Outback Steakhouse (將軍澳中心)

營業中

休息中

朋友工作至9時多才在將軍澳下班，因此我們兩人飢腸轆轆地趕快找東西吃。不過這麽晚才吃飯也有好處--就是不用怎樣等位其實之前已經想吃outback ，但總是被長長的人龍嚇走了很喜歡這碗湯，有很重的brocolli 味對於麵包我們兩人的喜愛程度各異，朋友喜歡得不得了，但我卻不喜歡這種像提子包的味道。雞肉闊條麵很creamy ，蝦很新鮮，雞肉也很嫩滑我們叫了五成熟的牛柳扒，本來對這裡的牛扒充滿期待，但嚐了一口便覺得與想像的有落差，質素一般。牛扒太乾不夠juicy,而且調味略嫌過salty

放假睇完戲食午餐，知道將軍澳中心新開左好多餐廳，所以行黎睇下有乜好食😘見到呢度竟然星期日都有lumch set，包埋餐湯，沙律，餐包同飲品好抵食👍🏻燒雞肉芝士夾餅($108):芝士好香，餅皮脆😍燒肉醬味豬肋骨($128):豬肉好淋，輕輕力已經可以去到骨👍🏻

升職加薪，太開心，於是請朋友到outback食飯。匯豐卡做優惠，決定食大佢，叫左個風味海鮮盛會套餐（3-5人套餐），超正！先食我最愛既黑糖麥包，每台必上，加上是日餐湯-蘑菇芝士忌廉湯，大家一致認為呢個湯一定要比5星，好濃既蘑菇+芝士味，芝士仲要拉絲！味蕾受到美食既沖擊，一定要推介，極速飲完湯，再食頭盤凱薩沙律，因為湯太出色，沙律變得平平無奇。小食併盤，有醬燒豬肋骨、炸雞膇、芝士薯條，中間白色既係芝士醬。基本呢個小食併盤已經包左outback既招牌小食。主菜係佢個海鮮🦞，燒盲槽魚柳、燒美國帶子、冰桶甜蝦、香煎加拿大龍蝦尾、蒸加拿大蟹腳、特色雞味飯，雖然係冰鮮，估計係外國空運到港，好好食啊，完全冇雪味，我食到佢條魚仲好滑，其他海鮮都彈牙，用料唔差得去邊。最後食埋燒雞肉芝士夾餅、芝士白汁燒蝦寬麵。實在太飽，建議大家唔好叫咁多芝士產品，佢放芝士好似唔洗錢一樣。下次我會再叫多碟沙律平衡一下。

今日 lunch 又去左食 outback 😂今次個湯係蘑菇湯，creamy 得黎又好重蘑菇味，唔錯👍🏻！佢個飽係一向咁出色，新鮮出爐熱騰騰既🔥，而且好重黑糖味，好食😋！今次叫左 ribs 同埋 spicy shrimp rice。佢個飯唔係好辣🤤，只係少少辣，食落去幾開胃😗。佢既蝦煮得唔錯，每一隻都幾大、而且有燒過😎，所以好香但又不失蝦既鮮味😃。佢既飯落左唔少香料同 seasoning，所以好香好入味😍。今次個 ribs 煮得唔錯，肥瘦適中🥰，而且肉質幾冧，又入味又多汁🥳。再配埋佢地厚切既薯條，仲有酸酸甜甜既配菜，Perfect!😜

今日 lunch 又去左食 outback。😂今次佢個餐湯係芝士忌廉洋蔥湯，好 creamy 而且仲落左唔少芝士，所以係有拉絲既效果🤩。Salad 菜一向都咁 fresh，中意佢既蕃茄粒係酸得黎幾開胃🤪。而個飽係一向咁出色，所以都一如以往咁添多一個飽😛。今次其中一個主菜係芝士雞肉蘑菇夾餅，佢個夾餅做得好出色，唔會好乾，而且三個餡都好夾😗。不過要講最好食既一定係用黎點夾餅既個個 sauce🤤。雖然食完都唔知係咩 sauce😅，但係佢酸酸甜甜又真係超好食😃，無論係用黎點夾餅、薯條，定係個餐飽，都係一個perfect match。🤓至於個厚切豬排骨，真係好厚切，而且肥瘦適中，唔會好硬🙂，食落去啖啖肉質配上部分肥膏，一個字「正」👍🏻。而且佢塊排真係好大，所以幾抵食🤫。佢塊排下面仲有大約半碗飯，可能個排點個蘑菇汁之後比較重口味，所以個飯係對比之下冇咩味，食落只係似一粒粒白飯🙃。整體而言，outback 既午餐一向都咁抵食🥳，一個價錢包既餐湯、沙律、餐包、主菜同埋餐飲，而且 d 野食都好高質，所以諗唔到 lunch 食咩就去 outback 啦。😄

