ROYAL INN

西班牙火腿鹹香搭配密瓜清爽甜味，加埋黑醋既酸，係幾開胃，但密瓜份量較少。地中海風味藍青口用茄汁去煮，茄汁既濃味又冇完全蓋過青口既鮮甜。龍蝦濃湯都濃郁滑順，麵包蟹肉蟹膏意大利飯就相對出色，不會太爛，食落有咬口，有煙韌口感。主菜既安格斯10oz肉眼扒七成，肉質都嫩滑多汁，但感覺烹調過程落得太多油。法式班戟配草莓醬，甜而不膩。呢間餐廳絶對係打卡必選，拍拖慶祝既好地方。令我想起elegance in simplicity 呢個英文。

位於皇室堡新開的〔Royal INN〕餐廳，一踏入店內已經可以看到法式許願水池及華麗水晶吊燈，浪漫氣息濃厚，還有一排落地大玻璃可欣賞窗外景色，華麗別緻的環境，打卡真是一流。餐廳主打多款傳統法國料理、西餐料理和甜品等菜式，店內亦有不少Cocktail及酒類飲品選擇。【火焰雪山】(HK$168)侍應很耐心地等我們拍完照才淋上酒點著火，火焰視覺效果令甜品更有儀式感，焰燒雪山後外層的忌廉帶少少焦香，入口酒味非常濃郁，中間藏了朱古力雪糕，內冷外熱的口感很特別。【燒三文魚香草忌廉手工戒指意粉】(HK$188)手製戒指粉外型相當特別，口感煙靭可口，配上香草忌廉醬汁，每粒手工戒指意粉都掛上醬汁，而店員更說燒三文魚是用上挪威刺身級的三文魚，非常講究。【流心布袋芝士紫薯意大利飯】(HK$158)意大利飯加入了紫薯汁飯，令飯變成紫色，顏色變得更特別，米飯粒粒分明帶點濕潤及口感煙韌有嚼勁，素食者好選擇。 【牛油果沙冰】(HK$58)牛油果沙冰上鋪了忌廉及灑上開心果碎碎，入口一點都不膩，亦只是少甜的味道，飽肚又清新。〔ROYAL INN〕🇭🇰香港銅鑼灣告士打道311號皇室堡3樓313-314號舖Shop 313

這個下午和好姊妹去了一家歐陸花園式設計的餐廳high tea，氣氛真的特別放鬆。餐廳的花園設計帶來了歐陸風情，環境清幽而雅緻，感覺就像在小歐洲花園裡度過一段輕鬆愉快的時光。我們聊天聊得很愉快，時間過得飛快，一邊享用精美的三層架下午茶點，一邊品味著特製飲品，這樣的下午真是完美。下午茶精選 ROYAL TEA SET MENU:精緻甜點巴斯克芝士蛋糕：濃郁，入口即化。迷你鮮果撻：酸甜爽口，清新不膩。柑橘瑪德蓮蛋糕：香氣撲鼻，質地濕潤。七彩馬卡龍：外脆內軟，味道驚喜。鹹點拼盤巴馬火腿蜜瓜：鹹甜交融。芝士餅乾：酥脆濃香。鴨肝慕斯配無花果：細膩，甜美對比。海鮮小點龍蝦多士：酥脆鮮甜。蟹肉三文魚子鬆餅：鮮美豐富。黑魚子煙三文魚西米薄脆：鮮鹹層次。香煎北海道帶子：外脆內嫩。

昨日去食set dinner menu，等左好耐都未上菜，其他枱就好趕咁，好快上哂。french oysters 4 pcs (+$58)：口感不太好，「林林地」，不太新鮮。blue mussels：味道ok，但有沙。lobster busque：唔熱，暖。grilled beef ribeye(main dish)：涼，上面塊牛油都唔溶。scallop+餃子(main dish)：涼，扇貝好腥，餃子造型係一粒糖，但皮硬+涼，點食frebch crepe：味道已經算最好(加一後約$950/2人)之後同經理講，問佢地食物係咪以暖為主，佢就say sorry，幫我地換左兩個main dish，但之後都係暖D，唔可以叫熱，牛油都係唔溶，扇貝腥，餃子皮硬。最後經理同我地再say sorry，話一早已經知道有問題，會同廚房講。之後埋單俾左8折我地。(我心諗：咁死得啦，知道有問題都照俾客食。)待應味train好，黑口黑面，收碟又嘈，差。

我今日放假，約同閨蜜去聚會傾密計，佢揀左位於銅鑼灣告士打道311號皇室堡3樓313-314號舖的Royal Inn 食午餐，裝修豪華有特色，中間噴水池係人氣打卡位。我點左我點左個 Lunch Set $188，Starter 係 Smoked Salmon Salad 煙三文魚沙律，Main 係 Provencal Lamb Rack 法式寶雲酥羊架，餐飲係熱 Long black 咖啡；閨蜜都係點左個 Lunch Set $188， Starter 都係煙三文魚沙律，Main 都係 Provencal Lamb Rack 法式寶雲酥羊架，餐飲就揀左 cold lemon tea 凍檸檬茶。法式寶雲酥羊架賣相不錯，羊肉味道濃郁，有咬囗，伴菜豐富；煙三文魚沙律份量不少，沙律菜新鮮好味，配煙三文魚好食；Long black 咖啡味濃好飲。

