Outback Steakhouse (尖沙咀中心) (已結業)

燒雞肉芝士夾餅夾餅外表烤到帶微脆，夾餅之間鋪滿左雞肉同芝士雞肉份量好足，比得好大方！當然，雞肉唔可以要求雞肉嫩滑又帶肉香啦，食落唔會鞋同難咬，收貨啦！除左雞肉仲有芝士均勻地分佈，芝士處於半溶狀態，份量都唔少，可惜無咩芝士味。夾餅食落口感豐富，點埋隔離黃色既醬汁，味道更上一層樓添呀雖然我唔知個醬叫咩名，但醬汁酸酸甜甜帶少少芝士味，同夾餅配合得天衣無縫，令我忍唔住一啖接一啖、好快就食完一塊偷偷話你知，我認為哩道夾餅比起我之前係主打墨西哥菜餐廳食過既quesadilla更足料、更好食～燒肉醬味烤雞影完相，食埋夾餅先食烤雞以為會凍曬，一切開烤雞，仲出緊煙，仲好熱切果陣明顯睇到鎖係雞肉入面既肉汁流出烤雞肉質嫩滑juicy帶小小嚼頭，雞胸肉亦唔會好鞋。烤雞既調味偏淡，但點埋附上既醬汁就好惹味啦！紅色既醬汁味道好得意，酸酸地、甜甜地又辣辣地，估唔到又幾好味喎烤雞下面仲有炒飯，炒飯粒粒分明同時帶少少濕潤，雖然有顏色但印象中好似無咩味。燒肉醬味豬肋骨豬肋骨都幾大塊，因為骨多，肉就相對少左，不過一定夠食燒得偏乾，肉質較硬，但骨肉好易分離；豬肋骨冇豬so味，肉本身夠入味，味道唔錯。醬汁同烤雞既醬一樣，不過豬

同朋友聚一聚都可以試試，環境黎講不錯的幾有西班牙風味☺️都坐得舒服，多人的話又有大枱。上次同朋友就有試牛扒，一d都唔硬好易咬口唔太差👍🏽依個之士薯條一流，炸得好脆👍🏽唔點醬其實都以經不錯。

性價比高的扒房 今次去咗尖沙咀嗰間 坐得幾舒服一塊牛扒會跟2個小菜 小菜有6款選擇 比較建議選擇焗薯 甜薯或薯條 因為前菜會有沙律 or 湯 無需重複🥗🍲🍟🥖🥔 一坐低 佢會比黑糖麵包大家食住先 甜甜地嘅麵包再加上酸忌廉 真係好開胃🤤食一個唔夠喉仲可以叫多個😋-自己偏好食炸蘑菇 炸雞鎚同炸洋蔥圈 粉漿開得好好 特別脆 仲會跟濃郁芝士醬汁 或者自行落多啲黑胡椒 即刻變二個食法🤭🤭 配菜方面所以要叫薯條 係因為依間餐廳醬汁同食物係分開放 所以....🙈🤤....芝士味🧀 黑椒味⚫ 蒜蓉⚪ 茄汁 🍅 任君選擇而焗甜薯加上酸忌廉 中和咗牛扒嘅油膩感 咁就可以食多幾啖牛啦🤤🤣評分:7/10

太耐無食過Outback有啲掛住佢個黑糖包，所以lunch就決定去食!! 尖東呢間outback竟然唔使排隊，一去到就有位了! 坐低無耐侍應已經為我地送上熱辣辣嘅黑糖麵包！好味呀！今次我地點左漢堡包同埋黑毛豬。set lunch 有餐湯沙津，主菜同野飲。 餐湯係忌廉粟米湯，入面嘅栗米好甜呀，而沙津就普普通通。漢堡包餐($88) 薯條炸得好脆，漢堡包啲料都好豐富，保持水準。黑毛豬($13x)黑毛豬偏鹹，同埋肉質有啲鞋，有啲失望。

