Pizza Piazza (已結業)

荔枝角呢邊好多工廈都有唔同特色嘅餐廳，所以今日就book咗呢一間餐廳決定同屋企人試一試。我哋坐七點鐘食飯，之後發覺原來七點鐘都已經有一半係滿座。餐廳氣氛同裝修都幾有情調，雖然店舖細細間，但係好有特色。我哋本身想叫一個Pizza同兩個主菜，經過餐廳店員推薦之後，就改成左一個二人餐+1個主菜。二人餐有餐包同湯，店員仲好貼心咁俾咗我地四個餐包。頭盤我哋叫咗一個大蝦凱撒沙律，啲蝦好爽口同埋菜都幾新鮮。Pizza我哋叫咗一個夏威夷風情，佢個批皮係薄皮，而且焗得好脆，我覺得呢一個Pizza係入面最好食嘅一樣。而且四個人食，一人都有兩片左右，份量大又岩share，強烈推薦！最後我哋叫咗一個大蝦意大利飯，佢個汁好濃郁好入味，可惜係屋企人比較喜歡食清淡野。

不嬲都好少黎荔枝角呢頭，除左有時候d2 place有啲咩特別活動先至會過下黎，難得今日試返新工就黎呢頭，即刻約埋我個住荔枝角既朋友仔食晚餐，問佢有咩推介佢就帶左我黎呢間食pizza意粉既餐廳，我地去到門口冇人排隊，入面直接有位坐，我地揀左個近門口既位，既可以望街景又可以同朋友自成一角淨淨傾計，一坐低啲staff就好快比水同menu我地，我地叫左一碟軟殼蟹手打闊條麵同埋一個hawaii夏威夷風情pizza，本身唸住食完先再叫個甜品，點知黎到原來份量都幾大，我地食飽曬所以最後都冇食甜品，唯有等下次去先再試啦😂先講個意分，手打麵口感果然寧舍唔同，叫落去煙煙韌韌，單食一條都可以fill up個啖，蕃茄醬汁甜酸度剛好，唔會太油膩，軟殼蟹唔洗講啦！無得頂！至於pizza就係薄批底，有火腿菠蘿紅椒同黃椒，味道咸而不太濃，如果火腿同菠蘿可以多返少少就好了，overall環境好舒服乾淨，係啱過一個休閑既晚餐時間☺️

星期六陪女朋友去香工拎嘢，順便留喺荔枝角食個lunch，好耐冇過嚟荔枝角喇，而家呢邊多咗好多特色小店。本身諗住上啲工廈到覓食，點知經過工廈地下見到有間唔睇落錯嘅pizza店，門外仲要大大隻字寫住65折呀！咁冇理由唔試下丫！室內格局舒適唔錯。我地叫咗兩個午餐，有餐湯麵包提供😋⭐️澳洲A級肉眼扒 ($138)肉眼扒大大塊，本身$138已經唔貴，而家仲要有65折！真係好抵食！伴碟嘅係女朋友至愛嘅炸蕃薯條🍟，仲有火箭菜沙律🥗炸蕃薯條香脆唔油，甜甜地好好味！火箭菜新鮮爽脆👍🏻肉眼扒肉質嫩滑juicy，外層煎得有啲微焦好香口，切開顏色粉嫩。⭐️夏威夷風情 ($118)用咗italian ham，菠蘿同甜椒，食落酸甜香胃🤤pizza餅底鬆軟帶點脆，好味👍🏻⭐️蒜油意粉 (+$18)跟肉眼扒加咗一碟意粉，估唔到$18咁大碟😂而且食落味道唔錯，蒜味香濃唔油膩。⭐️巨型肉丸 (+$28)蕃茄醬汁酸甜開胃，肉丸肉質結實有咬口，配埋芝士碎，香濃好味！⭐️凍檸茶用咗伯爵茶做做底，甜度適中，好清新。⭐️熱mocha朱古力味同咖啡味平衡得唔錯👍🏻

餐廳地點好近地鐵站 D1 出口左轉直行就係係嗰頭返工或者行開街真係好近我地唔點個二人餐，直接單點鍾意食乜就食乜，不過好容易選擇困難証發作。唔使點餐，餐廳竟然照送餐包，質素不俗，因為口感鬆軟，軟硬適中，配上黑醋，味道更佳。我哋揀咗軟殼蟹手打闊條麵係好香嘅蒜蓉味同蕃茄味，有少少驚喜 因為冇諗過個闊條麵可以咁香口 食完會覺得麵條都煙靭，手工製果然係唔同D, 加上即炸既軟殼蟹相當脆口，而闊條麵更有蟹汁味道添。黑松露誘惑（松露蘑菇芝士薄餅）雖然一開始望落去樣子普通，但個餅底做得幾出色 真係有手拉薄餅嘅脆口感覺 蘑菇嘅份量都幾多 黑松露味道香而不搶 整體來講係好食 好過pxxxx express 嘅餅底太薄 城陣風咁，食完都唔覺飽肚

