚賞嘅係甜品部，甜品款式多而且味道唔錯！不過生蠔唔係即開，見佢係一盤開好用保鮮紙包着，唔算好新鮮，不過食完冇肚痛。用信用卡賣單有折，兩個人合共$524 ，鍾意食生蠔嘅不妨一試！

今日黎the place食tea buffet，係酒店The cordis入面，3點我地早左到已經有人係出面排緊隊~入到去環境真係好舒服，多人既話可以坐梳化位。不過雖然係假日，但又唔算好多客人，拎野食都唔駛排唔駛等~唔會好嘈，約人黎傾計一流!食物方面熱盤就較少選擇，特別d既係而家好多人鍾意食既黯然燒魂飯~即係叉燒煎蛋飯啦~每碗細細碗唔會塞飽你~太陽蛋煎得蛋白香脆蛋黃流心，叉燒肥瘦適中，同行朋友食左3碗~其他熱都係d大路野，粉麵檔咁，迷你三文治都幾好食。甜品區反而有驚喜~雪糕係movenpick，食多幾球都回本，仲可以用cone裝，又有好多toppings可以加~抵哂呀!另外一邊有熱辣辣豆腐花，仲有好少buffet有得食既抹茶蕨餅，又有即製抹茶窩夫~全部都係我鍾意食既甜品!勁開心~另外仲有一個親子區俾小朋友自己係曲奇或者cupcake上畫野，仲有D糖俾小朋友夾，信用卡有78折，折左都係2百幾蚊一位，小朋友同長者仲平D，呢個價食到咁既質素真係非常好了~

Lunch 自助餐 希臘風主題海鮮冷盤區-有生蠔，青口，蝦及長腳蟹，質素一般，唔夠鮮甜，但不停refill 沙律以希臘風為主，仲有煙三文魚刺身壽司都唔錯，勝在份量夠同埋新鮮熟食區-有中菜，即煮粉麵及咖哩，咖哩可以一試。沒有牛排，小小失望！甜品-最吸引！有豆腐花，芒果芭菲，蛋糕，chocolate fountain ，班㦸同movenpick 雪糕基本包了餐茶，如加98 可以酒水任飲價錢 428/head 性價比中等啦！

今日端午節同媽媽一起係呢間The place食自助餐，係旺角朗豪坊對面個間酒店。食物質素我覺得幾好～有得任食嘅海鮮有生蠔，蟹腳，青口，龍蝦鉗同小龍蝦。質素都幾好，好新鮮，有海水味👍🏼。而其他熱食都好好味，中式，西式，日式嘅食物。我特別推介羊扒，有好多醬汁選擇，D醬汁都好好味👍🏼。其餘嘅食物水準都算唔錯😝！而印度脆卷同埋煙三文魚就有點咸😖。甜品都有幾多選擇下，有movenpick嘅雪糕任食，有士多啤梨味，乳酪味，朱古力味，焦糖味可以選擇👍🏼！而其他蛋糕就以海洋做主題，我就無食到，因為覺得應該得個樣，有個芒果乳酪我覺得好好味😋。甜品我唔太推介歌劇朱古力蛋糕太甜😣，另外重有個黃桃乳酪杯都有D怪怪地，但下面個乳酪就好味的。*呢間自助餐嘅食物選擇有點少，同埋之前見到人地嘅食評有牛扒，鵝肝而我今日去到就見唔到有嘅。可能因為係午餐自助餐嘅關係。最後我認為服務態度都唔錯，但埋單個陣因為有少少意外，而店員嘅態度就黑哂面，又好似想罵我地咁，就有少少唔開心。不過除左呢位店員之外其他店員嘅態度都好好！不過我認為作為一間酒店培訓店員嘅態度都好重要！😊

用餐日期 : 5 月19日 母親節鬼灯大人第一篇食評, 估唔到係負評.首先, 食自助餐要分時段已經不夠痛快, 其次係第二輪要, 食物唔會夠第一輪新鮮, 呢個係我個人感受.入正題, 一入去還境OK, 樓底夠高, 但地方不大, 可以話有點兒細, 不論係放食物既地方還係可以座既地方, 都係一個字, 細~~ 可想而知食物種類不會多.  坐底後見倒D餐具, 以為自己去咗茶餐廳 @.@餐具有無限污積, 酒店出品.食物方便, 唔知係因為節日問題, 還是餐廳食物質素一向如是, 當日差點唔夠飽.當日有2款即開生蠔, 不過非常細隻瘦削, 不過自助餐, 都不能要求太高, 呢點鬼灯係明既, 但佢既質素真係麻麻, 有點咸味, 有點乾身.  冷盤仲有松葉蟹腳, 呢樣食物好似變咗自助餐基本要求咁, 只係大隻與細隻之分, 呢間餐廳係細腳, 味道正常, 不會過咸.冷盤還有凍螺, 青口及龍蝦仔, 第一次係酒店食龍蝦仔係一襟就扁咗, 係, 無錯, 係成隻扁咗淋既, 初時食第一隻時以為唔好彩有一隻唔夠新鮮, 但食第二, 第三隻時..... 都係鬼灯唔好彩吧~~龍蝦仔都可以咁淋?? 內質就梗加不用說之後食咗少少沙律, 正常,

