Outback Steakhouse (尖沙咀中心) (已結業)

Outback 可以話係我飯堂，諗唔到久峎咩都會過黎呢到食，貪佢既黑糖面包超美味、餐牌又多選擇、而且味道一致，水準到家。今日繼續食$98 既招牌漢堡餐。例牌跟餐既沙律同餐湯就好正路，無咩驚喜但不過不失；黑糖面包就一如以往熱辣辣，內裡軟棉棉，配合埋忌廉奶油香滑之中帶點咸，成件事好配合；講番個 burger, 漢堡煎得香口，調味合到好處，芝士有一點點熱溶帶出咸香味，就算夾埋生菜都好 Rich 。如果要彈，我會話佢既漢堡有啲膩，如果肥瘦比例可以輕微 adjust 一下就好喇！今次薯仔仲炸得好香脆，放耐左都仲好脆口，咬落仲食到薯仔肉，今日係超水準的（對比以往放一陣就淋係好大既改善）。