RBTea

營業中

休息中

剛到始創睇機，想同女兒坐下飲個下午茶，一坐低就話要自己去買飛落order, 無問題照做。去到counter，話俾服務員聽想叫既飲品，等左15分鐘，第一杯野飲至到，再等，唔對路。20分鐘追單，話好快黎，結果到30分鐘都未到。於是拎張單出counter問，竟然話叫我等多5分鐘。一杯mango smoothy 足足要38分鐘至送到！價錢已不算平，counter服務態度差。話過永不再幫襯！😡😡

今日同朋友約左係旺角諗好咗食咩，不過去間始創經過RBtea，我朋友話未食過，我就話不如改去食依間，因為食過覺得好好味。而每次尼都係為左食個鬆餅，因為依到既鬆餅個面好脆，入面又林，熱洪洪咁點埋蜜糖食好正。今次都有嗌平時嗌開既三文魚凱撒沙律鬆餅，朋友食完都話好味，沙律菜又新鮮，三文魚又好味，炒蛋又唔錯，今日嗌多左個螺絲粉，味道都幾好！同嗌左杯玫瑰咖啡，d玫瑰味唔怕唔夾，而係咖啡入面有d玫瑰味幾好飲依間餐廳坐係到傾下計，食下野，幾舒服，個人就幾喜歡依到

野食唔錯，但等左差唔多半粒鐘先到，問啲店員，佢地又好唔耐煩答整緊，而且份量好少，啲薯條得幾條，同張相好大出入嗌左杯玫瑰荔枝紅茶，諗住同媽咪一齊share，一樣等左半粒鐘🙄 ， 問店員可唔可以比多隻杯，佢叫我地自己出去拎，飲完之後諗住去refill，立即有人衝出來要檢查我地有無share飲，如果有，就唔可以refill， 我地覺得係合理既，但比錢/拎杯個陣都可以提下掛！而且佢衝過黎檢查個下真心好似審犯緊😌p.s. 啲杯好污糟，好多漬好彩啲野都幾好食，但服務態度咁樣，幾好食都無用啦

RB tea 喺太子地鐵站隔離，地點10分方便！！！ 比起其他食下午茶嘅地方，RB tea都算有特色，係商場頂樓，一個角落頭，都幾有私人度， 可以慢慢睇書，慢慢聽歌，而且餐廳提供沙發同鄧，同starxxx 環境適應度有得比⋯⋯睇返B T tea嘅食物質素，整體都幾好，啲嘢食都幾特別，好似我食嘅煙三文魚撻，都幾好味！！！！ 新鮮炸薯條熱辣辣真係好正，加埋杯野飲⋯真係絕配！！！ 不過餐廳啲枱擺位比較迫，隔離枱傾計好容易聽到

中午與友人在旺角逛街後,隨便找了間餐廳, RBTEA是一間開放式餐廳, 鄰近STARBUCKS, 因為想試餐牌上的PANCAKE,不管要等20分鐘, 仍想試.  被安排坐在冷氣風口位, 我與友人要求換座位, 但被無禮地拒絕了, 他以反問句問我們是否有足夠人數坐4人桌, 我們只好一臉無奈.....繼續吹風這職員的態度需改善, 這種服務態度使人很反感, 很不友善, 他大可以以另一種回答方式來拒絕我們要求換座位, 而不是用企硬的反問句來回應我們.我們二人點了香蕉抺搽班戟, 三層班戟等了20分鐘才上桌, 也可以理解與接受.上面有數顆藍莓, 口感似冰鮮冷藏的, 有雪藏味, 且表面有露水, 上面的奶茶醬不足, 沒有奶茶味, 且甜度太高, 不合我們的口味. 

