Simply Thai MODERN CUISINE

營業中

休息中

同朋友想食泰菜，搵到Simply Thai MODERN CUISINE，地舖好易搵。環境乾淨企理，帶泰式風，仲播住輕快泰歌，好有氣氛！服務員態度唔錯，而且上菜快！咖喱軟殼蟹農夫包真係今晚MVP！農夫包外脆內軟，配濃郁泰式咖喱醬同兩隻炸得脆嘅軟殼蟹，椰香微辣，超正！每一口都好滿足！份量夠，兩人share啱啱好。馬拉盞炒通菜通菜炒得爽脆，馬拉盞鹹香惹味，微辣好開胃，仲有蒜片提味。配飯一流！串燒（雞肉x2、豬肉x2）即燒串燒好新鮮，雞肉嫩滑，豬肉juicy，炭香味濃，配上沙爹沙醬，風味十足！椰青椰青好大個，冰涼清甜，飲落好解渴，炎熱天氣的最佳拍檔！總結：Simply Thai食物質素高，味道正宗，播泰歌好有feel，人均$150-200，性價比高。咖喱軟殼蟹農夫包必點，推介俾鍾意泰菜既朋友！

約朋友聚舊，他帶我去Simply Thai 食平靚正泰菜。除了餐牌上的小食、咖哩、粉麵、燒烤等，也有特別推介。青檸茶，茶底令人舒服，加青檸很清新，夏天飲一流。酥炸蝦餅炸得好鬆脆，不油膩，每件迷你容易入口。泰式炒金邊粉，可選蝦或雞蝦肉新鮮彈牙，有4隻，旁邊有花生碎及辣椒粉，可按自己口味加份量。泰式鹽烤魚店員送上烤魚後，隨即慢慢敲打鹽焗面，𠝹在魚皮給我們享用。原條烤魚都幾大條，烤焗時間剛好，魚肉新鮮好嫩滑，點青汁甜酸開胃。

海南雞清湯金邊粉 $60湯底是平常海南雞飯送的湯，加重了胡椒，令味覺不知在吃甚麼，金邊粉很硬，好像未煮夠時間就上枱，雞的味道及質感是不錯的。冬陰鮮魚片湯飯 $68前辣後帶微酸的冬陰公，看到有不同的配料，真的有泰國的味道。有九塊薄魚片，魚片香滑，而且有菇在湯內。味道及材料都令人滿意。酥炸蝦餅（兩件）$28新鮮炸，但時間炸久了，所以炸粉是硬的，而且很鹹，完全吃不到蝦肉的味道，彈牙的口感也沒有，不知道自己在吃甚麼。加上份量很少，不建議加配。香茅斑蘭茶（凍）來到枱的時候，杯內只有透明的液體及冰，令人以為是冷水一杯，喝下去有班蘭及香茅的味道，但糖水太甜，令這杯飲品像喝糖水。龍眼冰（凍）龍眼乾浸水的飲品，味道還可以。這間餐廳好像正宗泰國食物才有應有的水準。#小師奶 #美食 #太子

今日放工約朋友去左間泰式小店食晚餐。🔅泰式炒蝦金邊粉蝦好鮮嫩，金邊粉炒得啱啱好，發揮正常。🔅串燒沙爹雞，豬各兩串，端上時熱辣辣，無論係雞定豬肉，都係外脆內嫩，沙爹醬香濃。🔅泰北辣肉碎生菜包，味道好有層次，肉碎香辣，包喺生菜裡面，清新又唔膩。🔅酥炸蝦餅外面酥脆，彈牙可口，一粒一口，搭配醬汁，好快KO。最後，香蕉煎餅作為甜品外脆內軟，搭配咗少少煉乳，加埋份量都幾多嘅香蕉🍌甜度剛好，整體味道好夾，大推！

