QUE (ELEMENTS圓方)

營業中

休息中

嘩！今日試咗間超正嘅fusion餐廳，食物真係有驚喜，令人目不暇給！🤩首先，佢地個三色魚生超正，新鮮到彈牙，食落去滋味爆炸，真係鮮美得滯！軟殼蟹意粉就更加賞心悅目，脆脆嘅蟹配上濃郁忌廉汁，順滑得嚟唔會太膩口，正到不得了！再講下佢地嘅軟殼蟹塔可，賣相勁吸引，食落又夠晒口感：外脆內軟，香口得黎唔覆會攰噏，攞食物嘅創意諗法真係要拍手叫好！至於甜品，靜岡縣紅茶芭菲香甜得來清新，超切合散步後嘅甜蜜時刻。每樣菜食落都一流，搶晒鏡！坦白講，佢哋嘅環境同服務都一流，員工親切，唔會催你快啲食，可以慢慢享受。整體上嚟講，呢間fusion餐廳真係值得推薦，食物味道夠層次，又能俾人一個舒服嘅用餐環境，下次有機會，我一定會再嚟！👍🏻🍽️🌟

入座時人唔算多，落單叫左一個牛肉烏冬，一個海鮮烏冬同一杯梳打。等左陣大約13:02牛肉烏冬就到左，一路食嘅時候，亦多左3 枱入座。到我食完，另一個烏冬以及梳打仍未到。過左陣，我地向著白衫嘅侍應查詢，侍應話人多，所以要等耐啲。然後大約13:15，一位短髮著黑衫嘅女服務員問「係咪黎哂野啦？」語氣態度似係想趕我地走，所以我地向佢提出仍有食物飲品未到。再過一陣，約13:20，同樣嘅海鮮烏冬送到另有一枱遲黎嘅客人枱上，大約13:24我就向短髮女服務員查詢，佢以唔禮貌嘅態度同我講「出單機壞左氣張單冇左呀嘛！」我指出隔離枱比我遲黎，佢就唔耐煩地指出「人地同你唔同呀嘛！」明明隔離枱一樣食海鮮烏冬、一樣有男有女，唔同嘅係佢地有4人，我地兩個，佢地係大陸人，我地係本地人，究竟短髮女服務員指嘅唔同係咩？所以我就向當時餐廳經理J 查詢，但J 多次迴避，亦選擇係同我有眼神接觸後於人流不多的時段躲係某張沒有客人的枱後，直至我再次向佢揮手佢先紓尊降貴來招呼我。我向佢查詢咩為之「我同人地唔同」，J聲稱唔好再為呢件事講落去，另外亦聲稱，由於出單機問題，所以就算我早黎，但我張單出唔到，變左要再排過，要排係遲黎嘅人後面。縱

聖誕節正日，同屋企人叫咗4個套餐，分別包括：前菜，沙律，刺身壽司，湯，蒸蛋，串燒，主菜，甜品，餐飲，餐飲同侍應表示之後再落單，但等了45分鐘先開始上前菜，過多10分鐘後才上沙律同刺身壽司，想叫侍應落埋餐飲單，足足叫咗4次先肯過嚟，食完等咗20分鐘都未有人收拾，其餘食物都仍然未有，通知侍應通知咗3次都只係得到回應：「今日係比較忙，太多客人了」但侍應講既同時就只係一路執枱一路安排新客入座，完全無去跟單，後來過多5分鐘先有湯，蒸蛋同串燒，食完又等多20分鐘都未上主菜，17:35入座，19:30都未上到主菜，前後總共7次向侍應反映上菜好慢，都無任何人認真處理，有侍應甚至乎只係點一點頭就走開！！期間旁邊兩張遲過本人入座既客人，其中一張枱更加係超過10人，都已經結帳離開了，我同屋企人既主菜都仍然未上！最後要再向一位管理層既職員反映，先可以係19:40上到主菜！最後餐廳方面雖然有提供免費甜品作補償，但已經補救唔到對餐廳既負面評價！埋單結帳時都仍然有出錯，經理收錯金額，要一等再等，成場飯局花近3小時才完成，嚴重影響當晚既行程，原定飯後既慶祝活動都要一一取消！！餐廳環境侷促！職員服務態度差！食物質素一般

