Outback Steakhouse (尖沙咀中心) (已結業)

掛住呢度嘅黑糖包，任食無得輸，加埋牛油未開餐已經食左一條！主菜當然要食扒，呢客係紐約牛扒，有成十二安士，五成熟、黑椒汁！肉質帶點嚼口，有一定厚度，夠口感！side dish選擇薯條，幾脆口，不過有d咸；而另外一個係焗甜薯，原隻焗，香甜可口，又綿囗，為呢餐加了一點甜味：）

因為慶祝生日的關係，想搵有品質保證的据扒盡情地食果然Outback無令我失望而且我地兩個人佢俾左近窗的卡位，真係好唔錯，靜局得黎又有景睇。因為加$10的關係叫左個栗米忌廉湯，但係就無特別。跟住超好味的黑糖飽，外脆內軟，如果唔係驚食唔到其他野，真係想食多個😋再黎係必叫的炸洋蔥，超香口，所以必須要襯熱食，因為熱食個皮會較脆，凍左成個洋蔥會淋晒，無甘好食，不過，我地得2個人，洋蔥太大，最後只食到半個，另一半拎走😂跟住係香草蕃茄海鮮長通粉，比想像中大份好多，完全超出預期，因為另一間西式据扒餐廳的份量係超少的，呢度又大份又好味😊重點黎啦，是肉眼扒配豬肋骨，無諗過雙拼都可以甘大件，而且牛扒叫7成熟都唔會好靭，仍然鮮嫰多汁，不過豬肋骨就有d乾。最後，大半份豬肋骨，焗薯，半個洋蔥都要打包拎走，因為佢d野太大份，真係失晒預算

好耐冇黎試過黑糖包了，今日嚟到食咗黑糖包，有以前一貫水準，黑糖包是外脆內軟是我的摯愛，我覺得是無敵麵包，我喜歡甜甜的包。叫了小食拼盤，拼盤中有薯條、炸雞、燒肋骨，炸雞鎚新鮮炸起，皮脆肉嫩，略嫌燒肋骨未夠熱及份量少，印象中叫一碟燒肋骨美味得多，拼盤中的芝士煙肉薯條也十分美味，值得推介。此外還點了茄汁海鮮長通粉，海鮮有青口、三文魚、蝦等，雖然size偏小，但也有鮮味，茄汁不會太酸，容易入口，值得嘗試。

係 肉 呀 🤩🤩🤩！ 中意食肉既人冇可能唔中意食outback架啦 特別係佢塊ribeye (10oz) $218 lunch set 次次都啖啖肉 原來lunch包個杯野飲係可以無限refill架 講起refill一定係諗起佢舊黑糖面包 其實我覺得最正係佢舊牛油 每次都忍唔住食返2舊先夠皮 但亦都因為一開波就食左咁多野 結果食塊扒個陣就好飽😢😫 講起塊扒 我又想分享一下 除左肉眼之外 其他都好’鞋’ 同好多渣 所以叫ribeye實冇死 如果係星期五六日去食 5點後有塊slow cook都好正 但會成塊紅色好似刺身咁上碟 要有心理準備😂😂 

今日下午同個大同聚舊，想搵個地方係寧願食貴少少，但坐得舒服，又唔會比人趕走。於是，我地異口同聲諗起outback! 其實佢地既lunch set, 都算幾抵食架！佢地既 Lunch Set 包餐湯，沙律，黑糖麥包(任refill)，同埋飲品。 再加埋個main dish, 其實真係好飽。所以，就正好比我同個fd慢慢食，慢慢閒聊呢！餐湯係忌廉粟米 有少少咸咸地 個沙律都一般 正常既沙律菜黑糖麵包 — 好味指數：9/10 呢個黑糖麥包真係我最愛，每次想食outback 唔多唔少都係因為佢！ 聽講可以淨買外賣呢個包，只需$10。 不過呢個餐就包埋個麵包，仲可以refill. 佢個種黑糖香味濃烈，暖暖地又軟熟，擦埋鹹牛油，簡直冇得輸。 好味指數：7.5/10 每次黎食lunch set 都會嗌， 嫩滑之如，燒汁味又唔會蓋過本身豬肋骨既牛香味，而且好好切，唔洗擔心咬得唔方便。 ［意大利香草牛肉三文治 Lunch set $108］好味指數:5.5/10 呢個就真係麻麻地，吃落整體都好咸，三文治包身烘得太硬了，就連牛肉也偏乾，食落口，好似又乾又硬，仲要咸，所以建議大家唔好嗌呢個set lah! 薯