知道茘枝角其實勁多好味小店，係open rice 揾有訂位，仲有折扣嘅餐廳同朋友聚舊，地址係工廠大廈地下，揾到工廈，見到招牌但原來係後門，後門吾入得，前門門口有點隱蔽，前門似後門，後門似前門如果吾係上open rice 揾到地址，其實經過前門係吾會發現呢間係餐廳，跟好朋友由12點坐到2點幾，舒服環境，服務好，食物吾錯，叫左2個沙律set lunch，好新鮮嘅菜，另外ice cappuccino , 味道吾錯 ，整體都好好，但吾明白食晏時間點解吾多人?

有一日去咗荔枝角d2 place行街，朋友介紹呢間小店嘅Pizza都做得唔錯，而且價錢合理又坐得舒服，所以今日就去咗試一試lunch啦😄Lunch有好多野選擇，選擇困難症嘅我表示無從入手，所以朋友就揀咗一個羊架一個pizza share🤣🤣Set有餐包同埋蘑菇湯，個湯超級濃郁，都有粒粒嘅蘑菇，配埋牛油餐包真係無敵！呢份羊架睇落相當唔錯，餐廳好有誠意，而且羊架好大件，煎得岩岩好唔會太熟，同埋隔離side dish都好好食呀！esp蕃薯條🍠Pizza係手拉薄餅嗰款，所以食落唔會太油膩而且煙靭，醬汁不太濃好fresh，絕對會encore！

朋友住喺荔枝角附近，去朋友屋企之前，一齊食個lunch 先上去，緊係問地頭蟲有咩好介紹啦，朋友帶左我黎呢間抵食又好味既pizza piazza ~朋友推介呢度既pizza 同小食，一於食呢兩樣!水牛城雞翼焗得好香，而且熱辣辣，上枱既時候仲出緊煙，水牛城雞翼醃得非常之入味，香辣味啱啱好，唔會太辣，但又唔會唔辣，而且烤得啱啱好，保留到雞汁之餘，又唔會太油，非常惹味。由於焗得剛好，唔會太乾，一咬落，肉汁充滿口內，好juicy好入味~火腿磨菇pizza 上枱時係熱辣辣，真係即叫即焗，雖然係厚底，但係有口感得黎有少少脆，唔會有好麵包既感覺，而且火腿磨菇料好好味，火腿唔太肥膩，磨菇有少少爽囗，可以一塊咁叫，如果多d人食，可以試唔同囗味，絕對一次過可以滿足十幾個願望~熱朱古力一望個賣相就知好好飲! 朱古力味一流，而且好滑身，而家香港人普遍不喜歡太甜，所以呢杯熱朱古力唔洗少甜，佢既甜度絕對適合香港人~~估唔到小小既餐廳，食物質素幾好，而且價錢相宜，朋友果然冇介紹錯~

今日约咗個朋友係茘枝角敍舊，朋友帶我去這間食店，果然係正確選擇。絕對會覺得有驚喜和物超所值，店內冷氣充足，環境整齊乾淨。店員也很有熱誠和有禮貌。看完餐牌，賣相好靚。見到D pizza好吸引。叫咗個夏威夷pizza。個批係簿批，脆脆地，好有口感。pizza有很多材料，而且食材也十分新鮮。個人認為是必食的食物。另叫咗香辣雞翼，也同樣有水準，雞翼熱熱地，算太辣，但好入味道。另外叫咗炸薯條，薯條是即炸的，好新鲜，又夠熱。另叫安格斯西冷扒，肉質鲜美，又有好感。非常好食。飲品方面則叫凍咗伊呢拿鲜奶，伊呢拿味好濃。朋友則叫咗個凍樽子咖啡，也做得非常出色，咖啡味好濃。十分難忘。综合各方面，包括價錢，環境，服務態度，食物質素。絕對值得再光顧。

