Promenade 西餐廳

營業中

休息中

係酒店網到買，每人$500 dinner buffet 酒店，有海境，有服務，坐得又舒服尼個價錢，抵呀！冷盤有好多選擇，有我最愛嘅煙三文魚，大大塊，正呀！ 壽司任嘅，刺身就每人每次限攞3份，三文魚勁厚切，肥美！仲有長腳蟹同生蠔，冷蟹fill得好快，一定會食到，但係即開生蠔就長期都好多人排隊，得一個人開一個人洗，好難先食攞到兩隻。。。今次係蟹主題，有成20種唔同既烹調手法去煮既蟹，咖喱軟殼蟹，泰式辣蟹炒粉絲，避風塘炒蟹。。。等等。。。全部都各有風味，好出色！甜品都好多選擇，又凍又熱， pancake係即整嘅，全部都好有水準！Ps 鍾意榴槤嘅朋友一定要你呢間試吓，因為有好多榴槤嘅甜品！我啲朋友話非常好味，仲有人食咗四個榴槤pancake添仲有雪糕任攞！正呀！90分既$500 dinner buffet ！無論係價錢，環境，服務，食物水準都值得你比90分！可以再尼！

朋友推介上網買coupon，lunch buffet 75折，折完計埋加一都就只系$275.8/1位。由於當日既熟食吾太吸引，所以都系主攻冷盤甜品。冷盤普遍都幾好，不過煙三文魚就吾太新鮮，食落有啲怪怪。而Parma Ham望落色澤暗啞，食落都可以接受既。生蠔就幾新鮮，比較細隻但都幾脹卜卜，只系每次每人只可拎2隻，份量好似少左啲，每次3隻既話好似滿足啲。甜品款式多，款款都不錯，又吾會過甜。 仲有Haagen-Dazs雪糕杯同雪糕批可以瘋狂任食。又有野飲可以自由斟，當中有個鮮榨檸檬汁，好似幾消濟甘。結果真系非常幫助消化，真系酸得十分利害，諗起都打冷震既酸。其實可能得我一個會就甘飲，應該系溝埋其他野飲先岩。另外需要投訴下，佢地啲碟吾太乾淨，每次拎碟都發現到污漬。

公司慶功..於是便決定來這裡食餐好的..選擇呢度係因為有生蠔是主要原因..另外在餐廳嘅website book檯每位大約有75折，但此優惠只限六月份！我們7:30開始入坐..有好多甜品..有壽司有刺身，而且生蠔是不限量供應好鮮甜所以都排了好幾次刺身就試左三文魚同帶子，厚切三文魚而帶子都好鮮甜同大粒甜品都非常出色..特別是抹茶心太軟好正呀！超流心的..木糠布甸都好好味..襯住呢個月仲有優惠..會搵日來食lunch buffet...

是啊，是啊，你沒有猜錯，今次又是我媽心血來潮，又想到紅磡「都會海逸酒店」，又想上門幫襯，幫襯著名自助餐餐廳「The Promenade西餐廳」了。今次我們訂位食「The Promenade西餐廳」的自助午餐，一共訂了四人檯位，主要是我限阿媽、細佬三人，另外加上細妹，四個人浩浩蕩蕩地來到紅磡「都會海逸酒店」，食「The Promenade西餐廳」的自助餐、生蠔跟雪糕。我們早已經對紅磡「都會海逸酒店」的位置跟交通熟習得，近乎瞭如指掌，所以就算電召不到的士，我應該也懂得如何從西貢，一個人坐車格到紅磡「都會海逸酒店」跟「The Promenade西餐廳」食自助餐。我早已經幫襯和享用過「The Promenade西餐廳」有關自助午餐，以及自助晚餐裡面，有什麼食品，所以我媽一跟「The Promenade西餐廳」門口的接待員確認了座位，確認可以進入之後，我們就立刻進入熟悉的環境，馬上開始拿食品。不過，今次反而不是想先講「都會海逸酒店」「The Promenade西餐廳」的食品味道，而是先想講一講，有關「The Promenade西餐廳」的環境，以及「The Promenade西餐廳」的窗外景觀。雖

公司 週年 聚餐揀咗呢間食聽講佢有即開生蠔今日終於可以試下啦先呢壽司吧啲魚生真係好新鮮加埋師傅啲刀工真係以為 去咗壽司舖 多個去食buffet即開生蠔都好新鮮甜品又有好多選擇真係食過返尋味

香港人一向鍾意食自助餐，當然我都唔例外，呢間都會海逸酒店嘅自助餐，我來過都有十次以上，唔知係唔係自己要求高咗，好似覺得佢哋冇乜進步，服務方面只能夠話緊緊合格晚晚座無虛席,爆棚指數極高，我哋即日book枱，只能安排到近門口的位置，其實都無所謂嘅，心理上都預咗會好多人，不過真係比預期更多即開生蠔，成晚排長龍，每人攞三隻，工作人員做到木口木面，無計啦，為食而食，要為皮都要排多幾轉仲有，覺得佢沖水沖得太耐，食落口無哂海水味，好淡熱食方面選擇都多，不過太多人兼因為坐門口，所以比較遠，一次又唔拎得幾多，可能自己年紀大，已經冇咗年青人嘅活力⋯⋯其實咁多嘢食，五百零元價錢又真係算平嘅推薦甜品區，仲有名牌雪糕雪條任君選擇如果待應門笑容多啲會令人開心啲（不過可能個別人士）

