Promenade 西餐廳

營業中

休息中

有一段時間冇食buffet 了，趁住細佬生日，全家人請個假黎食餐午市自助餐～都會海逸呢間餐廳我下午茶同晚市都食過，係未試過午市，今次一試又覺得唔錯wo首先一黎到見到生蠔，估唔到午市都有供應，即刻拎黎試下佢啦，兩款蠔都好鮮甜，細d 果隻有比較重海水味，偏鹹左少少跟住就拎左d 海鮮同野飲，蝦肉尚算結實，青口都正常啦～呢到好在可以自己拎野飲，唔洗淨飲水咁淡熱盤同熟食都唔錯，有d 燒牛肉同豬頸肉，仲有焗蠔添😋😋太為食唔記得左影相跟住食到有d 飽就食返d 健健野～沙律啦，仲拎埋隔離 d 刺身添甜品方面有好多選擇，愛食榴槤既朋友唔好錯過佢個榴槤酥同班戟啦，真係有榴槤肉好好食最後食埋haagen dazs 雪糕就畫上完美句號啦因為屋企人申請左海逸美食會，所以有買一送一優惠，平均每人岩岩好唔洗200👍🏻👍🏻抵食

自助餐有魚生、生蠔食，仲有Häagen-Dazs雪糕及雪條，係呢一個自助餐嘅特色。嚟食嘢要預先訂位，因為平日都可以滿座，現在做緊國際美食，最欣賞有很多不同口味的疏乎厘，仲有大量已剝殼的榴槤肉，的確好味，食到飽飽的。

屋企人生日打算搵啲好嘢食Book左個tea buffet 食餐好嘅Book左三點半枱未夠鐘就已經排曬長龍等人座心裏有啲期待明明一開始打去book位嗰時已經講明有細路仔同埋有BB車唔知點解仲要比張響正路中心嘅枱我哋感覺上唔係咁好坐叫佢俾咗第二張枱我哋地方都算大不過坐得有啲迫始終係tea buffet 嘢食選擇唔係特別多冇乜特別嘅嘢食同放題差唔多自製沙律刺身好難食一啲都唔新鮮除咗普通我諗唔到有乜嘢字去形容呢度唯一嘅主題就係推榴槤甜品味道一般甜品款式都叫做好多最欣賞嘅係個焦糖燉蛋其他都係一般般有Haagen Dazs 雪條同雪榚不過我唔係為左呢啲野先黎食buffet 要食雪條落七仔都有得買叫侍應幫手影相同埋買單全程都係黑晒面酒店咁嘅服務水準真係得人驚

與友人聚聚，選擇了這裏的下午茶，環境舒適，食物選擇又多芒果拿破侖好吸引！所以第一轉都已經夾一件試吓！魚餅都好好味！熱辣辣！下午茶時段都有海鮮，算好好啦個竹炭港堡都係貪得意試吓，味道無特別，煙肉蛋饀甜品款式好多，仲好精緻個啫哩仲有金箔喺面梳乎厘都有呀！熱辣辣好正！朋友仔話個榴連撻好正！好重味杏汁燕窩，我覺得甜咗少少，但杏汁好香碗仔翅，我見朋友仔食兩碗，我都試吓！都好食食返啲菜清吓，菜嘅款式都多，好新鮮楊支甘露都好飲，好多芒果肉呢個紫薯包咁得意又試吓，甜甜的，無咩特別窩夫太甜，唔好食椰汁黑糯米，仲有好多嘢可以溝冰飲，我拎咗啲配料襯黑糯米啫

今年生日自助餐，因為屋企人有折扣，所以選擇左紅磡都會海逸。午餐出乎意料之外有生蠔、蟹腳，當天有美國及法國兩款生蠔，每人每次限取各一，肉唔厚但都幾甜，不知不覺就食左一打。熟食吧行幾轉都仲未食完，特別係粥煮得唔錯，試過蟹黃瑤柱、蟹黃水晶燕窩兩款，自己再加啲油炸鬼片以及蔥粒，yummy。甜品方面，有幾款haagen daz雪糕同雪條食之外，仲有廚師即整款式，剛好呢段時間酒店下午茶做緊榴槤系列，順理成章午市都係做返榴槤甜品，包括榴槤流心芝士撻、流心蛋糕，味道同樣唔錯。以人頭300幾蚊黎計，性價比OK。

