Simply Thai MODERN CUISINE

營業中

休息中

太子附近有唔少泰國菜，這一間特別寬敞舒適，非常適合悠閒用餐。🍗 Simply Thai Platter 小食拼盤首先上菜的是 Simply Thai 小食拼盤，外觀精緻。有泰式蝦片、扎肉、魚餅、泰式腸和香茅雞翼。其中略帶酸味嘅泰式腸比較少食到，而單骨香茅雞翼食起上嚟就好方便。🍢 Grilled Butter Chicken Liver烤黄油雞肝燒烤得恰到好處，味道超級棒！💯🦀 Soft Shell Crab Curry Served With Rye Bread泰式咖喱軟殼蟹農夫包 是今餐的主角。農夫包外脆內軟，軟殼蟹咖喱不太辣，味道十足。另外還提供一碗咖喱汁，與農夫包和泰式蝦片一起食用超級美味！✴️🐓 Gai Satay Char-Grilled沙爹雞串 即叫即燒，帶有炭香且多汁，非常值得推介！🍮 Homemade Crème Caramel以自家制焦糖布甸結束這頓飯，感覺非常滿足和完美！💖下次一定要試試我最喜歡的Tom Kha Gai 椰子雞湯和自家製椰子雪糕！👍🏼

朋友很喜歡吃泰國菜，幾乎每次約她出街她都要說吃泰國菜。這天我們去了太子這一間的泰國菜，地點位於我和朋友的中間點，而且價錢合理，沒有加一服務費，都幾抵食，所以就嚟試一試，餐廳離地鐵站大約3分鐘的路程，都很近。 脆炸雞翼 香茅（$68）呢款原來係單骨雞翼，非常方便我地女仔食，外皮酥脆，帶有香茅的氣味，雞肉鮮嫩多汁，另外亦都可以配上泰式甜辣醬，有另一番風味，帶有微辣，非常開胃。 泰式咖喱海鮮農夫包（$168）我平常比較少吃農夫包，因為我對麵包並沒有太大的興趣，朋友就很喜歡農夫包，她說其實並沒有太多的餐廳有這道菜，所以我也覺得可以試一試，這款農夫包很大，兩個人吃到很飽，咖喱濃郁，微辣，材料亦都非常豐富，有四隻蝦，另外都配上魚和魷魚，蝦亦都很易吃，易離殼，很新鮮，亦都爽口彈牙。海鮮與咖喱的香氣很配，最鍾意就係餐廳會另外有一碗咖喱汁，咁就足夠可以點麵包，農夫包外脆內鬆軟，同咖哩汁好夾，都幾有驚喜。 泰式炒雜菜（$68）呢道菜唔辣的，有蔬菜，粟米仔，蘿蔔等等，炒得很香口 調味都幾惹味。 椰青（$38）椰汁清新又夠甜，刮埋啲果肉出黎食仲正。 2個人食食到好飽，埋單都唔洗400蚊，都幾抵食。

餐廳在地鐵出口附近，非常方便。內部裝修雅緻，裝飾擺設富泰國特色，座位寬敞舒適，沒有侷促感。我喜歡泰國菜的香辣，刺激味蕾，份外醒胃，今晚來到一嚐這裏的晚餐。“泰式炒金邊粉（雞）”炒得香噴噴，材料有雞肉、蛋花、芽菜、豆腐乾等，金邊粉爽口彈牙，加上辣椒粉及泰式香料調味，特別滋味。“泰式烤牛肉”一塊切開的西冷牛扒，外表微焦，份外香口，裏面肉質鮮嫩，腍軟無渣，肉汁豐富，牛肉味十足，是必食之選。“泰式青咖喱豬肉”青咖喱酸甜微辣，口感清新，燒香豬頸肉，又香又爽，配菜有新鮮茄子，青咖喱滲透其中，味道讓人驚喜。“芒果糯米飯”經典泰式甜品，份量不少，夠二人份量。半隻新鮮大芒果，淋上香濃椰奶，混合甜甜的糯米飯，是很好的飯後甜品。這裏的菜式有水準，服務也貼心，實在帶來了不少驚喜。

Simply Thai MODERN CUISINE．會食上癮的蒜蓉包好耐冇食泰菜，於是同朋友前幾日去咗太子基隆街嘅 Simply Thai MODERN CUISINE，朋友說我推介好好食，泰好味！先講下飲品。泰式奶茶好夠味茶味濃郁，入口有陣陣香料香奶味又唔會太蓋過茶味，甜得啱啱好檸檬茶，用了泰國紅茶，獨特的茶香超好正味道甜而不膩小食方面，酥炸蝦餅真係必點！外層炸得金黃酥脆，一咬落去「卡滋」聲，入面嘅蝦肉爽口彈牙，再配上特製嘅蘸醬酸酸辣辣，好開胃SIMPLY 蒜蓉超級正料！好味得非常狂野！大大包，上台已有grill香，烤得外脆內軟蒜蓉嘅香味完全滲入麵包入面，食起身好香口會上癮的！小心！主食嘅菠蘿炒飯，一上枱就好吸睛，用菠蘿做容器，好有心思。炒飯粒粒分明，入面有肉鬆、蝦仁、雞肉同各種蔬菜，味道好豐富，仲有陣陣菠蘿嘅清甜，好有泰國風味。至於馬拉盞炒通菜，通菜炒得好嫩，唔會過熟變得軟爛。馬拉盞醬嘅味道好正宗，鹹香帶辣，同通菜搭配得相得益彰。呢間餐廳環境都唔錯，裝修充滿泰國特色，服務員態度都好親切。價錢抵食，性價比唔錯。餐廳：Simply Thai MODERN CUISINE 地址：太子基