除夕倒數周圍都好多人，而outback都唔算等好耐，等十幾張飛，等左大半個鐘左右啦~叫左個二人set，唔知係咪節日先有，不過都唔算太貴。有沙律、湯，同埋相信好多人都覺得係最好食既黑糖麵包~之後就有扒同主食揀，我地就揀左雞肉拼燒蝦寬麵美國紐約牛扒另外再叫左個apple cider個扒好有肉味，唔算多筋不過最邊邊有好多肥肉~但有口感又唔un，又有肉味，都唔算好細舊既~個寬麵一睇就知好heavy好溜，個cheese sauce真係好溜但配寬麵好好食，D雞肉就好鞋囉，D蝦就OK其實唔算太飽，不過個意粉會令你好滯，飲埋野飲都差不多~

當日食飯係星期三我地一行10人,5 pairs情侶本身我地係8位嫁炸 點知有一PAIR情侶都到到店員好好 即刻幫我地汁位置 叫我地等等佢咁咁我地等齊人之後分別叫左斧頭扒餐同埋海鮮餐我地10個人都唔知已經食左幾多條麵包同行一個女朋友不停食個包 佢話真係真係好好食 叫完野食就先上餐湯 再上沙律 有個炸雞薯條同埋豬肋骨再到主角 牛同海鮮 個牛一定要介紹 好JUICY 好香牛味 加上肥廋適中咬落去真係好好食 佢旁邊有小小鹽 我中意食時點小小鹽 個海鮮我食左2大條蟹腳 入面好鮮又係好多汁 仲有保留住海水咁其他帶子蝦果D我冇食到 因為對蝦有D敏感 最後先上意粉 今次食飯上菜比較慢 當意粉到時大家都已經飽左7成 意粉基本上都冇當大家諗緊點算好時 我就拎左我個飯盒出黎袋走左個意粉又可以係第二日LUNCH時食左佢 又唔洗浪費食物

帶阿女醫肚，最岩就係去Outback，小朋友Kid Menu，兒童餐具，畫紙畫筆齊全。最重要，侍應夠醒目，準備好所有之餘，仲識得預備暖水俾小朋友，真係好體貼。食物方面，黑糖包，我相信個個試左都想encore。不過，今次人少，唔好意思要多個。Kid Menu，有迷你pork rib，上次試過真係好正，份量剛好。不過今次趕時間，叫左燒雞肉芝士夾餅。夾餅皮薄香脆，雞肉鮮嫩，點一點honey mustard sauce，非常滋味薯條，唔好睇少佢，厚切粗身size，最為受落。舒舒服服又嘆了一個午餐。

講到Outback 不能不説免費無限添加黑糖包黑糖包一入座，侍應就會一枱送上一碟新鮮出爐熱騰騰又鬆軟的黑糖包，淡淡的黑糖味塗上鹹牛油，美味十足！一個黑糖包不夠？還可以免費無限添加，食到你飽為止。烤雞肉凱薩沙拉這個沙拉🥗好味在於在其烤雞，外層的雞肉加上香味粉烤至蕉燶，非常惹味精選肉眼牛扒配烤甜薯牛扒七成熟一點也不讓人失望！香烤甜薯灑上肉桂粉及cream, 增加了甜薯的甜度，抵讚焗薯仔香草番茄海鮮長通粉番茄味十足，味道得宜！總結，Outback 是令人食極都不膩的餐廳黑糖包成了再到的理由唯一不好是當日我們坐的位置，另一枱有很多小朋友 令到非常嘈吵

餐廳環境寬躺，坐得好舒服👏叫左個美國安格斯肉眼牛扒，真係一試難忘，分量比較大我一個食唔晒🤣肉汁多啖啖肉😍反而我最鍾意係黑糖麵包，外脆內軟，加埋個牛油超級好味😆

今日約咗個朋友一齊嚟食午餐，我搬咗嚟尖沙咀工作都有個多月，估唔到好多朋友&舊同事都喺呢一區工作，所以可以成日搵不同朋友去食各款菜式。今次我地就揀咗黎呢間outback食午餐 ，餐廳環境舒適 ，位置好容易搵。我 order左黑毛豬扒，朋友就order ribs ，但最估唔到個waiter問我要幾多成熟，我即刻黑人問號，乜豬都可以生食㗎咩 ??咁我都好大膽咁同佢講我要七成熟，估唔到真係有驚喜，豬扒雖然係有少少粉紅色，但肉質係真係好軟熟& juicy， 未試過嘅朋友真係可以試下七成熟豬扒