今日一家大細出發去紅磡都會海逸西餐廳，享用榴槤綠茶下午茶自助餐。食物款式總算多元化其中熱烈推介：即整即食的pancake 味道可自行選擇有必食的榴槤,另外還有雜果,藍莓, pancake 皮有原味或綠茶選擇！堅好味熱辣辣！師傅幾好人可以比我拎兩個另外還有疏乎厘都是新鮮製作，蛋味香濃大家可以不妨試試！！仲有D即焗既流心榴連tart , 小蛋糕也味道ok 😊😊另外那一邊有自家調配飲品，因為我真係榴槤狂所以畢左好多榴槤同埋涼粉！！ 但係熱食就真係好普通........壽司最差一大舊飯，其他炒粉面，炒飯，咖喱味道一般般所以冇影相。糖水中：杏仁燕窩好味,飲左兩碗！適逢酒店有early bird 優惠我哋早兩星期前已交定$600訂金所以埋單可以有八折，平均每個人$240所以都算係價廉物美抵食之選

都有一段時間冇黎食午餐自助餐，今日嚟到門口發覺全院滿座，唔通真係暑假效應？好彩我哋都有定位，人好多，周圍攞嘢食都要排隊，但勝在地方夠大，都可以食個痛快。環境相就冇乜啦！太多人根本避唔開啲樣，費事影咁多相啦！淨係影我食過嘅嘢啦！今次我第一件事係食咗熟的熱葷，第一碟亦係最後一疊，差不多豬牛羊雞，應有盡有。但真心味道就一般啦！跟住就排隊攞刺身，首先啊師傅好黑面，然後刺身質素一般，吞拿魚楂太多，食一碟都嫌多，浪費我的quota。話咁快已經可以食生果，火龍果好甜。其實你都酒店我最喜歡都係甜品，甜品疏附里、拿破崙、仲有哈根大師雪糕杯，強烈推介。當其他食物都普通嘅時候甜品就係我嘅主力啦！希望好快就有下次，有口福的午餐，多謝我阿哥阿姐嘅邀請

昨天晚上跟朋友一起到都會海逸酒店吃自助餐，换來一遍失望，已決定沒有下次！鱼生不新鲜，帶子以前是给2只完整，今次將一只一分為二给客人，口感大失又不夠新鲜。生蠔又小。原本寄望吃的麵包蟹今次失蹤，大失所望。燒牛肉含有勁so,拿了也沒有吃。鹅干是次等貨色，太肥腻，入口不溶。我最期待的拿破崙蛋糕，又實又不crunchy,非常失望。還有次等炸蝦丸，含豬肉量奇高，應該叫炸肉丸。我朋友本來7点半趕過來吃，我們也勸退他不要來食，慳返D錢！希望管理層能見到這遍文章，日後有所改善，否則如同趕客！

睇介紹好似正正常常 話係＂白桃主題 ＂但真係好牽強lo!!! 果杯白桃特飲完全伏 酸之餘係芒果特飲？完全冇白桃味！我真係寧願飲水！先講high tea嘅精髓係鬆餅 個鬆餅完全係硬到切唔開 加上啲cream係超市牌！個白桃慕絲蛋糕酸到喊😭表面淋左層酸白桃汁？？到個白桃啫喱勁細粒 又係超市買返黎嘅感覺🤦‍♀️ 舊棉花糖更加令人😲加d淡奶就可以當一樣甜點？Hea到令人無言😓睇張相就知全部食一啖已經放棄,晒＄都唔想食😡咸點果part：個巴馬火腿士耳其包 硬到咬唔到！得個鴨肝撻係正常!各位想食嘅朋友 真係唔好中伏！!免費我都唔食😡成set最好食係個Haagen-Daz雪糕😂

