Pizza Piazza (已結業)

之前都有見過呢間餐廳，今日終於有機會試試。呢間餐廳嘅鋪面唔算大，但係裝修都OK。咁我地就叫咗二人餐，首先有餐湯係蔬菜湯，幾清甜，店員仲送咗我知一籃餐包，雖然個餐包略為有少少硬，但係配湯飲就啱啱好。我哋仲揀咗凱撒大蝦沙律，菜同蝦都好大份量，作為前菜係唔錯嘅選擇。跟住就上咗個大蝦意大利飯，味道唔錯，份量都好夠。黎到重頭戲，個薄餅我哋叫咗夏威夷風情，個餅底做得好鬆脆，係薄批嚟嘅。個番茄醬同火腿同菠蘿都好夾，一個人都可以食到三塊。由於我哋有四個人，所以我哋另外加咗一個bbq豬肋骨，個薯條好有驚喜好鬆脆，個豬肋骨加埋佢自己嘅醬都好夾。最後尾都有包餐茶，但係甜品就要另外加錢所以我哋就冇叫到。總體來講你攻下入邊有一個咁水準高嘅西餐真係好驚喜，以後可以再嚟食。