把我干懵了..两个人吃五道菜400hkd不到真的吗😦藏在HK太子站不远处的平价小馆他们家性价比还是hin高🉐「芒果糯米飯」（这芒果一块都快和我巴掌大了😂一份的量可以两个人吃着上来吃糯米饭还是热热的椰浆和芒果🥭冰冰的椰浆淋在米饭上甜甜的再搭配着一口芒果绝绝子～！「泰式炒金邊粉」里面鸡蛋、豆芽、肉还有其他小料粉的口感糯糯软软的可以挤一点🍋柠檬来调调味夜很nice吃着时候还🈶一阵花生香味🥜「肉碎包菜」肉碎可以选辣度我选了辣度的 别有一番风味生菜包裹着肉碎吃略带着辛辣的香味 好是上头

泰國菜是我的二選，雖然沒有超過我第一選的日本菜，但泰國菜我是經常食，今日收工捉男神陪我去食😎「泰式炒金邊粉（蝦）」 可以揀蝦炒或者豬肉炒，份量也不少，有兩隻大蝦👍🏻「馬拉盞炒通菜」這個炒通菜不是想像中的辣，如果唔食得辣揀這個也沒有問題😌「泰式咖喱軟殼蟹農夫包」這個菜式外貌相當之吸引，外層的農夫包烤至脆口，軟殼蟹份量也10分足夠應該有兩隻蟹，至於咖喱是泰式的那款有雞蛋花，咖喱汁配上外層的農夫包讓我整個包都食晒🤩備註：🔺環境有清邁嘅特色，朋友傾偈食飯都唔錯😃

見到食評咁多舔舔脷，就即刻試一試，諗住唔使去到九龍城咁遠。一坐低嗌咗一個泰式鳳爪沙律，冬陰功，諗住試咗再嗌其他嘢，好彩冇做錯決定。鳳爪沙律，$78，價錢好似好抵，鳳爪份量好多，紅蘿蔔絲一紮，幾條芹絲，但係冇乜味嘅，啲鳳爪似係直接倒出來，撈埋啲絲，淋啲汁就出，個底有汁浸住就有味，似中式多過泰式，去酒樓求其嗌碟都好過佢。冬陰功$108，唯一讚嘅就係都有幾隻蝦唔痴殼新鮮，但隻蝦啲殼冇處理過冇𠝹過，唔方便食，湯就淨普通酸辣味，冇冬陰功嘅香味，又隱約有啲油味。講真，唔係價錢問題，真係唔好食，可能我唔好彩食中唔好食個日仲要揀埋啲撞手踭嘅凳，基本上你食一餐飯，隨隨便便都撞到Funny bone

呢間泰國菜喺基隆街，太子站行過嚟兩三分鐘就到，裝修好簡單，典型嘅一間小店，侍應係泰國人，但識聽簡單中文。叫咗一個泰式燒魷魚，一上枱已經好靚，好軟滑，點埋個特製醬汁非常好味。晚市都有套餐，叫咗個泰式金邊粉share食，再叫多個白咖哩雞飯，泰式豬頸肉飯，大家一致認為個豬頸肉非常好食，份量夠多，再叫多個蒜蓉包點咖哩，食到唔停口。套餐係包一杯飲品，加20蚊有椰青，再加錢有小食例如串燒，值得一提係呢間小店服務非常好，仲唔收加一，晚市七點後都幾旺場，可以用openrice訂位。

相約舊同事食飯，實會好鬼多嘢傾。泰國菜一般都唔會太難食，而呢間講到係摩登荣就有啲衝動想試了。餐廳地點有啲格涉唔太方便，但都容易搵到的。佢嘅燒牛肉都幾好食，中間粉嫩粉嫩咁，價錢唔貴，所以都抵食 。另外叫左個麵，有啲炸咗嘅麵喺頂，邊個湯底都好惹味，所以都好好食。另外叫咗個柚子沙律，佢加咗啲泰式辣汁所以都好好食。整體感覺良好。

發現了這家泰國餐廳，味道正宗，用餐環境尚可，位置方便。 散叫菜式不但價錢相宜， 餐牌內還有晚餐，主食加飲品都不用100元。特別推介青咖哩豬頸肉， 青咖哩香甜好餸飯 ， 豬頸肉現腸即燒。 單點了串免治豬肉，肉質鮮甜嫩滑。愛吃麵包的不能錯過homemade蒜蓉包，堪稱蒜蓉包的天花板，令人太滿足了！ 下次一定再回來嘗試其他菜式。