是日晚市套餐，難食到不得了！係dinner set ,叫左香辣日式蜆意粉，意粉好多味精，飲珍珠奶茶正常，加左個芒果奶凍千層蛋糕，但個蛋糕最上層個皮好厚，有點硬，打算用叉慢慢食，點知一拮，成個蛋糕散左，不得了。

收工打算同朋友找個地方吃飯，便來到RBTea。可惜之後的事令我整晚的心情變得很差。和朋友叫了set dinner，先講個湯，我估應該佢係一碗忌廉粟米湯，但質感似粟米水，冇忌廉湯個一種creamy嘅感覺。我諗連cream都唔知有冇落。個沙律，把鬼，4粒番茄撈d汁就叫沙律。個煙三文魚燒汁意粉中規中矩，入到口但唔係好食囉。之後，杯凍檸茶，冇檸味。然而糖水應該太貴，成杯係走糖。桌上冇餐具，因第一次黎食我地唔知呢度係要self service，就麻煩侍應拎d餐具俾我地，點知那位小女孩個樣係好唔願意咁去拎，其實你可以同我講係要自己去拎，你唔想拎都可以岀聲同我講，等我了解下你嘅難處點解唔拎俾我地。但你唔好西面囉。最後，有一位應該係疑似老闆，著便服嘅中年男士，見我地食完d碟收晒，行埋黎同我地講，小姐order野食係岀面。我知你地d員工唔包落單要個客自己去叫，冇問題。但我只係岩岩食完，想坐多一陣先走，搞到我好似霸住佢張枱而另佢做少左生意咁。呢下好趕客囉！咁點解你唔同我講有限時？你咪可以翻多幾轉枱，做多幾轉生意囉！在此，祝RBTea

只要係閒日去邊都咁方便，唔使同人逼交通，搵嘢食更加無須排隊，早前老友極力推薦呢間話係任hea，當然一同前住去吹水啦^^叫返杯嘢飲仲有送一份半價嘢食，今次出乎意料地啲腸仔幾淡口，正中下懷不過啲格仔餅落左糖醬就太甜了，唔敢再試第二啖整體感覺似台式feel多啲，如冇記錯的話，印象中個中文名好似係叫做「仙踪岩」，三個女子坐住傾下食下，不知不覺地時間好快就過左了，開心時間真係過得特别快，如果住得近真係一個好好嘅選擇，好期待下次聚舊！

始創好多餐廳, 今次試食RB TEA.餐點好多選擇, 令人花多眼亂.落單要先自行填寫表格, 再出去收銀處俾咗錢先.10分鐘後, 食物送到, 我同fd都對鬆餅有興趣, 分別叫咗 [炸雞翼脆香鬆餅] & .除咗主角唔一樣, 其餘配料都相同.雞翼&炸魚味道正常, 如果要揀, 前者比較好食, 但後者份量較多.雞蛋睇落去好軟滑, 但食落比較硬, 可能放耐咗?鬆餅外脆內軟, 食到蛋香, 唔錯. 但食得耐有dd乾身, 要飲野濕濕個口.薯角超級唔掂, 好硬, 十級乾身, 食唔晒, 放棄咗.飲品揀咗 , 味道唔錯, 份量適中.少少酸, 唔太甜, 微微的茶澀, 配合恰當,

星期六出去旺角行街，終極人多擠逼！行了兩三個小時腳也痠了，看到始創內的RB Tea，決定來杯凍飲歇一歇等了不夠五分鐘便可入座，喜出望外地被分配到鞦韆位！單邊望窗，兩個人排排坐搖呀搖的，甚是浪漫甘菊荔枝烏龍茶雖然是凍飲，但烏龍茶茶味濃郁甘香，滲出淡淡的荔枝味，好喝又解渴完全不是下了荔枝糖漿那種死甜！特別驚喜是裏面放了烏龍茶口味的寒天和不同的水果粒，大大增加了口感玫瑰荔枝紅茶熱飲一樣有水準，紅茶茶味甘香而不澀，無論是倒茶時冒出來的蒸氣還是喝下口中的熱茶都有很香的玫瑰味反而熱飲中的荔枝味就不太強烈，但也不是大問題。爆pop脆香鬆餅這是今期流行的限定貨色，本人酷愛吃爆谷而愛人又喜歡吃窩夫，所以就算其實不太肚餓但也忍不住要叫來試試！可惜現實與期望有落差---實物跟照片不同也是意料中事，只可惜味道也實在是遜了一點爆谷還可以，圓圓一粒蘸滿脆香焦糖，就只是份量太少了吧窩夫就真的不行了，一刀切下去已感覺不妙，放入口之後發現它不單是腍的，還是凍的( 當然我們能肯定分辨那冰凍的感覺不是來自雪糕！) 老實說，62大元換來這種貨色的窩夫真有點氣結論是這兒的飲品做得很好，又夠大杯，可以慢慢坐慢慢傾慢慢飲，儘管人流

