PHI Coffee & Pancake (圍方)

營業中

休息中

經過圍方，見到新開將，好岩下午茶坐底嘆杯咖啡食件pancake。疏乎厘一件$45，有7種口味，即刻買番2件比亞女同自己當下午茶，等緊嘅時候己經聞到好香蛋香味。Lotus 海鹽焦糖梳乎厘梳乎厘好軟綿，而Lotus 海鹽焦糖鹹鹹甜甜好味，不會好甜，Lotus 餅仲增加口感添。經典英式伯爵茶梳乎厘很香伯爵茶味，很濃郁，而且不會過得膩。仲叫左提拉米蘇咖啡同伯爵茶鮮奶咖啡，提拉米蘇咖啡口感軟滑綿密，而伯爵茶鮮奶咖啡很幼滑，仲有伯爵茶嘅清香味。

身為一個北區人，最近最方便既商場就係圍方，買餸、小朋友玩同想食咩幾乎都有❤️🤩呢間有好多分店既梳乎厘cafe，黎左圍方梗係要試下，打卡冇得輸，梳乎厘有好多款式💚開心果梳乎厘開心果碎好多，口感豐富，唔會好甜岩岩好，梳乎厘好滑配上淡淡蛋和奶香，我食過既世一梳乎厘😋💯🌰秋冬濃濃栗子梳乎厘超鍾意栗子蛋糕，呢個栗子份量多而不膩，梳乎厘淡香+栗子甜味，夾👏🏻😋🌹🍵人見人愛花茶唔係淨係茶包咁簡單架，仲加左真係人見人愛既士多啤梨同玫瑰花，食完甜品可以解膩😍🥛☕️黑糖鮮奶咖啡咖啡香濃，奶滑，黑糖畫龍點睛🤪#梳乎厘 #開心果 #栗子 #咖啡 #花茶 ＃甜品

今日同屋企人係圍方食完飯，見到間新開 @phi.coffee_pancake 餐廳，因為媽咪今日覆完診要氹下佢，所以畀佢食個甜品開心下啦，有七款 pancake 我哋一家六口，每人一款剛好試曬六款，仲有宇治抹茶紅荳係未試嘅。我一向好食就好食唔好食就唔好食，餐廳 sell 空氣感 pancake ，好坦白講我係好失望嘅，失望嘅係佢好似理解錯誤乜嘢叫空氣感？我只可以用蛋糕嚟形容，佢好實淨囉完全唔係空氣感，同埋我覺得完全冇蛋香味道，當pancake 又好蛋糕又好完全冇香味，雖然個 pancake 底麻麻，但係我覺得 pancake 上面嗰個 topic 味道唔錯，最緊要唔係好甜～希望餐廳睇到我嘅留言啦，如果改良返真係做到空氣感既，我唔介意畀錢試多次～#似蛋糕嘅pancake #還是蛋糕扮pancake #phi

終於等到大圍開，專賣細份獨立版Pancake同飲品。同朋友叫左Lotus海鹽焦糖梳乎厘同經典英式伯爵茶梳乎厘。全部都係用獨立盒，裝住每一件Pancake，可能係方便比人外賣拎走食。Lotus海鹽焦糖梳乎厘梳乎厘質感好軟綿，火炙焦糖香，海鹽焦糖亦唔會太甜膩。經典英式伯爵茶梳乎厘幾香伯爵茶味，一人一份剛剛好。天然蜂巢棒棒咖啡好大舊蜂巢，唔會太甜，再加上香濃咖啡，幾特別。朋友叫左杯豆花咖啡佢話好香豆花味，唔錯。

如果今年只可以食一款甜品，我揀疏乎厘。疫情期間唔可以出去食嘢，我就喺屋企學識咗整疏乎厘。但係始終唔可以整得好似出邊咁厚身。而且都幾廢功夫。今日經過大圍一次過點咗兩款唔同口味疏乎厘。味道都好滿意。😍**開心果疏乎厘**，每一口都充滿咗開心果的香味，滑順的口感喺嘴裡融化，令人心情愉快。接著試咗**士多啤梨慕絲疏乎厘**，酸酸甜甜的士多啤梨味搭配慕絲的綿密。我仲點咗**抹茶鮮奶**同**飄浮士多啤梨梳打**，抹茶的清香同鮮奶的濃郁完美結合，令人感到一陣清新；而飄浮士多啤梨梳打就係清爽的選擇，泡泡的口感令人無比開心。

有朋友新居入伙，去咗佢屋企拜訪，再行吓圍方，原來PHI coffee &pancake新開張，排隊就可以免費取一杯熱朱古力，人頭洶湧。我同朋友就各一個疏乎厘pancake，石板街疏乎厘，啲朱古力醬好正，又有果仁棉花糖，仲有餅碎，入口軟腍腍又有蛋香。開心果疏乎厘一共$45 一件，冇諗過個開心果醬做得咁出色，同樣都係一樣有少少脆卜卜喺面頭。飄浮士多啤梨梳打$48賣相好靚，而且有士多啤梨果蓉，真材實料。焦糖脆脆鮮奶咖啡熱$48 全部都係以外賣形式打包，在場亦都有座位可以慢慢食。