The Pearl

餐廳位於尖沙咀瑞生酒店4樓，慶祝朋友生日揀咗呢度。裝潢走暗黑型格風格，感覺都高級舒服，都幾適合慶祝節日。秘魯吞拿魚拌蕃茄莎莎配香烤𩄐魚脆片及黑醋汁酸酸甜甜非常開胃，味道偏向泰式，調味配搭得天衣無縫。蒜片橄欖油封大蝦配佛卡夏多士用西班牙蒜片大蝦的製法，蒜味適中，唔會搶咗大蝦嘅鮮味。鮮蝦爽口彈牙，亦都好大隻。和風原隻璣煮鮑魚配野菌意大利飯意大利飯真係非常有驚喜，極度出色！因為好多餐廳為咗配合香港人嘅口味，意大利飯會煮得比較腍。呢度係食到正宗意大利飯少少硬身嘅口感。醬汁份量恰到好處，食晒成個都不覺膩。野菌份量多且香味濃郁。璣煮鮑魚配埋紫蘇葉一齊煮，味道日式，非常軟腍又入味。慢煮西班牙黑毛豬鞍架黑毛豬鞍架非常厚身，用慢煮烹調方法所以做到肉質非常柔軟。配red wine pear sauce係比較少見嘅配搭，食落非常有新鮮感，味道甜甜地好能夠帶出豬肉味。值得一讚嘅係，連配菜嘅薯仔都好甜好好食！Cocktail : Pearadise白酒base加雪梨點綴，甜甜地非常容易入口，口感順滑Mocktail : Passionate Night熱情果加提子味，口味酸甜清爽

Happy friday同朋友去咗The Pearl, 一間暗黑工業風餐廳酒吧，以黑色為主調，非常型格，有室外歐陸花園，尖沙咀市區都可以中享受一片寧靜。🐠秘魯吞拿魚拌蕃茄莎莎配香烤鱈魚脆片及黑醋汁 ($68)吞拿魚🐠同蕃茄🍅洋蔥🧅切碎粒做莎莎，底下喺鱈魚脆片幾特別。🦐蒜片橄欖油封大蝦配佛卡夏多士 ($88)蝦肉🦐爽口彈牙，炸蒜片🧄，2塊脆多士，蘸充滿蒜香嘅橄欖油食，yummy😋🐷慢煮西班牙黑毛豬鞍架 ($188)黑毛豬鞍🐷切開肉質粉嫩，入口唔鞋，配紅酒梨汁，中和油膩感。🍄‍🟫和風原隻璣煮鮑魚配野菌意大利飯 🍚($288)日式璣煮鮑魚大大隻，味道帶甜，意大利飯食到蠔油味，味道好fusion。餐廳附設酒吧，當然唔少得叫杯cocktail /mocktail 🍸🍹🍸Pearadise ($130)杯上有支髮簪穿住梨乾，白酒溝冰糖燉雪梨嘅酒精版，夠滋潤，香甜易入口。🍹Rosy Romance $100Cold brew rose tea, fresh apple juice with honey, 呢杯Mocktail就冇酒精分份，非常清新。

之前嚟過一次，因為太正所以有第二次，我好相信亦都會有第三次！餐廳位於酒店尖沙咀正中心約朋友食飯好方便 成個環境都好chill 現代風裝修，仲有戶外空間，可惜當日落雨就冇坐出去啦秘魯吞拿魚拌蕃茄莎莎配香烤鱈魚片 估唔到細個食開嘅零食，原來可以有咁新穎嘅配搭！ 加咗黑醋汁同新鮮蕃茄酸酸甜甜味道好清新嘅吞拿魚粒配上脆口嘅鱈魚片，好適合做開胃嘅前菜呢！ 蒜片橄欖油封大蝦配佛卡夏多士佢個蒜片真係不得之了 ， 炸到勁脆口好似薯片咁但係係勁香蒜味食到停唔到口 ！ 冇諗過炸蒜片可以咁出色 ！主角大蝦係新鮮爽口嘅！ 每日兩隻有多啲就好啦，因為好好食🤭和風原隻磯燒鮑魚配野菌意大利飯如果鍾意食鮑魚嘅，我覺得一定要點呢個意大利飯， 隻鮑魚好大隻經過烹煮已經好入味，佢仲係非常之軟腍 ，輕輕切都已經可以意大利飯比較偏硬口感 個人覺得唔錯，每粒飯粒都掛到汁👍🏻慢煮西班牙黑毛豬鞍架塊豬鞍架好厚切 ，但係一啲都唔老， 好軟腍好輕易就可以咬到， 亦有好香豬肉味特別一提，配菜焗薯仔係軟糯好好食呀！ 嗌咗兩杯mocktail 青瓜🥒味道清新好香葡萄香

