RBTea

營業中

休息中

晚飯時間在太子/旺角中間想簡單食個意粉，入咗去始創中心覓食，所以見到呢間餐廳就入去。當日週末晚間咁大間餐廳都只係坐咗幾枱客。餐牌上選擇都幾多。套餐價格不菲，相較之下單點一碟意粉$100左右，價格比較合理，不過就無飲品。我叫咗份鮮茄煙三文魚螺絲粉，茄醬係非常普通嘅茄膏+茄汁+少少鮮茄味嘅意粉汁，我覺得有少少水汪汪(尤其螺絲粉都比較藏水)；螺絲粉都似係預先煮定再翻熱，成碟意粉嘅感覺同翻叮嘅即食飯盒無咩分別。不過幸好煙三文魚份量都唔少。賣相亦似快餐式西餐。唯一可讚嘅就係環境寬敞，而且客人唔多，所以坐得相當舒服。不過餐廳晚上9點就閂門，夜啲去嘅話可以坐嘅時間都唔長。

今日叫餐叫餐等咗30分鐘都唔嚟，一直有問幾時整好到以為嗰碟係畀啲自己點知送咗去第二張枱,問侍應生話廚房畀錯訊息送咗去第二張枱,我覺得個廚房應該一早抌咗我張單所以先至送咗畀第二張枱先.呢間舖頭未裝修之前我仲周圍同朋友講呢到抵食而家裝修完之後食物加曬價又唔包嘢飲仲要加一，加上今日嘅遭遇我以後都唔會嚟我好想佢快啲執笠

之前上網睇，話呢間餐廳裝修中。所以，原本打算到此商場的另一間餐廳食飯！點知，真正來到這裡之後，便發現有食客用餐中，原來已經裝修完畢！我都好耐沒來過這裡食飯！由於友人想到附近行下。所以貪方便，便選擇這商場食飯！又見呢度裝修開揚！又有一張搖搖凳！幾得意！所以便在這裡食午餐！點了「黑松露蘑菇濃湯螺絲粉」，配餐湯及沙律。另外一個蕃茄香草腸意粉配熱檸檬水及另加焦糖燉蛋。（燉蛋算好食。）驚喜是「熱檸檬水」唔知點解變咗熱檸蜜！不過都好味😋！不過，兩碟意大利粉都太林！一點都不彈牙，沒有口感！最每人詫異的是條腸仔！真係好求其是但咁切的感覺！一點誠意都沒有。番茄🍅汁，好「水」（好稀）。真係超級失望😞！黑松露濃湯螺絲粉，同樣都是水的！味道欠奉！希望下次食物質素會有所改善！

下晝同同事黎呢度食lunch, 最好個樣野就係冇人排隊, 一定有位! 佢半open area, 座位與座位之間有少少距離, 唔會好迫。 呢間餐廳都開左好耐, 估唔到捱得過疫情 🤭 同同事兩個分別叫左兩個午餐, 價錢大約$70幾, 送一杯野飲。咁岩兩個午餐都係蕃茄, 一個係煙三文魚螺絲粉, 另一個係肉丸意粉。螺絲粉係同事叫, 小編無試到, 但同事話煙三文魚幾好味, 螺絲粉就無特別。 蕃茄肉丸意粉個肉丸無Ikea咁有口感, 佢有少少散散地既感覺, 蕃茄汁酸酸地, 唔係用新鮮蕃茄煮, 正常味道。反而最出色係杯熱焙茶奶茶, 焙茶味好出, 唔加糖都有少少甜 👍🏻

今日約左Miss W👩🏻要還返D野比佢，咁順便一齊食個lunch先！😁😁～～～黑松露蘑菇濃湯螺絲粉～～～我同Miss W👩🏻同樣都係叫咗呢個午市套餐，會好明顯見到中間會有一小撮黑松露醬，唔算太濃郁，但合格以上。當中配料有新鮮西蘭花及少量菇菌，雖然冇肉食但都係一個好味嘅螺絲粉午餐😀😀，但如果個湯可以再濃郁少少會更加好☺️☺️～～～凍檸🍋水（少甜）～～～我以為係茶餐廳嘅凍檸🍋水，但原來佢係檸檬🍋汁嘅凍檸🍋水😅😅，我就飲唔慣呀🥲🥲