先講位置，位置非常方便，在紅磡西鐵站行上商場的都會海逸酒店， 很方便。這間酒店自助餐 一貫也keep到很好， 品質好好，今次也不例外。今次試了有榴槤主題的下午茶自助餐，一入去餐廳已聞到好香榴槤味， 即刻好醒神。  其實不是太多榴槤款式， 有榴槤自家整的泰國冰 ，有榴槤批 ，榴槤多士等。整體來說滿足曬 榴槤fans 今次只是試了下午茶 價錢方面真係好抵食， 網上買還有八折， 食物很多選擇 講得出也有，又有刺身。 呢間係我和朋友心目中的number one選擇。

又係一年一度公司請食飯嘅大日子，今年個個都話要嚟都會海逸食buffet，最終都聽取民意嚟咗✌️個view真係好正㗎沙律菜ok嘅，都算新鮮但醬汁麻麻地好食不過尚算多選擇刺身壽司類，新鮮嘅，但要排隊拎，同埋每次量唔可以拎多每次都最長龍，原因每次只可取2隻，仲要等師傅即場開，之後另一員工就洗乾淨d蠔，所以永遠都係最長龍㗎，但今晚d蠔算瘦，冇乜肉食，唔夠肥美呢個又係要排隊拎嘅，因為又係要等師傅即場烹調，係鴨肝，呢個真係好好食，我覺得好食過鵝肝，起碼冇鵝肝嗰種油膩感凍海鮮，不過不失，我食咗一round就夠但其他同事主打蟹，佢哋話蟹最正即滾粥ok嘅，多名貴食材嘅我要咗蟹皇、蟹肉、燕窩、瑤柱粥但味道偏淡，唔係好夠味飲品區飲品味道真係麻麻，不過好過飲水甜品真係多嘅，數得出都有但我全部主打食榴連甜品居多其他冇試，鍾意食榴連嘅真係要食呢度環境當然冇得輸啦樓底又夠高食物真係多款式選擇嘅，總有一樣會啱食嘅價錢，雖然公司請，我唔駛比錢，但折咗都係4百幾蚊，我覺得超值價啦，仲要由6點半食到10點服務好似唔係好夠員工，無論執碟同加水都比較慢，仲有呢個真係要提嘅，當初我哋book咗46位，但入座時原來唔夠位坐，後期要

今日因為老公休息，特別去呢度食 lunch buffet，未去到餐廳已經有少少不滿。1）本人在酒店 e-shop 買左優惠券再致電訂位，上面寫2日前訂枱，本人26日用餐，24日致電，接聽電話果位態度差，仲話下次請先致電才買 buffet 券。2） 因本人有小朋友，所以特別問有無 free parking，我地2大1B收費係$6XX，佢話400元以上有3小時 free parking，但由於我地在 e-shop 消費所以不包括在內。。。 （而事實係到用餐完畢，個侍應話一定有 free parking) 由於該訂位小姐既錯誤資訊，本人坐的士去😒去到餐廳，座位係近門口的位置，本人覺得比坐在餐廳更舒服。食物方面，其實以前食過幾次，印象中幾好，但今次去真係幾失望。1）煙三文魚普通，成碟碎修修甘，夾唔到一片片既。2）巴拿巴火腿勁咸，夾左哈密瓜依然勁咸。3）牛扒，我老公形容未食過甘差。4）生蠔細隻無海水味。5）其他熟食就唔多講，唔特別好食，唔算太差既。。。有咩讚？1）在場侍應服務好既2）薄荷青瓜水好飲3）榴槤甜品正4）有好多款 Haagen daz 雪糕同雪糕批任食5）沙律選擇幾多6）刺身質素幾好不