尖沙嘴瑞生酒店四樓，一間貼地得黎勁好食，勁有心既西餐廳，廚師完全彰顯了烹飪藝術的精髓— — The Pearl 位置好方便，就喺The One 斜對面，下次經過一定要試下！！Fig and Parma Ham Salad哈密瓜與薄切的帕爾馬火腿相得益彰。搭配烤香的松子，淋上香醇的香醋和橄欖油，這道沙拉甜美與鹹香的完美平衡，令人垂涎。Tuna Avocado Foam Tartare清新的口感令人驚艷。自製的羅勒油為其增添了芳香，絲滑的泡沫在口中瞬間融化，創造出一種和諧的融合，完美平衡了油膩感與新鮮感。Japanese Style Linguine with Shrimp帶來了獨特的風味，結合了培根和蝦的鮮香。面條甜甜的、口感彈牙，融合了大阪燒的風味，醇厚而光滑，蟹肉的蟹油更是為這道菜增添了深度。Grilled Hanger Steak肉質鮮嫩，保持了其多汁的口感，亦保留了口感，超級好味🥰搭配奶油般的薯蓉、烤韭菜和布魯塞爾芽菜，這道菜在香醇的香菜醬的提味下，更加美味可口。雞尾酒Milk Tea or Me呈現出別具一格的混合，調酒師將Long Island打泡，柔化了酒精的口感，讓整體體

•Starters•🔸秘魯吞拿魚拌蕃茄莎莎配香烤鱈魚脆片及黑醋汁Ceviche Tuna Salsa with Crispy Dried Cod Fillet and Balsamic Glaze啲吞拿魚新鮮得黎，搭埋蕃茄莎莎，味道清新可口。莎莎醬入面有啲微辣，令整體味道更加出色🤤🤤 香烤鱈魚脆片咬落去非常香脆，為呢道菜增添咗口感，平衡咗魚肉嘅柔嫩。黑醋汁嘅酸甜味亦令整道菜更有層次，十分推薦！🔸蒜片橄欖油封大蝦配佛卡夏多士Garlic Prawns Conflict with Focaccia Toast呢道蝦非常吸引，蒜香味十足，蝦肉鮮嫩。橄欖油嘅香味配合蒜片，簡直係完美嘅搭配。佛卡夏多士嘅外脆內軟，非常適合用來沾蝦嘅醬汁•Pasta•🔸和風原隻璣煮鮑魚配野菌意大利飯Japanese Style Risotto with Isovaki Abalone with Mushroom鮑魚煮得非常入味，彈牙有嚼勁，而野菌嘅香氣亦為飯增添咗豐富嘅層次感。飯粒煮得啱啱好，吸收咗鮑魚同埋野菌嘅精華•Main•🔸慢煮西斑牙黑毛豬鞍架Sous-vide Spanish Iberico Pork Lo

呢間餐廳之前已經食過佢嘅brunch，覺得個質素其實真係好唔錯，又有得坐室外。今次嚟咗試佢嘅晚餐，到場時發現平日間餐廳都full晒，好彩有book位。我哋叫咗佢最signature嘅幾款菜，黑毛豬安架，忌廉鮑魚Risotto，蒜蓉蝦配多士，同埋吞拿魚蓉蕃茄鱈魚乾基本上每一樣菜都好食，我個人比較推介佢嘅鮑魚Risotto, 吞拿魚蓉蕃茄鱈魚乾。呢兩道菜真係比較特色，鮑魚risotto好Creamy，蕃茄鱈魚乾就非常Refreshing！另外我哋都叫咗兩杯嘢飲，Pearadise & Passionate Night. 我發現佢嘅Cocktail都好適合冇乜點飲酒嘅朋友。Pearadise，佢係法國白酒，冰糖雪梨，超級容易入口！另外一杯係Motail Passionate Night係提子熱情果梳打，兩杯都好好飲！