今晚到銅鑼灣皇室堡逛街，喺商場裡見到有間西餐廳嘅裝修極具歐洲式設計，入口已經有個羅馬式噴泉和歐洲式水間吊燈，深深被這間餐廳吸引著，馬上走入去試菜。➿ 法式龍蝦湯龍蝦湯的口感非常濃厚，而且龍蝦味尤其突出，兼且有奶油的醇厚和順滑，而且配上一塊蒜蓉多士，烤到脆卜卜，好香口。➿ 煙三文魚香草忌廉手工戒指意粉第一次食手工戒指意粉，呢個介子意粉都幾彈牙兼有咬口，而煙三文魚煎到好香脆兼有些微煙熏味，魚肉又夠嫰滑，配合埋香草忌廉汁提升咗整道菜嘅香味。➿ 法國香烤油封鴨脾呢個油封鴨脾用咗傳統嘅做法，係用黃豆一起烹調，而油封鴨脾嘅外皮烤到非常酥脆，而裡面嘅鴨肉又保持到鮮嫩多汁，還有濃郁嘅咸香味。

Weekend黎嘅，黎到見到環境真係同網上面嘅相一樣咁靚，座位好好，唔怪之得7點已經9成full。食物同服務質素都屬中上 今晚食左幾樣野都幾好食。好似香辣嘅香蒜大蝦意粉，有心煮，蒜絲同蝦嘅焦香份外香濃，意粉彈牙，係有誠意嘅意粉～法式大蒜蘑菇忌廉烤雞，本身會跟一籃牛油烤酸種麵包，但個包太好味啦，而且個汁唔漏又香滑，決定要叫多客麵包點黎食。甜品係重點，焦糖香蕉榛子朱古力班㦸 - 甜糯之中咬到杏仁片，有榛子香，朱古力同香蕉嘅甜，香脆焦糖，口感味道好豐富。完全符合今晚嘅expectation！

早在社交平台見過這間餐廳，一直未有機會試，今天終於可以試到。全店採用宮廷風設計，在門前早被這個噴水池所吸引。Chicken Fricassee法式大蒜蘑菇忌廉烤雞這是法式傳統的烤雞，烤雞肉質嫩滑，忌廉汁加入茴香籽；大蒜刨絲再炸，令口感更脆更香。烤雞配搭酸種麵包，沾上忌廉汁，也是較為大眾化的吃法。Grilled Salmon Tubettini燒三文魚香草忌廉手工戒指意粉餐廳採用挪威刺身級三文魚，先慢煮，再煎香，所以在品嚐三文魚的時候，三文魚依然嫩滑，不會煮得很乾；手工戒指意粉口感煙韌Q彈，要趁熱吃，放太久會變硬。Chocolate Fondant With Ice Cream朱古力心太軟配雪糕雖然心太軟要等大約20分鐘，但我們還是想一試😋 朱古力不會太甜，朱古力軟心香濃幼滑，而且朱古力流心澎湃，一口蛋糕，一口雪糕，甜甜的幸福感為一頓晚餐畫上完美句號。餐牌參考：

新裝修既ROYAL INN裝橫別緻，感覺高貴得來好舒服～餐廳闊落，下午時間人唔算多，可惜坐咗喺近門口位，欣賞唔到入邊大玻璃窗嘅風景。食物一流，好食。———————————————————-🥯 牛油烤酸種麵包 $38充滿牛油香氣，微焦口感堅韌有咬口，麵包唔會太硬，值得一試！🐷西班牙黑毛豬鞍架 $268必叫之選！烤制時間理想，好好食！豬鞍份量好足夠，脂肪分布均勻，肉質鮮嫩，口感豐富加上特製醬汁，令人回味。** Set lunch **🥗 STARTER: 煙燻三文魚沙律三文魚份量多，蔬菜新鮮！加上新鮮檸檬吊起清新嘅酸甜味，特別開胃！🍖 MAIN COURSE: 法式寶雲酥羊架 $188雲酥羊架外皮焦香，羊架面上散上香脆碎蒜頭，加上內裡鮮嫩肉質，口感豐富。香料與草本相互交融，風味獨特～🍹DRINK $28 以下：凍檸檬水檸水有加微甜，甜度適中，意想不到～不得不提，main course 中side dish 的蔬菜蘆筍，小薯等烤度剛好，十分好吃~

