PURADAK CHICKEN (將軍澳中心)

營業中

休息中

位於將軍澳的 Puradak Chicken 是一間韓國過江龍炸雞店🐥，這裡不僅提供經典的韓式炸雞，還有非常多創新的口味選擇，例如我地今次就叫咗粟米味(corn so amazing)🌽和紫菜脆脆口味，令人耳目一新😍😍，炸雞炸得啱啱好，入面仲保持著肉汁，非常juicy，入口很香😌餐廳仲有其他韓式料理提供，例如紫菜飯卷和韓式年糕，座位舒服寬倘，非常適合與朋友聚會或家庭聚餐。⭐️半半炸雞corn so amazing🌽和紫菜脆脆口味⭐️原味紫菜飯卷⭐️炒年糕 辣卡邦尼味⭐️墨魚圈

將軍澳好多嘢食，就算呢幾年喺附近都食唔晒呢度所有嘅餐廳，今次食間未食過、韓國都有嘅炸雞🍗🍗紫菜脆脆炸雞 $228一上枱就香氣撲鼻，揀咗有骨嘅雞件，因為希望嚟到嘅係我最鐘意嘅雞髀雞翼😆雞髀雞翼好大隻，炸得香脆，入面濕潤多汁好juicy，加埋調味粉、炸紫菜，超級惹味好好食😋大推🫶🏻🥚芝士雞蛋卷 $128只有雞蛋、芝士，但做得細緻軟滑🥢牛肉紫菜飯卷 $68簡單嘅飯卷，有牛肉、黃瓜等，味道好食🍐梨肉汁 $18🍑桃味Qoo $18🚩PURADAK CHICKEN (將軍澳中心) (將軍澳) @puradakhk_official 📍將軍澳唐德街9號將軍澳中心1樓167-169號舖

無去韓國一段時間，好想食韓國炸雞🤩去咗將軍澳中心呢間---🌟Puradak Chicken🌟簡直係韓國炸雞專門店，炸雞口味款式都有好多款，可以堂食亦可以外賣拎返去食✨️._.🐥| 蔘雞湯 |🐥好耐都無飲過韓國嘅蔘雞湯，熱辣辣放係石頭鍋上枱，雞湯裏面浸住雞隻好有誠意，而且肉質仲要好腍身，啖啖雞肉配埋蔘雞湯，增加肉香味，湯清淡健康唔油膩，蔘味濃，裏面仲有珍珠飯粒，充滿口感。·🥚| 芝士雞蛋卷 |🥚成份雞蛋卷件數多，兩個人食好滿足，蛋卷鬆軟，夾雜住啲芝士，面頭仲有茄汁同沙律醬，好夾。·🐥| PURADAK經典炸雞(半份) |🐥必點呢到嘅炸雞，餐廳係採用「先焗後炸」方式炮製，將油份逼出再炸到酥脆，唔油膩之餘又增加口感。我點呢份係帶骨雞翼同雞鎚，炸到外層好香脆，而且肉質嫩滑，每件都唔會油膩👍🏻.🍏| 青蘋果梳打 |🍏酸酸甜甜，梳打有氣嘅口感，好啱配炸雞食。._.

好耐都無食過炸雞第一次食呢間韓國過江龍炸雞店炸雞口味超過10款選擇多同埋幾有新鮮感呀！-🍗半半炸雞（$238）炸雞以先焗後炸方式製作咬落皮脆肉嫩好多肉汁呀💕紫菜脆脆口味甜甜味面頭撒滿紫菜碎非常香脆可口層次感十足👍🏻辣卡邦尼年糕口味面頭加咗醬汁辣辣哋幾醒胃🍢魚糕湯（$138）雖然係2人份但魚糕份量超級多3-4個人share都ok呀！魚糕口感煙韌有咬口仲有金菇、冬菇同蘿蔔做配料最後飲埋個湯底超正呀！🍹波蘿梳打（$28）味道清甜甚具夏日氣息🍹檸檬梳打（$28）酸酸甜甜解膩一流呀！梳打氣泡好密口感刺激呢！