Outback 既 lunch set 一向都好抵食。先講前菜，佢個粟米湯好 creamy 🥰，而且唔會好水，味道濃郁。佢個黑糖飽係新鮮熱騰騰咁拎出黎既，加埋佢既 cream cheese 一齊食就係最 perfect🤩。PS 因為個飽太好食，所以記住加飽呀！（係免費既）之後到主菜，個 Ribs 燒得啱啱好，唔會好乾，十份 juicy😃，仲要吸曬 d 蜜糖燒汁，所以係必點既主菜。佢既 ribs 唔係只係得骨食，仲要有好多肉，十分肥美。😋佢個意大利麵一樣咁 creamy，加上佢滑溜溜既燒雞，所以食曬係會有少少滯🤪。好彩我地三個人只係叫左兩個餐，唔係就會浪費食物🙈。

直念念不忘Outback的黑糖麥包，剛好約會地點附近有一家，馬上拉朋友進去開餐了~點了兩個午餐，包括餐湯，沙拉，黑糖麥包，主菜和飲品。以西式餐廳來說，兩個人總計$259，吃到這麼多東西實在太划算了，CP值超高!是日餐湯配沙拉（忌廉粟米湯)每顆粟米都粒粒分明，忌廉入口滑溜，又不膩。沙拉清新，份量很足。黑糖麥包重點推介!剛好新鮮出爐熱辣辣。軟綿綿的口感帶有黑糖香氣，但今天戰鬥力有點低，吃不了多一份。沾點忌廉湯吃也很夾燒雞肉芝士夾餅吃下去芝士味有點重，配上肉汁吃，口感有點紮實，但芝士蓋過了其他內餡的味道芝士白汁燒雞肉雜菜濶麵每條麵條都掛汁，不厚又有點煙韌。燒雞肉有點無味，肉質有點老，雜菜挺多的。餐牌說是辣的，我又不太覺得是辣的。

Outback 係一間我經常幫襯既西餐，我好喜歡它的黑糖包，配白牛油，真係好合襯。呢個包係可以免費添加，出面好少有。剛好係happy hour，飲品減價，我地叫左蜜桃蘋果酒沙冰、青瓜薄荷沙冰，好解暑～正！主菜有烤三文魚扒、燒紐西蘭羊扒、烤珍寶帶子。羊扒燒得好食，有羊味。特別喜歡佢既三文魚扒，7成熟，我覺得剛好。小食拼盤（雞槌、豬肋骨、芝士薯條）。睇到都流口水🤤！推介小食拼盤，中間既係佢既招牌芝士醬，芝士超濃，點任何小食都配到。

今年生日特別平靜，唔多想慶祝～～咁就係屋企附近食～～Outback 以前成日食，近幾年少左出去尖東就少左食，咁啱有就梗係揀佢啦～～～大家都知佢個黑糖包最好食～～我同老公每次都最少一人一條架香噴噴同好鬆軟～牛油又夠香滑～～而家做緊最紅優惠～～又幾抵食～唔想諗就點左個二人餐～另外加左個芝士薯條俾囝囝食～～其實有兒童餐架～～但見個二人餐都好多野食咁，就冇特別再叫俾佢餐湯：幾濃味既忌廉湯～凱薩沙律：份量唔多，但都算新鮮既～～如果再多少少就好喇～～主菜：美國頂級紐約牛扒配加拿大龍蝦尾～～龍蝦尾個味道好香，蝦味濃郁～～牛扒點左五成熟，出黎效果好好～好淋又冇過熟～～比預期中好～～Yummy~~~配菜有蘆筍、半個蒜頭、洋蔥～～個蒜頭其實好好食，食到蒜頭既甜味～～主菜：香草蕃茄海鮮意粉～～濃濃既茄醬配埋多種海鮮～～唔錯～～另加既芝士薯條：食食下覺得好咸～～如果薯條唔落鹽會好好多～～生日梗要啤啤佢～一人點左一杯Cider~~但太大杯都飲唔哂。。。

Outback Steakhouse 相信大家都唔會覺得陌生，近年佢嘅分店開到幾乎每區大型Mall都有一間！尼間係澳洲品牌嘅美式餐廳，試過幾間唔同嘅分店，出品同品質都差不多，最喜歡始終都係佢個黑糖餐包，又暖又軟，唔夠的話可以再order，絕不另收費嚟到將軍澳中心陪姨甥食晚飯，順便試下尼間今年年中先正式開業嘅分店。一行五人，叫左個信用咭優惠套餐，包括餐湯、沙律同五款小食海鮮同意粉，再配三杯飲品，真係滿足到不得了！依家為大家逐一介紹下先嚟左三杯飲品：Smoothie 、Coco berry 、Sparkling strawberry lemonade 是日餐湯精選：忌廉磨菇湯燒雞肉凱薩沙律，沙律菜爽脆新鮮！香辣炸雞腿配香脆薯條，炸雞唔算辣，芝士薯條最受歡迎！冰甜蝦，尼個係我姨甥女嘅最愛，佢竟然一個人食左五隻燒龍蝦尾配蟹腳，龍蝦肉質爽，蟹腳則味鮮香草蕃茄海鮮意粉，海鮮包括青口、蝦、魚肉、蜆肉，不過不失！燒雞肉芝士夾餅配番薯條，夾餅內雞肉唔多但芝士味濃，至於番薯條就好脆好甜基本上食物質素唔錯，可以一試！