一直都很喜歡在這𥚃吃，因為坐位舒適，環境清靜，服務很好，今次主題是加勒比海，最吸引是精緻甜點，真不捨得破壞他。我最懷念是麵包，每次必定吃，不要看小他，很有咬口，真的想打包幾個回家，哈哈。冷盆其實很吸引，大大隻蟹鉗，但我只吃了生蠔，雖不太大，但很鮮甜，魚生有四款選擇。熱盆有十多款，我只吃了幾款也不錯，還有中西湯及喇沙湯麵也很吸引。最後甜品略為甜了一點，今次我真的細胃口，希望下一次可以吃到其他沒吃到的。

喺香港食自助餐好多時都係貼錢買難受，因為香港自助餐啲食物有時好Hea。而今次呢間餐廳食過兩次，都好好食！因為啲生蠔好新鮮又大隻，仲要係即開即食，有師傅幫手清潔，真係好好味，我一個人食咗20隻，跟住咩都食唔到😂😂😂當日侍應同我講填問卷有橙汁送，咁我哋梗係唔會放過佢啦，飲完橙汁之後，我又可以去食牛扒啦！點知到個廚師將牛扒切得太薄，我要攞三次先夠。牛肉餃子好好食好好食，結果又食多一多打。另外甜品亦很值得一讚！燉蛋同馬家龍都好好食！女朋友讚口不絕用埋OpenRice嘅特價，買單$300都唔使，真係抵到爛！

同里奧拍拖20週年，於是帶埋囝囝奧仕文去食自助晚餐，周日晚人流不多，只有鵝肝需要少少時間排隊等候，其餘情況都輕鬆自在，由於我唔食生蠔，但睇見里奧已經3次入手，相信會係鮮味十足，不過佢食到第3輪提到後其的味道就頗為鹹；我平時好少食羊，怕羊肉果陣羶味，而呢到雖然都有羊羶味，但加左廚師推介既綠色醬料，陣羶味立刻消失，口感仲好嫩滑！而我喜歡既牛肉就普普通通，幸好師傅手藝好切成薄薄一片，唔會覺得好柴；另外養生湯（蓮子百合燉瘦肉）係現時流行既飲食文化，我個人已經飲左2盅！重點推介鵝肝，廚師現場即煎， 几乎大部分時段都需要排隊，我同奧仕文都去湊湊熱鬧，等候時已經聞到陣陣膏既香氣，光澤飽滿既鵝肝填滿我既味蕾。甜品時間，5歲既奧仕文第一次自己去點雪糕，回程時不但表露對食雪糕(Movenpick)既喜悅，更帶著點餐成功既喜悅；中式甜品有里奧至愛豆腐花同紅豆沙，呢兩款口感甜度跟我地小時候食既係一樣，現時好小機會食到；而我顧著食忘記影相既海洋蛋糕🍰，係我愛既桃🍑口味，非常清新！我同里奧一改以往食自助餐習慣，今次細味品嚐，非常滿意。服務方面，當奧仕文話想食炒飯，而我地望著紅色炒飯疑惑之際，廚師即向奧仕文表示係

突然想食自助餐，之前試過幾次呢間，覺得唔差，今次決定再戰🤤7點黎到，可能平日，所以唔多人，野食唔係話好多，不過最重要講質素生蠔，有兩款，無記錯一款係紐西蘭，一款愛爾蘭，紐西蘭個款肥美好多，相反愛爾蘭個款偏瘦唔太好食，唔知係咪因為咁佢放紐西蘭個款多好多出黎，而愛爾蘭個款要問佢先有。不過兩款都係即開仲有長腳蟹，蝦，幾款既海鮮凍食，質素都Ok，壽司同刺身今次我就無特別試啦！普通熱食同沙律區，一般野食佢都有，好似即煮粉麵、牛排、三文魚、湯等，佢有即煎鵝肝同焗龍蝦，鵝肝真係好味！係咁拎黎食，搞到勁快飽左😂 而焗龍蝦就一般，唔鮮，焗得太耐，肉質偏「鞋」同咸。甜品就不嬲唔錯同好多選擇，今次主題係海洋，所以D蛋糕都整到勁精美！有Movenpick 雪糕🤤🤤當然要狂食！你可以配雪糕脆筒/pancake/就咁叫雪糕就得👍🏻