話說今個星期已經食第二次OUTBACK啦😂今次就係同朋友慶祝生日嘅！專登早小小去放低個蛋糕🎂！我個人就幾鐘意去OUTBACK慶祝生日，因為佢又唔會話趕你走俾說話你聽，仲要唔收切餅費！！！！ 加上佢8點前叫野飲有happy hour, 咁對我班酒鬼friend都黎講都好吸引😍😍😍野食黎講，唔洗諗一坐低就serve我最鐘意嘅黑糖麵包😚😚 個日叫左個大嘅clam chowder，4個人share一人飲啲份量岩岩好！另外都係叫左西冷，五成熟岩岩好唔會話太熟！ 野食都係同其他分店差不多，但服務很好，會專登幫我地收哂枱抹哂先serve cake！

有無發現尖東間outback，比外面果啲小人，我初時以為係因為個地方無咁方便，但原來。。。食物質素真係有差一點點。。我們一行四人，因為訂左桌，被安排坐在角落，非常好的地點！因為朋友有某銀行的信用卡，所以可以叫set dinner，比平時平多小小！正呀！所以我地四個女仔就叫左二人餐，再加兩個小食，炸蘑菇同cheese fries！她們仨再點了三杯cocktails！因為當時仍然係happy hours!三杯飲品都好靚😍個個去outback都至愛吃黑糖包！點知今次勁失望🤦🏻‍♀️因爲今次條包係凍架係我食咁多次都無試過的😭😭我地又懶，所以都無叫侍應翻熱🙈餐湯有驚喜！入面竟然有拉絲芝士！好味！炸蘑菇都係我每次必點！水準之中！仲有我們點了一個aussie cheese fries，忘記影相了！沙律普通主菜有呢個steak，我們點7成熟，但無乜牛味無乜驚喜。。反而旁邊的洋蔥同蒜頭好特別！意粉份量偏小，但味道唔錯！甜品可以揀cheesecake or tiramisu我們揀了cheesecake不過不失。。其實每次最期待就係吃黑糖麵包，所以今次去吃既包唔好食，令我大失所望啊！希望下次唔會再食到凍既包啦

今日去開尖沙咀陪朋友試妝同試婚紗，12點試到5點幾，超肚餓諗起好耐冇食Outback，就去左尖東食啦！5點45分就到左😂要7點15分交枱，都夠時間比我地舒舒服服咁食～為着無限任添既黑糖麵包而來第一轉熱辣辣既麵包真係好正，好軟熟（小妹最討厭食硬包架喇🙊），呢度既黑糖麵包正合我口味！配左芝士醬，一凍一熱，口感豐富～芝士醬波略嫌硬，有少少難蘸～麵包記得趁熱食，凍左就硬身架喇！由於友人想食steak, 我又想食ribs, 我地就叫左個肉眼扒拼豬肋骨combo，一次過滿足兩個願望！豬肋骨一如以往，好香，嫩滑，一切就切開了！Steak要左7成熟，牛味好香呢～燒雞肉芝士夾餅～好食！配個醬酸酸地，開胃～叫肉類送的side dish焗薯仔，d cream cheese好香食唔停口～

先來讚下outback先，上星期六我地去左outback食晚飯，我朋友帶住個小朋友，一去到outback,服務員已比了一本顏色冊同顏色筆比小朋友，這個忘了影相，sorry, 本人覺得這個服務不錯，服務員很nice講番野食，我地都點左一堆野，包括炸磨菇，薯條，沙律，茄汁長通粉，牛扒 etc..佢d牛扒好嫩又juice, 炸磨菇點醬食好味，薯條都係薯條味冇咩特別，沙律都係冇咩特別，茄汁長通粉好吃，黑糖包也好吃總結，正評，keep going

