Outback Steakhouse (尖沙咀中心) (已結業)

全新裝修的店，環境很好，裏面人流量不算高，可能我地到店已經一點幾，所以唔使等位。見到有小朋友，就卑套蠟筆佢畫畫，比較用心。食物質量唔錯，黑糖麪包好好吃ԅ(¯﹃¯ԅ)我地吃嘎幾個餐都滿意，小朋友吃得好開心，會再幫襯

下雨天時，與幾個朋友一起食晏，外邊越來越大雨，竟然坐咗2個鐘至走得!價錢比前兩個月調整過，但還是可以接受，而家午餐時段又做返蓋印送餐，3個月內蓋滿7個印，每個$100，就送1份餐。麵包新鮮鬆軟 ，食完重可以再添！餐湯 加 沙律一起上，杰杰哋嘅雜菜餐湯，不錯，沙律普通。肉醬意粉夠晒蕃茄味，不過杰咗少少，上面加咗唔溶嘅芝士，慢慢食至食得晒！牛肉串白汁飯， Risotto 好重芝士，有膠住個口嘅感覺，多食有啲 "漏"，必須熱食，牛肉過熟，有啲 "鞋"，大家share 食會好啲。漢堡雖然無咩肉汁，但唔太乾身，加埋溶溶哋嘅芝士，蕃茄同菜，又幾好味， 酸菜係食飽途中加入，更帶起繼續食埋個飽嘅意慾。

今晚約咗個朋友嚟呢度食嘢，嚟得呢度，都係食扒啦。去到裡面都幾full，好在有訂位，等咗陣就入到座。趁朋友未到叫咗個芝士薯條先，呢樣係我最鍾意嘅小食，炸到好脆嘅薯條上面鋪上脆煙肉粒同半熔芝士，非常邪惡但好味。呢間就唔係做得最出色嘅，薯條夠脆但芝士唔多夠。如上文所言。嚟得都係食扒，我就叫咗個Medium嘅慢燒安格斯肉眼扒，但上菜時真係紅得好緊要，成塊生肉咁問咗Waiter，佢就話本身原味燒嘅會係咁，但可以幫我煎一煎個表面。講真我就已食咗一小塊，感覺唔算生，但真係唔太習慣，都係叫咗佢幫忙再整一整。整完後嘅就變返真正Medium cook嘅，幾好食，翻整過都唔會韌，肉質仲係嫩，肉味夠。我塊扒就配晒麵包、餐湯、配菜，佢嘅黑糖麵包係名物，呢次水準依舊出色，外脆內軟，帶少少甜味，塗上牛油後真係大滿足，讚！餐湯係忌廉粟米湯，真係好甜，不過唔會似糖水，係忌廉口感唔夠細滑濃郁，似飲緊普通粟米湯，但都唔錯。朋友叫咗個烤豬肋骨，肉嫩味濃，雖然帶嘅肥肉較多，但正因此突出咗口感，果然係另一名物，又係讚！我係一個點都要叫杯嘢飲嘅人，又唔想飲Cocktail就叫咗會Cherry Limeade，甜甜哋嘅Soda，不過

依日係海旁行到咁上下，肚餓就入左去尖沙咀中心去覓食😋🍽 發現六點幾已經有人係Outback入面食，於是入左去食晚飯了。侍應比左個Happy Hour Menu我地，入面都有幾多揀，每個平十蚊🍹我就揀左杯冇酒精，有菠蘿嘅。依杯幾好飲，係新鮮菠蘿沙冰🍍比起第二杯咩Cherry沙冰好飲好多精選肉眼牛扒 ($298/12orz)佢唔係日日都有供應架😌因爲我原本叫個個佢話今日冇... 如果想再熱啲就叫另一個menu個個，係鐵板咁上！依個set送個湯，黑麥包仲比你揀2個side dish,我就揀左薯條同焗薯👍🏻全部都好正，特別係薯條哇卡卡不過後悔嘅係，舊扒太大舊，下次二人都係叫細啲好~羅勒香草醬意粉 ($128)全素嘅意粉滿滿蔬菜🥦🥒🌽🥕唔中意食菜嘅就唔好揀依個啦！不過佢個汁調得幾好👍🏻夠油而且唔過份，淡淡嘅香草味不錯。但有樣野真係好怪，啲侍應好懶懶行，唱下歌咁，而且叫賣單都要叫幾次。美食要係舒服嘅環境下享受，依個缺點令個晚有一點點遺憾。

Steakhouse 唔一定鋸扒既 😋識食一定係炸洋蔥花球 齋睇賣相已經好似幾正咁 洋蔥炸到金黃色 食落香料味十足 配上芝士醬更加perfect 十分惹味食蝦🦐一定會覺得冇乜特別 不過呢個醬小編幾鐘意酸酸甜甜咁 加上清新既檸檬🍋更醒胃 野飲方面 就普普通通啦 apple cider 配桃😓 似藥水味多 略佢有點甜😪特別一提 就係小編至愛既黑糖包 比上次食冇咁甜 包質淋淋地 又夠飽肚 而且重要既係可以refill 💕🙆🏻‍♀️(有冇知音會欣賞佢？)

