RBTea

營業中

休息中

工作忙碌後, 總想搵個地方舒服的吃個晚飯, 現今的餐廳大多要限時交枱, 唔想食得急趕, 就搵到始創中心的RB Tea, 平日晚上人唔多, 都好快有位, 食物種類又夠多, 環境唔算嘈, 可以安心食個晚飯BBQ烤雞翼, $36, 去親RB Tea必點既, 雞翼醃得夠味, 而雞皮又夠香脆, 仲有青瓜條, 感覺好清新香草腸配薯薯角, $48, 較普通的一款, 腸仔及薯角無咩特色,出面都食到個款, 又係加上青瓜條, 中和下薯角既油"利"感香腸西蘭花芝士薄脆, $42, 薄餅香香脆脆, 第一次食西蘭化做饀既薄餅都幾特別, 芝士味好足夠,但又唔覺得漏, 價錢又唔貴日式咖哩豬扒飯, $72, 一上枱就聞到好香咖哩味, 日式咖哩特點香而不辣, 岩晒唔食得太辣既我, 炸豬扒既脆醬夠薄, 豬扒仲有肉汁, 唔會太乾身, 另外仲配埋炒蛋, 撈咖哩, 正爆Pop脆香鬆餅, 等左成晚既鬆餅, 可惜黎到後影唔切相, 個雪糕就開始溶, 爆谷鬆餅好似係新出品, 當然要試下, 賣相都幾吸引,  雲尼拿雪糕好滑, 而鬆餅又夠脆, 個人最鐘意伴雪糕一齊食爆Pop朱古力, 連個鬆餅套餐一齊買, $98, 又唔算貴, 朱古力濃滑,

半自助式的方式系令人幾舒服～～餐牌的內容選擇多，但總有一款系岩你心水點餐啦：炸魚柳配香鬆餅帶搭配岩鹽Oreo 朱古力 悠閒自在的時光就留系尼一刻。朋友點的果茶系列，也推薦一下。今次沒飲到，留待下回

好多餐廳都要用膳時限，如果想跟朋友坐低吹吹水，好多時都要選擇樓上Café，而我一去到旺角，就會選擇這間清新Café，已經光顧多次，特別喜歡它的Waffle甜點！早前又跟男友再次光顧～它位置太子始創中心樓上，地理位置好方便，而且店面好大好闊落，環境舒適～它的座位的任意入座的，而點餐是需要走到收銀處點餐的，半自助式的服務，感覺幾Free～它主要是甜點Waffle及小吃作賣點，但也不乏其他主食飽肚的飯及粉類～也有特色的飲品，種類也很多！OREO朱古力冰雪樂（HK$52）身為朱古力的控的見到都無法抗拒，下面是朱古力沙冰，朱古力味好Rich，不易溶掉！而上面就有一球溫尼拿雪糕，下面再鋪了一層OREO餅碎，有得飲有得食，口感好豐富～唯一可惜就是雪糕剛來到時已有點半溶狀態！焗忌廉汁肉醬螺絲粉（HK$58）這是即叫即焗的，製作需時，所以要等10-15分鐘左右先有得食～份量適中，不過如果男人或好肚餓我未必夠飽～忌廉汁肉醬好有陣蕃茄味，好香好惹味，而上面也加有芝士去焗製，芝士味唔算太濃！烤芝士薄脆（HK$34）烤芝士薄脆是好薄身的Pizza，只加了芝士及香草，再灑上芝士粉！薄脆好脆身，芝士味適中，不過食多

是日放假，陪好姊妹去試婚紗禮服，事緣當然就要去T下啦！去咗太子始創中心2樓嘅台式餐廳，等左15分鐘左右，可以坐低啦環境有啲擠迫同埋嘈吵，裝修都係唔錯嘅！👀完餐牌，要先到收銀落單同俾錢，過咗10分鐘左右來個BB Q烤雞翼，香口好味！仲有西芹條加沙律醬，清清味蕾5分鐘後，在想帕爾馬芝士薄餅先來食物後來飲品，凍嘅新鮮水果茶，一般！東京岩鹽黑糖咖啡，偏甜！由於星期六人多關係，環境真係比較嘈吵，選呢間食店都係諗住可以坐得來啲，結果同好姊妹👭傾多兩句都唔得！食完即走人，再去濕平補番數喇😂😹