今日我哋一班契仔契女約埋一齊同契媽慶祝媽媽節! 我哋五個裡面只有一個唔食榴槤,所以我就拿主意去食榴槤盛下午茶自助餐 $288/位+10%服務費, 再用埋8折coupon , 超抵!入到去一條長走廊兩邊都擺滿食物剌身, 壽司, 冷麵冷盆有蝦,青口,沙律三文治等等熱食也有炸物, 點心, 湯粉, 海鮮粥等等應有盡有扒魚肉漢堡 ~ 唔係講笑,真係要試吓! 魚柳厚身冇雪味,炸漿夠晒薄,沙律醬唔太多, 堅好味有大量各式甜品~榴槤pancake, 榴槤tart, 榴槤果肉, 梳乎里, 楊枝甘露, 自製沙冰, 仲有我愛嘅Haagen-Dazs 雪糕真係食佢幾杯已回本榴槤果肉可以自己隨意裝, 金枕頭榴槤超美味, 好香好甜廚師一見冇就即刻換一盆新, 效率高冷熱飲品自己調配可以無限fill, 好冇飲就要靠自己喇!今餐真係飽到一個點! 下次會再嚟挑戰一下飯肚皮

公司請食buffet，呢間已經嚟過四五次，今次睇吓水準究竟有冇下降？傷口依然都係咁，其實生蠔係幾年前已經係咁嘅質素唔會有驚喜，但係食buffet都預咗啦，不過不失啦！海鮮冷盤凍蟹蟹腳凍蝦翡翠螺青口、藍青口全部都係基本野，冇乜特別，長腳蟹比起以前好食西冷好食喎啲肉質好腍鵝肝佢嗰塊多士真係好脆，鵝肝都好香，唔錯嘅魚生唔知係咪轉左帶子刺身嘅牌子，啲帶子對上嚟食係好甜，今次差咗好多三文魚比目魚吞拿魚油金魚天使蝦呢啲好普通唔算新鮮風乾火腿好正熱食好多，總括嚟講呢間嘅自助餐真係幾抵，環境又好，甜品更加係好多，不過本人就唔太食，同埋好多都係送一杯餐飲或者要另外俾錢，佢會送埋水吧比你自己沖奶茶咖啡都唔錯，雖然佢水準真係下降左好多，但係比起好多酒店自助餐依然都算係出色嘅

榴槤一向係本人至愛，可惜身體另一半一直都接受唔到，依家好啦唔駛成個成個買番屋企食，去酒店食buffet就可以食到，需然唔係有不同種類嘅榴槤任你食，都有不同榴槤嘅製品，仲有一兜榴槤畀你配不同嘅甜品,對於太耐無食榴槤嘅我嚟講已經夠賞心樂事。除榴槤外屬tea buffet嚟講都有算多款式供應，質數都ok,飲品係自助嘅都滿足到唔同嘅需要…不過愛榴槤嘅我食完一碟熱盤,天婦羅,刺身同個沙律就不停食榴槤，最後硬係要食埋雪糕先得

難得媽咪平日放假 而且有dining club會籍食有買一送一優惠 所以我地決定去都會海逸試試佢既自助午餐星期一去原價連加一HKD398一位 所以買一送一真係好抵食雖然係星期一 但呢度自助午餐好快就滿座 大家去之前一定要book定位大部分菜式同其他自助餐一樣 質素亦都係正正常常不得不提既係呢度有即開即食生蠔 每人每次限拎兩隻身為生蠔愛好者既我一共拎左五六轉 唔算大大隻 海水味唔重 入口鮮甜另一樣必提既係甜品都有好多選擇 但佢既綠茶心太軟就真係麻麻 綠茶味唔濃

第一次來此店，試嚐下午茶自助餐。店名promenade的簡譯是走廊。此店是位於天海相結的界線位置，接連是漫步的海濱長廊。呈曲水有情的維港壯麗海景，近有草地花園，是山盟海誓的佳地。惜走廊是屬於酒廊的範圍，不許進入。走廊另一解釋是香港少有的自助餐食物擺放長廊，長度恰似當年澳門的「自助山」，要行2分鐘才走畢。單是視覺，已是很好享受。東邊是飲品區，麵檔，咸食區，西邊是魚生，壽司冷麵，生果，中間是甜品。吸引我第一次來此店，除了是網友好評，亦因今日的下午茶是「芒芒中有榴槤」主題。我則說是「榴槤在芒」，榴槤才是主角。人山人海，擠滿酒店大堂，輪候15:30進場（座位早編定），當中不乏榴槤控。飄來榴槤之香1⚀最有獨特性是榴槤脆酥，我常吃榴槤西多，雪糕，未曾食榴槤脆酥，酥勁脆，夠薄，不會有飽滯感覺。榴槤蓉頗多，食客可在下文提及的蒸黑糯米檔隨時添加榴槤蓉，按自己口味加塗。我略加少許榴槤蓉，香甜不膩，頓感滋味無窮。2⚁吃過牛油皮蛋撻，未曾嚐榴槤蛋撻。不同凡香，令人齒頰留香，令我饞涎欲滴。迂迴盪漾，歷久不散。份量迷你，不礙胃納。3⚂即做班戟，可選榴槤為餡料。蛋皮可選班蘭味或蛋味，班蘭味配榴槤果蓉都頗特別，味蕾別