Puradak Chicken 除左名字讀音好似prada之外，走黑色高貴金邊低奢風包裝路線，同一般韓式炸雞走的色彩鮮明風格明顯有大不同～半半炸雞 （有骨）有超多款特色口味揀左兩款都係餐廳招牌青陽辣椒mayomayo醬加點青陽辣椒整體屬於溫和微辛又解膩，幾新穎配搭！corn so amazing平時都喜歡粟米零食類或薯片味的必然喜歡呢款外面係停不了味道，加上雞肉都幾juicy！原味紫菜飯卷 $68 當晚7點賣剩只有原味，非常暢銷！韓式炒粉絲 $88韓式粉絲Q彈，配料主要菇、紅蘿蔔調味富有麻油香，更灑上芝麻增香氣！各款梳打 $38/杯餐廳於7點前有happy hour買一送一優惠Draft beer黎都幾抵！

之前食過尖沙咀店，一直對Puradak Chicken 嘅炸雞念念不忘😚 今次來到將軍澳，竟然發現佢哋嘅分店😍❤️ 唔使諗即刻衝去食餐好嘅🤭 餐廳裝修貫徹一向嘅型格風，黑與白嘅鮮明對比風格十足👍 座位都幾闊落，好啱聚餐食下韓國野😘 首先叫咗一碟輕量無骨炸雞，輕量版都有5-6 塊大大舊嘅炸雞😍❤️ 好抵食✅ 㨂咗紫菜脆脆口味😋 食落甜甜地幾香口👍 跟炸雞仲伴有紫菜脆脆，卜卜脆口感一流🫶再叫了一份勁邪惡嘅炸蝦拼盤😈 包括有炸大蝦5 大隻同埋多款炸薯小食😍 全部新鮮炸起，熱辣辣香噴噴，食落外脆內嫩，加埋特調嘅韓式黑醬，鹹鮮帶辣好惹味❤️ 麵食㨂咗一份韓式炒粉絲😋 粉絲炒得乾身唔會油膩，韓式醬油嘅香和甜都非常出眾，煮得好入味，加埋清爽嘅配菜一齊食，真係完美😘飲品要咗一大壺青蘋果梳打😋 青蘋果味道出眾，酸香又清新，加埋碳酸氣泡嘅獨有口感，真係超解膩又消暑😘

今日去左將軍澳炸雞界PRADA～Puradak Chicken～食炸雞飲啤酒。一坐底揀炸雞🤣，Target 左半半炸雞，幾經辛苦係咁多口味中揀咗兩款口味Corn-so Amazing同秘製黑醬。雞件嫩滑，雞皮香酥，我地揀左有骨，可以吮下骨，原汁原味。🌽 Corn-so Amazing烤粟米芝士炸雞，雞件撒上粟米香味既芝士粉，真係好好食。🖤 秘製黑醬蒜香既黑醬，鹹鹹香香，配埋切片蒜頭，口感更豐富。🍙 牛肉紫菜飯卷餡料豐富，牛肉、蘿白、蛋、 青瓜等等，清新健康 。黑芝芝波波裏面有滿滿芝士，一咬既拉絲效果不得了。🍺 食炸雞點少得一冰涼嘅生啤。🍹 梅子梳打酸酸甜甜加上梳打嘅氣泡，心曠神怡。下次再黎試下其他其他口味先，仲有啲腌蘿白幾好食，仲要係任食🤭。

半半炸雞（無骨）🍗炸雞分為有骨和無骨～這次我選了無骨炸雞✨更加方便食用～肉質嫩滑的雞肉經過調味後再油炸至金黃酥脆秘製黑醬⚫️炸雞可以選擇各種不同的調味料和醬汁來搭配👀我選的第一款醬汁是秘製黑醬～一種特殊的調味醬汁具有濃郁的風味😳我吃到黑醬油、香料、醋的味道👅值得一試瘋狂蒜香🧅這款醬汁有濃烈的大蒜香氣和味道！！為炸雞增添口味之餘，大家要小心口氣( ̀⌄ ́)魚糕湯 🐟魚糕湯的湯底使用高湯再加入蔬菜、蘑菇等配料🍲這道湯品清爽可口，魚糕的嫩滑口感和湯汁的鮮美味道相互融合，最適合吃完炸雞再品嚐✨