上次同朋友黎食下午茶，真係唔錯。忽然想喺呢度食晚飯，於是放工過黎。見晚市餐牌唔錯，C係最吸引不過對我黎講價錢高左少少，所以我最後揀左B不過黎到就覺得有啲伏……因為黎度個飯係咁樣的……我知，圖片只供參考，所以我唔可以預期咁多。但真係好難食，焗飯應該濕濕地比較多汁，但呢個飯真係乾到……而且啲西蘭花黃到……鴨胸薄到乜咁，個飯我要用忌廉湯去撈。今次完全係自己衰，揀錯餐，因為見到人地叫C餐，個意粉唔錯咁。每個餐有沙律同忌廉湯湯好飲，但個番茄沙律浸落啲唔知乜醋真係酸到食唔落，食左兩粒就冇食喇。珍珠奶茶要加10蚊，都大杯，幾好飲。整體黎講，最滿意都係杯野飲同碗湯，至於其他……真係唔掂，希望下次唔會中佢伏啦！

LUNCH 時段2點左右入座，唔洗等位，揀左卡位坐，sofa 有啲矮，要坐直黎食野。叫左lunch set 既煙鴨胸意粉($58)，飲珍珠奶茶(+$10)。意粉好快到，碟底係熱既，頭一兩啖都係熱既，愈食愈唔對路。點解意粉中間個啲係凍既，我好sure唔係由熱變凍個隻凍，而係雪櫃拎出黎個隻凍。之後成碟意粉無食。另外煙鴨胸同啲汁都算可接受，唔會好難食同係熱既。仲有杯珍珠奶茶，佢係用個茶壺裝奶茶，一隻細杯裝珍珠，應該係自己加奶茶落珍珠到飲。可能我大鄉里，未試過咁特別既飲法。一啖奶茶，再食珍珠。最後，我諗應該唔會再去依間到食lunch。

看罷中醫得閒無無聊聊周圍逛了天輪，走到始創憩一憩好幾年無嚟RBTea了，見唔係咁多人等位所以嚟坐番下被安排在韆鞦面向窗的韆鞦椅這兒是先取位，再自己走到前檯落單兼付款，返回座位等便可。草莓冰雪樂 HK$52 (我諗無記錯呱) ~ 和MENU上既樣差不多，SMOOTHIE上配上一球雲尼拿雪糕估不到士多啤梨味道咁濃郁，絕對唔會淡茂茂，起初諗52蚊一杯咁貴，但飲過後，值 !坐著坐著便在這兒消磨了一個下午

網上看到珍珠奶茶班戟非常吸引，今次我是為了這個專程而來的。厚切吉列豬扒鬆餅三文治（$56）賣相常美，用上鬆餅作為三文治，再配上厚厚的吉列豬扒，加入芥末沙律醬，風味十足！帞爾馬芝士薄脆（$58）用上新鮮製作醬汁，配上烤得香脆無窮的薄脆，加入Pama ham,咸香味重，出奇滋味。香草忌廉三文魚意粉（$72）是自家每天特別調配醬汁，風味獨特，忌廉味道較淡，但掛汁力高。珍珠奶茶班戟（$48）奶茶調製而成的醬汁淋於鬆軟香滑的班戟上，尤如置身於濃濃的奶茶中，配上煙韌十足珍珠，比喝的珍珠奶茶更富口感。芒果冰雪樂（$52）是以芒果與冰塊打成綿冰，口感滑溜，添加雲尼嗱雪糕，令飲品層次更為突出。