男友很喜歡吃榴槤，可惜坊間的榴槤甜品很昂貴，作為一個【稱職】的女友，一看見新假期介紹了這間酒店有榴槤.綠茶滋味下午茶(只供應星期六日，3:30~5:30)，當然立即去訂位啦我們3:25分左右到達，已經有很多人排隊和輪流入場，看來有很多榴槤控今天的主角是榴槤，所以我首先要介紹關於榴槤的甜品可惜其實款式並不太多~No.1【流心榴槤撻】，本人最喜歡便是它了牛油撻皮外脆內軟，而且有淡淡牛油味，一切開，流心的榴槤蓉便緩緩流出，榴槤的香味亦撲鼻而來榴槤味十分濃郁，而且甜而不膩，榴槤蓉入口即溶，再配上美味的牛油撻味，真是人間美食，吃多幾件都沒問題No.2【榴槤班戟】，班戟是即製的，每人每次限取一件，班戟的皮有原味和班蘭味可以選擇，而餡料則提供了榴槤，香蕉，芒果，士多啤梨和肉鬆忌廉亦可按個人喜好選擇是否添加，可以算是非常個人化的班戟了既然今天的主角是榴槤，叫榴槤班戟是常識吧榴槤班戟我總共吃了4次，3次原味榴槤班戟，1次班蘭榴槤班戟，而且不加忌廉個人覺得第一次製的【原味榴槤班戟】最美味原味的班戟皮有淡淡的蛋香味，而且非常薄身，一咬即破而榴槤不是榴槤蓉/榴槤醬，而是啖啖果肉的原隻榴槤，份量亦十分多，榴槤十

一直以為呢間酒店分別喺地下以及七樓兩間餐廳提供自助餐，之前去過嗰間嘅餐廳名亦只差個The字，去到先知原來係兩間唔同酒店。訂座時職員話經酒店官網Eshop落訂全單八折優惠，但訂座時間只可更改一次。我哋安排坐喺吧枱附近嘅座位，聽住現場駐唱歌手唱出悦耳嘅又熟悉嘅英文歌，大家食得更開懷。職員收碟快，為客人斟水亦好密，食物款式多質素平均，價錢亦合理。兩款即開生蠔，新鮮而且蠔味唔會太重，唔錯。鵝肝出色，多士係脆唔係硬。風乾豬肩肉，沙樂美腸，巴馬火腿鹹香適中，配哈密瓜啱啱好。刺身有六款，三文魚無咩油脂，虎蝦無咩味，帶子較鮮甜，壽司就麻麻。上面係鮮奶蛋白燉燕窩，杏汁燕窩，即焗梳乎厘同榴槤撻。下面係南瓜濃湯同雞湯，雞湯好香。翡翠螺大隻無沙，蝦亦新鮮。蟹無味，蟹腳鹹味適中，唔錯。甜品款式多而且精美，有芒果拿破崙同焦糖燉蛋，榴槤酥用料足。即製班戟可自選餡料，另外有少有嘅蜜糖蛋散。好欣賞流心抺茶蛋糕，流心足，而且外面嘅蛋糕亦好鬆軟，好味。熟食款式多，串燒類燒得唔錯，唔會乾，仲保留肉汁。天婦羅做得幾好，炸漿夠薄，外脆內熱。燒牛肉肉質都算嫩，唔鞋。回本嘅Haagen-Dazs雪糕任食，款式仲有好多種味添。

係酒店網到買，每人$500 dinner buffet 酒店，有海境，有服務，坐得又舒服尼個價錢，抵呀！冷盤有好多選擇，有我最愛嘅煙三文魚，大大塊，正呀！ 壽司任嘅，刺身就每人每次限攞3份，三文魚勁厚切，肥美！仲有長腳蟹同生蠔，冷蟹fill得好快，一定會食到，但係即開生蠔就長期都好多人排隊，得一個人開一個人洗，好難先食攞到兩隻。。。今次係蟹主題，有成20種唔同既烹調手法去煮既蟹，咖喱軟殼蟹，泰式辣蟹炒粉絲，避風塘炒蟹。。。等等。。。全部都各有風味，好出色！甜品都好多選擇，又凍又熱， pancake係即整嘅，全部都好有水準！Ps 鍾意榴槤嘅朋友一定要你呢間試吓，因為有好多榴槤嘅甜品！我啲朋友話非常好味，仲有人食咗四個榴槤pancake添仲有雪糕任攞！正呀！90分既$500 dinner buffet ！無論係價錢，環境，服務，食物水準都值得你比90分！可以再尼！