泰式海鮮炸麵感覺有啲似中式既兩面黃，但呢個泰式是粗麵，炸完後非常脆口，叫左泰式海鮮就唔辣，海鮮配料都豐富，有爽口的魷魚，仲𠝹花的，3隻大蝦，蝦肉結實鮮甜，仲有菇菌，醬料打了玻璃芡。香烤豬頸肉即叫即烤，近門口位置有個烤爐，豬頸肉面層掃上香甜的蜜糖，兩邊燒至微焦，蘸上泰式魚露，更顯風味。酥炸蝦餅蝦餅口感酥脆，份量夠二人食。蝦膠爽口彈牙，配甜酸醬好開胃我哋飲泰式奶茶，無泰國偏甜，味道岩港人口味，椰青好清甜，椰肉好滑，$39個都好抵，坊間至少要$45。芒果糯米飯糯米飯熱辣辣，口感香糯，芒果厚肉香甜，淋上椰奶更香滑。自家製椰子雪糕冰鎮雪糕有效保持冷感，椰子雪糕吃起來好似沙冰，椰香十足，仲有花生碎，芒果粒，椰奶自由配搭，玩味十足。

呢間餐廳入面的menu, 睇完之後樣樣都幾吸引, 尤其係咖喱軟殼蟹農夫包, 半軟帶脆的蟹殼夾著渗滿咖喱汁的面包, 吃了很滿足. 帶著微甜的菠蘿炒飯配上鮮蝦同肉鬆, 吃一碗也不夠喉, 再添再添, 小朋友好like.至於甜品,香蕉煎餅同芒果糯米飯, 推介必吃, 很搶手, 所以最好預先落定單.飲品我就鍾意蝶豆花青檸梳打, 入面有啫喱食下飲下好好味.我會再推介呢間餐廳俾朋友. very good, 食得開心, 員工又nice. 吃得滿足又愉快的一餐!

前排喺太子行街發現呢間超有驚喜嘅泰式小店✨ 裝修簡約得嚟帶啲異國風情，食物水準仲要超高，泰國胃大滿足😍 ＜泰式炒金邊粉（蝦）🦐＞ 鑊氣爆燈🔥！金邊粉炒得乾身又彈牙，仲有大大隻爽口鮮蝦！撒埋花生碎同青檸汁，味道層次即刻昇華～ 食到舔舔脷😚 ＜泰式咖喱海鮮農夫包🍛＞ 農夫包外脆內軟，挖開即見濃郁黃咖喱湧出💛 入面有鮮蝦、魷魚、魚肉，海鮮鮮味同椰香咖喱勁夾！用麵包蘸汁食，邪惡但停唔到口啊🤤 仲配有一碗咖喱，份量十足！＜馬拉盞炒通菜🌿＞ 鑊氣十足嘅經典！通菜脆嫩唔老，馬拉盞鹹香帶微辣，仲有爆香蒜片提味～ 簡簡單單但超級送飯，想encore多碟😝 ＜椰青🥥＞ 即開椰青清甜到震🌴！冰涼透心兼帶天然花香，飲一啖即刻降溫解辣，同濃味泰菜係絕配💯

遲咗收工 但又好想食泰國菜就搵到一間餐廳～好近地鐵站兩三分鐘路程就到啦👣正！行到出面已經覺得門面好小清新室內就用左淺木色做主調，配埋暖黃既燈光，俾人溫馨柔和既住家感覺～裝潢簡約得黎又用左充滿泰國特色既擺設重點：座位寬敞舒適，空間感充足～冇侷促感🐖泰北辣肉碎生菜包⛰️肉碎份量超多 就好似一座山咁多🤭所以佢有個選項係可以加錢再加多啲生菜肉碎少少辣，好惹味😋🍜泰式炒金邊粉（蝦）🦐材料有三隻大蝦、蛋花、芽菜、豆腐乾金邊粉炒到香噴噴～爽口彈牙而且微微濕濕地加上伴碟嘅辣椒粉同花生粒特別滋味！大蝦鮮味大足！🐷香烤豬頸肉🍖豬頸肉每一片都烤到焦香～嗰邊仲係脆嘅～點埋泰式調味料非常開胃～忍唔住一片接一片咁食落去🥦🥬🧄泰式炒雜菜🧅🥕🍅呢道菜唔係好辣～有通菜、西蘭花、粟米仔、蘿蔔、雜菇等等～有鑊氣！炒得很香口之餘，保持到雜菜翠綠爽脆加埋豆瓣醬、香蒜、乾蔥等既調味👍 🧋泰式奶茶（凍）& 檸檬茶（凍）🍋係淡淡嘅清新泰國味啊😍🐖⛰️🍜🦐🐷🍖🥦🥬🧄🧅🥕🍅🧋🍋

