Pizza Piazza (已結業)

最近有一套等左好耐既大片上映，平日既戲飛好多都爆場，所以最終揀左星期六下午係長沙灣睇。由於片長3小時，戲院為免觀眾餓親，推出左個「3小時求生餐」，如果收工食唔切野既朋友，可以買呢個頂一頂肚。不過，放假日就梗係搵間餐廳慢慢嘆，放鬆心情，迎接一場好戲啦!!荔枝角一帶有唔少工業大廈，所以餐廳有唔少選擇，不過好多都只有星期一至五既超值LUNCH SET，星期六價錢就變回正價。經過一番挑選之後，發現呢間小店星期六居然有LUNCH SET 65折，時間仲要由11:30開始，重點係食評唔差、食物選擇唔少、價錢亦相當親民，完全無唔食佢既理由。下午1:30入座，顧客唔算多，有好幾枱食人都已經食到尾聲，但由於樓面只有兩位職員，所以服務不足既情況。朋友係食肉獸，所以點左個澳洲A級肉眼扒 $138；而我係芝士怪，點左個雙層芝士煙肉牛肉PIZZA $128。每個SET LUNCH都包餐湯、餐包、餐飲，最抵讚係餐飲一D都唔求其，可以揀特色咖啡。我揀既熱榛果拿鐵咖啡，奶味較淡，榛果味幾香，不過對於平時唔加糖既我黎講，杯咖啡甜得制。是日餐湯係南瓜湯，內有少許南瓜蓉，飲落奶味幾香，雖然質地較稀，但味道唔差。微暖既餐包，

在荔枝角地鐡站出口閒逛，看到了這間小店門口有著打折廣告牌，小食看起來又很適合下午茶故進去看看有著意大利風情的pizza, 巴拿馬火腿配上薄薄的餅底, 令您在小店內有如去了意大利一樣當然我還點了其他小吃蜜汁雞翼與士多啤梨蛋糕幾個小食合起來當正餐吃，經濟實惠又化算而且還有折扣優惠店內座無虛席, 店員亦巧妙招呼其他新來的人客到另一相連舖店入座, 令等候時間不至太長,食物質素又有水準, 適合一家大細來進食, 值得推介!

之前都有見過呢間餐廳，今日終於有機會試試。呢間餐廳嘅鋪面唔算大，但係裝修都OK。咁我地就叫咗二人餐，首先有餐湯係蔬菜湯，幾清甜，店員仲送咗我知一籃餐包，雖然個餐包略為有少少硬，但係配湯飲就啱啱好。我哋仲揀咗凱撒大蝦沙律，菜同蝦都好大份量，作為前菜係唔錯嘅選擇。跟住就上咗個大蝦意大利飯，味道唔錯，份量都好夠。黎到重頭戲，個薄餅我哋叫咗夏威夷風情，個餅底做得好鬆脆，係薄批嚟嘅。個番茄醬同火腿同菠蘿都好夾，一個人都可以食到三塊。由於我哋有四個人，所以我哋另外加咗一個bbq豬肋骨，個薯條好有驚喜好鬆脆，個豬肋骨加埋佢自己嘅醬都好夾。最後尾都有包餐茶，但係甜品就要另外加錢所以我哋就冇叫到。總體來講你攻下入邊有一個咁水準高嘅西餐真係好驚喜，以後可以再嚟食。

