Promenade 西餐廳

營業中

休息中

今日有難得有老闆資助食晚餐，當然要食豪食，左揀右揀，又日本菜又意大利菜又韓國菜，最終我地揀左食呢度既晚餐buffet，希望盡量滿足各人既喜好。呢度食物種類好多，分國家黎擺放，感覺有過百款，分佈係條長長既走廊度，我地坐門口，覓食要哂少少腳骨力。先黎飲左個魚燉湯，暖暖胃，熱下身。味道還可以，但魚鮮味欠奉。然後拎左d cold cut salad，款式齊，夠凍，吾錯。Sashimi 樣樣要左d吾知係咩肉既西式小食，口感有d似薯蓉，幾好食。之後試左少少炸物，味道一般，可以留quota食其他野食。生蠔即開即洗，雖然好細隻，但都夠鮮。自選左個粥，夠棉。甜品方面都有好多選擇，但大部分味道中下，太甜。杏汁燉官燕最好食，encore左兩次。梳乎里裏面有d乾好似係榴槤奶凍，還可以。整體而言，6百幾蚊位，以食物種類黎講，可以接受，但食物味道一般，所以回頭率吾高。

今日一行八人去食lunch buffet。之前無食過都會海逸，但上網睇啲評論都好壞參半，但今日去完之後，我成家都話會encore，並唔覺得咁差，甚至好多野食，野食都好岩胃口。係開生蠔果啲人個面口黑到好似xxx咁既樣(自己諗xxx點解)。最正係行到最入有檸茶咖啡任飲，飲左五杯🤣生蠔係細隻d,但幾好食，唔係果d勁creamy食一隻就唔想食果啲呀媽食左四舊榴槤穌冷海鮮無特別，一般酒店水準個牛好好味，肉唔老，估唔到咁好食一人食左一碗粥火腿幾香，不過有d厚身

以下午茶自助餐來說，款式好多：由冷盤、刺身壽司、凍蝦、青口、沙律等；熱盤小食如泰式、中西日式美食、到主食方面，粥粉麵飯，另甜品西餅雪糕齊全，一個性價比高、很不錯的選擇！

其實一路都想試呢間buffet，見佢又有discount，所以早幾日已經打去book位，但都得門口嘅位置，不過唔緊要啦。(最緊要有得食)坐門口位置都唔會唔方便， 因為行幾步已經係拎食物嘅地方。一開始就梗係拎魚生食啦，我拎咗三文魚、北海道帶子同甜蝦。真係要俾個讚佢，雖然三文魚一次只可以拎三件，但佢每件都非常之厚，實在太有咬感，而帶子亦好鮮甜。另外，我都拎咗長腳蟹，真係啖啖肉好好味！行入少少，就見到有拎生蠔嘅地方，拎咗兩隻尼試，但都覺得唔錯。(我不嬲對生蠔一般)而呢個鵝肝多士，實在係the dish of the day！鵝肝煎得啱啱好，配上勁脆嘅多士！yummy x 100000 (所以encore 左兩次)呢度嘅甜品都係令我bling bling eyes! 燕窩燉奶，我係encore左3次。焦糖燉蛋、綠茶心太軟都係我最愛！ 呀仲有soufflé  (打尼個食評 望住啲相簡直流緊口水) 

之前抽獎抽中咗兩張晚餐coupon當然唔好嘥食咗佢。記得上次食都好耐啦,耐到唔記得咗幾時,但仍記得好多野食,好好味。可惜,今次食完就要扣分啦。野食方便都仍然有好多,但係水準下降咗。一入去就係刺身,有我喜愛既帶子,但每次只比兩粒。仲有甜蝦,三文魚等另一邊就係沙律吧,再行前就係甜品區,有pancake, 梳乎厘。梳乎里有原味及班蘭味,但食唔出。仲有兩款燕窩,一個係鮮奶,一個係椰汁燉,但兩個都係一般。仲有其他唔同既cake同豆腐花,雪糕。糖水圓肉紅棗茶。再入就有一些熟食,燒烤,天婦羅,pizza。仲有我最鍾意食既長腳蟹,蝦。有麵包蟹同生蠔。再入d仲有粥同其他熟食。最入就係飲品區,咖啡,茶,檸茶檸水係任飲的。整體係好多野食,食到非常之飽,但係佢d熟食唔夠熱,味道一般。但服務就好好。依家做緊$629一位再加一,openrice 有 coupon 可以八折,所以今餐好抵3個人食六佰蚊有找。