今天和朋友慶祝生日，朋友很喜歡据扒，於是book左間outback食飯。其實我都食過兩次，真的不算impressive, 但諗住試吓其他分店睇下會唔會驚奇啦。一如既往都係有非常之好嘅服務，服務員都好有禮貌，而且不時幫我地斟水。最最最好味都係佢嘅黑糖包，相信都有好多人介紹過，而且可以無限任添，上菜嘅時候熱辣辣，麵包非常鬆軟，簡直一試難忘。我地仲叫左其他菜式，例如pasta ,牛扒，仲叫咗個洋蔥花。坦白講,食物嘅味道唔算十分出眾,但價錢卻十分出眾。洋蔥花我嫌佢有點油膩，我哋最後都食唔晒， pasta同出面西餐廳冇乜分別，牛扒有點un，但牛味都幾足。整體而言 so far so good la

新年有做咩好做???肥妹仔我就緊係食食食啦~~~~今晚約咗兩個buddies食開年飯, 食咩??就緊係肥妹仔我既飯堂outback steakhouse la.....呢間野係肥妹仔我同我死黨既偷情飯堂, 同佢約親食飯就一定係呢間, 肥妹仔我對outback真係死忠到不行........一坐底, 幾乎諗都唔駛諗就叫好餸, 無野好煩惱架啦, 一於吹住水等食!!!!黑糖麵包 (免費可refill)點解?????!!!!!點解outback要發明出世界上最好食既黑糖麵包!!!!!肥妹仔我真係可以為咗呢個黑糖麵包做咩都得....一摸上手個麵包係溫熱既, 外皮焗得香脆, 將件黑糖麵包切開, 再塗上附贈既cream, OMG!!!!!!!真係超好食, 你會真係食到黑糖香甜既味道, 塗上cream的話更會食到香濃既奶香味, 兩者並唔會互相搶咗對方既味道, 一齊食係品嚐黑糖麵包既最佳食法!!!實不相瞞, 肥妹仔我地總共食咗兩個, 正!!!!烤肋骨雞搥芝士薯條拼盤 $168之前outback曾經停過一排出呢個combo, 果段時間真係令肥妹仔我苦惱個一段日子架.....不過唔緊要, 依家出番就得了!!!

十個同事一起吃午餐，outback地方夠大，夠舒適。午餐定食有湯有餐包有沙拉有飮品，價錢大約由88至178，選擇亦很多。餐包最有人氣，夠香夠熱又夠軟！主菜份量也不細，女士們可能有點多！

有個fd成日話outback好好食，於是我就同佢一齊去食，睇下係咪真先😂首先黎左個麵包，熱辣辣，質感好軟熟，有一股濃郁麥香，仲有淡淡嘅黑糖香味，令人一試難忘。食完會想再食😋！凱撒沙律香脆薯條混芝士，勁多芝士加煙肉碎，配上田園沙拉醬肉眼牛扒 配上薯蓉，牛扒煎嘅熟度拿捏得啱啱好！牛肉味道濃！安格斯牛肉芝士漢堡個burger黎到，好誇張，勁大塊牛肉突晒出黎，好少可咁大塊牛肉，正啊！配上炸薯條和捲心菜沙律。

Outback相信好多人都唔陌生，但偏偏我一直都未試過🙊朋友反應重非常驚訝～我將我既第一次奉獻比2017年既除夕😎早兩日打去訂位也只有5點半有位，限時個半鐘，除夕夜，不難理解🤷🏻‍♀️還好，五點半人不太多，還可以安排坐到卡位，寬敞舒適總共點左4款食物芝士薯條$50幾呢碟都幾失望，芝士味唔濃、個汁好稀、薯條唔熱燒蝦凱薩沙律$138蝦好爽口、菜好新鮮爽脆，如果汁可以多返d就更好本來唔諗住叫扒，但黎Outback唔食返份扒又好似爭d，所以叫左份西冷牛扒拼豬仔骨$328豬仔骨ok，沒有很驚為天人感覺，但也沒有不好🙊至於西冷牛扒，就確實失望，估唔到塊扒竟然係成餐入面最唔掂7成熟，但除左鞋，口感還有點霉，似煲湯肉口感我同朋友都一致燒雞肉薄餅 呢個有點驚喜，薄餅幾脆口，雞肉好多舖滿一塊薄餅，味道唔錯跟扒個薯條都係唔熱，但跟薄餅呢個薯條就岩岩炸起食落爭好遠～我諗餐廳係一批批咁炸埋單$700有找