呢間酒吧餐廳好有氣氛！飲嘢傾計一流，嘢食都唔錯！一入到去，就被萬聖節嘅氣氛包圍住，裝飾得好有特色，燈光昏暗，牆上掛滿咗南瓜燈，員工仲扮成各式各樣嘅鬼怪，真係費盡心思！Pearadise呢款雞尾酒用梨味調配，酸甜平衡，飲落好清爽😌Wandering Voyage結合咗多種烈酒同香料，口感豐富，有驚喜！Fig and Prama Ham Salad呢個沙律選用新鮮嘅無花果，甜美多汁，配搭鹹香嘅帕爾馬火腿，再加上少許橄欖油同意大利黑醋，令味道更加層次分明。Tuna Avocado Foam Tartare吞拿魚碎非常新鮮，切粒後混合牛油果慕絲，口感嫩滑。慕絲帶有淡淡嘅檸檬清香，非常開胃，配上少許香草，令味道更加豐富。Grilled Hanger Steak牛扒用高溫烤至外脆內嫩，肉質鮮嫩多汁。搭配特製嘅紅酒醬汁，增添咗濃郁嘅香氣，同薯蓉或者時蔬一齊享用，完美平衡😋Japanese Style Linguine with Shrimp呢個意粉係日式風味，選用彈牙嘅大蝦，配上昆布高湯同少許醬油嘅調味，令意粉吸滿鮮味，面層灑上少許海苔絲，增添香氣。

同老婆慶祝紀念日嚟咗呢度。餐廳幾有情調，裝修以黑色為主調，細枱、枱同枱之間闊絡，serve年輕有型好態度。 ✦ 無花果帕馬火腿沙律 ✦ 好大盤新鮮沙律，配有香甜嘅蜜瓜、咸香嘅Parma Ham、濃郁嘅parmesan芝士。好耐冇食到咁fresh嘅沙律。 ✦ 吞拿魚牛油果泡沫他他 ✦ 驚喜一。吞拿魚新鮮，就咁食都好香口鮮美。牛油果打成泡沫後冇晒油膩感。兩者撈埋，再配上黑松露同羅勒油，口感豐富、味道有層次。好開胃，令我忍唔住食完又食，食到老婆冇得食。 ✦ 和風醬油大蝦煙肉扁意粉 ✦ 驚喜二。食前完全估唔到，西式賣相之下，食落味道咁日式。明明係乾身嘅食物，食落居然有飲麵鼓湯嘅味道，甜甜哋好好食。蝦大大隻，爽滑有蝦味。意粉煮得啱啱好，全熟、有彈性。 ✦ 香煎牛封門柳 ✦ 牛中間保留少少生，肉質鮮嫩，肉香味好出。 ✦ Rosy Romance (Mocktail) ✦ 玫瑰茶夾新鮮蘋果汁，酸甜酸甜，味道清新。 ✦ Wandering Voyage (Cocktail) ✦層foam係香甜椰子味，配rum, 酒味較為濃郁。 餐廳位置唔算就腳，係好容易就會missed咗嘅隱世好店，值得出post推介

🔥秘魯吞拿魚拌蕃茄莎莎配香烤鱈魚脆片及黑醋汁 $68⭐️8.5/10⭐️吞拿魚切粒與蕃茄粒和生洋蔥以他他形式呈現，鱈魚片香脆增添不同口感，蕃茄莎莎和黑醋汁酸酸甜甜，作為前菜喚醒味蕾最適合不過！清新之選！🔥蒜片橄欖油封大蝦配佛卡夏多士 $88⭐️9/10⭐️大蝦爽口鮮甜，多士香脆可口，沾上橄欖油蒜片，蒜香味香濃，味道不錯！🔥和風原隻璣煮鮑魚配野菌意大利飯 $288⭐️9/10⭐️意大利飯粒飽滿，軟硬度剛剛好，非常creamy！璣煮鮑魚軟腍彈牙，好食！🔥香煎牛封門柳 $178⭐️8.5/10⭐️封門柳太約五成熟，肉質軟腍，有薯蓉和大蔥作伴碟，配搭阿根廷青醬更加美味！🔥Rosy Romance $100⭐️8.5/10⭐️以冷泡玫瑰茶為主調，混合了少量蘋果汁和蜜糖，不會太甜！🔥First Crush $100⭐️8.5/10⭐️主要由菠蘿、青瓜作主打味道，加入梳打水，味道清新易入口！