阿仔一向有鼻敏感同氣管敏感，天氣一轉，呢排又開學，又開始發作，有少少作感冒！呢日就帶咗佢去始創中心，睇佢一向睇開嘅超好兒科醫生，等佢檢查吓！下晝去睇，佢又例牌多要求，話一定要去食嘢，就同咗佢去咗商場呢間店舖食Tea!2樓呢間店舖，景觀都幾開揚，裝修有啲童話少女風，以綠色、淺啡木質為主，座位都有軟墊，坐得都算舒服。明明話叫一個餐兩份食，大大就堅持食兩個餐。香草忌廉煙三文魚意粉煙三文魚味道適中，唔會太鹹，意粉唔淋，都算爽口，忌廉汁好香，個汁唔會太杰身，配埋小西蘭花食，感覺好健康！綜合菇菌芝士薄脆我薄脆真係超級，配埋唔同嘅菇類，加埋芝士焗，一齊食，真係好好味！熱新鮮水果茶水果茶由好多新鮮水果沖泡，但又唔會太甜，好重果香味，大大都好鍾意飲。熱檸水個檸水冇落糖都有甜味，飲完覺得清新健康。

我們於7/9（四）約上午11:15左右到達餐廳，位置挺多，侍應招呼我們隨便坐，之後出去買單。我們叫了1個午市套餐及烤薄脆。❶綜合菌菇芝士薄脆（$62）：有6小塊，芝士🧀️拉絲，不過薄脆因為d料太重，所以不是十分脆🤣❷芝士鮮炒白蘑菇三文治配滑蛋、沙律、茄汁豆（$102）：熱騰騰的芝士配白蘑菇三文治🥪，👍🏻👍🏻，炒蛋🍳挺厚，沙律佔碟的一半，有少許脆面包粒。Sofa位近風口位，怕冷的客人要留意。埋單不用加一

餐廳依商場格局成孤形鋪面, 我來到 樓層遠遠見到友人, 即逕自向他走去, 卻不得其門而入, 原來要繞個圈到另一頭入口。枱面已有餐牌, 選擇甚多, 每個菜的圖片都色彩豐富, 賣相吸引。選擇困難, 還是叫晚市套餐不用煩。1) 沙律先放乳酪沙律醬在杯底, 以企身方式放置各種沙律菜蔬, 造成色彩繽紛效果。沙律醬有點酸, 沙律菜算是新鮮, 給70分。2) 磨菇忌廉湯以小杯上枱, 雅緻簡潔, 濃稠適中, 味道一般。3) 意式蕃茄肉丸意粉意粉份量對女士來說較多, 四粒肉丸大大粒, 西式煮法不彈牙但味道幾好; 要讚的是蕃茄醬汁落足香草,  若能加多少少醬汁份量改善整碟意粉的乾身口感更好。同樣地, 意粉上刻意加上兩瓣煎過的鮮蕃茄及兩片羅勒葉, 增加色彩的點綴效果。 這個菜給85分。4) 熱檸檬綠茶晚上飲紅茶有礙入睡, 竟然有綠茶選擇, 讚! 檸檬片不會苦澀, 幾好!

採半自助式的Cafe，雖然是一個人來用餐也不難找位置。被安排了座位後可以看餐牌，決定好吃什麼好再去點餐處下單和付錢，之後回座位等上餐也可以了喔。而且可能是因為客人不多，可以慢慢用餐也沒有人趕。煙三文魚凱撒沙律脆香鬆餅 ($108)配一杯凍的深焙奶茶。香烤的味道並不算濃厚，但還算不錯。鬆餅有兩塊，吃落有點煙煙韌韌的口感，可以配糖漿來吃。或者配嫩滑的炒蛋吃也不錯 (可免費升級做黑松露炒蛋)凱撒沙律的羅文生菜很爽脆，煙三文魚都夠多，不然這價錢會覺得太貴。

煙三文魚沙律漏上煙三文魚，其實一望就知，就算廚房唔記得樓面都應該幫手望一眼先出餐…杯珍珠奶茶甜到嘔唔知點飲蜆肉意粉一pat嘢漿住好難食服務態度..就係無態度，不過算小事呢間嘢仲未執笠認真厲害👍🏼👍🏼👍🏼

