PHI Coffee & Pancake (圍方)

🍴 椰香冬蔭功海鮮意粉（微辣掛汁） 🌟🌟🌟🌟🌟（5🌟為最高）最近行啟德零售館，發現附近北斗園原來有餐廳！PHI Coffee & Pancake主打pancake同意粉，賣相靚之餘，味道都好有驚喜😍冬蔭功海鮮意粉微辣惹味，醬汁濃郁又掛汁，海鮮有青口同蝦，質素高，食落好滿足！🍴 漢堡扒全日早餐（豐富飽肚） 漢堡扒厚身有口感，肉質濕潤唔乾，加埋芝士真係邪惡好味😋配料超豐富：煎蛋、牛油果、炒雜菌、腸仔、煙三文魚、沙律菜，最驚喜係牛油多士，軟熟香口，牛油味超突出！🥭 泰式梳乎芒果糯米飯梳乎厘（空氣感甜品） 即叫即整，梳乎厘輕柔有空氣感，配上香甜芒果同椰汁糯米飯，口感豐富，甜而不膩，泰式風味十足🤤🥥 糯米芒芒椰奶沙冰（香滑不膩） 芒果同椰汁香氣十足，唔會太甜，糯米加埋沙冰口感好夾，夏天飲落超refresh！🍋 香葉檸檬特飲（清新解渴） 味道清新，檸檬香葉融合得好自然，飲落好舒服，啱晒飯後解膩～📍PHI Coffee & Pancake（大圍車公廟路18號圍方5樓Kiosk 26A & 26B）…查看更多

好多friend都話呢一間coffee shop嘅梳乎厘好正，原來佢都有幾多分店，今日就嚟咗大圍呢一間，叫咗士多啤梨梳乎厘再加杯咖啡，雖然冇想像之中咁好，不過其實佢個味道都ok嘅。佢個士多啤梨梳乎厘唔算太甜，而且都幾挺身，質素係ok嘅。…查看更多

今晚食完飯見仲有胃口，再食下PHI，之前試過另一間分店，好好味想再食下。今次食石板街梳乎厘，PHI既招牌，睇樣已經贏晒—脹卜卜超上鏡！食落口感QQ哋，淋滿忌廉同朱古力漿，經典甜味即刻喚醒細個食繽紛樂嘅回憶😍😍…查看更多

叫咗菠菜芝士蘑菇三文治，凍冰冰，直程少少暖都冇呀，唔怪之得第一眼已經見到入面啲芝士都唔溶嘅，男朋友唔敢出聲，差唔多食晒先同我講，如果唔係我真係會攞返去叫佢重新整過！其實都係拎入焗爐度叮一叮啫，真係手板眼見功夫，直程係懶惰，毫無誠意，現場仲要一台客都冇，所以完全唔存在忙中有錯呢個問題。真係落樓下Market Place買一個都唔使呢個價錢，冇咁嬲啊！提拉米蘇咖啡就正常水準。成個場都好旺，唯獨呢間唔使排隊，就知佢咩料，大家要小心中伏。…查看更多

環境方面，坐喺商場開陽位置，不過地方都算乾淨，但係倚賴啲人自己執枱，即係話，如果你食完嘢唔執返自己張枱，就未必有人幫你執枱試咗$48嘅藍莓乳酪疏乎厘，加$18 ，就有個士多啤梨梳打疏乎厘方面，可能我唔係big fans, 我真係覺得冇乜特別，醬料方面，甜嘅藍莓配酸嘅乳酪，見仁見智，但係我啲朋友食完都覺得麻麻地伯爵奶茶味（沒有拍照）還可以！至於杯嘢飲。（士多啤梨疏打）. 何謂梳打呢？係有氣嘅汽水，好可惜，杯嘢飲一啲戲都冇，似係走晒氣嘅梳打水，加士多啤梨！ 我想言之，令到我好失望！個人就覺得，可以試一次嘅！…查看更多