朋友總說屯門的OUTBACK不好吃,加上順便要等朋友在尖沙咀收工,就訂了位在尖沙咀中心的店。（其實也是當天下午六點多才訂的…）今次散叫沒叫套餐，吃了一客牛排，Medium，1 set叫是連餐湯和伴菜的，選了甜薯和薯條。另外吃了一客煎蝦繪飯，有頗重的黑椒味。餐湯是忌廉粟米湯，份量不算多不過超級好喝。黑糖面包還是一如以往地好吃。酒水單對於不能吃冷飲的人來說有點不太方便，熱飲的選擇太少了，只有咖啡、茶、巧克力和牛奶……冬天時真的建議起碼加一兩個花果茶啊。朋友點了杯酒水冷飲，充滿了薄荷味，被她喝了一點就嫌棄不喝了。如果可以喝冷飲，我大概會點氣泡水或者其他cocktail吧。我們三人坐的位置在門口帶客位的左邊，近窗口，跟旁邊桌的位置不算很寬松，但也尚可以接受…但我不坐在梳化位那邊，背後的走廊位就真的有點窄了，雖然還沒到人不能在我身後通過的地步。不過outback依然是平民扒房的首選，三人埋單，每人盛惠二百港元，真心要比北京不少西餐要經濟實惠又好吃！

自從出黎工作之後，要約齊班 FRDS 出黎食餐飯真係越來越難喇，淨係呢餐飯就已經約左半年。黎到Outback ，又點可以唔叫招牌既「炸蘑菇」呢，簡直就係無得輸呀，外脆內軟不特止，仲要勁 Juicy ，點埋個醬食仲誇啦啦。我哋仲叫左一塊「精選肉眼牛扒(澳洲)」配飯，真係唔講得笑，牛扒煎得好香好'林'，肉味夠晒香濃，個人口味黎講，煎7成熟係岩岩好的。炸薯條黎講，【Outback】真係數一數二好食，鹽味夠，炸得金黃不在話下，重點係就算凍左都仍然係咁好食，薯蓉仍然招牌級飽滿。「燒雞肉凱撒沙律」很足料，燒雞肉烤得好香口，又唔會太乾身，雞似味濃郁，加上凱撒沙律既沙律菜好新鮮，每一塊沙律菜就好似有生命一樣精神，每一啖咬落去都"SHOCK SHOCK"聲，淨係聽聲都已經係一種享受，更何況係食到落肚呢。另外，我哋各自叫左 1 杯飲品，「Stella Artois」、「古巴薄荷特飲」、「雜苺汽酒」都好岩飲，果味濃，好易入口，又唔會太 'KUN'，值得一試喔。

朋友仔今年聖誕要在工作中渡過，所以特意提早一點慶祝食個聖誕大餐。我哋叫左1塊12安士肉眼牛扒(7成熟)伴香甜薯蓉，肉眼牛扒煎得剛剛好，唔會有"UN"既感覺，加上配上秘製既蘑菇汁，啖啖肉既感覺實在很滿足呢。伴菜既甜薯方面薯蓉亦好香甜，軟滑的牛油鋪滿整個薯肉的表面，吃起來幸福感滿瀉。「香煎蟹肉餅」切開後一絲絲既蟹肉表露無遺，當中還有蔬菜作餡，咬起來很有層次感，亦很爽口，唔會好膩。「燒雞肉芝士夾餅」很有中東烤餅的感覺，香濃幼滑既芝士完全地溶入了煎香既雞肉之中，連烤餅一起吃下來有點像吃 Pizza ，如果加少少伙伴碟的醬汁，味道會更夾，而且不會太膩。炸薯條不用多講，薯肉散滿你口腔之中，香脆內軟。「雪糕朱古力軟餅」我哋揀左唔要 Cream ，改要多一球雪糕，雪糕很幼滑，朱古力軟餅很軟熟，唔會太甜，連雪糕一起吃，感覺很配。「長島冰茶」喜歡飲少少酒既女仕要注意喔，呢杯酒是由5款不同的酒+果汁混合而調成的，剛開始飲很像一般易入口的  cocktail ，過了5-10分鐘左右便會開始上腦，如果平時唔係飲開酒既女仕可以揀「蜜桃蘋果酒沙冰」/「血色瑪莉」等等，呢個係 Waiter 哥哥既建議。

平時有時如果想食下牛扒都會嚟呢度食因為覺得佢呢度嘅牛扒唔錯同埋佢呢度嘅黑糖麵包係無限供應嘅如果食完就可以refill不過今次黎呢到就試下佢嘅午餐 比起晚餐覺得呢度嘅晏晝都算抵食大概每人百幾蚊就可以食到飽 每個餐大概一百幾蚊連埋湯沙律同埋無限供應嘅黑糖麵包今次我哋一班人去就叫咗幾個唔同嘅餐分享食我哋叫咗一個risotto 一個ribs 一個burger 同一個燒雞 咁樣就可以食晒唔同嘅嘢啦個人覺得佢每樣野都唔錯尤其是係risotto ribs 佢嘅牛肋骨 都算幾大份 我哋四個餐四個人最後埋單大概每人都係$12x 呢個價錢食到呢個質素嘅食物性價比其實都算高 都覺得值得嘅!同埋佢個黑糖麵包都真係幾好食如果大家想食平啲可以要少一個餐食多幾個麵包😂