好友知我喜歡食 沙律，特地來始創中心頂層，食自助式午餐，我比較少食澱粉質，所以揀沙律。首先，請揀定坐哪裡，然後去櫃面落單。這裡的食物有侍應送上，但水要自己倒。『煙三文魚芝麻豆腐沙律』HK$83.00事實上，我是叫「沙律醬另上」，送來的時候發現加了入去，咁就算啦！ 沙律菜的份量不算多，煙三文魚有三塊。食起來好像差點甚麼...... 應該是果仁或藜麥不夠。另外叫『清新水果茶』(凍) HK$39.00超甜，不可以少甜 / 走甜

今日下午3點左右我地3大人3小朋友諗住入去食野，一入到門口有位中年女店員好晦氣咁講你地自己搵位坐，問都無問幾多位，（我已經同朋友講不如去第二間啦！一入門口就咁嘅態度）餐廳枱係多數係4人枱，我地6人要泊多一張二人枱先夠坐，3個（4歲）小朋友係已經坐低左，嗰位中年女店員黑口黑面行過嚟好大力甘將張二人枱拍過去，嚇到我哋全部彈起差點拍到小朋友啲手指，我當然好激動同個果人講你發脾氣都要睇住啲小朋友啲手，點知店內其他員工同我地講佢係甘架（中年女人）唔使理佢，你地間舖都幾搞笑咁樣同個客人講就算，最後我哋當然冇坐喺度食嘢即走！最後我哋同朋友去左第二間食嘢討論件事，發現佢（中年女店員）係對我哋帶住小朋友嘅人先會係咁對其他正常大人係冇嘢！依間嘢啲人實在太搞笑！吾會幫襯佢！完😡

好耐冇去始創食嘢，想揀一間坐得舒服啲靜啲嘅地方食晏。朋友先到，所以我一到餐廳就直入擺低袋坐低剝埋褸，想點餐嘅時候，先知原來要出返門口收銀處點餐。要記住自己同朋友想食乜，真係記性差啲都唔得。我哋揀咗香濃忌廉蜆意粉($74)、煙三文魚凱撒沙律脆香鬆餅免費升級黑松露炒蛋($108)，跟檸檬茶、岩鹽芝士Oreo朱古力奶茶(+$12)。鬆餅有啲韌，唔鬆脆。煙三文魚同凱撒沙律正常發揮，唔特別好。炒蛋就幾滑幾好味。意粉方面，蜆煮得夠味，意粉同個汁都OK，冇投訴。杯Oreo朱古力奶茶就真係麻麻，好甜又好鹹。可能Oreo俾我浸到林晒，好難食。整體食物一般般，冇咩服務，但因為餐廳人唔多，慢慢坐，傾吓計都可以。

睇呢香港已進入經濟大反彈,市道復蘇,一片欣欣向榮,生意唔憂做 .....餐廳營業時間至晚上十時半的平日,我泊好車於九時前在門口都被不接待 於始創中心的食肆還有不少,各式其色乜都有D,但大多也是普普通通,不會特別推介正評。算吧沒有期望,只有失望 !

如果我問你，一間陌生食肆有咩可以吸引到你去幫襯？除左價錢牌就一定係一大堆靚餐牌poster😂所有男性都明白，再多人你都會係人群中留意到靚女一樣😍呢間位於始創中心既RBtea就係好好既例子，由前門到後門都放置大量美輪美奐既餐牌，好難唔比佢吸引。嗯間RNtea其實都開左好一段時間，開放式舖面減少壓抑感，但座位與座位間相當擠迫，加些檯枱都似cafe般的矮身，行動上都有d不便.落單方式：似快餐店般，係門口落單，提供檯號自然送到相應檯號，但好似我咁一條友去就煩d,坐底又冇人落單，去落單又怕個位比人佔左🥺當然兩人就無問題👍🏻環境方面：位置商場中心好難唔嘈，加埋假日都幾多小朋友，熱鬧到非常，想拖靜坐下需要一部良頂級阻嘈耳機。加埋旁邊係電梯，人來人往比人睇住係無法避免.服務方面：冇咩服務，都係自助型式，落單果位同事同時係收錢加廚房果位，快餐店係點呢度就係點。唔知佢收完錢隻藍色手套係咪一陣攞食物材料果隻食物方面：主要是意粉類西式食品，是次食物為白汁海鮮意粉配凍朱古力個意粉軟硬程度剛剛好，白汁creamy唔會稀到成碟水咁，雖然蜆仔細細但肉質很飽滿又甜又無沙；蝦🦐肉質結實似西蘭花炒蝦仁既feel最上面焦糖色