門口經理態度惡劣，店舖內有空枱加我們站在門口靠邊位置，但係經理大大聲趁人出去，我們之中還有小朋友受到驚嚇，而且他只是講唔好意思，唔好意思非常之大聲，沒有講出他到底想我們等一等？還是想我們離開門口位置？還是想怎樣？過程中還想手想推我們！還好，我們下意識向後蹆避開了，重點是有小朋友！其實過程中，它可以正常聲線要求我們等一等還是離開門口位置？他10分激動狂躁，瘋狂的對我們講唔好意思唔好意思，咁唔好意思到底是什麼意思？加上身體動作，令人非常不安和遺憾

週末到處都是人，圓方這間餐廳大約有6人等侯，應該不用等太耐，就下決定。侍應安排入座時，裏面根本不是坐滿。menu有套餐，但單人餐都要5百起，仲要2人起叫，所以單點散叫吧。天婦羅即炸，免治雞軟骨串燒頗特別。魚生普通，有渣的。味道及份量中規中矩好味日本意粉夠硬身及有彈性，有蟹籽，明太子，胡麻醬，很惹味。好肥大菠蘿很甜，面層仲有火槍燒過的焦糖脆結賬4個人$2200，回家後，老公仲要話像食了一陣風，唔飽。

以日式和風木系設計 餐廳空間大 座位闊落～食物賣相唔錯 適合打卡 但價錢比較進取 𝐶𝑃值唔高 服務態度亦一般般 😢但勝在寵物可以比係餐廳以外位置陪食 就不能有太高要求了🥹記得要帶埋寵物袋或車‼️𖧐 軟殼蟹班尼迪蛋配蕃茄莎莎、煙肉、柚子荷蘭汁及牛角包正常發揮 好一般般 🙈𖧐 黑松露貓耳朵意粉味道較淡 唔係太食到黑松露味 貓意粉尚算彈牙𖧐 清酒柚子提拉米蘇打完卡之後可以加入滴管入邊嘅清酒 柚子味好清新 酸酸甜甜幾開胃 但份量較少

📍HONG KONG📍#Que個日去圓方行街間間都排隊，問到呢間好好禮貌同我講好d，就去呢間🤣#軟殼蟹意粉配蕃茄忌廉汁新鮮蕃茄味🍅隻蟹比我想像中大隻，重要炸到卜卜脆🦀咁岩我呢隻多重要好多蟹膏🥹整體都淡口少少，不過酸酸地好清新幾開胃🩷#松葉蟹味噌甲羅燒意大利飯配海膽忌廉汁為左呢個飯我會encore🤤海膽味岩岩好無話太heavy🩷將甲羅燒嘅蟹肉蟹膏撈埋個飯一啖咬落去！夠鮮又濃味，滿足🥹#月見免冶雞肉配小雞軟骨 蛋黃唔腥🍳面頭仲有少少唔會太甜嘅照燒汁，加埋佢嘅燒烤味👍🏻我重攞左小小蛋黃撈飯，無得頂🩷🩷#A4佐賀和牛壽司新鮮wasabi唔嗆鼻，一入口食到軟熟又香嘅和味飯，飯重有小小暖🤤#Q-San甜筒仔好qq🤣抹茶朱古力殼配抹茶Moses，麻薯雖無蛋糕嘅中間不過無咩feel ，係食到最後有少少甜味重有一啖仔紅豆🫘係一間唔平，不過有heart又好食嘅餐廳🥹🥹絕對會encore!要講下Service好好，見我唔想排隊主動同我講幾點黎好d🥹

喺Element食quick dinner, 叫左粒粒刺生丼、牛油果吞拿魚蓉卷同signature嘅炸蟹肉薯波。刺生好新鮮，又大粒，細食嘅未必食到一碗；吞拿魚卷幾特別，不過食起上嚟會流到成手都係…薯波最後上，我以為係細細粒、小食嗰一種，點知成粒乒乓波咁大，好飽…醬汁似章魚丸，脆卜卜、熱辣辣，口感同味道都唔錯。埋單$300幾兩個人，喺element嚟講唔貴喇😂