今次黎到銅鑼灣royal inn食飯😍每次都會俾個噴水池吸引住😝- 法式龍蝦濃湯龍蝦湯濃稠 味道香濃麵包經過烘烤過口感香脆😝食落仲有啲似曲奇添- 法式鵝肉醬伴鵝肝慕絲賣相十分精緻上面仲有啲鮮花作點綴❤️鵝肝慕絲配上麵包 加埋少少醬汁食落中和咗膩嘅感覺😝- 松露蒜香炒蝦扁意粉大蝦爽口彈牙 😍而且份量都幾多意粉帶有松露香氣炒得乾身 仲唔會好油添- 流心布袋芝士紫薯意大利飯意大利飯好有咬感芝士十分香濃 配上淡淡嘅紫薯味食落十分creamy😝

一直都Bookmark左呢間人氣打卡西餐廳，比佢既法式裝修吸引，好似去咗外國咁，最近朋友轉左新工，又成功過咗試用期，所以就book咗呢間餐廳食晚飯慶祝🥂🍾🩵小食：白松露薯條$78好快就上咗枱，熱辣辣嘅粗薯條配上松露醬，無敵絕配，真係忍唔到手一條條咁食🫣🩵主食：炭燒12oz安格斯西冷牛扒$368安格斯西冷牛扒叫左5成熟，牛扒肉質結實，牛香味濃郁，配菜忌廉千層薯用左酸洋蔥忌廉醬去焗，焗薯做成一片片，口感綿密，非常creamy😍😍🩵主食：松露蒜香炒蝦扁意粉$168扁意粉松露味好香好突出，炒大蝦爽口彈牙，配菜有露筍、香蒜提味，食落鮮味滿滿😚🩵飲品：凍檸檬茶$28飲落茶底唔會太濃太苦澀，配上檸檬香，酸酸甜甜，最適合食大餐飲🍋

今晚陪人去皇室堡買完嘢，見到間餐廳，又羅馬柱又噴泉又剩，好似好靚咁，就走咗入去…“ROYAL INN”好似頭先咁講，餐廳嘅裝修典雅，入到嚟好似做咗皇室嘅一份子咁，可能因為咁附近嘅人食嘢都好靜，咁係坐得幾舒服嘅。我哋都唔餓，唔係叫咗好多嘢食。法式芝士焗洋蔥湯 $88 - 呢個通常係正統法國菜先有嘅菜式，我一見到就話要叫嚟試。首先佢係相當夠熱，芝士同酥皮嘅味道均衡，洋蔥湯鮮甜濃厚，帶有好濃嘅牛肉味。特別要講洋蔥，因為我係唔食洋蔥嘅😂，但佢係鮮甜到我可以食晒。招牌威靈頓羊架 $328 - 同樣道理見到呢啲咁難整嘅菜式，我就即刻想要嚟試吓。威靈頓牛已經夠勁，仲要係羊架。威靈頓最重要就係肉類嘅成熟控制，其次就係蘑菇泥同酥皮。以上嘅條件今次亦做得唔錯，特別係蘑菇泥係幾濃味，我幾欣賞。自家製藍莓醬士多啤梨班戟 $88 - 有一個法式料理。我會着重試佢所謂嘅自家製藍莓醬。佢係做得好濃厚，藍莓味嘅酸度相當高，可以中和返水果同其他嘅甜味。Crepe本身就正常，但配搭起唔同嘅水果同藍莓醬。感覺都幾清新。Green Tea Latte $46 - 呢個抹茶latte嘅水準，個人認為相當高。除咗夠熱之外，佢用嘅

Tea Time知道多人來為了宮廷式 design，而我……鐘意多片大玻璃，自然光，視覺開揚些藍莓醬巴斯克芝士蛋糕 配雪糕好eye-catching，colourful🥰巴斯克芝士蛋糕 口感好軟熟，texture 好rich，唔會好甜，生果份量算多，有blueberries, strawberries, raspberries焗蘋果金寶 配雲尼拿醬熱哄哄，蘋果焗得好鮮甜，就咁食可以食到個原味，配雲尼拿醬食，有另一番滋味熱情果薄荷 soda鐘意唔係咁甜，又夠 fresh

Dessert Time朱古力心太軟 配雲尼拿雪糕朱古力味濃郁，而且有流心整體味道唔錯勝在 weekday 冇咁多人，座位寬敞，又有宮廷式 designtea set menu 包一杯 drinkHot Latte 加＄21（50% off）

入坐時女服務員告知用餐時間12:00-2:00， 誰知一個男服務員係1:27話「我比多你地坐5-10分鐘你地要交枱。」嘩！當時門口沒有人等位，window seat table 還有一張空枱，還未到2:00要我哋交枱走，催促了三次，1:40叫女服務員來埋單，我們就比錢，她也說之後可以坐到2:00，但1:45男服務員見我們還未離開就行過嚟叫我們走，還有空枱又沒有客在等點解要我們離開，他就強說有兩個客已訂咗𥦬口枱未到迫我地離開餐廳，今時今日的服務態度咁差，難怪香港飲食業每况月下，人人都北上消費！人家無論服務，食物質素，餐廳地方大，設計新款，樣樣勝一酬，怎會不比下去！餐飲服務員，請好好檢討下！食物還可以的，價錢不便宜，本來是朋友生日，也給這服務員破壞了氣氛！亦唔會再幫襯！