每隔一段時間就想來這間RB Tea 食件Waffle 休息一下，討好的台式小清新裝修，最吸引我的是餐廳有幾個千秋位，Waffle 同Pizza 從來沒有令我失望過，這天，同朋友行完街又來吃飯，閒日都好多人，以前的寧靜感沒有了，不過位於旺角中心點，食物定價不高，那有可能寧靜的。香港人算吧啦！意式蕃茄蝦意粉，意粉炒得比較濕身，但見到是落了很多鮮蕃茄煮成，所以入口茄味濃郁自然，不是茄汁味，再加埋芝士粉，食到我舐舐脷呀！唯一要彈的就係隻蝦係好大隻但無咩鮮味，有點失色。巴爾馬芝士薄餅個人喜歡薄餅是脆脆的口感多於厚身，所以這裡的薄餅一直都得我的歡心，咸鮮的Parma ham，不會焗得過乾，焗後入口泛出少少油香，又唔會好漏，而且可以直接拎上手食，感覺都幾正！火箭菜入口微苦，多了一份清新感。草莓輕食鬆餅忘記了台灣稱waffle 做鬆餅的，記得上次台灣朋友來找我玩，我說帶她們食waffle，她們也不知是什麼，來到的時候她們說就是鬆餅，唉！這裡的鬆餅分了兩個份量，我們點的是小份量，就是一個長方形的格仔waffle切成三小件，再加上一球雪糕，忌廉鮮果及果醬。Waffle 薄而脆身，不是很Fluffy 那種，

想當年讀書時，每星期總會食一次RBT。經過多年，呢隻兔仔終於長大咗，仲改咗名叫RBTea....始創店，環境真係幾舒服，平日行過上嚟休息吓，都唔錯。由於餐廳係半自助，職員唔會行嚟行去左住你。黑椒牛肉鬆餅三文治，值得推介，點解？？因為鬆餅唔一定係甜品，唔駛次次配雪榚同糖漿，原來仲可以配日式芥末醬，加幾塊生菜、蕃茄同牛肉，配搭好啱咀形 。而且鬆餅外脆內軟，有蛋味，係我最buy的口感 。焗忌廉野菌螺絲粉，用料豐富，除什菌外，還有煙肉，而且螺絲粉不會焗得太乾 。藍莓冰雪樂，大大個雪榚球，三十幾度下的消暑極品，再配上我至愛的藍莓沙冰，爽 。而且沙冰中有好多藍莓碎，不像其他店的只用藍莓醬，贊！

平時好少黎呢頭⋯咁啱朋友要係附近搭車返工～ 就揀呢度快食個dinner~~呢間位於商場2樓類近台式cafe～ 要係門口等人帶位⋯再自助出去買野食～ 之後就可以坐定定等專人送黎😁😁八點鐘黎到～等第二張枱～ 不過5分鐘内都有位～ 仲坐到張鞦韆櫈！不過張櫈有d跡⋯加上張枱勁矮⋯要改善下🙈🙈見到d甜品好吸引～於是決定嗌個意粉 + 小食 + 甜品 share食 😁😁三文魚忌廉意粉～得三文魚好食 🙈🙈🙈🙈 三文魚又好難難食既😂😂 碟意粉一黎已經唔熱⋯d汁又太稀⋯味道都太淡🙊🙊 失望😞😞😞香草腸拼薯角～呢個d腸好食！外面脆皮入面juicy～熱熱地好香好好食😋😋 d薯角就麻麻⋯唔脆既⋯又冇咩味🙈🙈🙈食到中間先落單嗌甜品～ 咁先唔會灘凍左～ 嗌左焦糖咖啡合桃班㦸😍😍😍😍賣相已經好吸引！仲要好好食 😋😋😋😋 一定要趁熱食～ 三層既班㦸連埋一齊食 😝😝 班㦸仲暖暖地好濕潤軟熟～ 加埋d醬有淡淡焦糖咖啡味～ perfect match 😍😍😍😂😂😂 亦加上合桃碎～ 脆脆的增加口感～ 一啖一啖係咁食 😂😂 仲要逼個frd唔準講野住要趁熱食左先😂😂😂 食到後期凍左冇咁好食🙈🙈🙈 記得唔好咁早嗌！一定要趁熱食～下次