經過星期日晚飯飯市食客的疲勞轟炸後，阿媽到了星期一放假時，還是回復了狀態，還在中午打了電話去紅磡「都會海逸酒店」，訂了裡面的自助餐餐廳「Promenade 西餐廳」的午市自助餐，一共三個位。若果以光顧次數以及食評發表次數去衡量，相信我在「Promenade 西餐廳」累積的經驗和光顧紀錄，應該不會輸洩給大部分人。而且「Promenade 西餐廳」裡面大部分代表食品菜式，我都幾乎已經食過，本來再寫食評好像沒有什麼可以再寫。或者如果我嘗試再深入一點，更詳細一點評論「Promenade 西餐廳」的環境和食品，按理應該可以為我的食評，注入更多生氣，亦可以避免與其他食評「撞款」。相對之前幾次食評，今次我在「Promenade 西餐廳」裡面得到的最大發現，反而不是食品，而是我在西「Promenade 西餐廳」入口，無意中發現「Promenade 西餐廳」的自助餐「價目表」。之前在我寫過的酒店自助餐餐廳裡面，很少發現過酒店自助餐餐廳的餐牌，今次不單止給我找到餐牌，而且餐牌竟然是一個「電子化」的餐牌，以類似「電子相簿」的形式公布自助餐的價錢。而且我在「Promenade 西餐廳」現場看到的「電子餐牌」，

好少見有榴槤甜品buffet～仲要有好多款～又有discount~所以一個月前已經bk定位去食～可惜只係得星期六日先有啦😞1505去到話要1530先入得～咁附近行下1530返去啦～點知都未夠3點半返到去⋯⋯發現大部分人都入曬座禁濟～🤔🤔🤔入到去首先行一圈睇下有咩食啦～嘩！原來勁多款式！日式～中式～西式～乜式都有～👍🏻👍🏻👍🏻而且講得係榴槤主題～相關甜品一定唔少得！有pancake, 榴槤撻，榴槤酥等～😋當然仲有好多其他款式嘅甜品啦！好好味真係呀！仲有成6款以上嘅Haagen Dazs 雪糕同雪糕批！😍淨係食榴槤都食飽～🤣不過刺身～pancake 哩啲即切即製嘅食物～就要慢慢排隊lu～最好笑我拎咗一件榴槤排緊pancake 時～榴槤撻個staff同我講～一件邊夠㗎！食多件啦！好正㗎！跟住夾多咗件喺我碟度🤣事前print定openrice coupon或者有指定信用卡～都有discount㗎！真心覺得好抵呀！😍走嗰陣我唔小心留低咗部電話～啲staff已經好快速追上嚟問我哋喇！👍🏻👍🏻👍🏻So warm!

今次去享用tea buffet1. 用餐嘅枱不平。用餐時不停搖晃！2. 問server house wine 係乜，佢答唔出。連自己酒店賣乜都唔知！3. Tea buffet係有刺身。不過得三文，鯖魚同比目魚！4. 有 Salad bar but no ham n cheese bar5. 其實都算抵食，最抵係提供Haagen-dazs雪糕

呢間一向係我No.1 Lunch buffet 選擇，因為凍海鮮佢有生蠔，蟹腳，熱盤有齊中，西之餘，仲有bbq, 生滾粥，湯，湯麵，咖哩，亦有日式刺身，壽司，又有沙律，芝士，跟住甜品真係好多，又蛋糕，梳乎里，心太軟，即制pancake, 格仔餅，再有Hagadez 蛋糕雪條共8款其實淨係睇以上咁數，雖然好多酒店都有，但係我試過咁多間，價錢，質素加上種類最多，一定係呢間，淨係講生滾粥，就已經有蟹黃，蟹肉，燕窩，魚，碎牛等，都唔好數可以加花生，豬肉鬆，生菜，油炸鬼呢啲跟住好多酒店又會做榴槤甜品，但呢到有你睇得出佢係榴槤肉既榴槤拿破崙，榴槤pancake,而家仲有榴槤黑糯米飯，呢3樣絕對唔係香精不過，黎過咁多次，新一年加價都唔緊要，但Buffet 12點開始，竟然係點半呢個時間，已經冇哂蟹腳出，仲要換埋翡翠螺，真係令人好失望，希望好好改善

