Outback Steakhouse (尖沙咀中心) (已結業)

HKD98－128 嘅set 以返工嚟講食個lunch 雖然唔太親民，不過有buy 8 get 1free, 又坐得舒服，有大大嘅落地玻璃，所以久唔久都會嚟食。今日睇個menu好似同之前有少少唔同，好似多咗個香辣蝦飯，咁我地就試下新野，另外order返平時嘅牛肉三文治。同平時一樣有個包，個包甜甜地，係黑糖包，有朋友覺得好好食，我就覺得普普通通，一個包兩個share 其實份量都幾多，仲有個湯同沙律，湯係蕃茄湯都幾濃幾多料。蝦飯到了，蝦伴邊，個樣都幾靚，面有啲蘿蔔絲，除咗有蝦，仲有少少肉腸，飯幾乾身，ok好味。另一個係平時食開嘅，多士一向都烘得幾香，幾脆，所以今次再encore, 不過牛肉就鹹咗啲，另外薯條今日唔脆，平時好食啲，其實每次嚟食都食唔晒，好full, 好滿足。

復活節假期開始啦，無得去旅行，只好留港消費；朋友建議去「Outback Steakhouse」食晚飯，即刻諗起「黑糖麵包」，好耐冇食，正！我哋相約去尖沙咀，因地點適中，朋友訂左尖沙咀中心那一間，聽講這間比起太興廣場較好座及舒服我哋叫左：- 前菜：特製洋蔥花球 (炸洋蔥)、炸磨菇- 主菜：美式慢燒安格斯肉眼牛扒(16oz)、燒肉醬味豬肋骨- 甜品：雪糕朱古力軟餅整體來講：除咗豬肋骨比較乾一點之外，其它味道都唔錯價格💰：$250 (平均每位)味道😋： OK

次次想鋸扒，諗唔到去邊，就黎到outback，不過係特別鐘情佢既黑糖麵包，free之餘仲可以refill !環境不錯，所以都岩一班人黎聚會，慢慢食，慢慢傾計。如果一大班人黎，特別推薦炸洋蔥同小食拼盤。由於今次只係兩個人黎，就點左小食拼盤同西冷。小食拼盤比我想像中大份，有豬肋骨，最愛既芝士薯條同雞搥。牛扒就保持以往一定既水準，配了焗薯及沙律，不過本人麻麻地甘藍沙律。食完已經食到飽到上心口，好滿足！一班人諗唔到食咩推薦黎，而且分店多，好易有間係左近。

第一次食Outback,終於知依間from Australia 既餐廳點解甘出名喇🥰👍🏻最主要係因為入面好多特別的菜式，一見到除左特別仲會知係from outback! 例如佢地既黑糖包，加白色牛油，經常好味到人會再叫（免費refill)!另外，簡簡單單一個洋蔥，都可以炸到一朵花甘，點沙律醬作小食！（其實都好考技巧，炸粉既比例，洋蔥又會出水）今次個炸粉就唔太夠喇😭唔夠脆但個樣係有既！主食當然要据扒！叫埋啤酒🍻每人平均200幾，中高尚消費但高質食物喔！

今日尖沙咀中午時份好大雨可能都係尼個原因 outback 好少人黎到一定要食餐前包啦 永遠無失望今日叫左個set lunch 曹魚柳 味道好入味 份量都岩岩好 價錢合理翻食指數

話說我對outback有住唔好既印象，好耐好耐之前食過一塊好韌既牛柳之後，就無再踏入過呢間餐廳。但係同事今日一時興起話想黎睇下呢間有咩lunch食，所以就入左去食。佢既lunch set由98蚊起，包餐湯，沙律，麵包同埋飲品，另外仲要再加一。我唔想食太貴，所以叫左意大利香草牛肉三文治。另外兩位同事叫左燒雞肉芝士夾餅，另外一位叫左燒肉醬味烤雞。先講傳說中既黑糖麵包，之前一路都聽聞話佢好好食。同事講到好好食咁，我就覺得還可以啦。。。暖暖地，少少甜，都算鬆軟，但又未至於咁誇張既。然後係餐湯，上面有少少芝士，湯本身都比較濃郁，算唔錯，不過落得太多黑椒。沙律有切得比較細塊，相對上易食，但係唔算好新鮮。然後到大大份既主菜。燒肉醬味烤雞有半隻燒春雞，同埋飯底，份量真係好勁。。。燒雞肉芝士夾餅有4件，再配上粗薯條。唔好睇佢好少野咁，同事食左兩件已經開始嗌飽。我既意大利香草牛肉三文治最後先到，佢又係大大份。長條型既包烘過下，入面包左芝士同牛肉。牛肉唔會話好鞋好乾，質地ok，肉味都比較濃，加上半溶既芝士，實在太邪惡啦！！！粗薯條本身又比較飽肚，所以大食既朋友都絕對會食到好飽！