前一個月才在曼谷回來，今天又掛念泰國菜了，所以約了朋友陪我吃泰國菜。這家店一進門，店員就迅速有禮地招待，令我印象良好。我們2人點了4款食物：首先是烤豬頸肉沙律，豬頸肉烤至外焦內嫩，油脂交融出完美的風味，再配上清脆的生菜與獨特的香酸醬汁，不僅美味，還帶來了清新的享受。緊接著是香氣四溢的蒜蓉包。金黃酥脆，散發出濃郁的蒜香，忍不住一口接著一口。泰北咖哩麵則是另一番風味，這款麵我每次去泰國都會吃，是泰北著名的美食，喜歡那香脆的炸雞蛋麵沾著咖哩湯來吃。醇厚的咖哩湯汁，有著淡香的椰奶味道，令人回味無窮。沙嗲雞肉串和豬肉串鮮嫩且多汁，每一串都燒得恰到好處，搭配了帶甜味的醬，如不是要揸車，應該來一支泰啤最搭配最後，泰式奶茶當然少不了，甜中帶著茶香，非常順滑，為這餐畫上了完美的句號。

邊個話好食嘅泰國嘢一定要喺九龍城，路過已被#Simply Thai MODERN CUISINE  吸引，而價錢相當貼地是街坊價，無懸念地入內一訪。❇️泰式青咖喱（雞）有好多件雞肉，咖喱汁口感唔算太濃稠，食落唔算辣，比較偏重椰子味。仲有入面仲有啲泰國茄子，爽甜多汁👍🏻❇️泰式炒金邊粉（蝦）金邊粉仲勁大碟，味道酸酸甜甜，金邊粉入面有幾隻大蝦，爽口彈牙，拌碟有豆乾、芽菜、雞蛋等等，用料十足我自己好鐘意👍❇️香烤豬頸肉燒得啱啱好，又唔會切得好厚，好香味道，配上自家調製嘅醬料酸酸辣辣，惹味又開胃！❇️泰象啤❇️Egg Pudding(焦糖布丁)除左傳統泰國甜品外，亦有受小朋友歡迎既布丁提供👍❇️Pure peppermint tea餐廳環境乾淨企理，上菜速度快，份量大份夾抵食，推！

今日去太子食個lunch,朋友約我食間泰菜話超正，當然去食下啦泰式酸辣鳳爪沙律🥗酸酸辣辣好開胃，有洋蔥，蕃茄仔，芹菜同埋生菜做配菜，鳳爪彈牙無骨，味道一流酥炸蝦餅-用新鮮蝦手打出來炸之脆口，蝦餅控制得好，配上甜酸醬味道，回味泰式鹽烤魚-非常大條羅非魚，鹽焗條魚魚肚再加泰式香料，嫩滑小骨，香氣撲鼻，記得不用加醬料就咁食鮮甜一面，雖然醜但很好美😍正泰式奶茶-茶濃奶滑，味道恰到好處，不甜，必試青檸梳打-青檸味道鮮香，夠梳打氣，甜美適中整體不錯，地方乾淨，價錢抵食

📍 Simply Thai MODERN CUISINE - 太子估唔到係太子可以食到甘高質既泰國🇹🇭平民菜！門口並唔起眼，但每碟食物都好正宗又入味又多哂鑊氣🥢✨泰北咖喱麵咖哩香料的香氣倒是十分夠味，整體是口味偏甜的湯頭。椰汁味好濃厚，麵條用的是一般的細麵，口感很軟，如果用再多一點點嚼勁的麵體我會更喜歡！雞腿燉的非常軟嫩且入味，腿肉用筷子輕輕一戳就能撕下來了非常優秀的雞腿！✨泰式炒金邊粉配雞肉，份量好多金邊粉微微濕濕地，唧d 青檸汁整個金邊粉味道帶酸帶甜甜，好啱我胃口而且佢伴碟帶有泰式辣椒粉可以適當加少少落去攪拌，增加辣度，惹味呀！✨馬拉盞炒通菜通菜有鑊氣，少少辣夠惹味，炒完嘅通菜仲係翠綠爽脆，有豆瓣醬、香蒜、乾蔥等等加埋一齊，夠鑊氣又有鹹香。✨椰青$38就有大大個新鮮椰青，直頭係超值🩷