慶祝同事的生日lunch，夜晚就食得多，但晏就就其實未食過。尖東呢間夠大位置又近地鐵尖東，一早book左始終都接近二十人食。大部分同事都叫左牛扒7成熟，都知要等得耐，所以都係食住個招牌黑糖麵包等。7成熟牛扒黎，份份都不合乎7成熟，有全熟，3成熟，5成熟⋯亂黎！而且就算比5成熟我都接受，但係d牛好”un”好難切！好彩d配菜同薯條好食，但完全唔值得比200幾食呢個lunch! 反而之前夜晚食無乜嘢。Ps: *waiter waitress 完全唔夠人手，間餐廳算好大但得2-3個人做野，果日都算多人食lunch

Happy friday三人行去左outback慶祝. 三個男人都係食肉獸，約好左一齊食斧頭扒！1kg扒大約每人有足足12oz! 正常應該4人份量黎。所以淨係另叫左個risotto 同埋一個小食拼盤。跟拼盤去叫野飲抵啲，叫汽水亦可以refill.小食拼盤有煙肉芝士薯條, ribs，雞膇。 薯條如果多啲芝士會好啲，有啲乾。豬仔骨夠林夠入味！我唔係太好雞膇，有啲梗，如果喺雞翼都好啲。牛扒上菜時熱辣辣口喺個鐵板上面，waiter 會比你影左相先，然後再幫你切片。啖啖都係厚肉嘅牛，咬落好滿足！但係就比其他牛扒冇咁多牛味。但有一樣嘢 好差嘅係, D碗碟好污糟! 仲有一舊嘢喺上面!

平時都有去其他地區嘅outback，選擇寫呢間outback食評嘅原因係因應佢地嘅服務好好，全部人都好有禮貌，環境，食物都非常好。餐廳嘅燈光偏暗，都幾好feel，而且餐具都幾乾淨。我點嘅呢塊排係black label，十分好味，但由於個焗薯等得太耐了，每次我地都等唔到個焗薯，經理就幫我地打包仲不停講唔好意思，我地走前佢仲送埋我地出門口我覺得呢個價錢食塊排其實都算比較貴，但如果包埋呢一套服務同環境嘅話，就啱啱好。

是晚來到OUTBACK慶祝生日....七大一小BOOK好位但仍然要在門外等候約十五分鐘....大家坐低後.....決定要點斧頭扒餐首先叫了一段時間點餐都還未來...我們明白指定檯是指定員工負責...而負責我們檯的經理實在太忙了...人手真的很不足...但呢位經理叫William真的要特別特別表揚他....他的服務非常好....就算我地久等了...也會給他熱誠工作的一面感動....點好食物...其實上菜的速度是超快的...因為要預位置給斧頭扒上檯...開頭的食物來到...我們都很自然地食得很急趕....去到斧頭扒上了後...我們的速度終於可以慢下來了.....哈哈哈~~說回食物方面....斧頭扒餐有包以下食物:是日餐湯 - 比較普通既雜菜清湯黑糖麵包 - 這個是永遠都是很好味的...又鬆軟黑糖味出...再配上忌廉牛油真的食完又食...食完又再想食!!!燒雞肉凱撒沙律 - 燒雞肉比較乾了一點....生菜夠新鮮~燒肉醬味醋肋骨 - 沒太多肥膏...但仍夠Juicy...肉醬味夠野味濃厚!芝士白汁燒蝦蘑菇寬麵 - 寬麵硬度適中.....配上白汁....自行加少許黑椒碎...味道已經完美...蝦