黎開太子想話食個tea先走, 就揀咗始創中心入面呢間帶點簡約風格既台式小店黎試. 打開個menu, 呢度主打係小食甜品同特式飲品, 尤其窩夫睇落似係佢地既主打.  All day breakfast同三文治會由傳統既吐司麵包轉為窩夫. 嗯, 諗好啦~ 我要試RB Tea既窩夫.RB Tea 精選脆香鬆餅, 鬆餅帶有蛋香, 即使配落鹹食度又唔會又夾喎.藍莓脆香鬆餅, 集結藍莓粒、藍莓醬、雲尼拿味雪糕和煉奶和點綴窩夫, 豐富既配料造就一份不會輸既甜點!

當約咗人食飯，但係又遲咗收工，可以點算﹖當然係去啲多食肆嘅商場喇，例如﹖非始創中心莫屬喇，今次我同舊同學決定去RBTea食，坐得舒服，而且……有我最愛嘅珍珠奶茶飲~~爆谷朱古力 - 今次我突然見到呢個爆谷飲品，見咁得意，一定要試吓先喇，因為店員話個忌廉係有加爆谷漿去打，所以食落會有好香嘅爆谷味，我一像覺得個朱古力唔係太甜，唔錯，另外個忌廉真係好香爆谷味，好得意烤檸檬雞膇 - 呢個同唐揚雞塊一樣，食幾多次都咁好味，最緊要係好juice，同埋我地都係好鍾意食佢嗰個沙律醬，可以沾西芹日式唐揚雞塊 - 我去食日式料理，一見到有就一定要食，呢個唔算最好食，但係都係一個唔錯嘅選擇，炸得好脆，入面亦好juice香辣日式照燒汁蝦意粉 - 呢個有少少辣，個意粉好彈牙，汁亦好好味，辣味啱啱好，蝦好爽口彈牙，雖然蝦味唔係太多，但係個意粉同汁搭救鮮蝦脆香吐司 - 個吐司有沙律菜，亦都有少少沙律汁，再加埋個薯角，簡直一流，去開嘅記住一定要試呢個焗忌廉野菌螺絲粉 - 一直以口嚟呢個都係我最愛，因為佢除咗有螺絲粉之外，重有薯仔鋪底，最緊要多汁，咁就會非常好味~~

久違了的RBTea，隔左接近一年，琴日再度三訪，餐牌上多左好多新款式，好多都好吸引呀，特別係甜品同飲品。餐廳需自行到收銀處落單及付款，客人在點菜紙是揀好後，就到收銀處付款，店員便會將食物送遞。看著還牌上的選擇頗多，很多都想試啊。新鮮水果茶 （凍）$38果茶裡頭有橙片、蘋果片和香蕉等，飲落以茶味較為明顯，偏向茉莉花茶的味道，雖然果味較淡，不過也是一杯味道清幽的飲品。爆POP奶茶 （凍）$42餐廳最近新出左爆POP系列的飲品和鬆餅，小妹都點左杯爆谷奶茶試試。高身杯盛著的奶茶上面了一堆爆谷，將飲管放進奶茶吸入，味道是台式奶茶的味道，不過甜，外還帶點爆谷的味道，頗過癮！帕爾馬芝士薄脆 $58一客四件的薄脆，每塊面頭都加左火箭菜和帕爾馬火腿，食落鹹香味十足餅底又香脆。厚切吉列豬扒鬆餅 $56鹹食近來仲多左窩夫三文治的組合，兩塊窩夫中間夾住煙鴨胸、吉烈豬扒、牛肉等，仲會配埋薯角，賣相唔錯又唔貴！老公一見到就話要試，兩件窩夫配薯角，賣相吸引又豐富。裡頭夾左蕃茄同生菜，吉烈豬扒咬落脆身唔會炸到乾爭爭，窩夫外脆內軟，一啖食落又鹹又甜的味道滿討好。（但凍左味道會差點，鬆餅會變硬）如果想食窩夫蛋香就可能會失

