SUIT MODERN IZAKAYA SAKE BAR (已結業)

為咗有8折優惠, 我book咗8:30pm嘅位.點知咁夜仲係full house, 氣氛勁熱鬧!雞皮涼拌豆腐 Chicken Skin Salad (HK$68)魚子份量係多嘅.但唔係好食到有雞皮.魚子嘅味道太搶, 搶過晒其他材料嘅風味.整體份量少咗啲, 食完有啲意猶未盡.牛肉他他腐皮麵 Beef Tartare (HK$188)牛肉他他食得多, 但配腐皮麵真係第一次試.幾有新意.牛肉同雞蛋撈勻再加埋蔥, 口感好滑, 味道鮮味.酒糟薑蔥爆雞胗 Chicken Gizzard (HK$58)醬汁好香.雞腎入晒味.食落有少少辣味同芝麻香, 好惹味.係一道好好嘅送酒小菜.乳鴿 Pigeon (HK$85)皮脆肉嫩.口感有啲似鴨胸.配上橙油同藍莓醬.兩款醬都同乳鴿好夾.食落唔會好油膩.我覺得點多啲醬味道更好.煙燻鯖魚麵 Smoked Mackerel Noodle (HK$168)麵好脆, 辣辣地咁.不過鯖魚嘅煙燻味唔太突出.但整體味道都算唔錯.三黃雞飯 Yellow Chicken Rice (HK$198)呢個係全晚最好食嘅一道菜!好多食評都話係最好食嘅三黃雞飯, 真係名不虛傳.飯有飯焦, 嗍晒雞油, 食落好香雞油味.入面有粟米同埋菇, 味道層次豐富.雞肉質感結實.份量都唔少.呢個一定要試!芝士蛋糕 Cheese Cake (HK$88)如果同朋友慶祝生日, 建議pre-order呢個芝士蛋糕.有得寫字.而且好好食.整體嚟講, 食物賣相精緻, 三黃雞飯最好食.但呢個份量對四個人嚟講唔係好夠飽.餐廳環境比較熱鬧, 想靜靜地飲嘢傾偈其實唔係好適合.…查看更多

💙上環必食三黃雞飯，記住book定💙💙已經係三訪了！其他嘢都好好食💙🤰🏻Melo大推指數 (5分滿分)✅✅✅✅✅✍️ Must eat item:- 一定！一定！要book定三黃雞飯！首先要講吓個飯先，啲飯焦脆到不得了，非常有水準。成隻雞嘅雞油，都焗到勁香！其實佢係日式fusion居酒屋，唔單止三黃雞飯，其他嘢都好好食！另外我會推佢個炸脆鱔！脆到連條骨都食得🤩生蠔，同埋吞拿魚都好新鮮。另外佢亦都有好多唔同嘅清酒，同埋其他酒精選擇，店員都非常熟悉，唔識嘅可以叫佢介紹都得。…查看更多

Omakase set $480 per head with sake pairing $280 per head首先，食物係唔錯。雖然以份量嚟講價錢其實唔平，不過的確有啲水準。個問題係sake pairing出事。我唔期待你會俾靚酒貴酒我，揀得pairing 都係想試下唔同嘅酒。但你收我成$300一位，pairing俾左每人5定6杯清酒，其中只有一杯係用正常size清酒杯，其他嘅都係極細隻嘅杯仔，係用嚟飲茅台嘅size。我想問一杯半啖嘅清酒點樣同食物pair？簡單啲講，兩個人總共飲左大約一合份量嘅清酒左右。當然啦，俾嘅都唔係咩貴酒。一間用sake bar嚟做招牌嘅餐廳，做sake pairing 俾酒個份量可以咁手緊，真係大開眼界。埋單$800 per head唔係貴，但飲到到喉唔到肺條氣真係唔順，真係唔好怪人唔留港消費。…查看更多

呢間係我lunch time時間得閒都會嚟嘅餐廳，貪佢環境靜靜地，唔使同人爭🙈而且嘢食又好啱我口味😍價錢有少少貴，$150左右價錢，但淨係得主食，冇嘢飲🥹但真係好好味 貴啲都要得閒去食下!!餐廳menu好似都會定期轉～因為每隔一排去啲嘢食又會唔同咗～但次次食親都冇絕對冇伏!!次次都係「好好味呀～～～」最近去，次次去都食呢個 Pork Belly Miso Pumpkin Risotto👍🏻👍🏻好creamy但又唔會好膩，因為中間會夾雜住甜甜地嘅 Cranberry，加埋側邊綠色脆脆的東東（唔確定咩嚟）＋櫻花蝦，口感勁豐富，Pork Belly 又唔會勁多肥膏喎，簡直Perfect啊!!講起又想去食😂…查看更多

🥩🍽️☕️豐儉由人fusion set lunch▫️lunch set $128起包1 starter + 1 main前菜有5款選擇，有2款唔使加錢，而主菜有6款選擇，同樣有2款唔使加錢，飲品同埋甜品都要另外加錢，可謂豐儉由人。🥙Starter☑️ 淺漬蔬菜 / 豆腐餅 淺漬蔬菜幾有趣，上面會有木魚絲同埋一啲忌廉，而下面嘅蔬菜就係日本漬物，酸酸地幾開胃，有蘿蔔、紅蘿蔔、椰菜、牛蒡等。而豆腐餅有2塊，煎香左但吾會覺得油膩，另配有黑松露沙律醬，好味道。🍽️Main☑️蒸盲曹伴日式燉鮮蔬 +$40冇諗過呢個會有一大份白飯喺底，相對魚就比較細件，不過飯用上珍珠米，配埋少少醬汁，都好易入口，吾會太dry。魚柳冇骨好滑，都好好味，旁邊仲有用日式醬汁煮好甜甜地嘅蔬菜，包括露筍、菇菌及紅蘿蔔，平時唔食紅蘿蔔嘅我都食晒。☑️新西蘭肉眼伴醬油及漬蒜泥芝士 +$120肉眼叫左5成熟，上碟佢已經切好咗，睇落去顏色幾靚，咬落都好重牛味，唔會過熟或者好韌。而佢個醬幾好味，好特別之前未試過，隔離嘅蒜泥芝士都好香，仲有幾條好嫩嘅蘆筍，雖然呢個貴少少，但都真係幾好食。☑️Dirty加錢叫左杯咖啡飲，dirty係凍飲黎，用酒杯上，係凍嘅牛奶上面加上熱嘅Expresso, 咖啡味都幾香濃。除咗咖啡仲可以叫酒飲，日本清酒同埋西式嘅紅酒呢度都會提供。…查看更多