講到朋友聚會永遠都多人推介outback食物唔算貴，質素唔算差最開心既，係佢有個餐前麵包黑糖麵包，係無限添食而呢個麵包面又脆，裡面又鬆軟仲有濃濃既黑糖味，食完令人回味麵包控黎講，呢度簡直天堂一入到去，待應安排完位置除左拎menu埋黎，就係拎黑糖麵包計返人數，兩個人一條，食完可以再fill 黑糖麵包配佢自家行既忌廉醬簡直係絕配食物方面🔹炸洋蔥算係outback1招牌菜炸到成朵花感打卡必選酥脆既表皮包住有少少脆口既洋蔥味道唔算太出色🔸芝士薯條🍟好早期既時候係好似炸洋蔥感大盆但可能經過改進就變左細盆當然價錢都有調整啦而呢款菜色都係我去到必點！因為佢薯條炸到岩岩好連埋芝士同面頭既煙肉入口絕對係啤酒既好拍擋🍻🔹炸磨菇香脆既表皮包住充滿菇汁既磨菇絕對推介！不過就新鮮出爐就要即食凍左就唔好味啦🔸冰桶甜蝦擺盤就靚啦不過隻蝦搣完殼無咩味下次可以唔叫🔹肉眼扒呢度既牛扒係計g數偏向大塊同薄身唔算太厚因為唔夠厚所以5成熟，個面做唔到脆既效果調味唔係好夠要自己加鹽🔸香草蕃茄海鮮長通粉以主菜黎講，反而通粉比牛扒做得出色用蕃茄打碎做汁而海鮮分量亦一d都唔孤寒黎到outback當然要嘆啤酒而配啤酒既，一定係小食而呢間

舊同事食飯，多數都想搵d 唔限時間因為唔會成日有時間見面約出嚟食飯今次都唔齊人都照出舊同事提議去outback👉🏻想食黑蚊蚊餐前包我第一個🙋🏻‍♀️因為我都好鬼鍾意食呢個包配埋creamy 👍🏻👍🏻最重要係冇限𠻹😬😬暖暖地真係食唔停架👉🏻都叫咗三條😋😋我嘅舊同事好醒係fbook下載咗discount有20%但佢又有信用咭套餐優惠最後決定散叫，唔洗比套餐限制食咩反正有折🤭🤭人多又可以叫多d 唔同款係度更係走唔甩👉🏻🐂🐂,炸洋蔥花,炸蘑菇,芝士薯條,雞肉,🦀餅,什菜,飲品(太多相唔post啦)😋😋最後更係要食埋佢至出名嘅朱古力甜品啦😬五個女人食咁多野🤫都保持得ok ,服務好好舊同事揀尖沙咀呢間，佢話坐得舒服d又真係唔錯👍🏻

日期：7月12日人數：9人不知不覺，呢個西餐集團原來已經喺香港屹立左20年。第一次去食嗰陣已經覺得水準好唔錯，而每次去食都覺得味道好穩定，通常都會有好多人排隊，如果冇訂枱的話就點都要等位先入到去。今次就同一班朋友一共九個人去到尖東呢一間分店食晚飯。本身我哋係想去食斧頭扒餐，但係原來需要預訂，所以我哋只好改成散叫。我哋都叫咗唔少嘢食，當中包括招牌之一嘅炸洋蔥花球、羊架、Prime Ribeye 牛扒、雞肉、同埋Nachos。飲品方面，我就冇飲特飲，選擇咗凍檸茶，因為可以無限添飲。黑糖麵包啊唔該！呢句的確係大家點完菜之後必定會講嘅對白。黑糖麵包上枱嗰陣仲係熱辣辣，仲好軟熟，配上牛油非常Perfect。食完之後我地即刻再叫第二條，最後好似再加多咗一條。炸洋蔥花球又係一到好值得點嘅菜式。炸洋蔥配上特色嘅醬料，非常好味。如果佢嘅醬再俾多啲就好啦。羊架同牛扒都係水準之作，肉本身已經唔錯，所以無須技巧都好食。其他食物中規中矩。環境唔錯，坐得都算OK。服務尚算唔錯，反應都幾快。餐廳就喺尖東地鐵站附近，行五至8分鐘，位置尚算方便。價錢尚算合理。

當真有點喜出望外! Outback 以前間中都會去, 但完完全全因為個黑糖包! 咁啱經過又好口渴, 所以再踏足 Outback, 估唔到有意外驚喜! 我食燒肉醬味烤雞, 同事食香草牛肉三文治! 最喜出望外係個烤雞, 通常一般西餐廳烤雞個雞胸都會又乾又鞋又無肉汁, 點知…..有驚喜 wor, 好多肉汁又唔乾, 雖然成碟得半隻雞係好食, 但係都好夠我飽喇! (飯太生米, 雜菜又硬…)…同事話佢個牛肉三文治都好味, 要用刀叉切, 份量好多, 牛肉唔會靭同老, 粗薯條仲好新鮮香脆! 午餐有一小碗餐湯 (好杰, 非一般濃湯), 沙律, 菜都新鮮既! 黑糖包維持水準, 正!註: 飲品可以無限添飲, 仲可以飲檸樂! 

