Promenade 西餐廳

營業中

休息中

這天來到了位於紅磡都會海逸酒店(Harbour Plaza Metropolis)的Promenade西餐廳享用自助晚餐🥰 這裡供應的美食多達二百款，包括新鮮刺身、雪花蟹腳、香煎鴨肝、甜品等等，非常豐富🤩 而凡惠顧自助晚餐的客人更可獲贈鮑魚花膠蠔皇煲呢～😍在網上平台購買可享超值優惠，最便宜只需港幣五百多便能享用豐盛的自助晚餐，更可享無限暢飲指定餐酒、啤酒、果汁或汽水呢～🥂 而自助晚餐的用餐時間為晚上6時30分至10時，長達3小時半，性價比極高，難怪平日晚上也是座無虛席😌這裡的食物質素非常不錯，特別推薦鴨肝、刺身、雪花蟹腳、梳乎厘、鮮奶燉水晶燕窩😋 而且職員的服務態度也很好，會主動幫我們添酒👍🏻Promenade西餐廳非常適合一大班口味不同的朋友聚餐😆 記得要在網上平台購買才能享有優惠及無限暢飲喔❕📍Promenade西餐廳 - 紅磡都會道7號都會海逸酒店7樓

都會海逸酒店嘅buffet係我近年食過最好最正嘅😍地方超大超闊落，嘢食好多好多🤩🦞冬陰功龍蝦、羊架、🦀薑蔥炒蟹、花膠蟲草花燉湯‼️全部都超正，特別係冬陰功龍蝦，醬汁濃郁，味道有酸有辣，龍蝦肉爽口，超吸引🤩薑蔥炒蟹好多肉，好夠味，一樣好正👍🏻滋補花膠蟲草花燉湯都係必飲啊🤭🧑🏻‍🎄聖誕將至，仲有打卡一流嘅限定節慶🎄聖誕樹木頭蛋糕🪵好靚好真🥳🔸刺身好新鮮又厚身，帶子原粒上，唔似出面切半，食得爽快開心😋🔸冷盤唔少得🦀長腳蟹、🦞開邊龍蝦，啖啖肉，好正🙌🏻當然仲有青口、螺、麵包蟹、生蠔🔸熱食最正係有片皮鴨、鵝肝😍即切既整，油脂豐富，必食‼️薄餅我都幾鐘意，pizza包軟熟，多芝士蝦多士、咖喱角好食，好脆唔油膩👍🏻仲有印度薄餅、咖喱、韮菜豬紅、湯粉、燒雞、天婦羅、炒飯…多到數唔晒🔸甜品真係多都不得了，女仔食甜品有第二個胃，我食咗好多🤭推介女生滋補杏汁燉水晶燕窩、水晶燕窩鮮奶燉蛋白🤍🤍🤍記得8:15前去到甜品區‼️有即席炮製火焰雪山🏔️其他嘅有豆腐花、即製pancake（仲有榴連蓉、芒果等餡料）、桑寄生蓮子茶、楊枝甘露、芒果拿破崙、榴連酥、紫薯卷蛋、紫薯 木糠布甸、macaroon、最特別係茅台系列嘅鮮花奶凍

朋友就嚟要移民了，我哋想食耐啲，就揀咗自助餐呢間自助餐，已經係我第三次嚟食，原因無他，多款，好食！本身朋友望落去個酒店嘅外型，覺得有啲舊但係入到去，見到啲嘢食應有盡有，包括龍蝦、Movenpick雪糕、鴨肝多士、唔同類型嘅甜品、不同種類嘅熱食，片皮鴨、嘢飲任飲最後話間餐廳好舊嗰個朋友食得好盡興😂仲要我哋去嘅時候，係做緊秋宴主題，有炆鮑魚、海參、冬菇、花膠同埋龍蝦鉗，超！好！食！我食左2碗！刺身方面，不得不讚，佢嘅蝦唔係普通甜蝦，係赤蝦！佢仲有磯燒鮑魚，超好食！一人只可每次拎2片，我都拎左5 6輪。食完之後，我哋仲出咗去酒店出面影靚相，個景好靚，好有feel~最後埋單平均一人5百尾，好值！款式真係我食過咁多間自助餐來講，最多如無意外，應該會再繼續幫襯呢間自助餐🤣(食物相就冇影好多，只係影咗佢最近限定嗰個dish)