成日都係荔枝角既工廈覓食 今次同朋友們聚會就簡左呢間係工廈樓下既西餐廳🍴我地簡左個4人餐 感覺上比較抵食 又有餐湯、餐包、頭盤、主菜同飲品😋今日既餐湯係蕃茄薯仔湯 飲落去好有住家湯既味道😂係西餐廳飲到都幾特別😂除左湯之外仲有餐包 餐包見到店員有烘熱到 都幾鬆軟 可以點黑醋食前菜叫左巴馬火腿熔岩芝士薯條 同埋堅水牛城雞翼 前者既薯條連薯皮 食落去好有薯味 再配上芝士同埋巴馬火腿簡直係冇得彈🤤後者果然名不虛傳 真係好堅😂食落去好香醬料既味道 再配上sour cream 食得辣既朋友食完一隻又一隻😂主菜加左少少錢轉左食安格斯西冷扒 配菜係番薯條同埋係點黃芥茉醬 感覺都幾新鮮跟住呢個巨型肉丸手打闊條麵 肉丸果然夠晒份量😂 闊條麵有咬口 配上番茄醬💕💕最後一個主菜係黑松露誘惑既手工pizza 🍕 上面遍滿我最鐘意既菇🥰🥰啖啖都好幸福 不過如果黑松露既味道再出啲就更加好～飲品方面我簡左雲呢嗱牛奶 味道都不錯 好香雲呢嗱味～鐘意雲呢嗱既朋友必點 而且呢度仲要用鋼飲管 支持環保👍🏻👍🏻

Happy Friday，呢日同同事黎左食晏，食荔皮角呢頭番左工一掣時間，都唔會原來有比薩店就係公司隔離間，唔係為食同事帶路真係miss左呢次美食，食過真係令我番唔到轉頭，去下片先先望望Lunch menu有咩食先，款式其實都唔算少，我地幾條友梗係叫幾Set，可以分黎食，比薩點左3個，唔同味既，再點左個意粉同意大利飯既餐，全各一跟餐會有包+湯+飲品重點想講好抵既係飲品好飲，MENU上面有得跟餐揀既唔係一般凍檸水檸茶，而係特色既飲品，熱飲唔使加錢，凍飲就加8，我加左錢8蚊揀左凍既榛子咖啡，真係好好飲榛子味比較重，甜度適中，唔會過甜，同埋飲完之後唔會話有浸甜味係口度加錢$28現有4隻水城雞翼，外皮脆脆，口感一流，醬料好味少少微辣好惹味食得出係即刻烤唔係翻叮雞翼 外層皮好香，味道好足，皮脆肉嫩，好食！所以最後加配係點左8隻，實在太好食+18蚊有薯條食，呢個好正，即炸好熱口~~惹味我地揀左2款PIZZA，等左一陣LUNCH時間上枱真係算快，首先係夠熱，熱辣辣 香噴噴既PIZZA真係無得輸呢個係千島醬pizza薄餅好薄好脆，加上個底有千島汁令味覺好開胃，呢個價錢好伐算真係好大隻，而且好足料鋪滿晒

不是經常去荔枝角呢頭，咁啱有個朋友喺附近住，咁我地就食個午飯先上去朋友屋企，一入餐廳，感覺好舒服，除左背景音樂好有外國既感覺之外，餐廳既擺設，餐桌餐椅都令人覺得好舒服，仲有席上有幾枱外國人既客人，真係有少少置身於外國既感覺。餐包又軟又香，上檯係好熱辣辣，而且仲有橄欖油同黑醋點，黑醋香濃，餐包點黑醋同olive oil 係非常好味軟殼蟹扁意粉一擺上枱面已經好吸引，除咗外貌好吸引之外，香氣四溢，而且用咗原隻軟殼蟹，食落好香好脆，而且蕃茄嘅香味完全深入扁意粉裏面，軟殻蟹非常之脆，好香口，配上扁意粉，簡直一流香蕉批賣相好吸引，而且香蕉味好濃，中間仲夾左焦糖醬，一流總括而言，喺荔枝角搵到一間唔錯既西餐，實在難得，而且價格合理，性價比極高！

