Pizza Piazza (已結業)

最近成日都去長沙灣，荔枝角個邊，因為新開左間戲院睇戲超平，但由於個頭無大型商場，工廈多，所以搵食有d難度。上網見呢間評價唔錯，又咁啱見到呢個月做梗優惠，星期一至四晚餐時段有成75折，於是即刻book 黎試下~餐廳裝修都幾雅緻，環境唔錯~一聽餐廳個名就知pizza 係重點，但我地得兩個人，食pizza 好似有點heavy，而且想試多d野食~最後叫左個香草烤春雞同水牛城雞翼，唔好講笑，兩碟都好大份量，春雞係一整個再加薯條，水牛城雞翼係勁多隻XD 烤春雞一出黎就已經聞到超香既味，個皮烤到非常薄，怕肥膩既朋友啱曬，成隻雞d肉都好滑嫩，淡淡肉，點埋新鮮製既番茄醬一齊食超正！之於水牛雞翼，我完全明白點解menu要寫堅水牛城雞翼！因為真係好堅！堅好味！隻味係我第一次食到既味，雖然辣，但係完全停唔到口的！兩個人只係叫左兩樣野就食到飽一飽，下次要叫多d人去試埋其他野!Pizza!