70
9
11
| 餐廳: | QUE (ELEMENTS圓方) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
電話號碼
23373233
開飯介紹
QUE 圓方是一種獨特的現代居酒屋(Modern Izakaya)體驗，提供來自世界各地的優質海鮮、食材和菜餚。QUE 菜單包括傳統壽司刺身、充滿創意壽司塔可及西式意粉，巧妙地糅合了現代和經典西日菜餚。
繼續閱讀
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
有關獎賞計劃
優惠
| 餐廳: | QUE (ELEMENTS圓方) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
去完M+睇畢加索嘅展覽，喺圓方入面搵食。呢間QUE就乘機推出PiCATsso畢喵索menu，以畢加索名畫嘅元素推出各式立體派料理美學做主題嘅甜品同飲品。海膽/軟殼蟹壽司塔可 $148/$78叫咗兩份餐廳特色嘅壽司Taco，Taco以脆炸海苔包住壽司飯、生菜同配料。海膽味道鮮甜，口感幼滑creamy。軟殼蟹嘅一款加入咗辣汁，食落酥脆得嚟仲好惹味。松葉蟹味噌甲羅燒配鱈魚片及紫菜片 $128蟹膏、蟹肉、蟹子加埋鵪鶉蛋，撈勻用鱈魚脆片或者紫菜片包住一齊食，除咗有蟹膏嘅甘香、蟹肉嘅鮮甜、蟹籽嘅鮮味、仲有蛋黃嘅幼滑口感同蛋香。汁燒鰻魚茶漬意大利飯配抹茶高湯 $158主食叫咗個茶漬意大利飯，結合咗意式同日式嘅烹調手法，鰻魚燒得好香，香濃嘅意大利飯加入抹茶高湯一齊食就可以中和返膩嘅感覺。靜物與梨 $88呢款甜品賣相一流，伯爵茶燴梨軟腍香甜仲帶淡淡茶香，切開個梨就會見到中心嘅忌廉，配埋底嘅雜莓汁一齊食味道就更加豐富。木盒子裏的花瓶 $92餐廳依家做緊優惠，只要拎住Art Central/Art Basel/「M+博物館畢加索展覽」嘅票尾堂食滿$300再follow 社交平台就會免費送呢款限定版Tiramisu。面頭鋪咗四色嘅粉未，就好似個花圃咁色彩鮮艷，Tiramisu口感好幼滑，食落好香之餘，入面仲有粒粒糖漬紅豆。伯爵與愛人 $62飲品方面呢杯伯爵與愛人係用洛神花、百香果加入伯爵茶調配，味道酸酸甜甜好清新。棕櫚別墅 $58朋友就叫咗杯抹茶焦糖椰香latte，相比抹茶味，椰奶味會更加香濃，口感細滑。。。QUE (ELEMENTS圓方) (尖沙咀)尖沙咀柯士甸道西1號ELEMENTS圓方水區1樓1028A號舖。。
繼續閱讀
一直期待咗好耐！想試咗好耐嘅呢間餐廳！放工過嚟試咗二人套餐 ！非常豐富，有沙律｜主食｜壽司塔可｜小食｜甜品 | 飲品 ！💫不過要留意呢一間分店二人套餐只適用於星期一至五晚上！🦀 沙律｜松葉蟹味噌甲羅燒 配 鱈魚片及紫菜片（+$28）呢個沙律真係令人驚喜，松葉蟹嘅味噌醬香氣四溢，搭配烤得恰到好處嘅甲羅，帶出咸香味。鱈魚片鮮嫩，與甲羅嘅味道完美融合，口感滑順，同埋紫菜片嘅脆口感相得益彰，整體味道層次豐富，實在好味！🍣 主食｜嚴選刺身盛呢個刺身盛合共包括三文魚、油甘魚、吞拿魚、牡丹蝦及帆立貝，色澤鮮艷，視覺上就已經令人垂涎。每一款刺身都新鮮至極，三文魚脂肪適中，油甘魚肉質緊實，而吞拿魚則帶有淡淡嘅甜味。牡丹蝦嘅鮮味更係一絕，帆立貝口感脆嫩，真係食過返尋味。🌊 壽司塔可｜海膽壽司塔可（+$88）海膽壽司塔可真係一個奢華嘅選擇，海膽新鮮，味道濃郁！