PURADAK CHICKEN (將軍澳中心)

之前經過發現呢間餐廳除左炸雞，原來仲有set lunch，今日同事冇帶飯，所以便決定出去試下。點知去到餐廳，同事俾啲炸雞吸引住，於是就放棄左啲lunch set, 兩個人叫左一份Corn-so Amazing雞翼雞槌加兩杯drinks。呢間餐廳啲炸雞我外賣就食得多，堂食都係第一次，果然即刻食係好食啲，但就太心急，燙到了嘴。食過咁多款，我覺得Corn-so Amazing係最好食的，不過得一隻味食食下好似有啲悶，下次要叫半半好似好啲。可惜嘅係粟米得兩舊仔，有少少失望。我哋叫咗菠蘿梳打同西柚梳打，味道OK, 但最大問題係沒有冰，餐廳响商場open area, 冷氣好似唔多夠，兩杯野飲好快就同室溫冇乜分別😒。…查看更多

19/9 叫兩個lunch set第一個餐只來一碟雞，其他乜都冇，等左大約十分鐘，追先知送漏飯，湯同前菜第二個餐叫辣豬肉石頭飯，等左20 分，來了唔辣的，於是waiter跟進下另一枱叫牛，就送左辣豬肉石頭飯（相信應該係我叫果份），我睇住個食客「了」開隻蛋食在啖，發現係豬，waiter拎返入廚房🤬最離譜嘅事係兩分鐘後，佢將送錯去第二枱嘅辣豬送返比我，係相中咁樣嘅，最後我取消左冇食到我同個侍應講，個飯係之前送錯比人架喎，佢答我no one eat it, What the ⋯⋯當時只得三枱客，廚房唔知乜事，成間餐廳嘅侍應都唔知做乜，一係等收工，一係就溝通唔到，唔會再有下次。…查看更多

見佢開咗好耐咁就同朋友一齊入去試吓 入到去坐低個店員就同我講冇雞冇牛 咁都唔緊要啦scan完QR code 10個lunch set有3-4個都係sold out 咁最後揀咗個嫩豆腐湯 等左差唔多成20分鐘先有 諗住佢會好食 點知個湯底水到傻 完全係水溝粉 仲要冇咩味嗰種湯底 啲豆腐完全唔入味 好似平時街市買嗰啲一盒盒豆腐就咁倒落去 收我$86 連加一 真係比唔落 張枱上面有個鐘 撳完啲職員都係唔過嚟 都係要舉手叫佢過黎 好似擺設咁樣 同咗職員反映咗之後個湯濃左 但都係粉溝水嗰種味道 完全同其他韓國餐廳嗰啲湯底唔一樣 味道很怪 啲職員服務態度都唔好 呼呼喝喝咁冇啲禮貌 整體用餐體驗係好差 完全係不知所謂 …查看更多

行過將軍澳中心，見到有間韓式炸雞店，就去睇下搵唔搵到韓國嘅風味。我去過韓國好多次，但都未食過PURADAK CHICKEN，借今次嘅機會，試下嚟到香港嘅炸雞係咪我想要嘅嘢呢？坐底咗望一望個餐牌，見佢啲價錢都唔係平，我揀咗《無骨半半炸雞》都已經要$218，因為我未食過韓國店嘅炸雞，我都唔敢話佢貴。咁講一講對佢嘅食評。我哋點咗佢嘅《無骨半半炸雞》嘅《瘋狂蒜香》同《青陽辣椒MAYO》兩個味道，講真雖然我身在將軍澳，但的確食到係韓國嘅味道，只係未必係韓國嘅價錢。點都好，《瘋狂蒜香》嘅蒜香味真係不得了，蒜味的確夠香，雞肉炸得夠脆，而且肉質質嫩，呢個都係我個驚喜位；另一個係《青陽辣椒MAYO》，係一個以青陽辣椒做成嘅醬，MAYO係類似蛋王醬嘅東東，加上青陽辣椒唔算太辣，但我喜歡佢果種辣嘅香氣，我列容唔到個感覺，總之就係好正。飲品我隨便叫個西柚梳打，佢啲嘢唔係平，求其有嘢濕下口就算。…查看更多

