SUIT MODERN IZAKAYA SAKE BAR

營業中

休息中

呢期係新餐牌，保留咗特色招牌菜，更新咗其他菜式，都係可以送酒嘅良菜，而且有唔少清酒、各種酒類。不過定價略高，份量唔多。*Foie Gras & Prawn chips 鵝肝蝦片 $138店員教落要撈埋一齊食，我整碎啲蝦片再左撩右撩強行撈埋。蝦片配鵝肝、開心果，紅桑子、京蔥，口感好多層次，最驚喜係酸甜嘅紅桑子配鵝肝好夾。Pigeon 慢煮乳鴿 $218乳鴿略為細隻，脾位好嫩但又有咬口，胸位比較下會冇咁嫩口。店員推介配炸紫蘇葉食，冇乜特別。最底有藍莓醬配乳鴿，會多一種甜味，但我偏向單食乳鴿肉。Yellow chicken rice 三黃雞飯 $298三黃雞半隻好大份，雞胸好嫩，雞腿更加嫩，皮脆油香，雞肉味偏淡。上菜後淋上薑酒醬油，增加香味之餘，薑配雞肉一定夾。最底係雞油雜菌飯，有脆卜卜煲仔飯飯焦，油膩感略重，但香味未夠香。