大推✨✨香蔥拖羅蓉及牛油果醬味道層次豐富。每一口都可以感受到海洋嘅鮮味，搭配酥脆嘅塔可外殼，真係令人陶醉，無法抗拒。🍍 小食｜燒焦糖菠萝（1串）呢串燒焦糖菠蘿甘甜可口，焦糖嘅香脆外層包裹住菠蘿嘅多汁，口感對比鮮明，令人一口接一口，食完後令人口齒留香。🍢 月見免治雞肉棒（1串）雞肉棒外脆內嫩，加入月見蛋，更加增添風味，雞肉嘅鮮味同蛋黃嘅滑順完美結合，實在好食。🍰 甜品｜炭燒咖啡提拉米蘇盒子呢個提拉米蘇盒子層次分明，咖啡香氣濃郁，口感綿滑，甜度適中，真係一個完美嘅結尾。🥤 飲品｜甜甜酸酸梳打（+$38）& 瑰麗堂煌（+$38）甜甜酸酸梳打清新解渴，瑰麗堂煌則帶有花香味，搭配呢餐，實在令人滿足。整體餐點的搭配，無論係口感還是味道都十分出色，值得一試！📍 QUE (ELEMENTS圓方) (尖沙咀)尖沙咀柯士甸道西1號ELEMENTS圓方水區1樓1028A號舖
繼續閱讀
圓方食嘅嘢嚟嚟去去都係嗰啲 今次同同事食lunch揀咗QUE 都係一如既往咁好食US牛小排壽喜燒手打烏冬配明太子玉子海苔卷三件 $188明太子玉子海苔卷嘅明太子有少少辣 對於唔食辣嘅人黎講都可以接受嘅壽喜燒手打烏冬上到枱係暖暖地 並唔太熱 不過牛小排煮到半熟狀態 唔會太老 唔錯👍🏻牛小排壽喜燒火鍋配白飯 $238同事叫嘅壽喜燒火鍋當然係熱嘅 因為佢係有個gas爐整熱住 牛小排係另上 份量絕對足夠 亦都可以整自己鍾意嘅熟度 壽喜燒嘅料都好足 入面除咗有娃娃菜之外 仲有好多粉絲 男同事一個已經食到好飽女同事通常就兩個人share都OK👍🏻大蝦天婦羅雜錦配冷蕎麥麵 海鮮茶碗蒸 $188大蝦天婦羅好脆 送到上嚟係熱辣辣嘅 唔會話好油😋蕎麥麵冇乜特別同平時普通日式餐廳嘅質素差唔多 佢個茶碗蒸好滑 而且入面嘅料都好十足 值得一試總結: 圓方lunch ICC員工優惠有92折 圓方黎講算係平價lunch 可以一試 service同食物都好好🤓
繼續閱讀
嚟過幾次，今次一行六人另加小朋友，叫咗三個二人餐。😋😋二人餐好多嘢食，食到最後個個都話好飽，同埋捧住個肚走🤣🤣！！期間都好貼心嘅安排座位，因為我哋有好多人同小朋友，所以喺邊邊嘅位會好方便我哋，又唔怕太阻住人👍🏻👍🏻由前菜到甜品都算唔錯，份量唔會太少，又有好多款食物。另外因為今次都係生日飯，喺甜品仲可以寫生日快樂，所以都幾驚喜有呢個服務！係可能人手唔夠，所以冇辦法留意到客人要加茶水。但整體都OK ，性價比都喺度嘅。
繼續閱讀
日藉糕點師傅 Rin Horiuchi 精心設計的甜點屢獲殊榮，其創立的西日創新料理餐廳，Que 除了提供傳統壽司，刺身，丼飯和串燒外，也有塔可、意粉，燴飯，甜品和雞尾酒等創新食品。而且環境闊落，可以帶埋寵物嚟用餐添！•晚市二人套餐$588鹽燒三文魚凱撒沙律餐三文魚油脂豐富，經過鹽燒之後風味更甚，配上爽脆生菜學，蕃茄仔，麵包糠，凱撒沙律醬汁。月見免治雞肉棒（1串）燒牛舌串（1串）嚴選刺身盛 配野菜烏冬賣相滿分，有五種刺身，包括吞拿魚赤身，帶子，甜蝦，油甘魚和三文魚，值得一讚嘅係全部都係厚切！烏冬彈牙，鰹魚湯底，香濃好味！鰻魚玉子壽司塔可。海膽壽司塔可用炸紫菜替代傳統餅皮，加入醋米飯，青瓜絲等等配料，口感豊富！抹茶提拉米蘇盒子配 糖漬紅豆嚟到 Que，甜品當然唔少得，用充滿禪意的木盒子承載住抹茶提拉米蘇，中間是十勝紅豆和香濃的奶油蛋糕，抹茶味香濃，同微甜嘅紅豆十分之夾！
繼續閱讀