呢間炸雞上個月喺韓國食過，估唔到小朋友認得，行街嘅時候見到即刻話想入去食，就睇吓香港同韓國食有冇分別。我哋叫咗炸雞有兩個口味，一個係紫菜口味，一個係甜辣口味，炸雞全部即叫即炸，甜甜辣辣真係好開胃，果然同喺韓國食冇太大分別，炸完之後都係外脆入面啲雞充滿肉汁，好惹味。紫菜味炸得比較乾身，不過有陣陣嘅紫菜味，好香但唔辣，小朋友食到津津有味。小食除咗叫咗炸芝士條，另外仲叫咗個韓式壽司，同埋黑醬炒年糕，韓式壽司唔同日本壽司，唔使點豉油都好夠味。炒年糕超大份，好煙韌好有口感配埋佢哋獨有嘅黑醬，少少辣，但係味道好特別，真係好好味。

最近成日都好想食炸雞，呢日咁啱去開將軍澳，諗起將軍澳中心有間炸雞餐廳😍晚餐諗都唔諗，就揀左呢間食晚飯啦🫶🏻炸雞味道嘅選擇都幾多，除咗炸雞都有飯類，湯類同埋小食等等。炒年糕（秘製黑醬）每一舊年糕都有炸過，入口外脆內軟而煙靭chewy，配合醬汁好有驚喜！入口係濃郁嘅甜醬油，食落仲有一種微微既酥香炸蒜同埋非常輕微嘅辣味，非常開胃！超好食🩷CORN SO-AMAZING炸雞今次我哋揀咗無骨嘅炸雞，啖啖肉好爽😍炸雞山賣相好震撼，下面有一啲粟伴碟，炸雞上面灑上咗一啲粟米味既香料粉同脆片，配埋炸雞一齊食，味道鹹鹹甜甜好夾💕炸雞外脆內軟，肉質保持到嫩滑，好正😋韓式炒粉絲炒粉絲之中加入左不少蔬菜，有紅蘿蔔絲、三色椒、木耳、洋蔥等等，麵條質感軟滑，調味恰到好處，份量都充足，同朋友share好滿足😋西柚梳打飲落香甜嘅西柚梳打，配炸雞真係好夾，好易令人一杯接一杯咁樣飲😋爽！

- 將軍澳｜PURADAK CHICKEN -▪️半半炸雞🐔 (無骨)都幾多件炸雞，味道揀咗紫菜脆脆炸雞同CORN-SO AMAZING炸雞🌽。兩款都係冇醬汁，紫菜脆脆炸雞灑滿紫菜碎，仲有啲紫菜脆脆伴碟，幾香口。而CORN-SO AMAZING炸雞就灑滿粟米粉，味道香甜，同埋仲有兩件真粟米。另外炸雞炸得香脆，而且揀咗無骨，食落啖啖肉▪️炒年糕 (韓式甜醬)年糕外皮微脆，食落好煙韌，有咬口，而且沾滿晒醬汁，甜甜哋▪️原味紫菜飯卷入面包住火腿、蟹柳、雞蛋絲🥚、青瓜🥒、醃蘿蔔等，幾足料▪️黑芝芝波🧀一咬開，中間有滿滿嘅芝士，啱晒芝士晒▪️菠蘿梳打🍍幾清爽，又唔會好甜PURADAK CHICKEN📍將軍澳唐德街9號將軍澳中心1樓167-169號舖📍尖沙咀金巴利街7號地舖📍大角咀海泓道1號奧海城3期UG樓UG68, UG71-73號舖