之前的評論寫態度差我都唔信， 結果自己中曬招， 唔單止間餐廳，成間酒店好似睇唔起你去食自助餐啲人咁。 我向大堂個保安問路，佢啲態度差到我當時懷疑佢其實係其他房客 。餐廳出面有間露天酒吧 ,我同屋企人覺得好似Ok, 諗住食完可能出去飲杯嘢 ,要我出去睇下環境 ，我一出到去，嗰個侍應已經好冇禮貌 一句"係咪飲嘢 ", 我話我想睇下個環境先,食完出嚟, 佢居然趕我出去!冇錯係趕我出去! 一句"呢度係飲嘢嘅,唔係畀人參觀,麻煩你出返去!" 我當堂呆咗，唔入得唔緊要，都唔係咁嘅態度。我以前都做酒店 如果係咁嘅情況可以講 " 唔好意思, 因為餐廳想營造一個寧靜嘅環境 ,所以唔係咁方便參觀" 然後再口述一下個環境。本來諗住出去飲野傾下計， 咁樣畀人對待，以後唔會去。同名酒店都唔去!

這次自助餐最大的驚喜是有一排小型焗餅爐，用來焗梳乎厘、榴蓮撻和心太軟。算最名貴食材之一的龍蝦鉗是雪藏貨，又乾又沒有味道。其他食品如刺身等新鮮程度一般。生蠔不知為什麽即開之後要麻煩另一位員工用潔水清洗，蠔內的汁液全被洗去。餐廳的天花板很高，有氣派，可惜擺枱擺得太密，有點像食堂格局。據說平常擺枱比較疏，只因為在聖誕新年期間才想多做生意。這一五星級酒店餐廳最大的敗筆之一是利用保護客人掛在椅背的衣服的衫套替人賣廣告，過份市儈了，高貴度大減。

是次是為父母慶祝幾十年的結婚週年和順道慶生。選擇這裡主要的原因是因為有齊我們想食的類別：有爸爸喜歡的生蠔，我最喜歡的鵝肝，蟹腳等！首先因為怕老人家上落樓梯取食物會不方便，酒店都很貼心地安排了靠近食物桌的座位給我們！食物方面選擇很多，無論海鮮、冷盤、熱葷甜品都有好多選擇，而且賣相一流！最後精美的慶祝甜品為這個獨特的日子劃上完美的句號！多年來辛勞養育我們的父母，也難得可以浪漫和盡情地慶祝一下！使用了OpenRice 的85折coupon, 價錢也算性價比高，非常滿意的一頓晚餐！

久不久也會吃自助餐，這間我來過三次，特點是選擇多，你想吃的東西它基本上都有，例如生蠔，魚生，長腳蟹，螺，青口；一些你沒有想過的東西，他們也有，例如蛇羹，榴蓮 Pancake，這讓我有點意外。食物質素方面，感覺只是一般，可以入口但未去到很美味的程度；環境則算中上，招呼甚好，服務員甚有禮貎。BBQ 也有，我喜歡燒雞翼，司華力腸，他們也有，還有鵝肝多士。來點小朋友玩意也不錯，例如蝦片。蛇羹應該是我全晚當中感覺最驚喜的一味，我未試過在酒店吃自助餐有蛇羹。甜品選擇也多。我最印象難忘的是榴蓮 Pancake，真的是有榴蓮在裏面，而且份量甚多，好榴蓮的人必然樂而忘返，成本甚貴，現時在這裏可以任吃。榴蓮撻也有。整體感覺滿意，久不久可以一來。

很久沒有去吃buffet 見放假相約朋友去吃過tea buffet先，一去到見到過環境已經心知不妙，名叫西餐廳竟然內裏有中式大圓枱算吧，這也不是問題，問題係食品質素，如果你只想要多種選擇這樣的話這個buffet絶對適合如果你想吃有質素的食品你會失望。味道真的一般而且很多比較好的食物也很快消失，refill 速度比較慢。總括而言多選擇，環境可以啦，服務還可，味道不提也罷，價格算便宜。

地方都好大, 我地早左半個月BOOK,可以坐係窗邊位, 望出外面, 都幾好Feel. 而且服務幾好, 係餐茶,要自己行出去斟姐, 羊架, 鵝肝,湯品, 甜品, 都幾出色. 生蠔點可以無呢? 里到D生蠔都係即開.要排隊, 每人取2隻,  但係就細隻左d囉.推介 ~冷盤 麵包蟹, 好大隻, 仲好多膏添. ~ 記得早DBOOK, 留定個靚位.食後感評價 ~ 用左OPENRICE COUPON 1個人唔駛$500, 可以再黎食過.