炎夏，流汗多，午飯時的餐飲變得重要！所以，當我和Honey到始創中心，經過RB Tea，看到大大杯的珍珠奶茶，便好想喝。店內環境簡約，是個喝茶的舒適地方。午餐有四款選擇。Honey選白汁香腸火腿意粉。白汁是Carbonara，好香，濃而不膩。配料不多，但汁醬裡有煙肉和洋蔥香，又有黑椒和火箭菜，已夠香濃了。我選俄羅斯肉丸飯。上桌時，看樣子，還以為是稠肉汁，Cream狀的，賣相不吸引。但，原來是湯！是羅宋湯：有鷹咀豆、紅蘿蔔、洋蔥、粟米和薯仔。我用來淘飯，不鹹，幾好味，蔬菜也煮得稔。肉丸也爽口。因為看到餐牌上的甜品很吸引，所以，忍不住叫了一款甜品：士多啤梨窩夫。窩夫鬆軟，外面脆。汁醬是士多啤梨汁和煉奶，竟然很配！還有一球雪糕，搭配窩夫一起吃，拈一拈汁醬…享受台式食店，台式飲品當然是賣點，也是吸引我們到來的原因。但是，一凍一熱的珍珠奶茶，都遜色！太多奶，卻欠茶香，可以説全無茶味。有點失望！是今餐美中不足的地方。

這晚同事的婚宴日，放工和同事前來先tea一tea，因為喜宴一般都9點才開飯，下班後有點肚餓的我們，選了商場的RB Tea，看見餐廳環境很舒適，坐下來吃份甜品好好享受一番。 *************************藍莓輕食鬆餅 HKD58，2件鬆餅加點藍莓醬和藍莓果粒。因為還有杯飲品還沒到，所以便給我免仔牌子，等飲品可以送上來給我。 鬆餅外脆內軟，藍莓醬又香濃，一份鬆餅有2件，不多也不少，下午茶簡單來個輕食，味道不錯，又不會太飽。 鮮檸冰桔茶 HKD38，桔茶味道很香濃，又潤喉，再加入了檸檬，酸酸地都幾開胃，飲品都幾大杯，餐廳環境也舒適，坐著慢慢享受也不錯。

我倆在台旅行時最喜歡去台式CAFÉ 吃tea, 喜歡那種優閒感, 到花墟買植物前先吃點東西, 太子的Café不多, 來到RBTea, 想不到客人相當多, 職員未能及時協助食客取票等位, 有點混亂, 幸好, 我們等了15分鐘也被安排入坐.這裡採取半自助形式, 先畫好需要食物, 再到櫃台付款, 侍應一會再把食物送上. 店員提醒, 由於即點即做的關係需要等待大約20-25 分鐘.先來的是黑珍珠奶茶(熱), 是餐牌內的經典飲料, 要說的是熱度可以稍作提高, 但味道不錯, 茶香滿溢, 奶味也剛好; 小珍珠口感也煙韌, 還有點焦糖香味呢.焗忌廉汁肉醬絲粉:螺 賣相不錯, 而且新鮮熱辣, 肉醬加上煙肉味道濃郁, 每條螺絲粉勻吸收了醬汁, 滋味無比. 且份量剛好, 女生吃也不會覺得過太多. 脆香炸魚柳鬆餅: 類似all day breakfast 吧, 有齊鬆餅, 焗豆, 炸魚柳, 炒蛋, 炸薯角, 小水果杯. 顏色豐富~炸魚柳最好吃, 外脆內軟, 鬆餅再脆身一點更佳. 焦糖咖啡合桃pancake: 三件班戟疊起上加大量香甜焦糖醬, 實在令人食指大動! 班戟做得鬆軟, (如果可做~厚一點更好啦). 碎

今日行完街有d累，就去tea一tea呢個蘑菇pizza 食過兩試，係薄批。味道偏淡，分量不多，吾會好heavy，好岩下午茶我特別喜歡呢個香腸，加上醬汁，肥而不膩，恰到好處 我較喜歡呢個抄蛋，抄得滑滑嫩嫩其他就普通，所以就吾多講了