個日同fd經過見到門口寫晚餐時段有75折，睇睇menu同餐廳，感覺都唔錯就入左去試試，其實我地唔太肚餓，但想搵個地方吹下水，消磨下時間我見menu有好多pizza，飯同意粉都好似好吸引，最後幾經掙扎揀左烤春雞同大蝦凱薩沙律，問左侍應春雞係一整隻，所以兩個人share 應該完全無問題 淨肉又有點單調，所以叫多個沙律中和下～首先上左餐包，跟住沙律接住黎個沙律都幾大盤，夠兩個人share，入面d大蝦都好新鮮彈牙餐廳仲有備olive oil 比客人自己落唔錯唔錯個春雞一上枱就香味四溢，烤既色澤剛剛好，視覺嗅覺都一流，個皮超級薄 i like it! 平時食雞唔太鐘意食皮，因為口感好肥膩，呢個完全無問題！而且d味完全鎖晒入個皮度，連皮帶肉一齊食真係好正。佢仲有個自家新鮮製既番茄醬比你點住食，夾到喊！見到其他客人好多都有點pizza搞到我地都好想食，下次一於再黎試！！

同一班閨蜜共聚暢談，點可以缺少一間好嘅餐廳呢？搵咗好耐就決定呢間地理位置唔錯，以唔同自製pizza作招徠嘅餐廳聚腳啦🤤我哋一行五人嗌左個4人set，再加多個main dish，結果仲有少少食唔曬，可見份量都幾多下👀每個set跟飲品，餐湯同餐包；餐湯係蕃茄薯仔湯，好鮮甜！法式小餐包好鬆軟，配埋黑醋同橄欖油就fit晒巴馬芝士薯條 連皮薯條好夠薯味，夾埋煙肉芝士醬嘅鹹香即刻完勝水牛城雞翼有成8隻咁多，雞翼多汁嫩滑，夠酸夠辣夠過癮😏如果唔係好食得辣可以加埋sour cream一齊食咁就中和返啦安格斯西冷牛扒夠晒厚，牛味亦濃，配菜為蕃薯條，幾有創意！鮮蝦risotto有咬口，隻蝦真係新鮮彈牙架！巨型肉丸闊條麵嘅肉丸真係好大粒，入邊有洋蔥，唔使啖啖肉之餘口感亦豐富左；闊條麵唔過淋，保持口感最推係黑松露雜菌pizza，芝士同雜菌分量多就唔再講，批底夠脆又唔會薄到好似食緊餅乾咁🤤青檸荔枝幾Fresh雲呢拿牛奶好香滑

今日老友特登過來接我收工，當然就介紹去間好去處，佢話成日幫襯，我就睇下有乜咁特別，入到去空間感舒服，播輕音樂都幾舒服，我地今次一行三人叫了一個二人晚餐，價錢都抵食而且坐得舒服，我地坐了差不多二小時才離開，朋友都讚好，話下次都想再來。前菜有鬆軟麵包，配磨菇湯十分開胃，餐湯濃郁加上意式黑醋同olive oil就更加醒胃。小食前菜有水牛城雞翼，醬汁帶濃加上微辣，裡面充滿雞肉汁，所以食起上黎就非常入味，雞肉彈牙。主菜不久就來到，巨型肉丸手打闊條麵，沒想到份量十分大，而且肉丸微脆肉質都幾嫩滑，下面的闊條麵好驚喜好味又煙靭，老闆話係佢地人工自製，唔怪得出面食唔到咁彈牙啦。另一款主菜招牌至尊薄餅，是薄身薄餅口感脆口有麵包香，材料勁香但吾會勁多醬汁，剛剛好，完全食到材料的新鮮，餅底又夠薄同脆口。最後再叫燒豬肋骨，香草味香濃而豬肉口感十分好，醬汁吾會太多同咸，下面仲有勁多薯條岩晒我地，真係食到lam lam脷。