同好友喺圓方Elements食lunch😆本身想食拉麵Jo，但午市真係太多人🤣去咗對面食呢一間QUE😋門口佈置有好多貓貓🐱但裡面就係比較舒適嘅風格，除左一般枱，亦都有包廂可以坐到8個人左右😆午市套餐好多野食揀，我地就揀左兩款野食😆🍝軟殼蟹意粉配蟹肉蕃茄忌廉汁 $168呢個唔錯！軟殼蟹都幾脆身，唔會話一咬落去就成口油😉另外個汁都好食，蟹肉夠多，而個汁都好食😆本身怕蕃茄汁太酸，但加左忌廉落去又唔會太酸，意粉都掛到汁，值得再試下😆🍣角切魚生丼 $158朋友話呢個魚生丼都好食，魚生都新鮮🤩，亦都好多唔同款，三文魚，吞拿魚，青瓜，蛋，（仲有懷疑係希靈魚嗎🤣），整體黎講都係OK🤤雖然話午市時間，但唔會太嘈，燈光少少昏黃，但我反而鐘意咁樣嘅氣氛下傾計，舒服好多😆可以翻take!

去完西九 想喺圓方搵性價比高嘅餐廳可以試吓呢間 價錢中規中矩 但係勝在份量夠多我同朋友每人一碗 都食到好飽(•̀ᴗ•́)و完全唔洗擔心食唔飽呢個問題 ✌︎︎ꕀ 松葉蟹味噌甲羅燒意大利飯 配 海膽忌廉汁$𝟮𝟮𝟴蟹殼裝住蟹膏 蟹肉 蟹籽 超豐富 濃郁海膽忌廉汁拌飯 超多海膽醬 同蟹膏蟹肉一齊食 完全係海鮮控最鍾意既鮮味衝擊(⁎⁍̴̛ᴗ⁍̴̛⁎)意大利飯粒粒分明 食落有口感 飯量都好足夠 ✔︎ꕀ 香煎法國鵝肝月見燒牛肉意大利飯丼 $𝟮𝟱𝟴鵝肝煎得好香 好脆 不過就無𝙢𝙚𝙣𝙪咁大(´･_･`)牛肉恰到好處 煮得幾腍但又唔韌意大利飯既醬汁 同 溫泉蛋 牛肉配埋一齊好夾頭一兩啖係味覺衝激 好好食不過食到最後就會覺得有少少膩但係都十分推薦大家去試(⁎⁍̴̛ᴗ⁍̴̛⁎)⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯𓍯 ꜰᴏᴏᴅ 𝟴/𝟭𝟬𓍯 ᴄᴘ ᴠᴀʟᴜᴇ 𝟳/𝟭𝟬𓍯 ʀᴇᴠɪꜱɪᴛ ✓ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

嘩，我剛食完圓方入面嘅QUE🍽️😺首先，我要講下價錢。確實QUE嘅價錢略貴，但我可以話食物真係有質素！每一道菜都經過精心製作，味道真係好出色！即使係付出啲錢，但食到嘅味道絕對值得！💰😋環境同裝修方面，QUE真係有獨特嘅風格！佢地喺餐廳入面裝飾咗好多可愛嘅貓貓，好睇好玩！如果你係個鍾意貓貓嘅人，呢度絕對係一個值得一試嘅地方！🐱🏮✨不過，當然最重要嘅係食物！QUE嘅菜式真係令我驚艷！每一道菜都充滿著獨特嘅風味同質感！我真係好享受每一口嘅滋味！🍤🍖🍰💕總括而言，QUE係一個略貴但食物質素絕對不容小覷嘅餐廳！環境裝修充滿貓貓嘅元素，如果你鍾意貓貓，絕對值得一試！不單止可愛，而且食物絕對會令你滿意！不如約埋朋友一齊去QUE嘆下好味嘅美食啦！🌟🍽️😺🎉