每年生日都會搵扒房慶祝，今次搵左新開的outback 繼續用我最愛的匯豐卡優惠，炸洋蔥係另外叫因為係招牌，所以一直都想試，不過稍嫌油膩，因為人比較少食唔曬。最後，發現outback的特飲都幾出色不防一試

Outback食左over10年，估唔到會開到入來將軍澳！期待左好幾個月啦⋯⋯當然最期待的就是個任食的黑糖包啦！仍然是熱辣辣送上檯，附上小小冰凍但軟硬適中的淡口牛油，真的是心頭好！明知仲有主菜未食都忍唔住食多塊！Yummy !叫左個套餐，用HSBC卡85折。埋單連加一約$700 for 2. 餐湯cream of mushroom, ok濃郁得來唔太漿口。Caesar Salad 就一般啦，菜算脆口但份量偏小。主菜半隻龍蝦加西冷扒medium, 鐵板上。龍蝦普通冇咩好唔好，西冷算幾好，準確地medium。Service都好好，算多server而且比較有standard. 唯一嬲豬係門口帶位係咁俾d過左好多個號碼的人插隊。喜愛西餐的應該會一到再到！

將軍澳中心食肆林立， 星期六下午二時許，在芸芸的食肆中outback門外特別多人輪候， 沒有下午茶套餐，只供應午市套餐，為何還有這麼多顧客在等候？價錢相宜午市套餐價錢由＄88到＄218不等， 選擇繁多， 漢堡丶三文治丶意粉丶飯丶各式肉類均可選擇， 而每個套餐都包括沙律丶湯丶主菜和飲品，主菜份量十足，沒有因午市套餐價而減少份量，食量少的女生們可考慮二人分享－個套餐，再加甜品；如有男有女，三人同行則可考慮叫兩個套餐加杯飲品已很足夠。燒肉醬味豬肋骨伴菜薯條炸得香脆，豬肋骨烤得骨肉分離而不鞋口，能保留肉汁，同行友人略嫌醬汁不足，可能與上桌時間太久才開始享用也有關。烤美國帶子白汁燴飯用煙肉包著帶子煎得兩面金黃，帶子的鮮味與煙肉的鹹香十分配合， 伴以帶有微微胡椒辣味的燴飯來吃，帶來不同層次的美味。加拿大有骨黑毛豬扒用上真材實料的黑毛豬，落單時服務員會問要幾多成熟，考慮到同行朋友不喜歡生吃，選擇了全熟，份量十分足夠，燴飯十分飯惹味，可惜搶了豬味，由於黑毛豬以橡木餵養，不吃雜糧建議，有興趣的朋友建議不妨嘗試七成熟，肉汁可能會較佳，全熟較為乾身。在繁忙的週末下午仍提供價錢相宜又份量足的套餐，味道與招呼也

星期六朝早返完工，諗起將軍澳開左outback，就一於黎試下啦。星期六都有lunch set，選擇都幾多。叫左一個ribs，一個angus ribeye，跟餐有黑糖麵包，沙律同湯。黑糖麵包外脆內軟，超好味，個湯係蘑菇忌廉湯主菜黎喇個ribs有大約七條骨嘅份量，一切就離骨，非常嫩滑，起哂骨再啖啖肉咁食十分滿足，以128再加一呢個價錢黎講，係好抵食個ribeye上枱嗰陣冇影到相，呢碟係切完嘅，我地叫左medium，黎到啱啱好，伴碟嘅薯條都好好食呢餐除左等位等得耐少少，其他野都十分滿意呀

將軍澳新開outback。即日打去book唔到枱。可能岩岩新開。5點幾去walk in都要等15分鐘。相比其他分店呢間個場唔算大。被安排坐喺一個角落。好困聲好嘈。😖侍應好明顯都係好新。不過服務唔錯。由於咁早食所以都唔係好餓。散叫左蟹餅沙律同拼盤。蟹餅沙律個蟹餅好足料。值得一讚。食到好重蟹味同一絲絲蟹肉。沙律菜都新鮮。可惜個dressing冇咩味。拼盤有芝士薯條。炸雞鎚x6。ribs x6。第一次上黎食物唔夠熱。似係放左一段時間。同侍應講即時幫忙換左碟。明顯換左之後熱勁多。芝士薯條雖然啲薯條係翻整。不過依然好味。雞鎚炸到有啲黑。味道過咸。ribs有足夠bbq醬包圍住。肉質有啲乾不過夠惹味。碟上蕃茄仔有驚喜。seasoning過酸酸地好開胃。拼盤menu寫係3人份量。最後2個人食唔哂要拎走。