今日放工約左細妹食飯，慶祝佢揾到新工，所以就去左佢公司附近揾野食，荔枝角咁多工廈食店都唔少，最後揀左間食pizza既西餐我地六點多就到，所以唔使等位，坐底就見到陸續有人入黎食晚餐餐廳雖然店仔細細，但都發掘到驚喜入到餐廳，見到環境好乾淨，裝修新淨，感覺幾舒服甜品櫃放係門口位置真係好吸引人蛋糕款好特別，唔係一般餐廳食既款式，都幾有賣點裝修簡潔清新，一睇就知呢間餐廳拿手菜係pizza餐牌好多選擇，既然佢pizza係主打菜，我地當然要試下，所以叫左個夏威夷風情，另外再叫左個巴馬火腿熔岩芝士薯條因為pizza係手工製即叫即整，等左差不多十五分鐘，芝士薯條就好快上菜，薯條份量算多，芝士好香濃，份量好多，每一條都沾有濃郁既芝士，夾埋巴馬火腿一齊食，停唔到口，好快就俾我地兩個消滅左Pizza超級大個，原本諗住我地兩個食得晒，點知原來咁大個，咁既價錢食到手工pizza仲要即叫即整，都幾抵食pizza用料好足，舖滿火腿菠蘿仲有青椒同香噴噴既芝士，見到都好開心切開見到批底幾薄，好欣賞佢做呢個批底同脆批邊咁平均，芝士份量剛好，唔會搶左晒其他食材味道，最後食埋個批邊中和一下濃郁既味道又可以食下一塊原本想食埋蛋糕

去到荔枝角食嘢，見到呢間餐廳環境都算好舒服，而且價錢適中，於是我哋就叫咗呢一間嘅set dinner啦。叫咗一個二人餐 蘑菇湯幾好飲嘅，有蘑菇味，而且都算creamy！ 水牛城雞翼方面，隻雞翼整得幾好食，個汁又辣又甜唔錯。配上沙律醬中和下，如果唔食得辣嘅朋友可以點多啲沙律醬，係個酸酸甜甜嘅小食。另外我哋叫咗帶子忌廉意大利飯，嗰份量其實算幾大呀，如果女仔食呢就應該都好飽。帶子鮮甜，而且個汁都幾襯，有白酒嘅味。至於pizza方面，我哋叫咗合併嘅pizza。咁就有parma ham 咁我哋覺得個餅底都幾脆，然後加咗啲羅勒葉，其實係幾香嘅。另外啲芝士配上火腿感覺都唔錯，整體來都唔會話好漏。我哋另外加錢食咗一個甜品。就算唔加其實都會有陪襯嘅甜品嘅。我哋叫個brownie都令人好滿意。雪糕方面呢係好食㗎配brownie同埋一啲嘅生果呢整體個感覺好fresh呀😛

今時今日要食一個正宗d嘅手工薄餅真的買少見少，雖然連鎖店已經多了選擇，但真正足料焗Pizza還是小店的貨真價實👏Dinner Special 二人餐餐湯: 薯仔忌廉湯，除外脆內軟餐包，湯內還有脆多士點綴，濃郁滑口頭盤: 堅水牛城雞翼，醬汁辣味到肉，如果怕太辣點上白色醬汁，雞翼變得滑溜可口。鮮蜆手打閣條麵，先要讚一讚它的忌廉汁，驚喜地濃郁好食👍👍 配上手打闊條麵軟身的口感，兩個人食基本上會爭食闊條麵🤣🤣，蜆肉鮮度合格，是軟殼蟹12"手工pizza又係外脆內軟得誇張，Dinner set 加$10 這個黑松露誘惑用了碎磨菇加上黑松露油焗製，值得一讚是薄批邊緣就算涷了也仍然脆口😍，兩個人食一個走肉的薄餅剛剛好飽肚！推介給素食者的一個必叫Pizza!飲品: 熱檸茶&熱朱古力，檸茶用茶包壺裝沖泡👍 熱朱古力夠哂濃，加少許糖包非常可口😋甜品: 雪糕蘋果批，跟餐只加$28的蘋果批加上高質Vanilla ice cream CP 值高👍 令整個Dinner set劃上完美句號。用餐注意事項，洗手間需要到長沙灣廣場，所以餐前先到洗手間較為方便。優惠注意，星期一至三餐廳有七五折，星期六Brunch有六五折