太子其實是一個很方便的地方，於我倆來說剛好是中間點，各自回家也快捷，去膩了旺角的話太子就更吸引。上次來太子吃到地道的美味餃子店，發覺這裡實在臥虎藏龍，想再從openrice找找其他好東西，但這次就中伏了。見在始創中心這樣方便，用上許多花草盆栽作裝飾，大部分都是青綠色的梳化卡位，角落還有 swing的竹椅，不過因為搭配的桌子太矮要俯下身子吃飯不舒服而沒有選擇，加上招牌是眼熟的兔子logo，想著想著也覺得有點仙蹤林的影子。我們二人看set dinner只能勉強選一個，見散叫也不貴便再點了一個主菜、小吃和飲品。這時期將餐飲轉洋金菊茶是免費的，有菊花味道，不甜但也不甘，免費轉配也收貨了。跟餐的沙律和餐湯也很強差人意：番茄加點醋就叫作沙律，沒甚麼誠意；粟米忌廉湯還可以，有點粟米蓉的罐頭貨色，但起碼不過鹹，但那兩粒浸得過林的麵包乾是不必要的。大家介紹的薄脆，也是全晚比較好吃的一道。薄批加上芝士夠熱不會錯，芝士的份量也足夠拉絲，腸仔鹹味剛好，唯獨西蘭花粒少得可憐，到底西蘭花有那麽矜貴嗎？是晚的其中一個set dinner，也算是我們有興趣的一個。煙三文魚放在暖的意粉上，幸好沒有腥味，鹹度也夠但煙燻味

想當年讀書年代，（有閒錢的時候）總喜歡放左學同班閨蜜去仙跡岩/仙蹤林飲杯珍珠奶茶⋯⋯不過時移勢易，呢2間台式飲品店逐漸被外賣店取代，估唔到多年後仙蹤林又翻生，約左班閨蜜出黎，一於就去呢到緬懷一番！以前係會覺得仙跡岩既飲品係出色d，而仙蹤林就食物好味d，呢間RBTea都係主打食品，不過就無左台式食物，加左西式既意粉、窩夫。早到果2位話勁肚餓，諗住靜靜雞叫左個香腸吐司盒食完我都唔知⋯⋯點知遲到既我黎到個吐司先到，其實都唔係咩吐司盒，都切好左3塊厚吐司，中間刮個窿，fill d白汁落去，普通啦，無乜特別，只係3大塊厚吐司，夠飽肚。我黎到就揀埋d主菜，叫左一款晚餐-香草汁大蝦意粉，因為可以跟餐揀茉香珍珠，跟住就散叫左個焗鴨胸飯同野菌薄脆，講真，個意粉同飯就真係普通野，2個都係淡口味，連焗飯以為有d芝士會香d，都係麻麻地。反而個薄脆就幾香口，多料同埋脆口，但要趁熱食。杯茉香珍珠就有d失望，唔香茶味同埋拎到埋黎都唔夠熱，難道係灌徹以前仙蹤林既飲品質素？呢到唔趕人，夜晚又唔太多人，所以同朋友可以傾一個晚上，不過店員唔多醒目，飲品落單重複左幾次都係落錯，有待改進。