紅磡都會海逸自助餐，係我一生人幫襯得最多嘅一間，計埋今次已經係第五定六次嚟，主要原因係食物種類多元化，當然一定要有我至愛嘅生蠔同長腳蟹啦，不過自從上次生蠔質量欠佳，我就無再幫襯，今次如果唔係朋友想試，我都唔會再嚟，經過今次，我再次肯定唔會再幫襯！刺身：有甜蝦、帶子、希靈魚、劍魚腩、吞拿魚、三文魚、比目魚柳甜蝦好細隻，但鮮甜黏口；帶子每次只有兩粒，但新鮮肥美；劍魚腩同樣鮮甜肥美即開生蠔：有美國同法國蠔每次只提供兩隻，好新鮮唔腥嘅，但美國蠔太細隻又唔肥美；而法國蠔則海水味重，好好味，不過兩款size都好參差，有時細到好似蠔豉海鮮：有蟹、龍蝦仔、螺、長腳蟹、青口蟹雖然細隻，但有膏同鮮甜多汁；龍蝦仔膏唔算多，但同樣鮮甜；長腳蟹好幼，而且肉黐殼，但都鮮甜多汁炸天婦羅：有秋葵、蝦、椎魚、蕃薯、蟹柳、舞茸菇炸漿算薄，全部熱辣辣好好味，推介舞茸菇同秋葵熱盤大約有廿幾三十款：有燒牛肉、羊架、蒸魚、炒什菜、炒飯、炒蟹、咖喱羊、意粉、鵝肝多士、叉燒、燒鴨、pizza、炸薯餅、芝士火鍋。。。燒牛肉ok嘅，但個bbq汁太濃味同杰身；羊架又乾又硬同只得雪味；炒蟹太細無肉無膏；鵝肝好香好正；叉燒燒鴨太乾身；芝士火鍋

my friends like the tea buffet here so we came here the second time for visit.when I arrived the reception there's a woman cut the line with her 2 kids&the hostess serve her first.i wasn't happy about this,they shouldn't let this happen..anyways I've sat down&we ordered a free flow wine for additional $120/person.starting with dim sum there's 蝦餃燒my&dumpling.dumpling tasted off not fresh...sashimi,mussel,shrimp,some salad Japanese cold noodle,sushi.the Thai papaya salad was way too spicy even I e

呢間最近做榴連主題，所以吸引左我去試～一入場當然要走哂成個場先啦～估唔到咁多野食，同lunch無分別～沙律、蝦、青口、日本野，小量泰國野、港武粥、麵、點心，Haagen Dazs 雪糕同雪糕批、waffle 、pancake…有齊仲要啲榴連甜品品差喎講真，自助餐啲點心永遠都唔會好似酒樓咁好，熱食唔係食左好多，無咩驚喜但唔會好難食蝦係熟食之中我最鐘意，好彈牙甜品中，芒果拿破輪幾好食，啲「蘇皮」保持鬆脆，芒果夠甜榴連撻好漏好漏，食唔出加左咩野，好食仲一件足矣炸榴連波好快無哂同無refill,可惜，都多榴連肉，好鐘意啲有咬口的糯米皮Pancake都比幾多料，有strawberry, blueberry, 榴連等，再加cream，食完呢個好飽再加埋個雪糕都食唔落了，係最新的花味雪糕，櫻花幾好，無藥水味推介推介！！！

一個禮拜得一日放假，當然要去食餐好架啦！一早已經聽過紅磡海逸酒店d自助餐好出名，上個禮拜來完一次，今日放假又再來過😄例湯每日都會唔同，今日係蟹肉粟米羹，其實食凍食之前最好食定d熱嘢打個底先，我飲咗兩碗粟米羹先開始食沙律！我好鐘意食依度d甜品☺️甜而不漏，俾我一種好幸福既感覺。食到離約定時間還有一個鐘，生蠔bar幾乎俾我霸曬，儘管一次只可以拿兩隻，但我都可以喺15分鐘內食到20隻☺️主推美國生蠔，因為有少少海水鹹味之餘還幾鮮甜的，法國生蠔就直程海水味太重，我食唔慣😭😭😭生蠔好新鮮