朋友生日, 指定要食呢間Buffet, 環境有啲舊，加上燈光，有啲眼瞓，到八點，可以睇到少少幻彩詠香江。食物選擇好多，不同類型，中式，西式，粥粉麵飯，蒸魚，炒蟹，基本上想食都有，仲有飲品任飲，罐裝汽水，奶茶咖啡，檸茶檸水…南瓜甘筍薑湯，好正👍🏻海鮮款式也很多款，刺身好新鮮，可惜生蠔太細，龍蝦彈牙encore 😋甜品很一般，雖然款式很多，有點失望，唯一驚喜，茅台鮮花水晶奶凍，甜甜的，重口味😏必試，只出一次。價錢合理，官方網站book比較平，可以一試。

A variety afternoon tea buffet covering cuisines, snacks and dessert. Staff were efficient and helpful. Environment was classy and spacious.Mains weren't the best or wow you a lot but variety. Dessert area covered the most which quality was not bad. Some homemade and durian themed desserts were served. Personally found the lemon tart and earl grey were the highlight of the day. Lemon tart was extremely acidic which I like. Buttery shortbread crust was drooling. Sad that they didnt refill but off

同朋友慶生🎉，簡左呢間紅磡都會海逸酒店西餐廳食自助晚餐，人均$600左右。入到去燈光昏暗，佔地面積好大，唯枱興枱之間不算闊落，用得好盡。我們一行10 人有BB車安排在角落位置，十分細心。香煎鴨肝： 不定時推出，只要去排隊就可以拎，質素一般，入口即化但正常來貨。燒原條有骨肉眼：有筋勁位好有咬口，夠曬粉嫩，牛味香濃， 慢慢品嘗。即開新鮮生蠔🦪：每人限取兩隻，真係即開即食，但海水味不足，不夠新鮮同礦物味！雪花蟹腳：比較幼細，吾係咁多肉，蟹腳一疏疏咁提供都好毫爽，質素中規中矩，都算新鮮吾會過咸。波士頓龍蝦：開邊有膏龍蝦，不會硬到似像皮刷，肉質爽彈。時令燉湯：一盅盅老火燉湯真心推介，夠曬火喉入味，豬𦟌煲得好焾，小朋友啱飲。竟然有北京烤鴨提供，好特別，有師傅即場包海鮮款式有幾款，有凍熟蝦、藍青口、熟龍蝦、翡翠螺等。刺身位又係要排隊， 吾洗講，三文魚夠厚切，北海道帶子細粒、赤貝肉有點腥，阿根廷赤蝦正常，劍魚腩，吞拿魚一般，雜錦芝士拼盤，雜錦天婦羅、即煮粥檔配自選配料火焰富士山雪糕蛋糕🍰，一到八點全場調暗，有師傅表演🎭但老實講 ，真心好甜。甜品區：Movenpick 雪糕 (8款口味) 食幾杯都回本！

有屋企人生日，一行8個大人，6位小朋友到都會海逸酒店食自助午餐。喺網站度買咗coupon會有職員打嚟Double confirm 。一去到已經安排好座位，連同有嘅BB凳陣容都幾好大。酒店10分細心安排了兒童餐具。12:00就可以去拎嘢食。生蠔每次每人取兩隻，法國生蠔偏細隻。但午餐嚟講有生蠔食已經好少酒店提供。其次，食咗兩轉牛肉同羊架，煮得好腍，亦都冇穌味值得encore。刺身方面都有五至六款選擇，有大大隻嘅牡丹蝦，不斷encore。亦有即煮粥同炒麵，食到咁上下煮碗粥暖暖個胃🤪。甜品方面不得了，有榴槤拿破崙、即煮可麗餅、疏乎厘等等，而雪糕亦都有八款選擇。而且亦都可以免費泊車！食過咁多間嘅自助餐，呢一間都係其中一間性價比較高嘅buffet值得推介。😙

公司活動食自助晚餐，開心同同事食返餐👍食物我都係重點揀選，因為食量唔大，經過多年實試，大部分熟食都係出品一般😂刺身款式多，我主打阿根廷赤蝦、帶子同三文魚，佢仲有赤貝、鯛魚同吞拿魚。海鮮主攻波士頓龍蝦，橙色膏嘅隻數唔多，我食咗8邊（4隻） 肉質算煮得好，熟咗少少，未到擦子膠程度燒牛肉供應燒有骨肉眼，我問師傅攞埋枝骨食，熟度超靚嘅Medium-Rare，不過骨位咁生就難啲食，同埋調味超輕手。。。肉味淡甜品我都冇乜要求了，乜款式都多，同事都食好多Cheese Cake、燕窩燉蛋白、火焰雪山等等Movenpick雪糕味道選擇豐富，Creme Brulee、Blueberry CheeseCake、Ming & Chocolate、Strawberry、Vanilla、Caramel。。。。入座後侍應已經好快問飲品，收碟速度又快，企檔廚師臉口都唔係黑，甚至都有笑臉，服務唔差