今晚去開荔枝角朋友介紹呢間西餐廳唔錯我都好耐無食pizza喇今晚都幾多人食佢地有個Dinner Set 我地選擇「二人晚餐 $378」都唔算太貴吖頭盤、餐湯、主菜、薄餅、飲品、甜品樣樣都有🥰頭盤：佢地有3樣選擇沙律/雞翼/芝士薯條我地揀左「堅水牛城雞翼（8隻）」本人覺得頗辣配合醬料來食就另有一番風味但好開胃好惹味好正👍🏻「餐湯及餐包」超濃郁薯仔湯暖暖脆脆的麵包麵包沾落湯度裏食太好味了👍🏻主菜：*注意：佢有3款主菜需要加錢的*「鮮蜆手打闊條麵」個汁超濃郁真係超級好味汁唔會好漏好creamy手工闊條麵好有口感汁份量好夠而蜆肉好鮮味我地二人超快就食完一碟手工薄餅：我好鐘意食黑松露諗都唔諗就揀左呢個「黑松露誘惑 8件（加$10）」Pizza太有驚喜了上面仲有黑松露油所以黑松露味更加香更加濃薄餅係薄底既好脆唔會有太硬既感覺正👍🏻👍🏻飲品：熱檸茶（壺上）熱朱古力甜品：雪糕蘋果批 （每款另加$28）好好味呀雲尼拿雪糕蘋果批暖暖地簡直係頂呱呱👍🏻今次整體黎講係正既👏🏻5⭐️為最高味道：⭐️⭐️⭐️⭐️⭐️推薦：⭐️⭐️⭐️⭐️⭐️回頭：⭐️⭐️⭐️⭐️⭐️

最近成日都去長沙灣，荔枝角個邊，因為新開左間戲院睇戲超平，但由於個頭無大型商場，工廈多，所以搵食有d難度。上網見呢間評價唔錯，又咁啱見到呢個月做梗優惠，星期一至四晚餐時段有成75折，於是即刻book 黎試下~餐廳裝修都幾雅緻，環境唔錯~一聽餐廳個名就知pizza 係重點，但我地得兩個人，食pizza 好似有點heavy，而且想試多d野食~最後叫左個香草烤春雞同水牛城雞翼，唔好講笑，兩碟都好大份量，春雞係一整個再加薯條，水牛城雞翼係勁多隻XD 烤春雞一出黎就已經聞到超香既味，個皮烤到非常薄，怕肥膩既朋友啱曬，成隻雞d肉都好滑嫩，淡淡肉，點埋新鮮製既番茄醬一齊食超正！之於水牛雞翼，我完全明白點解menu要寫堅水牛城雞翼！因為真係好堅！堅好味！隻味係我第一次食到既味，雖然辣，但係完全停唔到口的！兩個人只係叫左兩樣野就食到飽一飽，下次要叫多d人去試埋其他野!Pizza!

荔枝角意想不到既餐廳～呢間餐廳門面好簡單，行過都好易miss左，但一直都知佢既存在，直到有一晚要係荔枝角食晚飯，呢頭夜晚比較靜，選擇唔多，所以就試下呢間！閒日book左台仲有折，叫左個4人套餐，價錢ok，698到未計折，但包兩個前菜，3個主食同4杯野飲。芝士煙肉薯條夠脆，唔錯。水牛城雞翼係辣辣地既，不過我鍾意～幾惹味同開胃。主菜叫左豬仔骨、黑松露pizza。豬仔骨我覺得肥肉部分有啲多，我鍾意食瘦肉既part多啲，pizza係有8塊，都幾香，抵食。另外，我覺得呢到環境比我想像中好好多，因為外表雖然係舊工廈，但係裡面既餐廳環境幾有mood，入面仲有間private room，好安靜好岩同朋友傾計！讚