Outback Steakhouse 係大家公認久不久要encore 既餐廳，價錢合理之餘，質素都很不錯唯一一點係 人多吃一定更好今天只有我們三人所以選擇上有了限制一個salad 一份小食 一份steak 再每人一杯野飲份量已經足夠有餘了還有可以添加得黑糖包包第一道菜點了 芒果雞肉為主既沙律由於我們地幾個都分唔清最想吃牛的那個部位是西冷？肉眼？紐約牛排？精選牛？還是什麼什麼所以最後叫了一個之前沒有試過的： 美式慢燒安格斯肉眼牛扒 幸好大家可以協調到 叫了五成熟的。太好吃了！又多汁 沒有難切 而且又不太肥膩 我們都很滿意朋友喊叫伴配菜要焗甜薯 我們另外兩人都感到好意外還真的第一次吃呢小食叫了呢個芝士薯條呢 呢份老實講一般左d 沒有什麼特別好吃 遲一點食 凍曬 說唔好食了蟹肉釀蘑菇還不錯呢嗌左兩杯差不多既野飲黎到果陣 waitress放低講左杯野係咩 都差d被fake 因為佢都講錯左haha另一點值得欣賞係 佢唔會趕人走 唔會限時啊如果限時食 食飯就只有食飯 那麼約朋友見面 都係想傾多幾句 了解近況姐整體很滿意這餐廳 一定會再來吃

好朋友喺澳洲返嚟，特登搵一間餐廳可以坐得耐啲傾吓計。雖然係星期五嘅晚上，我哋一早訂咗枱，即使早左半個鐘佢都照俾我哋入座而且無限時交枱。我哋四個女仔叫咗一個二人餐，另外叫咗一個小食拼盤、四杯飲品、一個甜品。雜菜湯 (個餐有兩碗湯，雖然細細碗但係都幾足料。入面有西芹、甘筍、青瓜同豆類，有黑椒味）黑糖包 （可以免費添加，微甜，好好味）牛扒配龍蝦尾 （牛扒好厚，牛味重，叫左7成熟但係有少少overcook. 龍蝦尾🦞正常冇咩特別）番茄海鮮意粉（海鮮入面有青口、大蝦、三文魚粒同帶子粒。酸酸地幾開胃）小食拼盤（煙肉芝士薯條、雞鎚同埋豬肋骨）Chocolate brownie （份量好大個，下層係熱辣辣勁濃朱古力味入面仲有d nuts 🥜 既brownie。上面係一大球雲呢拿雪糕，在上面係一球忌廉）

Outback 可以話係我飯堂，諗唔到久峎咩都會過黎呢到食，貪佢既黑糖面包超美味、餐牌又多選擇、而且味道一致，水準到家。今日繼續食$98 既招牌漢堡餐。例牌跟餐既沙律同餐湯就好正路，無咩驚喜但不過不失；黑糖面包就一如以往熱辣辣，內裡軟棉棉，配合埋忌廉奶油香滑之中帶點咸，成件事好配合；講番個 burger, 漢堡煎得香口，調味合到好處，芝士有一點點熱溶帶出咸香味，就算夾埋生菜都好 Rich 。如果要彈，我會話佢既漢堡有啲膩，如果肥瘦比例可以輕微 adjust 一下就好喇！今次薯仔仲炸得好香脆，放耐左都仲好脆口，咬落仲食到薯仔肉，今日係超水準的（對比以往放一陣就淋係好大既改善）。

同朋友join左一個永安旅遊主辦嘅維港遊套票，當中包左每人一份係尖東Outback 餐廳嘅下午茶。.我地去到同reception staff 講book左永安套票，佢就帶左我地入去坐同擺低左個下午茶Menu。Menu上面有三個餐俾我地揀，分別係芝士漢堡、燒肉醬味豬肋骨同香辣炸雞搥，因為唔係好肚餓，我地就揀左豬肋骨同雞搥。.兩個主食都好好食，尤其係豬肋骨，燒完唔會好乾，而且係有肉食，唔會好似出面好多餐廳個啲得舊骨兩個餐都有跟粗薯條，所以其實都幾飽肚餐飲有得揀茶、咖啡、汽水同梳打水。我地要左梳打水，入面有加檸檬片，食完油膩食物飲就啱哂。.永安維港遊套票一個人大概150左右，包Outback下午茶都幾抵呢間Outback 食物質素幾好，下次會再去

同朋友幾個明明係香港人自己圍威喂咁join左個Hong Kong Tour可以係Outback 食一個Tea Set 加維港一小時既船河 價值150蚊.雖然今日天氣就唔係太好但整體成個package 都無令人失望而Outback Tea Set 就有三個選擇包括一個係burger 一個係雞搥 一個係豬肋骨雞搥同豬肋骨平時晚市時間都會點係Outback 黎講 相比起牛扒 呢兩機野其實係仲好食而且tea set 仲配有薯條同一杯飲品所以係幾抵食唯一可惜就係無得食Outback 最好食既黑糖包啦