約咗朋友嚟太子午飯，心血來潮想食泰菜，去咗基隆街「Simply Thai MODERN CUISINE」。室內裝潢簡約，以淺木色為主調，配上暖黃燈光，感覺溫馨柔和。餐廳主打正宗泰菜，點咗泰北咖喱麵、泰式蝦醬炒飯、沙嗲雞串/豬串 同 飲品。泰北麵結合咗泰國咖喱同麵食嘅特色，湯底以黃咖喱及椰漿炮製，味道溫和。面層嘅蛋麵用油炸過，入口脆卜卜，夾埋㡳層大大隻雞髀同掛滿濃稠湯汁嘅軟麵一齊食，夠晒惹味！個泰式蝦飯炒得好夠鑊氣，蝦醬香得嚟又唔會太鹹，而且用料十足，味道正宗。沙嗲雞串經過醃製，肉嫩入味；沙嗲豬肉燒完仲好多肉汁，不用蘸沙嗲醬也很好吃。 飲品點咗泰式奶茶同青檸梳打，奶茶香滑又唔太甜，青檸梳打非常解渴、清爽怡人。

太子附近有唔少泰國菜，這一間特別寬敞舒適，非常適合悠閒用餐。🍗 Simply Thai Platter 小食拼盤首先上菜的是 Simply Thai 小食拼盤，外觀精緻。有泰式蝦片、扎肉、魚餅、泰式腸和香茅雞翼。其中略帶酸味嘅泰式腸比較少食到，而單骨香茅雞翼食起上嚟就好方便。🍢 Grilled Butter Chicken Liver烤黄油雞肝燒烤得恰到好處，味道超級棒！💯🦀 Soft Shell Crab Curry Served With Rye Bread泰式咖喱軟殼蟹農夫包 是今餐的主角。農夫包外脆內軟，軟殼蟹咖喱不太辣，味道十足。另外還提供一碗咖喱汁，與農夫包和泰式蝦片一起食用超級美味！✴️🐓 Gai Satay Char-Grilled沙爹雞串 即叫即燒，帶有炭香且多汁，非常值得推介！🍮 Homemade Crème Caramel以自家制焦糖布甸結束這頓飯，感覺非常滿足和完美！💖下次一定要試試我最喜歡的Tom Kha Gai 椰子雞湯和自家製椰子雪糕！👍🏼

朋友很喜歡吃泰國菜，幾乎每次約她出街她都要說吃泰國菜。這天我們去了太子這一間的泰國菜，地點位於我和朋友的中間點，而且價錢合理，沒有加一服務費，都幾抵食，所以就嚟試一試，餐廳離地鐵站大約3分鐘的路程，都很近。 脆炸雞翼 香茅（$68）呢款原來係單骨雞翼，非常方便我地女仔食，外皮酥脆，帶有香茅的氣味，雞肉鮮嫩多汁，另外亦都可以配上泰式甜辣醬，有另一番風味，帶有微辣，非常開胃。 泰式咖喱海鮮農夫包（$168）我平常比較少吃農夫包，因為我對麵包並沒有太大的興趣，朋友就很喜歡農夫包，她說其實並沒有太多的餐廳有這道菜，所以我也覺得可以試一試，這款農夫包很大，兩個人吃到很飽，咖喱濃郁，微辣，材料亦都非常豐富，有四隻蝦，另外都配上魚和魷魚，蝦亦都很易吃，易離殼，很新鮮，亦都爽口彈牙。海鮮與咖喱的香氣很配，最鍾意就係餐廳會另外有一碗咖喱汁，咁就足夠可以點麵包，農夫包外脆內鬆軟，同咖哩汁好夾，都幾有驚喜。 泰式炒雜菜（$68）呢道菜唔辣的，有蔬菜，粟米仔，蘿蔔等等，炒得很香口 調味都幾惹味。 椰青（$38）椰汁清新又夠甜，刮埋啲果肉出黎食仲正。 2個人食食到好飽，埋單都唔洗400蚊，都幾抵食。