🐹鼠友朋友推薦我們參加 Outback + 維港船河套票，可以平價一嘗貴價Outback有抵玩活動，🐹跟鼠友又怎能錯過。🐹：非宣傳，統分享套票平日$179 星期五至日$1895:45入座 7:00前離開可自選指定套餐 套餐包括餐湯餐包主菜飲料轉牛排餐加錢 （印象是$50）沒有額外附加費 食完玩完可以即刻拍拍屁屁走人黑糖包終於可以一試傳說中的黑糖包了對我來說它就是主菜大大塊內面很鬆軟，充斥著陣陣麵包香黑糖蜜味，很好食啊！配搭的芝士醬，軟軟的很細滑，整個包就是美味另外粟米湯是忌廉湯加大量粟米，粟米粒粒很多很甜燒醬汁豬肋骨喜出望外，雖然這肋骨看似很少肉又很乾身，但其實食起來很香口很有肉。燒得相當惹味可口厚薯條很脆口，可惜食到半途就淋了。燒春雞與其說它是燒春雞，不如說是燒老雞，鞋到呢只有雞脾位是淋滑一點，其他部分都鞋到不行燒春雞nonono牛排加洋蔥汁 （五成熟）朋友點的牛排，賣相還不錯，五成熟切開有少許血水流出。朋友表示還可以，有牛味，但有少少韌。🐹：晚市有套票來食是相當抵玩，當然就選擇不多，且不夠午市平，不過買套票食下玩下亦無妨。這餐給我的感受是，前菜比主菜更好，開麵包部專買黑糖包就好了下

來都尖東都可以搵到Outback Steakhouse! 餐廳內部今年先啱啱裝修過，所以望落去嘅感覺都好心好舒服😌Appetiser都有很多選擇，當然唔少得有出名嘅炸洋蔥花球，Buffalo wings話明係steakhouse當然有唔同嘅steaks可以選擇仲有各式各樣嘅pasta同Burger只要一點餐就會送你一條黑糖麵包，我知嚟到呢度我都一定要食呢個黑糖麵包因為質地好軟，好新鮮來到呢度當然一定要試吓steaks ，今次試咗個8oz Prime rib ! 真係煎得幾好味，肉質唔錯，仲可以陪兩款Side dish !! 包括fries, Baked potato, sweet potato, veggie 可以選擇呢個雞肉蝦pasta我都鍾意食，啲汁好濃加上有cheese喺裏面，yummy !!! 仲帶咗呢杯mocktail, is coconut pineapple juice plus strawberry smoothie !!! 都好好味不過就甜左少少，八點前要仲可以有happy hour price!! 抵飲A very fruitful meal 😊😊

繼第一站食完個清淡素自助午餐同第二站娛樂之後，我們繼續表姐安排4姨媽生日嘅行程，嚟到尾站我們去咗尖沙咀中心嘅「Outback Steakhouse」食晚飯！我們叫咗燒肉醬味豬肋骨、香辣燒蝦飯同澳坊芝士漢堡！一點完餐店員就攞咗跟餐嘅餐湯、沙律同黑糖餐包畀我們！餐湯嘅香草味過度濃郁，而且濃稠度亦都比較稀！沙律菜好清甜新鮮，再加埋啲切成粒嘅蕃茄一齊食，感覺好清新！黑糖餐包嘅包質相當軟熟，味道非常香甜，但最初畀我們嗰陣男店員話之前嗰啲畀晒其他人客，而家即刻再整過畀我們，所以暫時畀著兩個先，等整好之後就畀埋其餘三個我們，因係每人一個，所以我們係共五個！等咗一陣之後，男店員真係攞多兩個黑糖餐包嚟，兼且話仲有一個嚟緊，但竟然喺個時候，有位女經理就走嚟鬧個男店員話點解要再畀我們？個女經理鬧咗一段時間之後，個男店員就唔敢再行近我們呢檯，兼且無畀剩返嗰個包畀我們，呢點真係令到我們覺得好嬲呀！因個包係我們應得，兼且係可以無限添食㗎！點解個女經理要唔畀我們？本來我們想叫呢個女經理理論吓，但唔想影響咗今日姨媽生日嘅心情，所以先忍著，但就真係令到我們覺得超級失望呀！燒肉醬味豬肋骨我們叫咗兩份，肉質比較鬆散，祇要輕