過去圓方搵食，見到開了一間新日本餐廳，即管入去試一試。餐廳環境不錯，夠大且感覺舒服。起初都好高興，因又有新嘢試，而且我一向喜歡食日本菜式。打開餐牌，食物選擇甚多， 而且相片影出來很吸引很漂亮，看看隔離枱，見食物賣相也跟餐牌上的相片一模一樣，心想應該會好好食。最後我選擇了龍蝦湯底海鮮烏冬、牛肉意大利飯及唐揚炸雞。我現在逐一評價，龍蝦湯底海鮮烏冬：龍蝦湯味道不錯，烏冬質感標準，但那些海鮮跟那間街舖商店X寶貨色差不多， 故然是雪藏貨沒有味道，那隻蝦的質感也是霉的，不好吃。牛肉意大利飯：牛肉樣子燒得不錯，裏面還有少少粉紅色，但咬下去發現不是軟熟而是硬的， 也就說明牛肉質素不好。飯更是差勁，味道好像忌廉牛奶浸白飯，幸好質感不是太爛，大概像平時食既白飯多少少咬口，整體嚟講好難食。最後唐揚炸雞，炸得很好，外皮香脆，但是十分可惜，整塊雞是沒有味道的， 雖然跟上一碟疑似士多啤梨的沙律醬，但不能補救沒有味道的雞塊，我只能拿很多的七味粉來調味。 我又看見隔離枱的甜品賣相很特別，而且好像是大師級去制作，但是我已經不想試也不敢試了。

上網搵圓方餐廳嘅時候見到Que啲野食相覺得好吸引就決定lunch黎試試-朋友叫左一個lunch set火灸左口魚裙邊海膽丼 $218分數：7/10跟餐有個味噌湯同沙律同小菜3個跟餐嘅味道都一般丼飯嘅左口魚裙邊好大片好厚身但火灸唔夠 所以魚油香唔夠出海膽都好新鮮 好甜-而我比menu圖吸引 叫左個香煎鵝肝月見燒牛肉意大利飯 $258分數：6.5/10但黎到既時候有啲失望鵝肝偏細塊 牛肉睇落亦一般食落口牛肉淋不過無咩牛肉味但意大利飯係好食的好creamy 味道岩岩好 唔算太膩-以呢個價錢黎講 食物質素一般CP值比較低

今日同朋友4個人去食晏，11點30分左右坐低，當時只有1枱客人。坐低叫左3個飯1烏冬。5分鐘後烏冬就到。諗住無乜客人，其他應該都好快到。就叫朋友先食。點知朋友食完成個烏冬，其他都未到。叫經理問一下，第二個飯終於到。仲差2個飯😅😅😅等到朋友食完，剩返2個飯都未到。時間去到1215，仲未見到我個飯。我行去廚房門口等，見到另一枱客人食緊同我叫一樣嘅飯，仲已經食左大半。我已經燥到即刻問啲staff 到底係發生咩事。啲職員都係只係話幫緊你跟緊。我哋係第二枱客，啲野等左45分鐘都未齊。去到1220，最後2個飯先到。埋單連埋加一$9xx，味道一般。無任何折扣賠償。

今日同埋個仔同老婆去睇鴨，之後去開呢頭拎番隻結婚戒指，順便食埋個老豆日晚飯先返屋企，响卡地亞行落下層諗住去good market 食飯，點知搵極都唔見⋯原來變咗呢間日本嘢，咁就費事再四圍走就試吓新嘢啦⋯⋯（可能唔新，不過疫情咁耐無乜再去過呢度所以覺得新，見諒🙏）坐低之後叫咗個牛烏冬比阿仔同叫咗兩個set,首先嚟個漬物（蘿蔔）都幾爽，可以跟手上個沙律，一般啦⋯⋯再嚟就上件刀插自己心口（刺身），都鮮嘅⋯一般啦其次就整個燒物，老婆話個明太子醬幾好味，但明太子我就⋯⋯🙄🙄🙄，但個味粉幾夾之後就上個飯，個飯其實有啲「溜」加埋都幾多豆，好似玩職業治療分豆豆咁⋯🤔跟手上埋個笨蛋，表面幾靚，好似竹畫個甜品幾好，阿仔打劫埋成杯食晒🤦另外side bet 咗佢比仔送烏冬，一般啦，個醬幾好但係，呢幾條友就重口味咗少少唔知呢個集團老闆係咪好鍾意貓幾得意🤣🤣🤣整體不過不失，但都係鍾意上番去廣天好似抵食同性價比好啲，好掛住佢杯小餐前酒