平時見好多人排隊，可能今日係平日，無乜人就試下，職員話有套餐，咁入去試下啦裡面張張枱都係放左Reserved牌😆😆但其實無乜人，我地一入去，佢地就拎走個Reserved 牌（咁即係扮好多人食而放牌？？）咁我地就叫2人餐（炸雞+小食）加碗拉麵，諗住唔夠再加order好快就上左呢個無骨half half 炸雞，揀左粟米炸雞味和韓國甜醬味賣相幾靚，本來好期待，點知食落第一啖就覺得無乜驚喜🤔🤔食嘢時拎碟，其中一隻碟洗唔乾淨，就問職員拎，職員慢條斯理咁拎第二隻俾你跟住上左呢個忌廉芝士波波，估唔到係黑色，但入邊有芝士，都幾好味，喜歡芝士可以試下然後問職員拎水，職員會問你要拎幾杯？仲以為佢裝1杯水過來，原來係拎個水壺同空杯過來🫣🫣自己斟跟住又問職員拎匙拎碗（因為食麵），職員都好唔耐煩咁，問幾多隻？其實我地都唔想職員洗咁多，只係拎1隻匙1隻碗，無拎多再嚟呢個韓國拉麵，職員都好唔專業，連托盤拎到過來，先記得係熱，放低碗麵和托盤就突然走左去，原來拎2張紙巾去揸個手柄，放低就走大去，完全無提我地邊位和手柄位好熱🥲🥲🙃🙃諗住個拉麵好味啦，點知。。。味都無，個湯好水好水好水🥲🥲🥲仲有2杯梳打，味道還可以，但真係無心去影相（只記得叫芒果梳打和西柚梳打，但2個樽係貼住青蘋果😂😂😂）全餐都唔知食左咩，無食晒就走，無乜誠意嘅一餐，食完埋單無耐，個個都覺得口渴，我仲覺得好眼訓，應該落左不少味粉。所以今次係第一次，亦係最後一次，好失望嘅一餐，未試過未食晒就想想走🚶‍♀️叫埋單時。。。。仲要叫左幾次先聽到，然後指我行出去俾錢，基本上呢餐無乜服務，職員唔會笑，自己又SCAN QR CODE😅😅…查看更多

最近諗住試下韓國炸雞，就揀咗呢間餐廳嚟試下。今次我哋叫咗半半炸雞，可以一次過試兩款味。🥰其中一款係蒜蓉味🫰🏻，食到後尾越嚟越辣🥵，辣到擺唔到入口。如果你本身唔太食得辣，建議避開呢個味，揀返啲溫和啲嘅會比較好。炸雞嘅外層夠脆🥰，呢點係OK嘅。但雞肉入面冇乜味，感覺上係靠出面啲醬汁，醃得唔夠入味，食到中段會覺得有啲單調。PURADAK CHICKEN將軍澳唐德街將軍澳中心1座樓167-169號鋪…查看更多

坐低後得份menu，乜都冇俾，冇QR code, 冇餐具，冇碗，冇水，全部都要我哋請服務員拎俾我哋或者自己拎。炸雞等咗好耐，出面叫外賣啲人走晒，後面果枱遲過我哋落單但係食完我哋都未有，催左三次等左50分鐘先有。野飲好少，一jar價錢貴過3杯，份量竟然少過3杯。服務員冇服務，QR code落單又要行出counter埋單都要收加一。炸雞ok唔可以話好食。芝士蛋同魚糕湯唔好食。地下好油好跣。用openrice訂枱但係佢話佢部機冇電唔可以幫我確認入座。…查看更多

這次的韓式料理真令人滿足又溫暖！ 豆腐 腐皮湯上桌時還在翻滾，湯底散發出濃郁的香氣， 在這裏食諗起在韓國食腐皮豆腐， 好有口感，每一口都是鮮甜交配，尤其適合 經常寒冷或想溫暖胃口的我牛肉石鍋拌飯也有驚喜，鍋巴微焦酥脆，牛肉鮮嫩多汁，拌勻特製醬料後，每一口都能感受到濃厚的韓式風味。最驚喜的是那恰到好處的微微辣度，不會過於刺激，但足以提升食慾。整體而言，這次的韓國料理既有溫暖的湯品，也有豐富的拌飯， 味道也拍得想韓國風味 ， 真是一大享受…查看更多

外賣叫左半半炸雞 （青陽辣椒Mayo+經典原味 ）青陽辣椒幾好食但就頗為辣，食得辣既人可以一試。 經典原味就超級乾同硬，吾推。韓式炒粉絲 *小推* ： 好食又吾會太油。下次想食韓式炒粉絲會想再食呢間，價錢平份量足。…查看更多

自己用QR code 落單，居然也可以漏單!4個人點了4份餐，陸續出了3份，第四份等了45分鐘仍然未出。結果要取消! 聲稱為炸雞界的Prada，這種服務真的叫人無語! …查看更多

有一日去舖頭堂食，當日佢哋嘅機器好似有啲問題，導致都好多單都大delay，堂食要等超過30分鐘，有一兩台都取消訂單走咗，我去嘅時候個職員有同我講今日要等耐d，有問我介唔介意，我唔趕時間我可以照等，因為佢啲炸雞都真係幾好食，冇預料到，最後老細當面出嚟同我道歉同感謝我耐心等候送咗我一杯啤酒。…查看更多