今日要同朋友喺荔枝角工廠區整少少野完咗之後周圍望有啲咩食🤩發現原來荔枝角工廈都江堰開咗幾多好嘢食嫁喎不過D2 place嗰啲餐廳就比較貴所以我哋就行咗嚟呢間餐廳度食Pizza裝修簡單 雲石裝修 啱晒女仔嘅心意睇餐牌有二人 set Menu其實都幾抵食不過我哋想食軟殻蟹意粉🦀set Menu冇得upgrade所以我哋就散叫Pizza可以mix 兩款我哋揀咗Parma ham pizza同埋黑松露Pizza個軟殻蟹意粉有驚喜喎！原隻蟹好足料 同朋友兩個食極都好似食唔完咁😛個意粉有小小辣 好惹味 好開胃！大概等15分鐘就有Pizza！🤤Parma ham啖啖肉好正!黑松露好香濃好值得推介！女仔無論如何都要食甜品作結！👻叫咗個蘋果批！上碟之後同朋友都哇咗聲！有誠意！配嘅雪糕同士多啤梨都好新鮮好好味！😽如果大家喺想搵坐得舒服又可以傾下計嘅餐廳可以黎呀！值得推介👍🏻

今日約左朋友去D2 place買野，買完搵餐廳食晚餐ge時候，俾Pizza Piazza門外塊75折牌吸引左入去。我地揀左個二人餐食，已經包左餐湯、頭盤、主菜同埋餐飲。餐湯係蘑菇湯，好濃味同足料。麵包配黑醋，麵包熱辣辣，食落鬆軟，點埋黑醋，好味。前菜係巴馬火腿熔岩芝士薯條，份量十足，薯條好脆好香口，熱辣辣，配埋巴馬火腿鹹鹹地，仲有邪惡芝士，口感味道大大提升。主菜揀左巨型肉丸手打闊條麵，肉丸真係好大粒，好有咬口。另外個主菜就揀左Pizza，黑松露誘惑手工薄餅。黑松露味好出，上枱已經聞到好香，餅底亦都好得。果然餐廳係主打Pizza!餐飲揀左熱朱古力，濃厚朱古力味，好滿足。我地額外叫左個堅水牛城雞翼，因為見Openrice食評有唔少好評。一共有八隻，好抵。堅水牛城，堅辣辣地，好惹味。Overall 食物質素都唔錯，成個2人餐折完都係三百蚊鬆d，CP值高，可以再翻炒。

嗰日去咗D2 place行街，行完之後就搵下附近有咩西餐食啦。同行既朋友話想食pizza，於是就搵到呢間距離D2 place5分鐘腳程既Pizza Piazza喇。我地大概六點去，好早所以都直接有位。為免選擇困難症發作，我地直接揀咗個晚餐set。水牛城雞翼。個汁好惹味，酸酸甜甜辣辣幾好食，不過我個日有啲唔舒服，對我黎講就辣咗啲。上菜時我不禁嘩咗聲，因為佢個份量比我想像中多好多。個日餐湯係蘑菇蓉湯，都唔錯。不過朋友話略嫌有小小唔夠濃。鮮蜆鮮闊條麵。蜆既數量好多，其實縱觀呢間餐廳既份量都幾多，抵食！講返個麵，幾好食，不過個日個調味有啲重手，鹹咗小小，可能都係我個日想食淡啲。黑松露誘惑。呢個好食！一上菜個時聞到好大陣菇味，正！薄餅唔係平時大型連鎖店食開個隻質地，但邊位好香脆，熱辣辣好好食！下次黎會想試埋其他口味。最後嗌咗個伯爵茶做收尾。佢係一壺咁上。飲杯熱茶暖肚解膩，即刻舒服晒。總括黎講，呢間可以再戰！等我下次試埋其他有肉既pizza先！

星期一到五都過著沉悶乏味的上班日子，放工一於幫襯有特色的小店。Pizza Piazza 位於荔枝角 MTR 出口附近，一出站就到，十分方便，今日一於同女朋友在此享受一頓豐富的晚餐。餐廳有不少掛牆壁畫，十分有心思。燈光亦十分柔和，氣氛浪漫。我們點了一份二人套餐。麵包烤得香噴噴，夠熱夠脆口，配上黑醋就最夾。餐湯味道亦很濃郁，很creamy, 第一印象十分好。頭盤可以三選一，我們選了巴馬火腿熔岩芝士薯條。薯條份量堅多，芝士亦十分邪惡，好少可頭盤會有食到停唔到口嘅感覺。巨型肉丸手打闊條麵肉丸真係大大粒，調味剛剛好，闊條麵值得一讚，十分彈牙，口感滿分。黑松露誘惑手工薄餅Pizza 係主菜！餅底夠薄夠脆，盡顯功架！黑松露味道好香呀，食慾大增！而且好大個 pizza，食唔晒，唯有打包。熱朱古力堅水牛城雞翼我們追加了一客小食。雞翼有啲辣，夠晒滋味！而且有成八隻咁多！好少見咁足料嘅小食。整體而言，食物質素很滿意，環境很適合享受時光享受美食。性價比很高，逢星期一至三晚上有七五折優惠，絕對會再來幫襯！