本身諗住有優惠，又見啲食評幾多去farewell朋友。點知去到酒店已經熱同焗，以為係自己行得太急，樓底太高所以冷氣無咁涼爽。。。點知越坐越熱去問，原來冷氣壞左🙄WHAT?咁大間酒店連通知客人壞咗冷氣都唔講？大佬，你知唔知依家幾多度？入商場都想涼冷氣，何況咁大間酒店？依家我坐低左就硬掘我俾錢。咁大個area人又多又有熱盤得一地風扇吹住。我俾10個好食但100個熱你，都無人想食啦。種類係多，有即開生蠔，但味道只可以話普通。

食物方面：-海鮮及刺身方面：大部分都會有，比較特別係有龍蝦同生蠔！海鮮同刺身都新鮮😋😋👍🏼👍🏼-熟食方面：種類唔算多，味道都正常既，可以接受！-甜品方面：大部分都好味😆比較好味既有芒果拿破崙，榴槤脆餅，即整pancake同窩夫，椰汁桂花糕😋😋😋👍🏼服務方面：ok環境方面：做得舒服，唔錯性價比方面：ok如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

冷盤推薦指數：⭐⭐⭐⭐⭐最受歡迎的即開生蠔真是名不虛傳！生蠔新鮮甜美，每一口都充滿大海的味道🌊。雖然要排隊，但絕對值得等待！刺身也是一級棒，口感細膩，鮮美多汁。凍海鮮方面，長腳蟹、蝦和翡翠螺都非常出色，特別是長腳蟹，鮮甜美味，入口即化🦀🦐。熱食推薦指數：⭐⭐⭐⭐⭐食物種類豐富多樣，令人眼花繚亂。片皮鴨味道一流，皮脆肉嫩，充滿鴨油的香氣，令人垂涎欲滴。鵝肝更是必試，香而滑，入口即化。其他熱食如焗蠔和避風塘長腳蟹都非常美味，燒牛肉肉質鮮嫩，入口即化🥩。每一道菜都充滿香氣，讓人食慾大開。甜品推薦指數：⭐⭐⭐⭐⭐甜品種類繁多，蛋糕類尤其出色，不會太甜，非常適合甜品愛好者🎂。杏汁糖水濃稠適中，杏仁味道純正，令人回味無窮。楊枝甘露香氣撲鼻，芒果味道濃郁，自然甜美，絕對是甜品中的亮點🥭。總而言之，這間自助餐餐廳的食物都非常值得一試，每一道菜都充滿心思和美味，絕對不會讓你失望👍。無論你喜歡生蠔、熱食還是甜品，這裡都能滿足你的味蕾需求，強烈推薦大家去試試！

首先本人都食過好多酒店自助餐，經驗夠🤣今次第一次寫自助晚餐食評，而依間依廿年來我都食過四五次😜😜🤣本身對自助餐嫲嫲地，但今次六七年後再來又好似好左喎⋯⋯ 另外今次冇影乜食物相只係文字多，請見諒！見到d 熱食種類好似多咗同埋都好吸引⋯⋯尤其是個粥counter 都幾好味，另外有熟食龍蝦貝殼類羊架等等都OK. 跟住到蠔、日本刺身都唔錯，蠔選用比較細隻maybe是法國蠔，即開即食的，真的不錯，另外刺身也維持水準… 甜品有即叫即整的pancake , 可以加cream , 榴槤, 芒果都ok, 啱晒小朋友and大人. 另外重點係雪糕，如果雪糕控應該like , 佢選了Movenpick 雪糕，約十幾種味道，五個like 😝👍 一個另外like嘅位，係drink … 佢用咗唔係淨係叫一杯drink 嘅概念, 係一個自助式飲品選擇, 冷熱都可以自行選擇和自己調制嘅….. 凍熱檸茶咖啡同埋有2 個汽水櫃汽水任飲, 依個值得推介同讚揚…. 其實依間自助晚餐都歷史悠久，算位置方便，樓底高、地方大、完全唔迫、揀嘢食都唔使排隊…. 大家一家朋友同事食飯可首選… 埋單$600-$700