商場半open area，唔算好大範圍，都坐得闊落嘅，職員係韓國人嚟㗎 見到佢有個套餐好似都幾抵食就試吓個套餐Chill with chicken & ade $369可以揀一份半半炸雞，一份爆粟雜錦炸薯，仲有兩杯梳打飲品炸雞味道我哋揀左Corn-so amazing同埋魔蒜地獄炸雞Corn-so amazing炸雞上面有巨量粟米濃湯調味粉，甜甜地好吸引魔蒜地獄炸雞本身我哋以為會好辣先叫地獄，點知真係一啲都唔辣，唔通佢個地獄係講緊蒜味？可能因為我哋誤會左，真係有啲失望炸雞質感同平時有啲唔同，佢係比較扁平嘅雞肉，不過都係鮮嫩有肉汁嘅，可能係因為佢哋先焗後炸嘅關係，真係冇平時咁肥膩嘅爆粟雜錦炸薯一樣都係有巨量粟米濃湯調味粉喺薯角同薯格上面，鹹甜鹹甜好惹味，份量都真係唔少飲品揀咗green apple ade同mango ade，同食炸雞好夾卡邦尼醬年糕 $78應該係玫瑰醬，卡邦尼味再點辣味，不過年糕表面有少少皺皮，感覺好似有啲似用微波爐翻熱做成嘅感覺，有啲失望，味道係唔錯嘅，不過略嫌醬汁比較少…查看更多

之前去韓國旅行都未試過本地嘅炸雞 今次試左Puradak Chicken 真係彌補到我冇係韓國食炸雞😝～ 以為食炸雞一定要去尖沙咀食Red Chicken/李家 點知將軍澳都有得食好味嘅炸雞 ！之後都一定要試埋其他口味嘅炸雞😳🍗推介想食炸雞嘅朋友一定要叫半半炸雞 一半叫調味粉嘅炸雞 一半叫醬料嘅炸雞 交替咁樣食 會冇咁悶又冇咁膩😍💕 粟米味調味粉真係好特別 平時食厭咗芝士粉炸雞嘅朋友 可以揀呢個味道😙鍾意食醬料炸雞嘅朋友食厭咗普通甜辣醬油味嘅炸雞又鍾意食辣嘢嘅 真係可以試吓青陽辣椒味 佢係辣辣地又好香奶味 超特別🤩海鮮煎餅都係必叫！！一直以為煎餅越脆先叫好食 食過呢一種脆脆地 又唔太熱氣嘅煎餅 反而仲食得舒服 可以食多幾舊😋…查看更多

睇完黑白大廚，就想食下韓國菜小編之前就分別同大家介紹過韓式外賣、韓式Pizza、地道韓菜。而今次小編就帶大家黎到有「炸雞界Prada」、「炸雞界貴族」、「韓國N.o.1炸雞」美譽既韓式炸雞專門店 一 Puradak Chicken🌟甜味無骨炸雞 $208炸雞採用先焗後炸，逼出油份再搶酥食落吾油膩之餘，肉質依然嫩滑，搭配韓式甜醬，甘香味甜🤤👍🏻🌟辣卡邦尼年糕無骨炸雞 $228而，卡邦尼就附有口感煙韌既韓式年糕，搭配辣卡邦尼醬，雞肉嫩滑之餘香辣惹味，芝味十足🤤👍🏻👍🏻📍PURADAK CHICKEN 地址：唐德街9號將軍澳中心1樓167-169號舖#將軍澳 #PuradakChicken #炸雞 #留港消費 #無骨炸雞 #韓國炸雞 #韓式炸雞 #為食關注組 #覓食將軍澳 #食在將軍澳 #炸雞界貴族 #炸雞界Prada #香港美食地圖 #將軍澳食乜好 #甜味無骨炸雞 #九十後行到邊食到邊 #辣卡邦尼年糕無骨炸雞#HKIG #HKIGER#HONGKONGFOODIE…查看更多

半半炸雞（有骨）🍗 ($238)炸雞一定要食有骨版本！因為感覺黐住舊骨嘅肉會嫩滑有汁多啲，呢間炸雞舖啲炸雞炸到非常香脆唔再講，仲要啖啖都有雞油同埋啲雞肉係滑嘅！！！* 青陽辣椒MAYOMayo蛋黃醬滿滿鋪住件炸雞，食落好開胃之餘，唔會覺得漏，而且上面仲有青陽辣椒，夾埋一齊食非常惹味🔥* 秘製黑醬秘製黑醬味道比其他款式較濃，我自己係最鍾意呢一個味，黑醬其實係秘製蒜香醬油，所以食落啖啖蒜香，加埋醬油嘅鹹，忍唔住食完一件又一件😚炒年糕(惡魔😈) ($78)鍾意辣嘅你一定要食呢個🌶️！炒年糕煙煙韌韌韌，每舊年糕上面都會鋪滿辣醬同埋辣粉，講得叫做惡魔就真係惡魔辣，開頭食第一嚿冇咁辣，食食吓啲辣就會累積✨豬肉泡菜湯🐷🥣 ($138)而家天氣開始轉涼，飲過豬肉泡菜湯整最好，韓國嘅熱湯我就最鍾意飲，因為除咗熱辣辣之餘仲會係好多配菜喺個湯入面，呢個湯泡菜味十足，配埋豬肉食更有飽腹感😋…查看更多