好OK！生蠔宵夜Buffet！！而家要搵間有生蠔任食嘅酒店自助餐，起碼五舊水！要平，我推介你去#cordis 即係朗豪坊間酒店食宵夜！埋單HKD 262.5紐西蘭生蠔任食！新鮮，甜，crispy！如果唔鐘意食creamy美國蠔，呢度啱晒你！其他熱食都唔Hea你，吉列炸蠔 👍👍👍👍熱辣辣，脆卜卜，中間蠔仲係嫩，juicy!! 麵檔熟蠔👍👍👍👍喂！好大隻喎！剩要蠔加菜，啱晒想食熟蠔嘅朋友！蠔仔粥👍👍👍無欺場！蠔餅 👍 蠔仔小丸子👍👍Ok 嘅，gimmick 嘢中式老火湯👍👍👍👍👍燉猴頭菇，好足料，夠火侯！Nacho👍👍👍👍👍有牛油果醬！！加分！甜品👍👍👍👍即焗芝士撻Earl grey crumble (呢個堅好食！)WaffleMovenpic 四式雪糕仲有寿司都整得幾好食！唔會好似一般酒店嗰啲硬，乾，實！呢個價錢，今時今日，九龍區！真係有驚喜！記得用OpenRice Coupon 蛋散好味指數：👍👍👍👍👍蛋散清袋指數：💸💸💸#生蠔#buffet#蛋散空少

小島、驢仔、日落、風車、天體沙灘、懸崖上小白屋，希臘擁有還有許多許多美麗的東西，希望在未來的日子有機會再次到訪希臘，感受種種浪漫及小島的閒情！「The Place」推出「味遊希臘」主題的自助餐，在未可落實出發日子前，不如先回味希臘的美食，希臘美食近在旺角！希臘式檸檬香草烤春雞希臘式檸檬欖油烤魷魚希臘式蕃茄芝士焗大蝦希臘式烤羊架第一時間嘗試多款精選的希臘美食，除以上相片所載，亦有希臘式烤薯角、布格麥釀魷魚筒、希臘烤肉串、芝士菠菜批和慢煮牛肉伴蕃茄汁米粒意粉等輪流供應，盡情回味希臘的味道！蕃茄沙甸魚香蒜多士希臘小食前菜希臘是屬於地中海飲食的一個國家，而地中海飲食習慣被喻為健康的仿效對象，「The Place」也悉心製作出青瓜乳酪醬、希臘紅魚子醬、蒜泥薯仔醬、煙燻茄子醬、鷹嘴豆泥醬和黑橄欖醬等食品，讓客人好好體會地中海的飲食文化！一系列的冰上海鮮，如龍蝦、小龍蝦、凍蜆、凍蝦和青口等，不忘照顧喜愛海鮮的客人！愛爾蘭石蠔紐西蘭生蠔沙律亦是希臘的愛吃的食品，當晚大廚為大家預備了希臘沙律、希臘式薯仔沙律、鷹嘴豆沙律、韓式雜菌牛肉沙律！客人亦可製作個人口味的沙律，各式其式的沙律材料及醬汁任君選擇！自助

4月至11月正是希臘旅遊旺季, 或許就連漁獲美食也在這幾個月份最吸引.  還記得那年2月到到訪希臘及Santorini, 沒錯, 拍出來的照片不需P走多餘的人群, 但未能真正體驗到希臘繁華的一面. Cordis Hotel的The Place由4月1日起至6月30日期間呈獻「味遊希臘」自助餐，好讓我細味希臘風味菜式. 藍白色彷彿就是希臘的代表顏色, 看到海鷗在叫、海風吹拂, 是多麼的寫意! 甜品區就在餐廳入口不遠處, 發現有巨大八爪魚! 哦? 原來是無花果醬黑朱古力慕士蛋糕.  亦有展示美麗的海洋與海底世界的白桃香橙榛子蛋糕. 以上兩款的造型很讚! 希臘甜品, 當然要有輕營健怡雜莓芭菲杯, 甜度低, 又有水果, 就算是希臘旅遊期間也是我最常吃的.其他甜品包括開心果牛奶朱古力車厘子蛋糕 、檸檬芝士蛋糕、希臘杏仁脆餅、洛神花士多啤梨卷、無花果英式糖醬撻、蘋果蘆薈奶凍、黃梅乳酪奶凍等. 至於多款口味的Haagen-Dazs雪糕, 今次可以配pancake~ 希臘人喜愛採用天然食材配合簡單的烹調方式炮製美食, 例如番茄沙甸魚香蒜多士 接觸到希臘傳統小吃- 希臘粽子 (Dolmathaki

忙裡偷閒，難得放假就去食個buffet 下午茶啦，今次黎到朗豪坊款式都好多架，凍盤刺身簡簡單單有三文魚，魷魚，北寄貝等都唔錯既熱盤橫掃都有好多款，蝦多士，辣炒韓式魚旦，德國腸總有沙津吧，可以自由配搭，多款醬汁任選總有得DIY 小cake 同cheese cake ，如果有小朋友就岩哂喇去食既時候係復活節 所以有兔仔做主題冬甩都好吸引架呢個tiramisu 都好得意講左咁耐d野究竟好冇食，但因為相片擺放有限真係拍唔哂，但所有野都好好，不過不失，最得意真係有個叉燒雞蛋飯，真係好好味。呢盤係我選擇既甜品，tiramisu 夠苦，macaron 唔算太甜， 冬甩就一般般般， 綠茶大福就好香綠茶味道，至於個隻腳仔係白朱古力配檸檬tart 唔錯既 幾清香原來雪條自己都可以係diy 呢個係示範， 下次如果再食會再玩下