一年一度聖誕都會同一班朋友食飯，今年揀咗尖東Outback，貪散水方便之餘又就腳。一行11人，個個鍾意菜式都唔同，所以揀呢間樣樣都有，一定揀到自己啱食既。最緊要係呢到好啱Feel, 大大聲聊天玩遊戲都唔怕影響到人～職員見我地咁多人就推薦一個套餐＄1580 FOR 4-6人的，套餐最好既地方係唔使諗唔使揀，今次最正既係個套餐有好多想食既野都包哂是日餐湯： 栗米蘑菇湯栗米同蘑菇份量雖然唔太多但勝在個湯唔會太淡，有齊6碗，一下子掃哂～黑糖麥包食開都知架喇～呢款黑糖麥包係可以無限添加，食完再REFILL再REFILL都仲得，只要你個胃唔爆就可以KEEP住ORDER每次都不停食係因為個麵包質感好鬆軟仲要每次上枱都係暖既，唔會凍哂硬實實，，加分加分燒雞肉凱撒沙律雞肉份量都唔少而且雞肉沒有很乾，雞肉的調味唔會太多啱啱好。沙律菜以生菜為主，爽爽甜甜感覺新鮮。明明6人份量但分為11人每人都有雞肉，算唔錯燒肉醬味豬肋骨呢款朋友每次黎都要食～豬肋骨最吸引既地方係燒肉醬味濃但唔會過咸，最重要係輕輕一切已經散，容易骨肉分離，唔會好難先食到。豬肋骨肉質已煮到好淋但沒有乾既情況，煮的時間同火候掌握得好好重頭戲黎喇～

呢間outback係我成日幫襯，因為環境，服務質素都好好！每次都坐滿，職員都係非常繁忙。但係服務態度可以保持專業，有微笑，察覺客人需要，真係好值得一讚！今日叫咗一個炸磨菇，一個肉眼扒。另外member今個月送豬肋骨配薯條。炸磨菇係新鮮炸起，咬落去嘅時候啲汁滴哂也黎，超好味！肉眼扒，七成熟，好juicy，配埋黑椒汁，又係超好味！跟埋焗薯同甜蕃薯，呢兩個係必叫嘅配菜！豬肋骨配薯條，有驚喜，因為係送嘅，以為份量會小啲，但係一啲都唔小！

下午茶時間尖東尖沙咀中心呢一間扒房基本上得幾台客，所以好清靜可以自己喺度嘆下下午茶，仲要環境坐得舒服，又清靜不嘈吵。叫咗一個肉醬意粉，佢嘅肉醬唔同出邊一般嘅免治肉碎，佢系比較大粒的，似用牛扒切出黎，所以食落系牛肉有咬口，比較特別，似碎粒牛排意粉，茄汁沒遮蓋原本牛肉香，意粉煮得適中，不硬不軟的。$58再加埋加一，不過就唔包野飲，佢野飲全部另外加錢，有分特飲同普通野飲價錢，我就叫左杯特飲，野飲就無咩特別，我就覺得有點甜。不過服務方面，d服務員好似唔夠人手甘，要舉一陣手先見到。埋單嘢飲連食物加一98元

喺Outback gathering晚餐，一直都認為係信心嘅保證，今次四大一細(當中有位外籍朋友)，又有至愛嘅黑糖麵包適合小朋友食，選Outback感覺更加合適，所以cfm大家ok即時訂位，幸好仍有得訂座！其實這間Outback都有食過，印象都算中規中矩。今晚餐廳安排我哋坐最入嘅位置，預早已說明嘅嬰兒椅未安排，即時要求都已經換上，不過小朋友餐具就無主動換上。全晚感覺好似零服務，無論order飲品食物、要求小朋友餐貝、再order等等⋯⋯都唔知服務生去了那裡，難得搵到個服務員都好似遊魂般。可能今晚有小朋友在場，分散咗大家注意力，埋單離開經過別枱時，先發覺我們的黑糖麵包呢？次次都主動上枱的黑糖麵包呢？今晚居然完全消失了，超入座後先點飲品，結果想飲的兩款啤酒都無，唯有order 1664 beer(前後3杯)。Classic Mojito：朋友話清新好飲。Cherry Limeade：朋友話太甜。炸蘑菇：頗燶，不過蘑菇都叫新鮮，不過不失。香草蕃茄海鮮長通粉：海鮮不夠新鮮，蕃茄汁通粉普普通通啦。烤三文魚扒：份量很少，三文魚太硬 ，唔好食。肉眼扒拼豬肋骨：肉眼扒算正常，今次嘅豬肋骨一般。最好食居

outback set lunch 其實都抵食，因為除左個main course 外，係包埋湯，沙律，餐飲，仲有餐包(我係超鍾意食個黑糖包，最好係食完可以再refill 我今次叫左cheeseburger ($88) 同番茄肉醬意粉($88), 要另外再加一個burger 算係好食，入面塊牛肉要左5成熟，食落去啱啱好，唔會過熟同唔怕韌:伴碟仲有大大條薯條，炸得好:另外個肉醬意粉就麻麻地，個汁整得唔夠濃味，食落淡左