這家泰國餐廳的扎肉沙律清新爽口，扎肉鮮嫩，搭配酸甜醬汁，令人回味無窮。串燒外焦內嫩，香氣四溢，令人垂涎。青咖喱飯濃郁香辣，咖喱醬與米飯完美融合，每一口都讓人感受到泰國的熱情。蒜蓉包香脆可口，搭配濃郁的醬汁，為餐點增添了更多層次，值得再次光顧！

位於太子基隆街的simply thai主打泰北菜餚，店內有兩至三位員工是泰國。我們點了多道招牌菜式，泰式烤牛肉好入味，肉質鮮嫩多汁，配上泰式香料醬汁，別具風味。另一道泰式燒魷魚也十分出色，帶有微微的煙燻香氣。柚子沙律係我最愛，金柚子肉同花生，榨乾蔥配埋酸酸甜甜嘅汁，夏天食非常開胃。菠蘿炒飯係必食，米飯粒粒分明，夾埋肉鬆，菠蘿粒非常好食。泰式豬頸肉係食餐飯最受歡迎，份量好多，配埋嗰個汁係好好食，好快已經畀我哋食曬。食完炒飯已經好飽下，但又想試下啲甜品，香蕉薄餅酥脆的餅皮與軟滑的香蕉切片，畫上完美句號。唔可以唔提呢間泰菜竟然係唔收加一！今時今日喺香港食飯，竟然係免收加一，即時令我哋對呢間小店加分。

上星期嚟到朋友介紹嘅泰國餐廳Simply Thai，晚餐好抵食呀，仲包埋飲品，CP值極高，想試多幾款食物，可以加配小食，人均消費都唔使$200。我哋追加咗一份沙爹雞串、豬串同酥炸蝦餅，大滿足呀😌😌晚市套餐份量都好多，金邊粉配料豐富又開胃，小食都好惹味，好似去咗泰國食一樣！我哋仲一次過試咗兩款ROTI，配咖喱汁同甜品同樣出色，不過最正嘅喺泰式奶茶布甸🍮 ，夠晒香滑，下次嚟食要再叫呀🤤✨泰式炒金邊粉✨青咖喱燒豬頸肉飯🍛✨沙爹雞串、豬串✨脆炸香茅雞翼 ✨酥炸蝦餅✨印度飛餅 ✨香蕉煎餅✨泰式奶茶布甸🍮 

今次同朋友黎到太子試吓呢間泰國餐廳，採用簡單現代化嘅裝修，座位寬敞，播住泰國嘅歌曲，別有一番風味，家庭式經營服務非常親切，菜式選擇都好多👍🏼酥炸蝦餅🍤鮮嫩彈牙嘅蝦肉加上炸到酥脆嘅外皮，開胃又可口嘅小食泰式咖喱軟殼蟹農夫包🍞酥脆嘅軟殼蟹配上泰式咖喱，仲好貼心咁另外有碗咖喱汁分開上，加上麵包真係好惹味沙嗲雞/豬串🍢雞肉燒到表面焦香，豬肉係自家製嘅豬肉棒，加上沙嗲汁，味道配搭得啱啱好雜菌椰子雞湯🍲加咗少少冬陰功湯嘅味道，但又唔會蓋過椰子雞嘅清新，雞肉亦都非常嫩滑椰子雪糕🍧椰子雪糕球，花生同花奶，可以按照個人喜好自行配搭

這天晚上我約了朋友去太子吃晚飯，經過網上的推薦，我們便決定來到這間泰國菜餐廳試一試，店內環境舒適，冷氣夠和清潔衛生，店員懂得說泰文，十分親切泰式雞肉炒金邊粉($88)金邊粉軟彈煙韌，紅蘿蔔絲爽口，雞蛋細碎，雞肉香稔軟嫩，十分新鮮，配上辣椒粉，花生碎，份量非常多泰式奶茶($8)泰式奶茶，奶滑茶濃，味道恰到好處，不會太甜沙嗲雞肉串燒($38)兩串雞肉串燒，雞肉嫩滑細密，非常新鮮，配上清新的沙嗲醬酥炸蝦餅($28)用新鮮蝦肉打成的蝦餅炸到非常脆口，炸的時間控制得好，配上甜酸醬，味道酸酸甜甜，令人非常開胃香蕉煎餅($48)香蕉非常軟身，十分新鮮，煎餅鬆軟，花生碎爽口，賣相十分吸引泰式鹽烤魚($168)羅非魚嫩滑細密，非常新鮮，非常大條，用粗鹽焗，配上自家製酸酸辣辣的醬汁，魚肚內有泰式香料馬拉盞炒通菜($68)通菜爽口微彈，非常新鮮，用馬拉盞調味，味道不會太鹹，份量很多整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇十分多，價錢相對合理，而店員亦有良好的服務態度和積極，所以我認為這間餐廳是值得再去惠顧