很難得跟好朋友同一天放假，當然要好好暢談一番！今次朋友負責挑選餐廳，她說喜歡吃pizza，所以就在她家附近的餐廳，滿意的晚餐就這樣實現了！是日餐湯，我最喜歡的就是它夠熱！湯一定要熱的才好喝（當然，這是我自己的愛好...哈哈）湯的濃度剛好，拿餐包沾一點湯來吃，感覺好特別，特別是餐包的質感，很有韌性！頭盤，巴馬火腿熔岩芝士薯條，說真的這樣配搭parma ham的薯條我還是第一次嘗試，以前吃的都是蕃茄醬或者黑松露醬🤭 熔岩芝士的份量剛好，薯條沾了芝士跟巴馬火腿一起，有雙重的香味，口感特別，不再單一！整個晚餐，我本人最最最喜歡的就是 鮮蜆手打闊條麵 ，我的天呀，蜆肉好新鮮，重點是沒有沙粒在裡面！👍闊條麵好爽滑，闊條麵撈了那個好creamy的汁，我好喜歡pizza 也是選了Parma ham😂沒辦法，我們都是parma ham的愛好者，侍應上菜的時候，嚇我一跳，這麼大的pizza，材料配有我喜歡的火箭菜兩個人下單的2人套餐，吃飽飽還可以外帶剩下的回家，真的好划算！

一早就同同事約好，放工要來食呢間餐廳，期待咗一日，終於食到啦，好滿意呀！餐廳裝修好有心思，有唔少掛畫。感覺好舒適！2個人，就叫咗個2人餐食，餐湯同餐包都係中上質素，餐包比較少見，幾特別，比較煙韌，唔似一般既餐包咁鬆散，頭盤，我地揀咗堅水牛城雞翼，非常惹味。每一隻雞翼都滿沾曬汁，辣味好夠。中意食雞翼，又食得辣既一定要叫呢個，食得好過癮。佢仲有配一個醬，酸酸地，有少少忌廉味，可以中和返d辣，怕辣既朋友都可以食到。主菜可以1人叫1樣中意食既，同事揀咗鮮蜆手打闊條麵，蜆既份量好多，手打既闊條麵更加有咬口同彈牙，加上個汁好creamy！ 勁like呢個我就揀咗我最想食既Parma ham pizza。嘩，有成12寸咁大，估唔到呢度既份量可以做到咁足。pizza底厚度適中，呢個厚度入口係最好配埋parma ham 加火箭菜，好夾！每一塊上面都有芝士，成個口感非常豐富！埋單仲有全單75折tim，好抵食餐廳咁近公司，下次聚餐一定會再揀返呢間！

今日朋友專登過來接我收工，當然就介紹去間好去處，這間入到去空間感舒服，播輕音樂都幾舒服，我地今次一行三人叫了一個二人晚餐和一個主菜，價錢都抵食而且坐得舒服，我地坐了差不多二小時才離開，朋友都讚好，話下次都想再來。前菜選擇了大蝦凱撒沙律，菜十分新鮮配醬汁十分開胃，蝦都幾大隻同爽口。之後飲了是日餐湯味濃郁而且配上熱脆包加牛油十分好味道。主菜不久就來到，香草烤春雞，沒想到份量十分大而且皮帶微脆雞肉都幾嫩滑，下面的是蕃薯條好驚喜好味又脆口。另一款主菜招牌至尊薄餅，是薄身薄餅口感脆口有麵包香，材料勁香但吾會勁多醬汁，剛剛好，完全食到材料的新鮮，最後再叫燒豬肋骨，香草味香濃而豬肉口感十分好，醬汁吾會太多同咸，下面仲有勁多薯條岩晒我地。我地三人都叫了熱飲再加上在出面選擇的甜品Banoffee Pie，味道十分特別，有點芝士味又甜甜咸咸，口感有層次不錯。