Puradak Chicken係韓國5大必食炸雞之一，因為Puradak嘅發音同名牌Prada相似😂，加上黑金型格包裝，所以有炸雞界嘅Prada之稱😂😂<半半炸雞 - 秘製黑炸雞 & CORN-SO AMAZING炸雞> $238<海鮮煎餅> $128<芒果梳打> $88<半半炸雞>有10款唔同味道嘅炸雞選擇，每款口味亦可選有骨或無骨👍我地揀左兩個招牌有骨<秘製黑炸雞 & CORN-SO AMAZING炸雞>炸雞以先焗後炸方式炮製。先用210度火喉高溫焗製，鎖住肉汁同減少油膩感。烤焗完後，再油炸同拌相應醬汁醬，就食得✌️<秘製黑炸雞>用左餐廳嘅秘製蒜香醬油，蒜香味十足，又鹹甜有致，仲灑上生蒜片，微微嗆辣更加提升食慾係我每次黎必叫嘅口味😆，炸雞外皮都薄脆👍而每一件<CORN-SO AMAZING>炸雞都鋪滿粟米芝士粉，甜香味十足🌽，但比較倚靠面頭嘅粉調味，所以肉味道淡d🤫個人推薦<秘製黑炸雞>🥰🥰🥰<海鮮煎餅>不過不失，再脆口d同調味濃翻比較好😂

之前食過佢哋嘅全隻雞，又食過全雞鎚雞翼，今次就叫咗多啲未試過嘅嘢，可以一次介紹吓😉🍗HALF-HALF CHICKEN (Boneless) $238今次第一次叫boneless又幾好食禾，portion 勁大碟，而且雞肉大大嚿都唔會乾，啖啖肉好juicy呀🤤之後應該都唔揀bone in喇懶得啃骨🤪至於醬汁，今次試咗青陽辣椒MAYO好好食好推薦‼️係辣辣哋但有mayo中和返好惹味🤩而另一款係紫菜脆脆炸雞，因為平時去韓國都會買紫菜脆脆食，所以都好奇配炸雞會係點樣😚佢依個就唔係醬汁型，係將紫菜脆脆整碎灑落炸雞度，係唔錯嘅但食完就會相對覺得比青陽辣椒MAYO熱氣啲🤣🥘傳統辣炒年糕 $78本身掙扎咗好耐想叫秘製黑醬味特別啲，但嗰款係只有淨炒年糕，所以我最後都係揀返依款傳統辣炒年糕，係會有埋魚糕同埋蛋🍢🍳🍠爆粟黑芝芝波 $68/5pcs必叫‼️好好食，佢外皮脆脆哋，裡面係好有煙靭咁嘅紫薯，然後再包住粒芝士🧀至於爆粟其實就好optional，覺得叫返原味$58都足夠👍🏻🫔炸紫菜粉絲卷 $48/6pcs依個係你落完單，scan QR code做問卷，就有得送㗎啦🤭 🍏Green Apple Ade $2

叫咗半份原味無骨雞食食下唔對路酸酸地 中間啲位又橙橙地色同個女店員講 換咗啲正常嘅畀我地 件數係我地未食嘅數目冇交代原因 我地問點解 女店員入去廚房問最後話係因為啲雞冇醃好 話唔好意思（r晒頭是但作啲借口明顯係成兜雞都係壞嘅）去到埋單 收原價 當冇事發生我地問要求碟雞唔收錢（唔過份啊）轉咗個西面男店員 扮冇事收正價我地講返 佢西住面咁話畀個九折我地（Excuse me本身openrice 訂座優惠都係九折 我地冇訂位就用個九折嚟hea我地）收到晒👌🏻👌🏻👌🏻服務態度有待改善 未能妥當處理食物質素以及後續補救問題

叫咗半份原味無骨雞食食下唔對路酸酸地 中間啲位又橙橙地色同個女店員講 換咗啲正常嘅畀我地 件數係我地未食嘅數目冇交代原因 我地問點解 女店員入去廚房問最後話係因為啲雞冇醃好 話唔好意思（r晒頭是但作啲借口明顯係成兜雞都係壞嘅）去到埋單 收原價 當冇事發生我地問要求碟雞唔收錢（唔過份啊）轉咗個西面男店員 扮冇事收正價我地講返 佢西住面咁話畀個九折我地（Excuse me本身openrice 訂座優惠都係九折 我地冇訂位就用個九折嚟hea我地）收到晒👌🏻👌🏻👌🏻