❀ Promenade 西餐廳 紅磡 ❀❗近期食過最高質嘅自助餐 龍蝦生蠔全部任食❗——————————————————臨近母親節，首次嚟到紅磡都會海逸酒店嘆自助餐😆自助餐位置都算幾大，但係都幾乎滿咗，人氣高企🔥可以食差不多4小時，由晚上6時半 – 晚上10時正。.✷𝑀𝑒𝓃𝓊✷☞ 「初夏‧東瀛大韓」自助晚餐星期一至四 大人$748 小童$498星期五至日及公眾假期 大人$798 小童$548.
最近推出咗以日本及韓國為主題嘅自助晚餐，可以一次過品嚐兩國嘅精美菜式🤩包括日式吉列M9 和牛、韓式泡菜禾米豬、韓式人參雞湯泡飯、焦糖鰻魚玉子燒、豚肉生薑燒、韓式辣海鮮年糕鍋等。不得不讚雖然係自助餐，但係係製作花心思，而且用料上乘。和牛顏色粉嫩，肉質軟腍。韓式人蔘雞湯用原隻雞及大大條人蔘熬製，非常甘甜😚.當然亦唔少得自助餐必有嘅凍海鮮拼盤🦞除咗熟蝦、青口、翡翠螺、雪花蟹腳，甚至連波士頓龍蝦生蠔都係無限任食🤩生蠔隻隻飽滿，肉質creamy，好出色👍🏻。刺身則有三文魚、北海道帶子、赤貝肉、阿根廷赤蝦、劍魚腩、吞拿魚，大推帶子！係食過咁多間自助餐最大粒、最軟腍、最鮮甜😋.熟食亦都唔惹少😙有香煎鴨肝，加咗

今次第2次嚟到都會海逸食lunch buffet😋 上次食已經覺得好多嘢食，價錢又合理，所以今次朋友約食buffet，我地都無咩考慮就直接encore返呢間～ 我地7大3小，網上預購嘅話，生日之星有半價，其他成人小童都有7折👍🏻 星期六差唔多全場full house，超級熱鬧🤭 雖然人多，但係都唔會出現某種食物大排長龍嘅情況，因為佢攞嘢食嗰個地方算好大，所以人群都會分散，呢樣嘢係我覺得對比起其他酒店buffet，都會海逸做得幾好✨最吸引我嘅係，呢度lunch buffet都有蟹腳同埋即開生蠔，而且仲有我最鍾意嘅榴槤甜品，包埋任飲無酒精飲品😌 食物種類有好多，比較特別嘅係泰式酸辣鳳爪、花雕溫泉蛋、醉雞翼、乳鴿、生滾粥、泰式辣炒海鮮、焗廣島蠔、海鮮蛋餅、即整pancake、綠茶朱古力噴泉、疏乎厘、焦糖燉蛋、桑寄生蓮子茶等等😳 而且因為生日緣故，酒店仲送咗個細蛋糕仔，真係捧住個肚走😁

💜 Promenade 西餐廳📍紅磡都會道7號都會海逸酒店7樓------------------------------Dinner Buffet $798Online booking 30% discount1️⃣ 冷盤推薦指數：👍🏻👍🏻👍🏻最受歡迎的即開生蠔 🦪 生蠔新鮮甜美 但很細隻 而且長期要排隊😂刺身不過不失 不是很新鮮 口感較粗糙🙈凍海鮮十分鹹 特別是長腳蟹 鹹得苦 難以下咽😵其他的蝦 翡翠螺都不錯2️⃣ 熱葷推薦指數：👍🏻👍🏻👍🏻食物種類較多 片皮鴨味道不錯 雖然皮不是很脆 但充滿鴨油的香氣😍推薦鵝肝 香而滑 其他的熱食尚可 焗蠔 避風塘長腳蟹都較乾😆燒牛肉肉質太靭 有筋 而且肉味欠奉 3️⃣ 甜品推薦指數：👍🏻👍🏻👍🏻有不同種類的甜品 不錯☺️蛋糕類都不錯 味道不太甜 杏汁糖水較濃稠 惟杏仁味道似香精調製 楊枝甘露亦然 香精的芒果糖水------------------------------不推薦 如不吃生蠔的 基本上沒有什麼食物是好吃的😂整體而言 性價比不高 這樣的價錢可以吃到質量較過的餐廳總評味道：⭐️⭐️環境：⭐️⭐️⭐️服務：⭐️⭐️⭐️