瑞生酒店內有一間滿有格調的餐廳🥂將巴洛克時期的古典風格融入現代設計當中餐廳環境暗黑型格🌑充滿情調 好岩Vibe 🫶🏻十分適🈴情侶聚餐或三五知己要同chill 下🐟Ceviche Tuna Salsa吞拿魚碎、蕃茄粒及洋蔥粒🧅舖滿金黃的鱈魚脆片🐟配搭黑醋汁 整體味道酸甜開胃 refreshing 🌱🦐Garlic Prawns Conflict大蝦肉質彈牙爽脆🦐配搭橄欖油香煎的蒜片🧄口控彌漫着誘人的蒜香味整體味道惹味邪惡👿🐖Iberico Pork Loin Rack肉質新鮮 細嫩多汁脂肪比例平均散發淡淡獨特的榛子芳香🌰配搭紅酒梨汁🍷香甜清新 沒有負擔感🥘Risotto with Isoyaki Abalone鮑魚爽口彈牙意大利飯粒飽滿完全滲透菇香味相當creamy 值得一試✨🥒First Crush青瓜味道極為突出🥒平衡菠蘿汁的酸甜🍍感覺清爽 幫助解除食物的油膩感🌹Rosy Romance混合玫瑰花茶🫖、蘋果汁🍎及蜂蜜🍯甜度適中 容易入口

尖沙咀The One嗰邊有間瑞生酒店，原來藏住一間幾出色嘅西餐廳The Pearl。餐廳有露天位可以chill住食嘢🍽️，仲可以shi一shi。佢哋嘅cocktail同mocktail都幾有特色，調酒師好nice，會幫你推介合適嘅飲品🍸🍈蜜瓜帕馬火腿沙律 Melon & Parma Ham Salad $98因為季節關係，呢道菜轉咗用比較典型嘅蜜瓜，份量一啲都唔細。蜜瓜甜美🍈，配上香濃嘅Parma Ham🥓，鹹甜交融。沙律菜新鮮🥗，配甜酸口嘅醬汁。🐟吞拿魚牛油果泡沫他他配自製羅勒油 Tuna Avocado Foam Tartare $108用料新鮮，牛油果泡沫🥑增添咗特別嘅口感，加咗自製羅勒油🌿，味道清新又有層次。🦐和風醬油大蝦煙肉扁意粉 Japanese Style Linguine with Shrimp $168醬汁香濃，帶有少少似pastry面包配腸仔嘅味道，但味道唔會太淡，反而一啖接一啖停唔到口🤤。蝦有足足4大隻🦐，煎得脆身，口感非常好。🥩香煎牛風門柳 Grilled Hanger Steak - Default medium rare $178風門柳嘅部位有口感，餐廳將熟度

話說最近去咗一間喺尖沙咀酒店🏨嘅餐廳食飯😌位置都幾方便所以都幾多人嚟食真係幾Full吓㗎😆見到都有幾多外國遊客喺度食飯飲嘢同睇波😚🌮吞拿魚拌蕃茄莎莎配香烤鱈魚脆片及黑醋汁第一次食呢個咁特別嘅配搭😙覺得個口感都幾豐富🤣呢個鱈魚脆片幾特別咸咸香香咁🥪蒜片橄欖油封大蝦配佛卡夏多士揀咗個大蝦多士🧐但因為大蝦係用橄欖油封嘅做法，所以可能口感會咸咗啲🙀再加埋佢啲蒜片同埋辣椒仔🌶️辣辣地都幾好食😬幾鍾意佢個炸蒜片🍚和風原隻璣煮鮑魚配野菌意大利飯上菜嘅時候都有少少俾佢隻鮑魚嚇親🙂‍↔️都真係算幾大隻😋又唔會太un 又好入味🤤個risotto 幾好食甜甜地好重磨菇味🥩香煎牛風門柳我哋就叫咗medium rare😆牛扒處理得剛剛好很juicy 配搭上青醬一起吃好fresh🥰🍸Pearadise呢度啲Cocktail都好幾Igable💫呢杯係清甜的雪梨🍐加埋少少蜜糖🍯再配白酒甜甜地幾好飲🍸Wandering Voyage個foam係微甜嘅海鹽芝士椰子奶泡🫧飲落入面有入面有rum酒、班蘭糖漿、椰子水🥥好香好重椰子味✨呢一個微甜得來味道唔會太啃🌟啱晒女仔飲

一間好精緻，環境又好既餐廳😍🥗 Starters 前菜1️⃣ Ceviche Tuna Salsa吞拿魚與酸酸的蕃茄莎莎，口感清新香烤鱈魚脆片的酥脆感，令口感更加有層次2️⃣ Garlic Prawns Conflict蝦肉鮮嫩，搭配多士好完美充滿了蒜香和橄欖油的香氣🍗 Main 主菜1️⃣ Iberico Pork Loin Rack西班牙黑毛豬鞍架的肉質細膩搭配獨特醬汁，好鮮美2️⃣ Risotto with Isoyaki Abalone原隻鮑魚超級大隻，口感好好加埋意大利飯，好滿足🍸 Drinks 飲品1️⃣ Pearadise2️⃣ First Crush今次叫咗一杯Cocktail一杯Mocktail，兩款造型都超級精緻，好清新如果大家都想有一個浪漫嘅環境， 十分推薦！

今日Halloween正日同奴才爸去咗瑞生酒店既西餐食晚飯，一入到去就感受到強勁既Halloween氣氛，佈置得好靚好有feel，而且店員們既裝扮都好有心思🩷哈蜜瓜帕馬火腿沙律🥗哈蜜瓜甜甜嘅味道同鹹鹹香香嘅帕馬火腿配埋一齊，兩者既味道更濃厚豐富😋再加上巴馬臣芝士同松子仁，層次更豐富，黑醋橄欖油汁更係為整道沙律增添咗一種清新感，食落去好開胃🤤吞拿魚牛油果泡沫他他🐟呢道菜賣相已經好吸引，吞拿魚新鮮，牛油果泡沫滑滑地口感又特別，仲有羅勒油令整道菜更加香濃🤩和風醬油大蝦煙肉扁意粉🦐🍝蝦肉鮮甜爽陣，煙肉香脆，扁意粉煙煙韌韌仲吸引左醬油味道，超正🤤和風醬油嘅味道唔會太重，反而能夠突出食材本身嘅鮮味😋香煎牛封門柳🐃封門柳煎得啱啱好，外面微焦裡面保持粉紅嫩滑，肉質非常鮮美。搭配特製醬汁，味道更加提升，食落去口感一流😋飲品方面我哋叫咗Passionate Night🍇係提子同百香果嘅mocktail，味道濃郁得來又清新，特別適合開胃🤤Crimson SaMuRai🍎酒底係vodka，加入少少蘋果汁，令成杯cocktail更加refresh，味道平衡得好好，好啱女仔飲😋🤑 人均消費：～$430🤩 推薦指數

💥無花果帕馬火腿沙律沙律好開胃酸酸甜甜當日冇無花果轉咗哈密瓜哈密瓜本身同芝士火腿係經典配搭味道好夾下次試吓加無花果一齊食💥吞拿魚牛油果泡沫他他配自製羅勒油吞拿魚係粒狀而唔係蓉所以食到呑拿魚嘅口感而牛油果泡沫味道有驚喜味道同呑拿魚好融洽💥和風醬油大蝦煙肉扁意粉呢個意粉好岀色每一條意粉都有醬汁但醬汁又唔會太過水食到有木魚絲同埋紫菜碎味道好豐富味道好特別大家亦都新鮮彈牙💥香煎牛封門柳封門柳本身肉味好濃而且有咬口加上青醬同薯蓉一齊食味道唔錯💥First Crush💥Rosy Romance今次兩杯都叫咗Mocktail 兩杯味道都唔會太甜可以中和返食物嘅油膩感